يا معيدات ممكن تفيدوني ؟انا جدا محتارة ...

[بنتي حبي]

السلام عليكم ورحمة الله وبركاته ...
ابغى اسأل عن وظيفة معيدة ...انا سبق وقدمت معيدة في جامعة الملك عبدالعزيز بجدة ...المهم انو كان لازم ادرس مقال وانا صراحة درجاتي نازلة في المقال انا اعرف شروط كتابة المقال وانواع المقال لكن ...احس اني ما اعرف اعبر ماتطلع معي الكلمات ممكن اكتب مقال بس لازم افكر في البيت كثير واجلس اقرا عن موضوع بعدين اكتب ...لكن اكتب عن موضوع في وقت معين ...اكتب بس مو مرة شاطرة اتبع شروط كتابة المقال وتحت كل براقراف احط 3 او اربع جمل ...وعلامات الترقيم احس اني لازم احطها قدامي ...سؤال للمعيدين والمعيدات هل انتم حافظين كل شي وعارفين كل مايتعلق باللي تدرسونه ...والا كل مابغيتم معلومة تبحثون عنها ...انا انقبلت معيده وقالوا جيبي اوراقك وشهادة توفل ...انا ماكان عندي شهادة توفل وكمان انا احس اني اخاف اظلم البنات في تصحيح المقال لان التصحيح يعتمد على وجهة نظري ...انا احب اللغويات ونفسي على طول ادرس لغويات .. انا الحين مقدمة ماجستير هل اذا خلصت ماستر وقدمت على وظيفة محاضرة ممكن انو ما ادرس مقال ؟؟؟؟


وكمان سؤال كيف تقدرين تقعدين مع زوجك وعيالك ...احس يبغاله تفرغ ؟؟؟بليز انا نفسي اصير معيده بس متخوفة اخاف اني انشغل مرررة عن زوجي وعيالي ...يمديك تخلصين شغلك كله في الدوام ؟واذا رجعتي البيت كم وقت تاخذين وقت تخلصيه ؟وتقدرين تقعدين مع زوجك وعيالك ؟؟؟؟بليز ردوا مني ؟؟؟انا شاطرة واهلي وزوجي يبغوني اصير معيده بس انا متخوفة ...ولازم نكوني حافظةكل شي من نظريات وقواعد وكل شي قبل ماتصيرين معيده ...والا اذا صرتي معيده يمديك تراجعينها ؟؟؟

وكم كتاب لازم تقراين ؟؟؟كم كتاب تقراون ؟وكم كتاب المفروض اقرا ؟
وسؤال تقراوون المقالات اللي في الجريدة او اي مقال ...انا ما احب القراءة الا اذا اضطريت زي الدراسة او قراءة عن الاطفال او النفسية ...

وبشكل عام كيف الوظيفة اصعب من وظيفة معلمة ؟؟؟او المعلمة اسهل ؟
طيب اللي تدرس اكثر من مادة ؟كيف ؟


وجزاكم الله خيييييير ...

[The Consellor]

والله ياقلبي انا مثلك مقدمة على اعاده ومابعد اعلنوا المقبولات
وخايفة يقبلوني لان اللي اعرفه ان الاعاده كرف وأنا نفسي ابدا من التعليم العام واتدرج الى الجامعه
وأخاف ابدأ بالجامعة وأمِل منها احسها وجع راس مو مثل التعليم العام متعه ووناسه
وبعدين اش قصة التوفل أنا اختبرت قدرات جامعيين أعتقد يغني عن التوفل صح؟؟
ولا لازم توفل بعد؟؟
لانهم طلبوا مني قدرات الجامعيين عند التقديم..
عموماً الله يوفقنا وياك ياقلبي
انا طموحه مثلك ومستواي عالي بس مثل ماقلتلك ودي ابدا بالتعليم العام احسن
تمنيت اقدر افيدك بس للاسف مثل حالتك ابغى ناس تفيدني

[بنتي حبي]

انتي اخذتي اختبار ستيب ؟كفايات اللغة الانجليزية اللي هو بديل التوفل ؟

[The Consellor]

انا ما اخذته
اللي سمعته ان هذا شرط للماستر مو الاعاده (اقصد اختبار كفايات اللغه او التوفل

[بنتي حبي]

اها بالتوفيق ...

[Amanda]

هذا كله راجع لك
عمل المعلمة عمل روتيني وممل حصص وطالبات وفصول
المعيدة عملها راقي وفيه تجديد

لكن يبقى هو الاصعب

وبالتوفيق

[محلل احصائي]

بالتوفيق...........