ساااااااااااااااااااعدوني الله يساعدكم..

[سديم.]

السلام عليكم
تكفون وش اسوي بكره عندي درس العمله السعودي مادري وش اسوي بالمقدمه وبتحضر لي موجهه وانا اول مره ادرس ساااعدوني الله يساعدكم
مثلا كيف ابدا بالدرس ابي مقدمه عن المال؟ وكيف تكون الاسئله لان الدرس ريدنق وكيف تكون الفكره
ياااااااااااااارب عووووووووووونك

[فـيصـل]

الله يوفق الجميع ..

قبل ما ندخل في الشرح .. حاب اقول شيء للجميع واتمنى بأن يعيه الكل ..المشرف المدير المسؤول ...الخ هم لديهم مسؤوليات متعدده وأنت كعلم لك مسؤوليات ايضا.. فلا تجعل حضور احدهم خللا في احد من مسؤولياتك ..

البعض يخاف خوف غير مبرر من الموجـــــ/ه بسبب او بدون سبب ..

السؤال لماذا الخوف ..؟؟؟؟؟؟؟؟؟؟؟؟؟؟
انا لست مطالب في مهنتي بأن أرضيه ....انا مطالب بأن ارضي الله عزوجل ..واقدم ما استطيع تقديمه ..ولو صادفك مشرف سيء فلا يعني هذا
الاستسلام والشعور بالنقص .. كن كما أنت ..فيه مشرف او فيه وزير ... اجعل نظرتك أسمى وأعلى .. ولا تربطها برأي شخص..



بخصوص الدرس .. اي درس فعلا اهم شيء فيه المقدمه وفيه كذا طريقه للمقدمه على حسب الفصل والطلاب ...



فيه في ال YouTube عدة مقاطع عن شرح كيف تبدأ درسك ..


انا أشوف لو بديت الكلام عن الحياة واننا نتعب وكل شخص يحاول يسوي اللي يقدر من أجل ماذا ..
من اجل يوفر لقمة العيش له ولمن يعول ..

والكل يبحث بحسب ما خلق له عن رزقه ..


ويكون بأسلوب جميل وتحاول تخاطب نظراتهم وانت تشرح المقدمه ..ولا تسرد الكلام سرد ...حاول تتوقف عند الكلمات المهمه ..


الله يوفق الجميع..

[شوق بنت محمد]

^ كلام سليم :)

حبيبتي هدي نفسكك و كوني واثقة من نفسك قبل كل شي \
الربكة تضيع كل مجهودك
بالنسبة ليا
طبعت لهم صور للعملات القديمة
خصوصا الايصال الي كانو يستخدمونو زمان
وجلسنا نتكلم عن العملات زمان كيف كانت و الايصالات و الريال انو كان يسوى زي الف دحين
وقصص عن اجدادنا كانو يشترون الارض المتر بربع ريال و تحممممسو البنات مممرا
الحمد لله
بعدين استنتجوا ان عنوان الدرس هو عملات السعودية
طلبت منهم يفتحو الكتاب
ويقرأون قراءة صامتة لمدة دقيقتين و يحطون لاين تحت الكلمات الجديدةن او الي مافهموها
بعدها قرئتها لهم
و صرت اقوم الطالبات يقرأون مجموعة مجموعة
وأطلب من زمبلاتهم انهم يشرحوا بالعربي ايش فهمو من كل برجراف
طبعا الكلمات الجديدة كتبتها على البورد
و بعدين الاسئلة الي اسفل القطعة
يجاوبون ىعليها و الجوائز ميداليات بالعملات السعودية وانتهى :)

[عزووزي]

بالتوفيق ان شاء الله
فعلا زي ماقالوا اللي قبلي,,
أنا جبتلهم عملات وصورة الفلوس القديمه ووضحت لهم ان الفلوس زمان كانت قيمتها مو مثل اليوم كانت العشره عندهم عن ميه وكتبت لهم أسئله عامه على السبوره وحددت لهم أسطر الإجابات وهم يطلعوا الإجابه ويكتبوها على السبوره ووزعت عليهم أوراق عمل يطلعوا إجاباتها من القطعه ,, ولازم تحدديلهم الكلمات الجديده أو الصعبه
انتبهي أختي غالبا المشرفات مايحبوا ان المتدربه تتكلم بالعربي,,الله يعينك ويوفقك ان شاء الله.