طالبات الميداني ،،وش اسوي معهم؟؟؟؟

[sponge bob]

السلام عليكم ورحمةالله وبركاته ،،
اليوم حضروا عندي طالبات تربية ميدانية وبكون انا المشرفة عليهم ،،بالله ساعدوني وش المطلوب منهم ووش الاعمال الي مفروض يسوونها وهل احاسبهم ع اشياء اساسية لكن انا ما اطبقا بشرحي ،،الله يجزاااكم خيير ،،

[pink-pearl]

لا تحاسبينهم بشئ انتي اصلا ماتطبقينه هذي فيها ذمه ترى..........
والله يسهل

[Retosh]

المطلوب منك اعدادهم ليكونوا افضل يعني وضحي لهم الاساليب المختلفة في الشرح كيف يسووا كنترول ع البنات و ع وقت الحصة

[am25]

بسم الله الرحمن الرحيم

يفترض أن الكلية تعطيك بطاقة التقويم الخاصة بهم

في البداية تسوين لهم الإجتماع الأول عن طريقة التحضير، وسائل التدريس، طرق تدريس مادة اللغة الإنجليزية . . . (طبعاً بشكل مختصر لأنهم دارسينها)، وتوزيع درجات المادة وكشوف رصد الدرجات لكافة الصفوف

ويفضل تشرحين لهم بطاقات الحضور اللي راح تستخدمونها، وعناصر التقويم الخاص بهم عشان يعرفون إيش مطلوب منهم بالضبط

ثم يحضرون لكِ ولزميلاتك حصص،

أول شي: إجتماع قبلي مع المعلمة اللي راح تشرح الدرس وتعطيهم نبذة عن الدرس

ثانياً: يحضرون الدرس وتعطينهم بطاقة حضور يعبونها عند الحضور (Observation Sheet)،

ثالثاً: بعد الحضور تسوين لهم ورشة عمل عن الدرس وتناقشون ماكتبو في بطاقات الحضور

ثم يبدؤون هم بتحضير دروس وشرحها، ويحضرون لبعض بنفس الطريقة السابقة (إجتماع قبل الحضور، حضور الدرس، إجتماع بعد الحضور)

ثم تحضرين لكل واحدة منهم حضور مبدئي، وتجتمعين معها بعد الدرس وتعطينها ملاحظاتك (طبعاً تستخدمين بطاقة الحضور)

ويمكن أن تحضرين أكثر من مرة لكل واحدة، وهناك حضور تقييم لهم

هذا في حالة إنك أنتي اللي راح تقيمينهم

أما إذا كانت مشرفة الكلية هي اللي راح تقيمهم فيكتفى لك بحضور واحد لكل واحدة مع إعطاء التوجيهات في الإجتماع الأول

فيه نقطة مهمة جداً عند شرح طالبات الكلية للطالبات وهي الإهتمام بتدوين مشاركة الطالبات ومستواهن والتنبيه على طالبات الكلية بذلك

أما غير ذلك فأنتي وزميلاتك في المدرسة تمثلون الخبرة والدعم للطالبات، تزودونهم بما يحتاجون، وتجيبون على إستفساراتهم

تحياتي

[sponge bob]

الله يجزاكم خير ،،am25كفيتي ووفيتي ،،وفاتت علي اشياء ماسويتها ،،لكن الله يثيبك ،،

[انا للتدريب]

الله يوفقنا جميعا

[ثمرة وفا]

بصراحه اشكر الاخت am25 كان تساؤلك جدا رائع وانا كثير استفدت منه لان انا طالبه وراح اطلع ميداني يوم 7/4 وكنت متخوفه من اول مقابله لان نهائيا ما كان عندي فكره
وأشكر كل اللي ردو بصدق واخلاص http://img216.imageshack.us/img216/8275/goodtopicnw7.gif