مطلوب طريقة تصحيح مريحة

[أم التوت]

أهلين وسهلين بالحبايب من زمان ما طليت بس اعذروني كنت مشغولة .
فضلا لا أمرا .. اللي عنده طريقة حلوه في التصحيح و مريحة نوعا ما يدلي بدلوه هنا الله لا يهينه ...اختكم بينزل لها اختبارين السبت وما لها خلق هاليومين من جد.

[سعودي انجلش]

افضل طريقة واسهلها انك تصححي الورقة الاولى للطلاب مرة واحده
وبعد ذلك الورقة الثانية

ثم بعد ذلك الجمع
وبعد ذلك الرصد
استخدم هذه الطريقة واصحح وأخلص في نفس اليوم وعدد الطلاب 50 طالب ولكل طالب ثلاث صفحات

هذه طريقتي والله يوفق الجميع

[English Lover]

اغلب مايسهل التصحيح طريقة الاسئلة

مثل سوال الاختيارات اذا كانت اول ثلاث فقرات الصح بالكلمة الاولى والفقرتين الاخرى بالكلمة الوسطى او الاخيرة يصير على طول من نظرة وحده تعرفين كم درجه حصل عليها الطالب او الطالبة

بس يمكن ماعاد ينفع اختي ام التوت اذا ماانتبهتي لهالطريقه لانك قد وضعتي الاسئلة وخلاص

وطريقة ابو يارا جدا جميلة لانها تخلي المصحح يركز في اسئلة الصفحه اللى يصححها ومع ورقتين او ثلاث يكون قد حفظ الاجابات بسرعه وينطلق بالتصحيح

[عبادي]

المفروض تجهزي للتصحيح وقت وضع الاسئلة
لكن طالما وضعت الاسئلة افضل تصحيح ورقة ورقة

عندنا جهاز في المدرسة زايد للتصحيح الالي ومش محتاجينة حاولي تقنعي المديرة السنة الجاية تشتريه وترتاحيانتي وكل زميلاتك بالمدرسة لا تصحيح ولا شي
الجهاز اتصحح فيه اختبار ترم واحد "جميع المواد طبعا"

[Prime Rose]

ياسلام!!



اللي اعرفه ان به تعميم يمنع أن تنفرد أي معلمه بتصحيح أي ورقة !!



وعلى كذا ..طريقة التصحيح محسومة..


نجلس كلنا بمكان ونفرش اوراق طالبات صف معين.. وكل معلمه تختار سؤال وتصححه بكل الأوراق!!




ياليتني مثلكم.. كنت الترم هذا مرتاحه من التصحيح..وكنت بأحس بطعم لتدريس ثالث ثانوي!

[أم التوت]

سعودي انجلش
English Lover
عبادي
جزاكم الله خير على أفكاركم واقتراحاتكم.الله لا يحرمنامن أحلى مستشار.
أختي برايم أنا طريقتي أقسم الأسئلة بيني أنا وزميلتي وبعدين أراجع تصحيحها وتراجع هي تصحيحي.(وحده خايفه)ونخلص بس كنت ابغى أغير يمكن تنفتح نفسي شوي للتصحيح. خلاص سامحتيني!؟

[Prime Rose]

خلاص سامحتيني!؟


:D


:D


شكلي معصبه؟؟



طريقة التصحيح اللي نتبعها بمدرستي تقهرني بقوة.. فحبيت اتأكد منكم..إذا فعلاً مافيه اشكالية لو كل وحده تصحح موادها ..كان وناسه..واتفقت مع زميلاتي..وريحت نفسي!




شكراً لك ام التوت لرحابة صدرك..



وووبس