معلمة جديدة ودااااااجه ادخلو تكفون

[فيولاا]

السلام عليكم
انا معلمة جديدة وابي اعرف عن
التحضير لازم اكتبه ولا عادي اجيب جاهز ومن وين جاهز احصله؟
سجل الدرجات والمتابعه للمتوسط والثانوي كيف اوزعها؟
ووش الفرق بين ورقة عمل وواجب يعني عادي الغي دفتر النشاط واخلي الواجب اوراق عمل؟
ووشو ملف الانجاز؟
عسى اللي يجاوب يوفقه ربي ويسعده ويحقق له كل مايبي ياااااااااارب:smile (97):

[Alsqour.w]

وعليكم السلام ورحمة الله وبركاته
مبروك ع التعيين والله يوفقك ويسهل دربك
بالنسبه للتحضير ترجع للمشرفه والمدير احتمال يشترطو عليك يدوي بما انو اول سنه
ولو انا مكانك محد يجبرني ع شي لنو الوزاره كلها ظايعه لا تعاميم نقدر نحصل عليها
ولا حقوق لنا او علينا نعتمد عليها..
بالنسبه لسجل الدرجات بالشكل اللي ترتاحين له وزعي وحطيت لك في المرفقات سجل استخدمه انا
اما الدفتر انا ناوي الغيه السنه ذي ان شاء الله لنو اصبح ماعاد له داعي
ويستبدل بملفات الانجاز
بمعنى كل طالب له ملف خاص فيه للمادة
يحتوي الملف على
اول صفحه بيناته واسطر كثيرره فاضيه هذي للتواصل بيني وولي امر الطالب
الحمد لله العام لقيتهم متجاوبين معاي
بعدين اوراق العمل لكل وحده تقريبا اربع او خمس اوراق لكل وحده
الاختبارات القصيره( الكوزات) ولكل وحده اختبار
واي عمل نقوم به نحفظه في الملف مثلا
مسابقات
واجبات
بحوث اي شي
ونا برضو عندي ملف خاص فيني
جميع اوراق العمل والاختبارات حقت الطلاب بس نسخ ملونه وعلى ورق مقوى
طبعا اول السنه اسلمهم ملفات فاضيه وبدايه كل اسبوع اديهم ورقه او ثنتين ع حسب الدروس
هي متعبه في البدايه بس عمليه
تنحفط في الجهاز ونستخدمها السنوات الجايه
نصيحه / وحدي الوان الملفات ( كل فصل لون موحد)
وراح تعرفين ليش عند التصحيح!!
السجل بالمرفقات
مع التحيه

[فـيصـل]

بارك الله فيك

وفيه نصائحك لها

[mrmohamed79]

للتحاضير وعمل اوراق العمل والتراجم المختلفة ابو عمر 0582705616

[مدموزيلا]

:smile (101):موفقه

[أوراق الماضي2]

شكرا حتى انا استفدت معلمه جديده

[فيولاا]

Alsqour.w
جزاك الله خيررررر وربي كنت ضايعه بس فهمت كل شي منك
الله يوفقك ويحقق لك ماتبي ويرزقك من حيث لاتحتسب
مشكورين جميعاااااااااااا

[فيولاا]

بس للاسف حطوني ابتدائي ولا اعرف طريقة التقويم حقهم هذا
الله يعين

[snowdew]

بس للاسف حطوني ابتدائي ولا اعرف طريقة التقويم حقهم هذا
الله يعين

مبارك التعيين
بالنسبه للابتدائي لكل مهارة تحتاج ورقة عمل يحلونها البنات ماعدا بعض المهارات الشفويه او اللي تعتمد علئ القراءة والتحدث
هذي انتي تقيمينها بدون اوراق عمل وادخلي قسم الابتدائي وتلاقين كل المهارات لها اوراق عمل او اذا انتي بتجتهدي من عملك

دعواتك :smile (101):

[@نوف@]

يعطيك العافية مره استفدت منه