احتاج بروجكتر بهذي المواصفات بليز ساعدوني

[sweeet]

:smile (97):

صار لي فترة ابحث عن بروجكتر بمواصفات معينه ومنها :
انه فيه عدة مداخل مثل usb,hdmi,vga,sd card يعني ما احتاج اعرض ملفات الاوفيس والبوربوينت والفيديو عن طريق اللاب توب
يكفي اني اشبك الفلاش ميموري مثلا واعرض منه مباشره بالاضافه اني ابغاه من النوع HD,LED يعني تشتغل بدقة واضحة لان الفصول مو معتمة كثير
سمعت ان ال جي وايسر عندهم مثل هالبروجكترات بس مادري اذا متوفرة بالسوق ولقيت نوع يباع عن طريق الانترنت بس مادري هل الاضاءة والدقه وعمر اللمبات وكذا مافهم بالاشياء هذي
واللي سمع عن بروجكترات ادايو Adayo ديلوكس وادايو سمارتي ايش رايكم فيهم

يليز اللي عنده فكره عن بروجكتر قريب من المواصفات الي ابغاه يكتب ويساعدني:smile (87)

[Nora111]

مرحبا اختي
انا كنت مثلك ابحث عن بروجكتر يوفرعلي جهد حمل الابتوب ولاياخذ حيز عند حمله والتنقل بين الفصول
وجدت جهاز ريحني كثييييييييير رائع بكل ماتعنيه الكلمه وعن تجربة لمدة اسبوع لم اجد فيه أي عيب
بروجيكتر ادايو ديلوكس 2
الحمدلله الجهاز خدمني كثير واصبح رفيقي في كل حصة.........................

[راحــ بال ــة]

اللي عندي بروجكتر من ال جي اشبك الفلاش ميموري عليه والحين اشبكه مع الايباد بوصلة خاصة له
وارتحت كثير من شيلة اللاب توب وحوسته

بتلقينه بجرير وفيه منه انواع واحجام

[نورالنار]

موضوع حلو
ونقاش جميل
ممكن نعرف اسعار الاجهزه هذي

[علاء]

الله يعطيكم العافية ...
انا ايضا محتاج جهاز ..واستفدت من نقاشكم وجاري البحث عن النوعيات المذكورة ..
و الله يجزاكم خير

[sweeet]

اختي ديلوكس 2 روووعه مواصفاته لكن سعره غالي شوي 3200 اعتقد
واللي خوفني طريقة الشراء اول شي تحويل المبلغ وبعدين ترسلين رساله لكن كيف اضمن حقي لو ماوصلني البروجكتر
انتي اشتريتيه من موقعهم بالانترنت ؟؟؟

[sweeet]

راحة بال
كم سعره ال جي وهل يشتغل بغغرفه شبه مضيئه؟؟
وجربتي تشغلين عليه ملفات بوربوينت وفيديو وكذا مثلا
شاكرة لك سعة صدرك

[روعه]

اختي عدي بروجكتر صغير من ال جي بحجم الجلكسي تاب
ممتاز جديد لان مدرستي الجديدة فيها في الفصول وانا محتاجة لاب توب اذا تبينه تواصلي معي

[روعه]

وهذا ايميلي !!!!!!!!!!!!!!!!!!!!!!!!!!!!

[Nora111]

بروجيكتر ديلوكس ٢ غالي ولكن سعره فيه
اشتريته من مكتبهم مباشره الي في الرياض والشركة مضمونه
مواصفاته كثيرة وارجعو للموقع وشوفو المميزات
http://www.cs.sa/projector_adayo_comparison.html
شركة النظم المترابطة لتقنية المعلومات

[أمواج بلا شواطئ]

حتى انا ابي اشتري بروجكتر ...
لقيت في شركه اسمها المتاجر واحد بحجم الكف سعره تقريبا الفين ريال عليه خصم بس ماني عارفه ايش الكويس..
كمن لازم اشبكه باللاب توب ..يعني في شي بدون لاب توب...بصراحه تعب من فصل لفصل اشيل اللاب وجهاز كبير ...تكفون علموني ماني عارفه بالاجهزه شي

[sweeet]

ايوه اختي امواج بلا شاطيء فيه بروجكترات حديثه ماتحتاج تشبكينها على لابتوب
اما عن طريق فلاش ميموري او تشبكينه بالجوال او الايبباد وفيه انواع تشتغل بالغرف الي في نص ونص اضاءة

[sweeet]

اختي روعه
ماكتبتي ايش نوع جهازك الا ال جي اسمه او اي معلومة عنه وهل هو نفس المواصفات اللي انا ذكرتها

[أمواج بلا شواطئ]

مشكورة حبيبتي ع التوضيح ان شاء الله بشتريه هالشهر وكويس ماتحتاج لاب توب بصراحه انكسر ظهري من كثر ما انقل اغراضي من صف لصف

[hamsalbo7]

بروجكتر ادايو ديلوكس2 Full-HD

احد له تجربه مع الجهاز
وينفع في الفصول الكبيره مع وجود الاضاءه

[sweeet]

ايوه الاخت nora111 جربته وكتبت عنه هنا بالموضوع وتمدح فيه
وفيه رابط عن مميزات الجهازز ارجعي فوق
الله يوفق الجميع

[optimistic]

سبحان الله و الله توني بسأل عن بروجكتر ادايو ديلوكس 2 لأني شفته في اليوتيوب و اعجبني مرة خصوصا انه يعرض من الفلاش مباشرة بدون الحاجة للاب توب و غير كذا ممكن يعرض من الايباد و من الجالكسي تو و ثري و غيرهم....
و الخاصية اللي اعجبتني فيه انه ممكن تشترين بطارية و تشحنينها و يصير يشتغل دون الحاجة لشبكه في الكهرباء!!مرة اعجبتني لأن بعض الفصول كهربها سئ...
مو لازم تشترونه من الموقع روحوا لمحلهم في الرياض و شوفوه بأنفسكم هذا اللي قاله لنا الشخص اللي حاط رقمه تحت مقطع اليوتيوب ...
بس بصراحة سعره غالي و لو ان حجمه و اللومينيز مرة حلو(اللومينيز كل ما كان عالي كل ما تمكننا من العرض في فصول غير معتمة....
أختي راحة بال وش اسم جهازك و كم اللومينيز؟

[sweeet]

راحة بال
ممكن تجاوبين على اساالتنا لان جرير هي اقرب واضمن مكان
وال جي شركة معروفه
ابغا اروح اليوم اشتري لكن نبغى نصايحك و اسم جهازك

[sweeet]

رحت جرير ولقيت بروجكتر واحد فقط فيه المواصفات يعني يشتغل على الفلاش ميموري وحجمة صغير بحجم الكف ماركة ال جي لكن للاسف اللومينيز 500 يعني مايشتغل لا في مكان معتم جدا
اللي عندهم خبرة بالليمونيز هل500 تعتبرضعيف اضائته يعني ماينفع يشتغل في بيئة نص ونص مضيء

[ميمو 234]

عندي بروجكتور كفي صغير ومعه ستاند حامل وهو بمواصفات راااائعة من ماركة merlin
استخدمه مع طالباتي وهو بدون اسلاك أشحنه واخذه الفصل
ودقة وضوح الصورة عالي جداً

تقدرين تطلبينه من الموقع الرسمي
www.merlin.com
وهو مربع ابيض فيه منه نوعين واحد ب 1400 تقريبا
والثاني 2033 ريال تقريبا وهذا هو الأفضل

[ميمو 234]

يخدم الفلاش ميموري ويمكن توصيله بالجوال بعد .. بس وصلة الجوال تشترينها لحالها من أي محل

[ميمو 234]

يوجد لهم محل في احد مجمعات دبي .. ابحثوا في قوقل

[همسات النسيم]

صاحبتي اشترت ال جي من جرير
بس تقول مايعرض أكثر من 25 شريحة..

وسألت ع ادايو 2
مشكلته الحركات في البوربوينت ماتظهر لك
لإن نظام التشغيل فيه غير عن نظام الويندوز

[sweeet]

الله يجزاكم خير ماقصرتوا على المعلومات كافيه ووافيه

[همسات النسيم]

بلغينا ايش قررتي تشتري!!

[راحــ بال ــة]

هلا وغلا عذرا تو ادخل الموضوع
بالنسبة لوضوح / البروجكتر واضح سواء كان بغرفة مظلمه او نص اضاءة
وعن سعره والله ما اذكر بالضبط لان من قبل اربع سنوات شريته
حاليا استخدمه مع الايباد بوصلة ويشتغل احسن شي

[sweeet]

والله تعبت وانا ابحث واذا لقيت المواصفات كلها موجودة لازم يكون فيه شي يخرب علي مثلا ال جي طلع مايشتغل الا في بيئة معتمه
او بروجكتر يكوونن كل شي تمام لكن ماتشتغل ملفات البور بوينت من الفلاش الا بلابتوب اخر شي قررت اشتري من ادايو لان هو فيه كل المواصفات لكن مادري اذا البوروبينت يشتغل بالحركات او لا التجربة خير برهان طبعا البروجكتر الي حاخذه ادايو سمارتي ارخص من ادايو ديلوكس 2 ولما يوصل واجربه ان شاء الله ااوافيكم بالاخبار

[الرفشي]

بالتوفيييييييييييييييييق

[الرفشي]

:smile (83)::smile (83)::smile (83)::smile (83):

[همسات النسيم]

الله يوفقك
لكن بالله لاتنسي تخبرينا تجربتك..

[dana.dana]

بالتوفيق......

[optimistic]

تكفين بلغينا بتجربتك كنت متفقه مع أخوي يروح يشتري لي ادايو ديلوكس 2 بس تراجعت لما عرفت ان حركات البوربوينت ما تشتغل فيه

[optimistic]

بنات سألت مندوبة ادايو قالت اذا بتعرضين من اللاب توب طبعا تطلع حركات البوربوينت لكن اذا بتعرضين من الفلاش او الهارددسك او الذاكرة لا ما تطلع الحركات ...حلو يعني اشتري لابتوب صغير أو فيه برنامج للآيباد اسمه اتوقع شارك يقبل عروض البوربوينت

[همسات النسيم]

طيب بالله اللي يشتريه يكتبلنا انطباعه عنه..

[خيبر]

السلام عليكم
اختي نورة
واضح من مقاطع الفيديو ان البروجكتر بنظام الاندرويد
لكن هل في البروجكتر google play
اذا كان كذلك يوجد تطبيقات في الماركت تدعم البوربينت و المؤثرات االصوتيه مثل برنامج softmaker presentations و هذا البرنامج سعره 8 دولار لكن يؤدي الغرض.

[خيبر]

اتصلت على الوكيل
و قال لي البروجكتر مبني على نظامين النظام الاول نظام ادايو و النظام الثاني نظام الاندرويد اصدار الرابع
و يوجد فيه google play يعني تقدر تنزل أي برنامج تريده.

[همسات النسيم]

جزاك الله خير..
إذا كذا أقدر أشغل البوربوينت من الجوال

[خيبر]

جزاك الله خير..
إذا كذا أقدر أشغل البوربوينت من الجوال

أي اذا كان جوالك ايفون موجودة برامج تعرض البوربينت في الجوال( بس انا ما جربتها)
و الاندرويد فيه كذلك برامج مثل presentation soft maker

[همسات النسيم]

جزاك الله خير..

بس قرأت ان هذي البرامج ماتعرض البوربوينت مثل الكمبيوترات!!

[خيبر]

أي صحيح هي ما تعرض الاصوات الخارجية لكن تعرض المؤثرات الصوتية التي من اصل البوربينت مثل صوت انطلاق السهم و الجرس.........الخ

[همسات النسيم]

يعني البرامج هذي تساعد في الصوت فقط؟

أنا يهمني الحركات أنها تظهر..

يعني مثلا لو عندي ف العرض حل تمرين
ابغى التمرين يكون موجود ع الشاشة
وبعدين أثناء الحل مع الطالبات تظهر الاجابات بالتدريج لما أنا أنقر عليها..

هل البرامج تساعد ف هذي النقطة؟؟
وهل أدايو ديلوكس ينفع؟؟

[همسات النسيم]

وياليت اللي أشتروه يوافونا بانطباعهم..