افيدوووني

[~hanan~]

السلام عليكم ورحمة الله


انا ادرس الصفوف الأولية طبعا واشرحلهم الحروف والارقام و ابيكم تقولون كيف اقسم الحصة ووكيف اضبطهم خصوصا انهم كثيرين الحركة و ابي افكار للشرح..




ومشكوورين

[بحر الأماان]

وعليكم السلام ورحمة الله وبركاته
عزيزتي الصفوف الأولية تقدري تضبطيهم وتحتويهم بالتشجيع والثناء والابتسامة وابتعدي عن الصراخ والتهديد والتوبيخ ..
فيه افكار لمعلمة ابتدائي قابلتها اليوم إنسانه مبدعه ما شاء الله عليها ..
تجيبين عروسه كبيرة وتلبسيها قماش ألوانه ملفته للنظر
تلصقين بها هدايا تكون بأكياس مخفية مايشوفونها للتشويق < وتكون للطالبات المميزات اللي شاركوا معك كثير ..
وتوقفيها على فلين ممكن تلونينه أو تغلفيه وتحطين بها حلاوة مصاص .. < ممكن تعطينها تحفيز للي مشاركاتهم قليلة ..
ودائماً خلي كرسي مميز بالفصل غلفيه بشكل مميز وفخم وسميه " كرسي الأميرة "
وقولي لهم ما تجلس عليه إلا الطالبة الممتازة , الهادئة , اللي تشارك معي ..
وكل يوم اختاري أميرة تجلس عليه وممكن تجيبين تاج تلبسه أثناء الحصة أو إنتي تعمليه يدوياً ..
وممكن تعملين لوحة للطالبات الممتازات والمميزات .. إلخ
وتلصقين اسماءهم بشكل جذاب وبجانبه نجمه .. وكل يوم إذا شاركوا تحطين نجمة وحده ..
حاولي تشغليهم بالدرس وبالوسائل المنوعه الملونه وبالهدايا وأفلام كرتونيه تعليمية هادفة وأناشيد أطفال وهم ينظبطوا لك تلقائي ..
.
أما تقسيم الحصة فعندك بالتحضير كل فقرة تشرحينها بالدرس له وقت محدد
بدايةً تسميع كلمات الدرس السابق وكتابتها وحل الواجب
وبعده الدخول بالدرس وشرحه بالوسائل المتاحه لك
وفي النهاية التقويم يكون إما على ورق أو على السبورة ..
.
واطلعي أكثر على المنتديات التعليمية الخاصة بالمرحلة اللي انتي تدرسينها وراح تلاقي أفكار ابداعية أكثر ..
هنا
مادة اللغة الانجليزية من الصف الأول الى الصف الخامس

http://www.saudienglish.net/vb/forumdisplay.php?f=138

مناهج الصف الرابع الابتدائي المطوره

http://www.saudienglish.net/vb/forumdisplay.php?f=171

مناهج الصف الخامس المطوره

http://www.saudienglish.net/vb/forumdisplay.php?f=220

مناهج الصف السادس الابتدائي المطورة

http://www.saudienglish.net/vb/forumdisplay.php?f=178

بالتوفيق لك عزيزتي .

[~hanan~]

جزاااااك الله خير م قصرتي