Help me [الأرشيف] - سعودي انجلش

Alsqour.w

13-06-2014, 06:57 PM

وعليكم السلام ورحمة الله وبركاته

اختاري درس معين
حضري درسك على البور بوينت واذا ماحضرتي درسك على البوربوينت من الحين بأقولك مابينظرو فيك حتى لو كان شرحك وآآآو

لابيعلقو ولاشي بيشوفو ايش النهاية !

يعني لازم شرحك يكون بالعرض حتى لو كان نظري لازم تحليه بشوية صور حلوة لتسهيل المعلومة

- لما تدخلي الفصل ادخلو انتي ساكته واوقفي وقفه فيها شموخ وثقة بنفسك
- القي السلام وعرفيهم بنفسك اسمك ولقبك
وعلميهم انتي ايش تدرسي
حاولي تكون مبتسمه واني تعرفي بنفسك وقولي لهم
( بعد الحصة بأذن الله حابه اتعرف على اسمائكم )

اكتبي على السبورة :

اليوم والتاريخ والمادة في يسار السبورة الاعلى

والموضوع في وسط السبورة
ولازم يكون خطك واضح وكبير

حاولي تجيبي قصة لها دخل بموضوع درسك اذا مافي حاولى تجي لهم لعبة حذف الحروف علشان يطلعو موضوع الدرس اوتراجعي معاهم الدرس السابق
بعدين ادخلي بالدرس وحاولي انهم هم يستنجو موضوع الدرس من خلال قصة _ صورة
واعطيهم فرصة خلي اكثر من طالبة تجاوب ولاتستعجلي عليهم

اذا استنجو موضوع الدرس

(( اكتبيه على السبورة على طول ولاتنسي ))

وابدأي اشرحي كل نقطة وبعد ماتشرحي كل نقطة اسئليهم في الي شرحتيه والي تجاوب خطأ قوليها للأسف اجابتك خاطئة والي صح لاتقصري معاها في المدح والثناء < ضروري جدا التعزيز
وزعي نظرك على كل الطالبات وخصوصا الي ورآ حاولي تخلي كل الطالبات يشاركو معاك
حتى الي ماترفع يدها قوميها انتي لاتهمليها

اي وحده تشوفيها منشغله عن الدرس حاولي تمشي اثناء ماتشرحي ووصلي عندها وقوليلها يالله ياحلوه حنآ في ايش كنا نتكلم !

شفتي ثنتين يتكلمو حاولي اثناء ماتشرحي تطلي فيهم زودوها حبيتين ارفع صوتك بالشرح

حاولي لما تشرحي تشرحي بالغة الانجليزية
قسمي طالبات لمجموعات ووزعي عليهم أوراق عمل تخص موضوع الدرس

بعد الشرح نجي للتقويم النهائي

اسأليهم في الي شرحتي او في المحاور الي كتبتيه على السبورة
وحبذا تقومي الطالبات بشكل فجائي

واعطيهم فرصة للأجابة تتراح مابين 1_3 دقائق

اول مجموعة تخلص سجلي مجموعتهم عندك كأول مجموعة وهكذا لين ماتشوفي الكل انتهي

واخيرن والمهم :

اعطي واجب لطالباتك واكتبيه على السبورة ظروري ينكتب على السبورة .,

مثلا الواجب صفحه 17 السؤال 2

المديرة او الموجهة او معلمة المادة اذا حضرت لك تعاملي معاهم كجماد لاتطلي فيهم ولاتشيلي همهم نهائيا

وقت الحصة 45 دقيقة هالوقت ملكك انتي والطالبات فقط انتي إلي تديري هالوقت بطريقتك

Alsqour.w

13-06-2014, 07:00 PM

مما راق لي

ضبط الفصل شي حلو ..

.يهدي أعصابج ...

ويخليج تشرحين وإنتي مرتاحة ...

ويخلي حصتج مميزة

كثير من الأبلات يضبطون فصلهم ولكن بعصبية شديدة جدا

ما تطلع من الحصة إلا وضغطها مرتفع

خطوات إللي يايبتها لكم فيها متعة لكم وللمتعلمين

ملاحظة

ولكن إنتبهي ...أول إسبوع بتتعبين عشان تعلمينهم هذي الخطوات ...
وخلال إسبوعين راح يتعودون وتصير حصتج من أبدع ما يكون

يلى بسم الله نبدي

أولا : إلقاء التحية

عند دخول الفصل في كل مرة ...عودي الطالبات ...ما تلقين عليهم التحية إلا ليما كلهم يوقفون عدل مدل

ومنزلين إيدهم تحت ...وبهذي اللحظات ..لا تتكلمين ولا تهددين ولا توجهين أحد بالكلام ..

مجرد توزعين نظرات على كل المتعلمين ..النظرة تكفي وفيها رسالة منج بالمطلوب وتهدي من أعصابج...

بعد ما الكل يوقف عدل

...على طول إبتسمي بويوهم ..لأن الإبتسامة لها أثر كبير ..

خاصة إنج كنت تخزينهم أول دخولج للصف بدون كلام ..

ومع الإبتسامة الحلوة إلقي عليهم تحية الإسلام كااااملة

ثانيا ..إخراج الكتب

عوديهم إنج كل مرة تعدين بطريقة حلوة وتشجيعية من ال 1 إلى 10 ...

.وما توصلين رقم 10 إلا الكل قاعد مكانه ومطلع كتابه ودفتره ومقلمته

ثالثا ...تشغيل المسجل

أول ما تخلصين العد من ال 1 لي ال 10

كلفي بنت في كل حصة تشغل المسجل

وحطي فيها نشيدة حلوة ..خليهم يسمعونها

أو صوت عصافير ..أو صوت الماااي ...المهم شي حلو

بدال ما يسولفون مع بعض يسمعون نشيدة مفيدة

رابعا ...تنظيم السبورة

خلال تشغيل المسجل ..تقومين إنتي المعلمة بتنظيم السبورة المدرسية

والطلبة مع سماع النشيد يكتبون العنوان والتاريخ في الدفتر

في هذي الأثناء صدقوني وعن تجربة ..الجو هدوووووء وروماااانسي .لا سوالف ولا إزعاج
لأن النشيد يلعب دووووور كبير جدا

خامسا فتح الكتاب

إذا كنتي تحتاجين لفتح الكتاب خلال الحصة ...الأفضل بعد الإنتهاء من كتابة العنوان والتاريخ

تخلين الكل يفتح الكتاب على الصفحة المطلوبة قبل ما تبدينن الشرح ...عشان ما تصير فوضة أثناء الشرح

.وخليهم يحطون قلم بالنص عشان ما تضيع الصفحة

وعوديهم ..إنج تحطين رقم الصفحة في أعلى السبورة ..مع الوقت تلقائيا راح يفتحونها بدون ما تنبهينهم

سادسا ..وضع المتعلمين لأدواتهم

عوديهم بعد ما يكتبون العنوان والتاريخ ..ويفتحون صفحة الدرس..

يحطون الكتاب فوقه الدفتر فوقه المقلمة

ويحطونهم في مقدمة الطاولة

يعني جدامهم مباشرة الدرج فاضي كل شي بالمقدمة

عشان ما يتعبثون بأغراضهم

وإنتبهي ..لا تسمحين لأي غرض ما يتعلق بمادتج يكون موجود على الدرج

ولا تنسين هني تكافئين أول ثلاثة يخلصون بسرعة ولو بستكرز ..نجمة على خده أو إيده
عشان يصر حافز للبقية في الحصة القادمة

سابعا ..تنظيف الفصل

بعد ما يخلصون كل هذا

إذا لا حظتي وصاخة بالصف ....

بحماس ونشاط ..قولي لهم

تبون حسنات
بقولون ..

إي

قولي لهم

يلى بسرعة وآنا معاكم من ال واحد لي الخمسة نبي صفنا نظيف

في هذي الأثناء علقي على السبورة ورقة مطبوعة بطريقة حلوة ومناسبة لسن المتعلمين

وخليها ثابتة عندج طول السنة ومكتوب عليها

النظافة من الإيمان

من يخلصون التنظيف ..سأليهم .

.ليش نظفتوا صفكم يا حلوين ؟؟؟

يجاوبونج وأهما يقرون الورقة ..

.لأن النظافة من الإيمان

بعدها خلاص شيلي الورقة

ترى على فكرة الكلام وااااايد لا تخافون ..

ولا تقولون راح ياخذ وقت ما ياخذ منكم نهاااائا ...

دقايق وكل الطلبة خالصين عشان تبدين حصتج

وراح ترتاحون مع مرور الوقت

ولو تستخدمين أسلوب الصراخ راح تتعبين وتاخذين وقت أطول .

.وفوق هذا الطلبة منغثيين

ثامنا ...نشيد لبداية الحصة فعليا
بعد ما خلصتي إستعدادتج لبداية الحصة

علميهم نشيد يقولونه قبل لا تبدين الشرح

النشيد هذا له أثر نفسي كبير

إنه الحين خلاص إستعدينا ..ألحين بنبدي

شوفوا النشيد ..بحط لكم الكلمات وإنتوا لحنوه أوووكي

بسم الله بدينا
وعلى النبي صلينا

نبدي درسنا اليوم
بهمة وعزيمة دوووم

بسم الله بسم الله توكلنا على الله

خلاص تبدين الشرح على بركة الله

وأثناء الشرح بعد لازم تسوين أشياء تخلي صفج مضبوط أكثر

يلى نكمل

تاسعا ..فتح الكتاب بالحصة

أثناء الشرح ,,,,تحتاجين لفتح الكتاب ,,,طبعا إنتي هني مرتاحة لأنه من بداية الحصة إنتي قلتي لهم يفتحون على الصفحة المطلوبة ويحطون قلم بالنص

هني بس تقولين لهم ..يلى يا حلوين لنفتح الكتاب

هني إنتي مرتاحة محد راح يقولج أبلة أي صفحة ..أبلة مو لاقية الصفحة ..ولا أحد راح يقطع حبل أفكارج

كل شي جاهز ’’’حتى الصفحة جاهزة

أثناء فتح الكتاب علميهم نشيدة يقولونها وااايد حلوة

هذي كلمات النشيدة وإنتي لحنيها

هيا هيا نفتح الكتاب .... ونقرأ فيه أجمل الكلمات

ملاحظة
هيا ((مع تشديد الياء ))

بعد شعليكم عندناا مهنة جديدة ملحنين ...

حللو معاشاتكم

عاشرا ..التشجيع

إذا تبين البنات يشجعون أي طالبة ...لا تقولين لهم ,,صفقوا لها ..لأ ...يمكن يصير فوضة ..وكل طالبة صفقتها بروح

آنا يايبة لكم ..كلمات حلوة للتشجيع تحفظونها البنات

عاد إنتو تخيلوها أوووووكي

1- طق طق طق ممتازة فاطمة

2- طق طق طق آآآآآآحسنت ريم

3- تحية قوية طق طق طق للطالبة طق طق طق الذكية مها

ملاحظة

طق ..يعني صفقة ..عاد إنتو تخيلوها

فاطمة ..ريم ,,مها ,,,أقصد خليهم يقولون إسم البنات إللي قاعدين يشجعونها بقوة ..عشان يعطونها حااافز قوي

إحدى عشر ..إذا صارت فوضى

مع مرور الوقت بالحصة ..بعض الطالبات يملون ويبدون يتحركون

بدال ما إنتي تنبهينهم أو تزفينهم

علميهم طريقة حلوة

إنتي تقولين لهم جلسة صحيحة وإنتي جفسي إيدج
عشان يقلدونج ..وأهما يردون عليج بعد ما يجفسون إيدهم ويقعدون عدل حلوة مريحة

مرة ثانية

إنتي تقولين لهم جلسة صحيحة أهما يردون حلوة ومريحة

إثنى عشر ..عند كتابة المطلوب من السبور

إذا تبينهم يكتبون إللي على السبورة

أو يحلون شي بالكتاب

أو يحلون ورقة عمل

شغلي لهم المسجل بس مو نشيدة عشان ما يتشتتون

شغلي لهم صوت عصافير ..صوت هدير الماي..شي رومانسي

ثلاث عشر ...تصليح الكتب والدفاتر

لا تسمحين لأي طالبة تيي عندج لي الطاولة ..بعدبن تصير فوضى

خلي الطالبة إللي خلصت ترقع إيدها من غير صوت بس ترفع إيدها ..وإنتي روحي لها

ولا تنسين المسجل شغالة

أربع عشر..ليما يطق الجرس

نلاحظ وااايد بنات ليما يطق الجرس ,,يقومون بيدخلون كتبهم ,,,,كأنهم يقولون للأبلة يلى خلاص بره

لااااا...لازم تعودينهم حتى لو طق الجرس ...ممنوع وحدة تتحرك من مكانها نهاااائيا

ليما تقولين لهم الآتي

إنتهيت من الحصة يا حلوين
أهما يردون عليج

جزاك الله خيرا يا معلمتي

إهني خلاص يقومون ويدخلون أغراضهم

خامس عشر ..إذا حصتج بره الصف

إذا حصتج بره الصف في المختبر أو المسجد

خليهم يصفون مثل القطار ...وحدة ورا الثانية عشان تلاحظينهم أكثر

لا تخلينم يصفون ثنتين ثنتين يصير فوضى ويسولفون مع بعض

وأهما يمشون خليهم يرددون نشيدة ..بس مو بصوت عالى

إذا رايحين لي المسجد خليهم يقولون
آنا المسلم الصغير نحو المسجد أسير

إذا رايحين للمختبر العلوم يقولون
آنا العالم الصغير نحو المختبر أسير

إذا رايحين لمختبر الحاسوب يقولون
آنا الحاسوب الصغير نحو المختبر أسير

في نهاية الحصة ومع مرور الوقت صدقوني .

.بتحبين المتعلمين

والمتعلمين بيحبونج