ملف انجاز ومشاريع [الأرشيف]

queen moon

06-09-2014, 09:40 PM

السلام عليكم
عندي استفسار ياليت تردون علي
بالنسبه لملف انجاز الطالبات طبعا مافيه اوراق عمل وش يحطون فيه ؟؟
غير كذا بالنسبه للمشاريع اللي اكلف بها الطالبات مثل ايش؟؟ ماعندي خلفيه نهائي
وهل لازم مشروع في كل وحده ؟؟
الله يجزاكم خير ردوا علي احس اني ضايعه بالمنهج الجديد

بدون هوية

10-09-2014, 06:56 PM

وعليكم السلام ورحمة الله وبركاته
ملف الإنجاز الخاص بالطالبات يختلف من معلمة لمعلمة ..
ممكن يحطون فيه أوراق العمل ليه لا ..
وأختباراتهم ..
والمطويات اللي يسوونها في نهاية كل وحدة ..
صورة لأفضل درس عجبهم وتعبير بسيط عن ليه كان هذا أفضل درس ..
كلمات وصورها خاصة بالمنهج ..
أتركي المجال مفتوح واسألي الطالبات بتشوفي ابتكارات ...

بالنسبة للمشاريع النظام إنه يكون فيه مشروع بعد كل وحده لكن أنا بصراحة حسيته مرهق للطالبات خصوصاً الضعيفات إنك تطلبي منهم عشر مشاريع ..
الهدف من المشروع تقييم مدى فهم الطالبة للوحدة فممكن يكون عرض أو مسرحية أو مطوية أو لوحه أو بحث أو أي شيء تحددينه لكن تحطين له معايير على اساسها تقيمين المشروع ..
بعض المعلمات ملتزمين بالنظام .. بعضهم يطالبو بس بمشروعين والبعض الآخر ولا واحد ..
ممكن تطلبين منهم يقومو بعمل المشروع كفرق أو مجموعات وتسأليهم بعدين عنه طالبة طالبة عشان تتأكدي إن الكل اشتغل عليه .

نصيحة: المعلمة أدرى بطالباتها ومصلحتهم فقومي باللي أصلح لهم.