إعلان هام لمعلمات أولى متوسط (والمقاعد محدودة ) ..

[اعتذار]

مع المنظومة صار العمل أكثر دقة
وفي السابق كنا كلنا نشتغل وكلنا نجتهد
طووووول الوقت وبنفس العمل ..

فـ فكرت في اختصار الجهد وتكثيفه على
طريقة مقترحة وسهلة جدًا ..

وهي لمعلمات أولى متوسط ..


الحين عدد وحدات الكتاب 4 وفي كل وحدة
5 دروس مع الراوند أب تصير 6 ..

فـ وش رأيكم في هالمُقترح :

كل ثنتين مننا يشتغلون على مودل واحد
ويقسمونه بينهم:
معلمة1 تاخذ ثلاث دروس ..
معلمة 2: تاخذ درسين مع الراوند أب..


تشتغل المعلمة على هالتكليف وكأنه
درس نموذجي وبيكون لك حضور كبير عشان
يطلع بإخراج قوي ..

وشغلك يشمل:
1/ التحضير بأهداف عالية المستوى
ومتوسطة ومو مختصرة ويكون لنا فورم واحد ..
2/ استراتيجيات مناسبة للدرس لكن نتفق
على استراتيجيتين ماتتغير وهم:
أ.التعلم التعاوني ب.الرؤوس المرقمة..

واستراتيجيتين زيادة بما يتناسب مع الدرس..
3/ورق عمل..
4/عرض بوربوينت كامل وشامل ووافي
لكل أجزاء الدرس..
5/فكرة لمسابقة..
6/مقطع فيديو إثرائي ( إن توفر ) ..
7- طريقة لمدخل الدرس يعني وش تقترحون
نسوي عشان نبدأ كـ "وورمنق أب" ..

وجميعنا نشتغل بإخلاص وجهد قوي ، وبكذا
يكون تعبك بالترم الواحد على ثلاث دروس
والباقي جااااااااهز ومشتغلين عليه باحتراف
ودقة = ..

بشرط: أننا جميعًا ننجز هالتكليف مع نهاية
الأسبوع الثاني الحاي هذا،.. ..
و بكذا تكون العروض والتحضير وأوراق العمل
معاك كاملة من البداية الترم ..

وش رأيكم اللي موافقة تقول لي
وترسل رقمها خاص، وأقول للي طرحت هالمقترح تضيفها بقروب خاص في هالموضوع..

لأني أحس قهر كلنا نشتغل على نفس الموضوع
والجهد كبير ولا نستفيد لكن لو كرستِ جهدك
وطاقتك وأفكارك على ثلاث دروس للترم
كاااااامل بيكون فيه إبداع..

والتقسيم يكون من هاليومين عشان نبدأ
نفكر كيف نبدع ..


واللي تبي تشارك لازم تكون عندها القدرة
العالية والرغبة الكبيرة في العمل ، لأن
نبي شيء مضبوط ..

حاليًا نحتاج 6 معلمات فقط ويكتمل العدد ..

وبالتوفيق للجميييييع..