مشروع تحدي الوحده الثانيه

[sho-chan]

السلام عليكم :smile (101):

كلنا نعرف مشاريع التحدي اللي بالمناهج القديمه كيف كان لها اثر كبير مساعدتنا كمعلمات في الشرح وبالتالي إيصال المعلومه للطالبه بشكل سهل وسلس :smile (101):

وهالشي نفتقده جدا في ترافلر اقتراحي لكم

نبداء بمشروع تحدي لوحدات ترافلر ننزل فيه شروحات قرامر عروض أوراق عمل اختبارات وكل مايخص الوحده

راح ابداء بالوحده الثانيه وبانتظار تفاعلكم

واذا ماحصلت تفاعل اسمحوا لي ماراح اقدر اكمل لان اليد الوحده ماتصفق:small (372):

:small (244):

[sho-chan]

من اكثر الردود المفيده رد الأستاذ المبدع عباس علي:girl face (151):
بالنسبة إلى منهج traveller 6 فهو بلا شك لا يتناسب ومستوى الطلاب والطالبات في معظم المدارس.
أخواتي المعلمات يمكنكن التركيز على ما يلي:
1- الدرس الأول : ناقشي مع الطالبات موضوع الدرس بأبسط الكلمات الممكنة وبعدها ناقشي عنوان موضوع القراءة وتقسيمها وموضوع كل فقرة من خلال قراءة الجملة الأولى من كل فقرة ويمكن تقسيم الطالبات إلى مجموعات بطريقة jigsaw وبعدها يمكن حل الأسئلة بطريقة think pair share ولا بد للطالبات من تحضير الدرس مسبقا لتوفير الوقت والجهد.
2-بالنسبة للكلمات المتشابهة في معناها لا داعي لشرح كل المجموعات ويمكن الاكتفاء ببعضها وبعد شرحها اطلبي من الطالبات التركيز على المعنى العام وليس الفروق البسيطة. مثلا : hotel , hostel , cabin.....كلها تعني مكان إقامة في السفر>
3- لشرح القواعد أفضل الاعتماد على اليوتيوب ففيه تبسيط للقاعدات وأمثلة . ابحثي عما يناسبك ويبسط الشرح للطالبات ولا داعي للتفاصيل المعقدة الموجودة في الكتاب.
4- درس الاستماع لا ضرورة لحل كل الفقرات بل يكتفى ببعضها فهي مجرد تدريب .


5- درس الكتابة ناقشي الموضوع مع الطالبات ثم اطلبي منهن كتابة موضوع مشابه للنموذج الموجود أو موضوع عام عن الوحدة.
مثلا : الوحدة الأولى طلبت من الطالبات كتابة رسالة عن الاحتفال باليوم الوطني اعتمادا على النموذج الموجود وكتبت على السبورة بعض ما أملته علي الطالبات من نشاطات اليوم الوطني ثم كتبت الطالبات الواجب في مجموعات وصححته لهن .
أتمنى أن تستفيدوا مما ذكرت
وبالمناسبة فنحن نتواصل مع طالباتنا باستخدام برنامج EDMODO

عود على بدء - إذا كانت المعلمة تجد صعوبة بالغة في شرح الدروس فكيف حال الطالبات؟ !


لا بد من تخطي الصعوبات وتبسيط الأمور قدر الإمكان خاصة أن قرار تغيير مناهج اللغة اإنجليزية لكافة المراحل دون تدرج لم يراع التباين الشاسع بين المناهج القديمة والجديدة
في كتاب TRAVELLER 6 أشياء جديدة حتى لبعض المعلمين ويمكن شرحها بطريقة مبسطة دون التركيز عليها جميعا . بداية اشرحوا للطالبات الاختلاف بين idioms / phrasal verbs / expressions / terms وكما أسلفت فإنني أعتمد على ما يجود به youtube من شروح مبسطة للقواعد وأيضا للكلمات وأختار الأقصر والأنسب .
لا داعي للشعور بالإحباط فهو لن يجدي نفعا فكروا بطريقة عملية واشرحوا الأهم مثلا في درس reported speech لا ضرورة للإسهاب والتفصيل بل يكتفى بشرح القاعدة الأساسية وهي تغيير الجمل باستخدام said or told وأن الزمن يتغير للماضي حسب زمن الفعل في الجملة الأساسية وكذلك تتغير بعض كلمات الإشارة والضمائر والكلمات الدالة على الزمن . اختاروا ما يناسب الطالبات ويسهل الدروس ولمن سأل عن برنامج EDMODO فهو برنامج على النت يتيح للمعلم فتح فصول للطلاب ويسجل كل طالب نفسه في هذا الفصل ويمكن من خلاله تحميل الواجبات وأوراق العمل وإدراج ملفات وأنا أستخدمه لإدراج مقاطع يوتيوب تشرح القواعد باللغة العربية وأستقبل واجبات الطالبات وأقوم بتصحيحها مثل كتابة موضوع تعبير


...



وهنا رد اخر للاستاذه الافضله زهرة التوليب
:


فعلا traveller 6 مشكلته كبيره صعب جدا ومتشعب خاصه ان طالبات السنه هذي ماشين على المنهج القديم يعني مافيه تأسيس صحيح
استاذ عباس طريقتك رائعه وفعلا انا جربت هالطريقه ومشت معاي الحمد لله

في بدايه كل وحده لازم اقرا مع البنات الاهداف واعطيهم فكره عن اللي راح يدرسونه



في دروس القراءه غالبا ما ابدأ بمقطع فيديو عن نفس الموضوع
اكون مقسمتهم مجموعات واطبق استراتيجيه kwl
او العصف الذهني واعرض الكلمات الجديده واخلي البنات يقرون بعدين اسألهم عن كل فقره وpractice اللي في الكتاب نحل فقره واوضح لهم كيف استخرجناها من القطعه
والباقي واجب

القواعد اختار الطريقه الاسهل ولا اتقيد بالكتاب وغالبا ما اكتب شرح مبسط بورقه عمل وجمل يحلوها
ولا اعطيهم كل التمارين بل اختار الجمل الواضحه
دروس المفردات ايضا مااشرح كل الكلمات يعني اختار اللي يناسب مستواهم والكلمات المتداوله

فقره words easily confused اسويها احيانا على شكل مسابقات spelling اقسمهم مجموعتين واعطيهم فرصه يحفظو الاملاء بعدين تطلع طالبه من كل مجموعه واليي تخلص الاسرع تاخذ نقطه

دروس speak اناقشهم عن الموضوع واكتب على السبوره النقاط اللي ابغاهم يتكلمو عنها بعدين اعطيهم فرصه مع بعض يسجلوا الافكار واختار وحده من كل مجموعه بتطبيق استراتيجيه الكرسي الساخن

[sho-chan]

POWERPOINT U2 READING

http://www.4shared.com/file/J_x9YqC7ba/Reading_U2.html

WORKEET
http://www.saudienglish.net/vb/showthread.php?t=125370

احتاج مساعده في قاعدة cluses of purpose result and concession

http://www.saudienglish.net/vb/showthread.php?t=125473



اذا شفت تفاعل كملت

[sho-chan]

احبتي التفاعل مو بالشكر اقصد فيه باثراء الموضوع وانك تحطين بصمتك وتفيدين غيرك

خير الناس انفعهم للناس

[النموسه]

السلام عليكم ورحمة الله وبركاته
الله يعطيك العافية اختي ماقصرتي فعلا محتاجين لمثل هذا المشروع
وانا اقترح انو نحاول نحدد الاستراتيجيات المناسبة لكل درس الي ممكن نطبقها والي تبي تغير وتبدع تفيدنا بس ياليت نحدد الاقرب والانسب لانو فعلا الاستراتيجيات تحير
مثلا ما افضل الاستراتيجيات المستخدمة للريدينق
سبيكنق
ليسيننق
رايتنق

[sho-chan]

اقتراحك جميل تيتيشر النموسه لكن هل من مطبق احس اني اصيح لحالي بهالموضوع ههههه

يارب نلاقي تفاعل

بالنسبه للريدنق نفسي اجرب الجيسكو احسها الانفع للريدنق وننتهي منها بوقت قياسي

[Um Zainab]

السلام عليكم جميعا

فعلا استراتيجية الجيكسو مرة فعلة في دروس ال Reading
اني جربتها وفعلا نتايجها نجحت معي و اختصرنا فيها الوقت و المجهود
وطبعا طريقة KWL بعد مرة ناجحة

في دروس الفوكابس تقدروا تستخدموا اكثر من استراتيجية.
مثلا انا استخدمت Fan n pick او ممكن بعد think, pair and share

[فسيفساء]

أهلا بالجميع ....
موضوع جدا رائع ...لكن المشكله ان المنتدى اصبح شبه ميت مافي تفاعلا ت ومشاركات زي اول .
بالنسبه لمنهج traveller 6 كان همي الاكبر الترم الاول ... لكن مع التعود عليه اصبح الامر سهل
صرت احاول اطمن الطالبات ان لاتحاتون ولاتشيلون هم ...اهم شي يتحضر الدرس بالبيت اختصارا للوقت والجهد
عودتهم على استراتيجيات معينه تمشي معاهم مثل :
focused listing , fan & pick , anticipation guide , say what i draw .........
بالنسبه للقراءه اركز اكثر شي ع الموضوع العام للدرس والكلمات ومعانيها فقط ...ليش اضيع وقتي ووقتهم بشيء ماراح يجيهم بالاختبار ....
القواعد اعتمد على اليوتيوب للشرح بشكل مبسط مع ورقة عمل وفيها استراتيجيه ساعد الطالبات كثير .
اما اذا كانت القاعده صعبه والكتاب مطولها بطريقه سامجه ...اسويها ورقة عمل واشرح عليها فيالعرض ونطبق عليها واقول للطالبات اعتمدوها في الشرح وخلكم من الكتاب ....
درس الفوكاب اعطيهم اياه كله لأني احسه مهم ...
الاستماع فقرات معينه من الدرس مو كلها ....
والرايتنق ....اشرح محتوى الدرس مع الطالبات وبعدين ياخذو الموضوع واجب ومو لازم اعطيهم كل المواضيع يكتبوها ...اعطيهم الاسهل والانسب فقط ....
اتمنى اني افدتكم ....:smile (101):

[sho-chan]

um zainab وفيسفساء

الف شكر لتفاعلكم احنا بيدنا نقدر نحيي المنتدى بس اليد الوحده ماتصفق اذا عندكم أوراق عمل للقرامر مفيده ياليت ترفعونها واحتسبوا الاجر

وشكرا لاضافتكم الرائعه

[صاموله]

الله يجزاكم بالخير ويفرج كربتكم
بالنسبة لي اطلب من طالباتي تحضير في البيت عشان يختصر الوقت والجهد خاصة لدروس الريدنق والسبيكنق
بالنسبة للرايتنق غالبا يكون مشابه لموضوع السبيكنق اطلب منهم يجيبوا من النت عشان تساعدهم واختار موضوع يكون سهل لهم وبعدين اصححها
ايضا طريقة المايند ماب الخريطة الذهنية جدا رائعة يسوها لي بشكل مختصر كمجموعات