اللي جربت التدريس بمدرسة ابتدائية اهلية تدخل ولها دعوة باذن الله

[m&m*]

بعد مافقدت الأمل بالوظيفة الرسمية و بالتعاقد قلت يابنت مالك الا المدارس الأهلية ( الله يقطعها ) المهم كلمت مدرسة بجنب بيتي اروح لها على رجلي ( هذي ميزة ) بس الراتب فيها اقل من 1500 اعتقد 1400 والمراحل اللي فيها تمهيدي وابتدائي وصف واحد اولى متوسط
المشكلة هي اني شايلة هم مناهجهم احس انها كثير من اولى ابتدائي الى اولى متوسط وما ادري اش الكتب اللي يدرسونها
وللعلم انا متخرجة من ثلاث سنين يعني نسيت التدريس واخاف ان العمل بالمدرسة الأهلية ياخذ كل وقتي ويشغلني عن بنتي وزوجي
عشان كذا ابغى مشورتكم كيف رح يكون تدريس الانجليزي للابتدائي من اولى لسادس موبس سادس انا مايهمني الشغل بالمدرسة مستعدة اكرف بس اهم شي بالبيت ما ياخذ كل وقتي

[masa]

الله يوفقك اختي

والله ما عندي خبره بالمدارس الاهليه

بس اعرف انها تعصر المعلمه لين ما تطلع احسن ما فيها

يعني اذا اتوطفتي فيها حتكون في جو من المنافسه يخليك تبدعي

وتذكري

any action better than no action.

بالتوفيق

[m&m*]

مشكورة ياقلبي على ردك الجميل
اختي انا ماني ضد الإبداع وان الوحدة تخلص لعملها وتبذل مجهود عشانه كل مافي الأمر انا ماابي شغلي يأثر على بيتي وزوجي وبنتي واللي اعرفه واللي شفته من احدى قريباتي ان عملها ( بالمدارس الأهلية ) ماخذ كل وقتها من تحضير ووسائل ومسلمة البيت والعيال وابو العيال للشغالة
اي نعم انا اتمنى الوظيفة بشدة لكن فيه أوليات زوجي وبيتي وبنتي بعدييييين عملي والله يعطيني على قد نيتي

بس الى الااااااان مافه غير رد واحد ياهووووووه ماتبغون الدعوات الزينة

[ريم22]

ياعيوني انا جربت وعلى قولتك قلت احسن من جلسة البيت الممله بس لمى جربت تمنيت اني مادخلت في هالتجربه المقيته الي تخليك تكرهين نفسك من كثر ضغط العمل تخيلي مسكوني8 مناهج في البدايه ضحكوا علي وقالوا تمسكين بس خامس وسادس وثالث متوسط وقلت يابنت معليش اصبري وانت عارفه سادس وثالث متوسط عندهم منهج اضافي غير الاساسي وبعده بكم اسبوع زادوا علي اول وثالث ورابع تخيلي كرف موبصاحي ماصرت اجلس بالبيت مع احد بس حاطه راسي بهالكتب والتحضير الكتابي والذهني والوسائل وعلى قولتك الراتب 1500 والله مافي شهر اخذته كامل ومو من زين التعامل والادارة كانت سيئة بصراحة ندمت مرة ومااستمريت 4 شهور وتركتهم وسبحان الله هالسنه جاني تعيين رسمي وانا ماعندي شهادات خبره وانا ماخلاني اروح للخاصه غير الخبره لاكن ربك رزقني بالتعيين وعن جد هذا اكثر شئ والله العظيم ندمانه عليه في حياتي كلها .............والله يوفقك انشاء الله

[m&m*]

يوووووووه معقولة شكل الدعوة ماتشجع انا والله تعبت من قعدةالبيت وقاعدة استنى التعاقد يفتح
مشكورين خواتي اللي ردوا علي


وييييين الباقين انتظر نصايحكم ولو ان الاخت ريم كفت ووفت

[1lino]

الموضوع قبل أي شي يرجع لطبيعة المدرسة اذا هي من المدارس الكبار أو لا........

الضغط موجود بصراحة لكن شي اهون من غيره .......
فيه مدارس تحلل الراتب صح ؟؟؟؟؟؟؟ تطالب بوسائل وأنشطة كثيرة ..........


وغيرها المتعب بس كثرة المناهج أما الوسائل ما يشددون عليك فيها.


بس اذا الراتب أقل من 2000 صعب توظفين عندهم في نظري .لاتنسين بعد يخصمون منك الاجازات الرسميةالا اذا موقعة عقد الموارد ارحم منه لان الراتب يستمر.

[Ayed77]

الله يكون عون لك وان شاء الله تلقي وظيفه حكوميه تريحك

[m&m*]

الف شكر للجميع على الرد والمشاركة
بصراحة لازلت مترددة مافيه شي يحمسني

[NESMA AHMED]

توكلي على الله ياأختي واشتغلي لأن اللغة الإنجليزية تنسي بسرعة وعايزة متابعة باستمرار وإلا هتنسي اللي تعلمتيه

[غزلان2007]

ياحبيبتي اول ماقريت سؤالك قررت اني اسجل وارد عليك.. انا درست في مدرسه اهليه سنتين صحيح انها كرف لكن فيها ممتعه وفيها مزايا افضل من المدرارس الحكوميه.. في المدرسه الاهليه يودونك مدارس راقيه جدا تتعلمين فيها طريقه التدريس ,الاساليب الحديثه والوسائل المتطوره. تلقين مدرسات اجنبيات تستفيدين منهم رحلات تعليميه تستخدمين لغتك كثير والوسائل التعليميه من عندهم وماعليك الا التحضير في اوقات فراغك اما الامتحانات فتطلعين على اسئله ماقبلك وتستفيدين ويسعدك كثيرا عندما تتحدثين مع اطفال بلغه اخرى ..انا يوم كنت هي الاهليه (الخبر) طورت هذا الشي ووحببت الانجليزيه معهم وسويت مسرحيه سنو وليت والاقزام السبعه ونجحت وظهر اسمي بالجرايد والله كنت القى التشجيع وتطور وظعي وكنت اكتب كلمات الحفلات بالانجليزي وكنت واثقه من نفسي ومديرتي عززت هذا الشئ فيني اما الان عندما انتقلت الى مدارس حكوميه (بند محو الاميه) تبهذلت نسيت اللغه ومافي حماس والبنات متأسسو صح والامتحانات من الأوراق وصرت منتدبه لثلاث مدارس وكل مدرسه في قريه بعيده واحيانا لاتتوفر المواصلات ومع الظروف الجويه ومافي زيارات تعليميه ولا شي ...الخ شفتي الفرق! وبس .... نصيحتي استمتعي بالأهليه واسفه عالاطاله:36_16_2:

[ميس]

اختي الغاليه
اتخذي القرار اللي مريحك
ثم (استخيري) بعد القرار
وشوفي اذا ارتحتي توكلي على الله
ولاتندمين ابد
وبالتوفيق ان شاءالله