ابي حل لمشكلتي

[ام خماس]

:smile (49):
السلام عليكم

ابي مساعدتكم عندي الطالبات مايحبون الماده
ودرجاتهم متدنيه جدا
الطالبات مايبون يذاكرون ابد مهما حاولت ارغبهم في الماده مافيه شي نافع

لدرجة انهم يرفضون القراءه

وش اسوي اذا سويتلهم اختبارات دوريه مايذاكرون ولاهامهم الموضوع
والعدد كبير مو وحده ولا ثنتين
تقريبا فوق التسعين نسبه قليله منهم اللي مهتمه :smile (56)::smile (56):

[lovely side]

وعليكم السلام ورحمة الله وبركاته
سوي لهم العاب اشياء حركيه القاعدات مثلا رتبيها ببطاقات ملونه ووزعيها عليهم من ناحية تكوين اسئله او أي قاعده معينه واكيد انت مبدعه.. الكلمات مثلا بدعي لهم بالصور خلي وحده تمثل لهم الصوره بطريقه مضحكه ثم دربيهم عالكلمه يبدون يحفظونها غصب اما القراءه شغلي لهم صوت وحبه حبه بيقرون .. سوي مسابقة افضل قارئه وخصصي مثلا جوائز بسيطه اسبوعيا.. وعطيهم خبر انه بكره بناخذ قراءه ابي استعداد لها ونطلع الفائزه معنا اللي تقرأ اكثر على مدار اسبوع..
جيبي هدايا معك اشياء بسيطه شوكولاته مثلا ببوكس ويالله كل يوم اتفقي معهم راح نطلع 3 مميزات او 4 اللي يريحك حطي اسماؤهم عالباب خلي كل من مر يشوف انهم شاطرات بيحاولون الباقين ينافسونهم بعدين وبتلاحظين يوم عن يوم يزيد العدد..
والافكار كثيره ممكن نستفيد من الباقين بإذن الله
ربي يعينك ويعينا ياحي ياقيوم
وفقك الله ويسخر الطالبات لك يارب العالمين..

[حور33]

الله يعينك

هذي المشكلة أعداد هائلة والمستوى عدم ولا حياة لمن تنادي