المساعد الشخصي الرقمي

مشاهدة النسخة كاملة : وش بيصير لو رفضت؟؟؟؟؟؟؟؟؟



أكادنيا
02-10-2006, 03:54 PM
حسبي الله ونعم الوكيل

جتني مشرفتي اليوم الله لايجزاها عني خير و طلبت مني أروح للإبتدائية اللي حسب ما تقول إنها مربوطة مع متوسطتنا


المهم أنا رفضت و زميلاتي كذلك لكن على كلامها الدور علي ولازم أنفذ
المهم يا أصحاب الخبرة وش يصير إذا رفضت ؟؟؟؟؟؟؟؟؟؟؟؟؟؟؟:sad: :sad: :sad: :sad: :sad:

The big heart
02-10-2006, 08:06 PM
اسمعي اختي انا مثلك بس انا إبتدائي وقالو لي روحي متوسط ثلاث ايام بالاسبوع ثلاث فصول يعني الفصل ياخذ حصتين في اليوم قال ايش قال فيه هدر لمعلمات الانجليزي في الابتدائي اللي يسمعهم يقول انا حاطين رجل على رجل ونلف ورق عنب من الفضوه اقسم بالله إنا نتعب وحصه في الابتدائي تعدل حصتين في اي مرحله ثانيه ياناس والله مانطلع من الحصه الا راسي بينفجر الصغار يبغى لهم طولة بال واسئلتهم كثيره والتنقل بين مدرستين متعب ونصيحه اللي ماجربت المدرستين لاتجرب يامدرسه وحده يابلاش فكيف الوضع إذا كان مدرستين ومرحلتين مختلفه يعني ابتدئي ومتوسط او ابتدائي وثانوي 0 خافوا الله ياموجهات اتحدى وحده منكم قد مسكت مرحلتين مختلفه ولاحظي معي الفصول اللي تمسكينها راح تكون كثيره لان الابتدائي حصتين بالاسبوع يعني تمسكين ثلاثه فصول والمتوسط ثلاث فصول يعني سته فصول حرام واعداد كبيره واختبارات دوريه وشفوي 0 انا رفضت وزميلتي رفضت قالوا لها روحي ثانوي 0مافي عدل ابدا زميلتي بالمتوسط ماسكين 16 و12 حصه ولا قالوا لهم شي ابدا قاعدين بمدرسه وحده 0 لكن مااقول الا الله لايسامح من تسببت في هذا القرار ومن كانت وراه و ياويلها من دعاوي المعلمات في هالشهر الفضيل 00 ودي بس اعرف هل طبقوه عند الرجال والله مااعتقد لان التعقيد بس عندنا وبلانا من هالموجهات اللي الوحده من تجلس على كرسي التوجيه تنسى انها يوما ما كانت معلمه 0 اقولها للمره الثانيه لاتوافقين ولو الجميع رفض مايقدروا يقولوا شي

أكادنيا
02-10-2006, 08:30 PM
جزاك الله ألف خير

المصيبة لما قلت لها ( المشرفة ) مكتب الشمال و مكتب الغرب ما طبقوه قالت لي طبعا لأن ما عندهم حاجة
طيب أنا وش ذنبي بس لأني تابعة لمكتب سيء جدا جدا في التنسيق

و على فكرة مكتبنا ما أبي أذكر اسمه من أسوأ المكاتب سمعة على مستوى المملكة مو بس الرياض .

خايب جدا ودايما مشاكل وعمرهم ما أنصفوا أحد


حسبي الله عليهم حسبي الله عليهم حسبي الله عليهم حسبي الله عليهم


في هذا الشهر الفضيل

@ومضة@
02-10-2006, 08:40 PM
الأخت اكادنيا

اليوم دخلت المنتدى بعرض مشكلتي ولقيتك سبقتيني

فيا أخواتي ما الحل في هذه المشكلة ....

لأننا صرنا نعامل كأننا على ملاك المدرستين وانا ماسكه

مرحلتين أول وثاني متوسط وبيطلعوني

امسك المدرسة الإبتدائية اللي قالوا عنها مربوطه بمدرستنا ..

فهل رفضي يتسبب في أي مشكله ؟؟؟؟؟

أفيدونا بارك الله فيكم وحتى نكون على بينه في حالة الرفض

لأن الدعوة ما عاد صارت ندب نقدر نرفض

اصبحت اكثر من كذا معلمة على ملاك مدرستين

حسبي الله ونعم الوكيل حسبي الله ونعم الوكيل حسبي الله ونعم الوكيل

اللهم اكفناهم بما شئت

Diamond47
03-10-2006, 04:39 AM
مساءءء الخيراتتتتتتتتتتتتتتتتتتت تت
:marsa178:
مثل هذه المواضيع....الندب و غيره.... من حقك يامعلمة انك ترفضين
وللعلم .... ترى فيه تعميم يفيد بانه يمنع ندب المعلمة من مرحلة الى اخرى
وممكن تسألين مشرفين المنتدى... واظنه طبق في الشرقية ( الي اعتبرها منطقة تعليمية منظمة من الدرجة الاولى )!!!!!!!!!!!!:118:
وتقدرين ترفضين ... ولو وقفنا يد واحدة .... نستطيع ان نوقف هذه المصيبة التي حلت بكل معلمة
ولم تسلم منها حتى المريضة .... الله لا يوفقهم ...
حسبي الله و نعم الوكيل!!!!!!!!!!!!!!!

The big heart
03-10-2006, 02:01 PM
الان الحاجه لان فيه معلمات ماخذين استثنائي او اجازة رعاية مولود وهذا من حق المعلمه طيب ليش ما يعينون مباشرة خريجات الكليات اللي جالسين بالبيوت لسد العجز وتاخذ راتب المعلمه المتبقي لحين عودة المعلمه وبعدين تروح مدرسه ثانيه وهكذا اولا تستفيد الخريجه خبره وانا اجزم ان بعض الخريجات عندهم نشاط وحماس اكثر منا احنا المعلمات اللي لنا سنوات وثانيا تستفيد المعلمه اللي تبغى الاجازه انها تاخذها بسهوله وبدون تعقيد ياناس والله الواحد احيانا يحتاج الاجازه بس لمجرد يرتاح المراه ضعيفه جسديا والجهد الشديد يأثر عليها
والله لو الموجهات رفضوا تطبيق القرا ر وما صاروا يسدون العجز كل مره بأي وسيله ( ياخوفي يجي اليوم اللي يعطونا عشر مدارس ويصرفون لكل معلمه دباب) لو الموجهات كان لهم موقف جاد ماكان الوزارة طلعت هالقرارات البايخه 0 عموما الرفض ثم الرفض ولا شي غير الرفض

sokara
03-10-2006, 04:31 PM
على سيرة استثنائي او اجازة رعاية مولود
عاد عندنا قمة التسيب يعني مسرحيات أبطالها الله يستر عليهم ........>انا صايمه
انا زميلتي ماخده استثنائي ومشيت الله يستر عليها
وهيا إبتدائي.....> وبيني وبينكم ريحة دماغها
بنت الحلال مشيت بدون توفر>مش هيا الجماعه < بدل الإستثنائي
ووافقو لها زي الحلاوه ليه ؟؟

قولو لي ليه ؟
عشان سكره عالمتوسط تشيل لهم الإبتدائي كمانا
واعتبارات كتير منها النصاب وغيرو النصابين
طيب السؤال السهل الممتنع ؟؟!!اللي مالو إجابه صريحه
راتب بدل الإستثنائي لزميلتنا الفاضله عمال يروح فين ؟؟
مو أولى يجيبو بديله ويدوها الراتب
والجماعه ياكلو راتبهم بالحلال
الواحد مايقول الا حسبي الله ونعم الوكيل
ادا لهم الدنيا لنا الآخره بإذن الرحمن

ورقة عمل
03-10-2006, 09:32 PM
][®][^][®][السلام عليكم ورحمة الله وبركاته][®][^][®][
والله انه ليحزنني ان ارى معاناتنا اصبحت عالمية ظلمونا بهذا القرار واشغلونا والله بهذا الشهر الفضيلعن العبادة حتى الاجازة اللي كنا نتمناها ما استطعمنا فرحتها صح لأن بحلوقنا غصة ربط المدارس وفعلا ماندري وش راح يصير فينا لكن أنا أقولكم يا أخواتي خلوا موقفنا واحد وهو الرفض الرفض وترى الموجهات ما بيدهم شيء القرار جاي من فوقهم من الرجال والرفض هو موقفي وموقف زميلاتي في المدرسة خلونا نصير ولو مرة وحدة أقوياء ونشوف وش يطلع بايديهم :angry1:

nowhere
04-10-2006, 01:25 AM
الي يقلون ارفضوا

انا حاولن وحاولت وحاولت
في الاخير قالوا لي لو مارحت راح نرفع لك غيــــــــــــاب
المشكله ان المتوسطه مو محتاجين ابدا عندهم ثنتين وانا صرت الثالثه
والي قاهرني انهم يقولوا هذا مو ندب هذا ربط <<<<<<<< ليه ؟ علشان ما نستفيد من مزايا الندب (شفتوا حسد اكثر من كذا)
وعندي ملاحظه لما رحت للمتوسط لقيت ما عندهم الا مدرسة علوم وحده ؟؟؟؟؟؟؟؟؟؟؟؟ علما ان حصص العلوم والانجليزي نفس العدد

يعني انا الانجليزي بس الي نتشحطط

وحه من زميالتي في المدرسه رحمتني قالت ليه انتو كذا يمكن علشانكم تدرسون لغة الكفار عقوبه خخخخخ
8
8
8
مدرسة دين

معلمة مهمة
04-10-2006, 01:38 AM
أقول شكلنا تابعين لاشراف واحد..
أنا نادبيني لابتدائي
انتم تبع اشراف النهضة؟؟

نوووف جده
04-10-2006, 02:12 AM
مانقول الاحسبي الله ونعم الوكيل فيهم
والله الكل يعاني من نفس المشكله واعتقد احنا بمنطقه تبوك بزياده
انا معي ثلاث مراحل متوسط ب 16 حصه وريادة فصل مؤقته مع النشاط اللي ماله اي داعي
وجاني ندب للابتدائيه والمصيبه تجي المشرفه تحط رجل على رجل وتقول عادي منهج واحد راح يزيد
طبعا تتكلم وهي ماتدري عن شيء
لكن بالاخر انا رافضه حكاية الانتداب واذا جاء على التعهد اكتب تعهد ايش بيصير يعني

وبعدين وزارة التربيه لما ماعندهم معلمات على اي اساس يدخلون الانجليزي للابتدائي

بتلاء
04-10-2006, 02:45 AM
:36_4_12: :36_4_12: :36_4_12: :36_4_12: :36_4_12: :36_4_12: :36_4_12: :36_4_12: :36_4_12: :36_4_12: :36_4_12: :36_4_12: :36_4_12:

بتلاء
04-10-2006, 02:47 AM
حسبي اللة ونعم الوكيل لنا ثلاث سنوات على الحال

ومااحد يدري عن تعبنا وحتى صوتنا ما يرفع للمسؤلين وذلك باعتقادي بسب

الموجهات


لانهن يحاولن سد العجز بالانتدابات الفاشلة


او نظام التوفير كما احب ان اسمية

فعلى اي اساس تروح معلمة تدرس في مرحلتين مختلفتين كليا

المفروض كان موجهات اللغة الانجليزية رفعن للادارة صعوبة تطبيق القرار

ولكن جاء العكس ماصدقن على الله يجي هالندب

حتى يتعبونا ويغثونا اكثر واكثر

وياليت كان مادة الانجليزي مثل اي مادة اخرى اشرحي واطلعي

لكن الانجليزي اختبارات وتمارين وتقويم للقراءة والاستيعاب

ودبلة كبد مالها اول من تالي

شمعة غلاي
04-10-2006, 03:02 AM
الله يعينك سالفتك سالفه ,,, صرنا مثل الرجل الالي يحركونا بريموت كنترووول

حسبي الله ونعم الوكيل,,,,, والموجهات شغلتهم يجلسون ويتشرطون وهذا وهذا

انا ابفهم الواحد اذا ماشي بشرحه وملتزم بالدوام والبنات زي الفل ليه يتدخلون؟؟
لو يحصلي احذف التوجيه بكبره ,,, احمدو ربكم انتم بالرياض الموجهه مو بيدها ولا درجه

حنا للان الموجهه تلعب بالدرجااااااااااااات,,, نصيحتي اذا انتي مو مرتاحه ارفضي رفض قاطع
ولايهمك عندهم بنات جالسات بالبيت يعينوهم,,, اما برأي الشخصي اذا كانت الابتدائيه بنفس مجمع المتوسط
اتوقع عااااااااادي اذا كان نصابك 14 مثلي لاني انا الابتدائي بنفس المدرسه مايحتاج سياره ولاشي,,

والله يعيننا,,,

~ | c h a r i s m a
04-10-2006, 05:25 AM
الله يعينكم يامعلمات اللغه الانجليزيه

مايكفي مستوى الطالبات زادوها بالقرارات

والندب وكل شيء ضد راحة المعلمه

المفروض يكون اهم شيء يكون راحة

المعلمه لكي تؤدي عملها وهي مرتاحه

لكن لاحياة لمن تنادي

اعانكم الله وكفانا الله شر هذه القرارات

للجميع تقديري

The big heart
04-10-2006, 09:01 PM
نا رافضه ولن اطبق القرار ممكن اروح للمتوسط كندب فقط لا ن انا على ملاك ابتدائي اروح امسك المتوسط لوحدها بس مع الابتدائي لا والف لا واذا اشتد الامر انا عندي ظروف راح اقدم اجازه السنه كلها لان ظروفي صعبه وكنت ضاغطه على نفسي والله العالم كم اعاني والان خربوها بالقرار هذا قلت خلاص اهم شي راحتي حسبي الله عليهم ونعم الوكيل إليه المشتكى الله لايسامحهم

a.r.o.m.a
06-10-2006, 06:42 PM
السلام عليكم:
والله العظيم اننا مظلومين ...........ياناس الرحمة ودي استقر لو سنة بمدرستي
والله انا رفضت وعملو تحقيق من الساعة الثامنة الى الحاديةعشرة قال ايش ...ليش ارفض والمصيبة اني كنت بين ثلاث مدارس وخلص ندبي من وحدة وصرت بين ثنتين وعلى نهاية السنة لما مابقي عاى الامتحانات الا اسبوعين قالو يالله اطلعي ..(خير انشالله) انا اديت ندبي ليش اطلع مرة رابعة قالو علشان العجز وقلت ياناس النقل اللي يوديني رافض يوديني لهاذي القرية لانها على طريق ثاني قالت انا ادبر لك نقل والنقل الله يجزاها خير ممتلئ ماراح ينقلني الا بشروط لان المعلمات مايبغون احد زيادة
ابسال سؤال حالتنا هاذي بتطول صرنا مثل الشغالات اللي كل يوم ماستأجرينها ناس بعد هم احسن منا على الاقل ياخذون فلوس على طلعتهم وحنا لا نطلع وندفع بعد....

ماقول الا الله لايوفق من رضا لنا بالمذلة هاذي والمرمطة ...كيف يبوننا نأسس ونعطي وحنا ماحنا مستقرين ويالله تكفينا الحصص اننا نشرح حسبي الله

nowhere
06-10-2006, 09:52 PM
تصدقون يابنات انا كل سنه ادخل مدرسه جديده
مليت من كثر ما أقول وين غرفة المديره !!!!!!!!!!
انا معلمه من 6 سنوات
وتخيلواا
درست في 9 مدارس !!!!!!!!!!!!!!
ويبون بناتنا يفلحون في الانجليزي
ايه هين

Mayass
07-10-2006, 02:02 AM
ما أقول غير حسبي الله و نعم الوكيل أنا رفضت الندب و منعوني من التوقيع في مدرستي و صارلي غايبة 3 أيام مدري ايش نهايتها

بتلاء
07-10-2006, 04:35 AM
ياااااااااااااااااااااااا رب يالله في هالشهر الفضيل

يخلون الانجليزي من رابع ابتدائي

عشان يكون في كل مدرسة ابتدائي معلمة انجليزي

وبكذا ترتاح كل المعلمات في جميع المراحل من الندب

قولوااااااااااااااااااااا ااااااااااااا يارب

نوووف جده
07-10-2006, 06:43 AM
سبحان الله ثاني يوم من مشاركتي بالموضوع اتصلت ((جدتنا)) مديرة مكتب التوجيه
وقالت للمديره احرميها من التوقيع واحسبيلها بايام الانتداب غياب
والله العظيم على طول قالت كذا بدون اي محاولات
طبعا المحافظه اللي انا فيها تابعه لمنطقة تبوك((اسوأ منطقه تعليميه على مستوى المملكه))
وماعندنا مشرفة لغه انجليزيه غير كل سنه يجونا مشرفات من تبوك
وطبعا الجده لاعبه بمدرسات الانجليزي لعب وربي تقول(( كوره))

المهم عاد انا استفسرت وسألت بخصوص رفع الغياب
ولقيت انه اخر بند من بنود الانتداب
يعني اول مره تجيكي الاستماره
بعدين تحاولين مع المشرفه واذا اقتنعت بظروفك تعفيكي من الانتداب
واذا رفضت تكتبين تعهد برفضك للانتداب
واخر شيء طبعا تحسبلك غياب حتى لو كنتي حاضره

وربي قمة الظلم انا ماعطتني اي فرصه عشان احاول بس مالي الا اكلم مشرفتي وان شاء الله ربي يهديها
او اقدم اجازه استثنائيه واورطهم بمدرستين بدال مدرسه

jood-ammar
07-10-2006, 11:20 PM
حسبي الله ونعم الوكيل حسبي الله ونعم الوكيل حسبي الله ونعم الوكيل أنا ماني مدرسة لاكن متخرجة من قسم اللغة الإنجليزية من أربع سنوات ودرست في مدرسة أهلية وتركتهم على طول بسبب الضغط ومن يوم تخرجت أقدم أوراقي في هالمكاتب ولا كن ما كتب الله شي لاكن على قولتكم المدرسه هي الضحية في هذا المجتمع وخاصة معلمات اللغة الإنجليزية ويارب يخلون الإنجليزي من سنة رابع وعينونا احنا ياللي قاعدين في البيوت ومنها ترتاحون انتم يالمدرسات في مدارسكم وتفتكون من الدوام في أكثر من مدرسة والله انها مصيبة والموضوع ما فيه عدا يضغطون المدرسات حتى تصير المدرسة غير قادره على التركيز وبكذا ما تقدر تؤدي عملها على أكمل وجه نتيجة الضغوط والخريجات قاعدات في بيوتهم وكل ما دوروا على الوظيفة قالوا مكتفين وأنا متأكدة أنهم ماكتفوا لاكن مادري ليش هالحسد حسبنا الله ونعم الوكيل

لولوه
08-10-2006, 01:16 AM
السلام عليكم ورحمة الله وبركاته
الإنتداب مشكلة كل معلمات الإبتدائي لكن ودي اسأل عن آخر تعاميم الانتداب بالنسبة لمنطقة مكة المكرمة هل يمكن الآنتداب من مندوبية الى مندوبية أخرى ؟انا ادرس في قرية والمشرفة تقول يمكن يمكن نحط عيننا عليك وتبي توديني لمندوبية ثانية بعيدة تماما عن مدرستي يعني تقدرون تقولون من الشرق الى الغرب ولما عرف زوجي سوى البلالالالالالالالالالالا لالالالالالاوي
ودي أعرف متى اقدر أرفض ومتى أروح غصب عني
ردو علي بالتفصييييييييييييييييييي يييييل
(عفوا زوجي مسجلني بأسمة)
لكم كل الشكر

aminah
08-10-2006, 03:13 AM
السلام عليكم ورحمة الله وبركاتة
والله أنا توني منزلة موضوع بالمنتدى العام أعرض فيه نفس المشكلة تقريبا ...بس هالمرة المشرفات مخففات دمهم على الأخر ومشتغلين قص ولزق...
شوفو القصة الغريبة
أنا أدرس المرحلة الثانوية ونصابي 20 حصة وجايبين معلمة من الإبتدائي وأعطوها من نصابي ثمان حصص وأنا انتدبوني لإبتدائية ثانيه أكمل فيها نصابي...(قال ربط قال )
بس أنا رفضت وراجعت الإدارة وقدمت خطاب لمدير شؤون المعلمات وأتمنى الكل يسوي مثلي ...
يا أخواتي لمتى وإحنا نكرف في مدرستين كأننا آلات مو أوادم وكأن ما ورانا بيوت وأولاد ومسؤليات كأنهم يبغون يمتصون دمنا لأخر قطرة...
والله حرام مابقي إلا يطلعون تعميم بإنتدابنا بين المدن ويتطور بعدين لدول مجلس التعاون (ترى يسوونها فاضيين مغير جالسين على المكاتب وهاتك ياتعاميم)
تكفون لاتسكتون سوو مثلي إشتكوا تظلموا
لازم نكون يد وحدة في مواجة هذا الظلم
حسبنا الله ونعم الوكيل
(اللهم من يسر على مؤمن يسر عليه ومن عسر على مؤمن عسر عليه)
قولوا آمين ف هالشهر الفضيل
أنا موضوعي بعد ماإنتهى ورح أقل لكم اللي رح يصير معي إنشاء الله

Mayass
08-10-2006, 04:45 AM
حسبي الله و نعم الوكيل أنا انتدبوني لمدرسة في نفس المدينة بس بعيد عن بيتي مررررة و عن مدرستي من شرق مدينتنا لغربها وزوجي رافض و ماعندي أحد يوديني المدرسة و مع سواق ماأقدر أخاف فيها خلا و مناطق مهجورة و منعتني المشرفة الله حسيبها من التوقيع في مدرستي و أنا جالسة في البيت و يحسب علي غياب و زوجي لسه يراجع في الوزارة و الأيام تمر ايش الحل؟؟؟؟؟؟؟؟ ايش اسوي الغياب يضرني

The big heart
08-10-2006, 03:42 PM
اختي امينه انا الي الان رافضه ومقهوره من اللي راحوا وهم اصلا مو مقتنعين 0 والتوجيه قال للمديره ماتخليني اوقع لكن ماعلي من احد انا بعطي حصصي وهم وذمتهم 0 وراجعت بالوزاره وبكره زوجي بعد بيروح 0 هذا اضطهاد للمعلمه يبونها تستقيل باي وسيله حسبي الله عليهم 0 ظلم والله نمسك 18 و20 ومدرستين طبعا الموجهات ابطال الحلقه وش عندهم جالسين بمكاتب مكيفه وقاعدين مايعانون ولا قد جربوا يدرسون مدرستين ويتشحططون الله يجازيهم0 وعلى فكره فهمت من الموجهه ان هذا القرار بناء على معارضات معلمات في المتوسط والثانوي يقولون ليش احنا ماندرس ابتدائي معلمات الابتدائي مرتاحات اللي ماجرب المدرستين مو عارف الوضع اللي احنا فيه والله اني فرحت بالابتدائي وقلت الحمدلله بعد العشرين والمخفض برتاح واصير 12 حصه ويوم جربت والله تعب لما يكون الجهد موزع بين مدرستين ودوشة راس ولو اني جالسه بالمتوسط اصرف 0

aminah
08-10-2006, 09:06 PM
لا تصدقيهم The Big Heart
كلامهم مو صحيح ...آخر شي يفكرون فيه رغبة المعلمة
مشرفتي قالت بلسانها إن السبب عشان مدرسات الإبتدائي مرتاحات وماعندهم غير منهج ABC
وإن مستواهم رح يتدهور إذا ما درسوا مراحل أعلى!!!!!!!!!!!
بغيت أقول لها طيب ليش مستواك إنتي ماتدهور وإنتي ماتدرسين أصلاً :124:
المسأله كلها من أولها لآخرها حسد لمدرسة الإبتدائي ...مقهورين منها والود ودهم لو يجيبون لها صخر ويقولون كسريه:blow:
أتمنى نتوصل لحل لصالح مدرسات الإنجليزي وتكون لنا ردة فعل جماعية....اللي عندها رأي تقوله:neutral:
أنا بلغت المشرفة ان عندي ضروف صعبة شوي ومقدر على هاالشحططة وتعدد المناهج...بس كلمت خويتها المشرفة الثانية وردوا علي...كلنا عندنا ضروف وهذا عملك اللي تاخذين عليه راتب...!حسبي الله عليهم مايراعون الضروف وعينهم على هالراتب كنه طالع من جيوبهم...بغيت أقول وش دخلك براتبي ..بس قلت رمضان والواحد منا مايبي مناقشات او مشادة كلاميه تجرح صيامه..
وأنا قدمت على إجازة رعاية مولود وإنشاء الله إنها تجي...وماكانت في بالي بس هم ارغموني لهاالحل
بس حتى لو أخذت إجازة...رح أستمر ورى حقي في الإستقرار بمدرسة وحدة ومارح اتنازل بإذن الله
وكلكم ياأخواتي كونوا قويات بالله...هم قوتهم في مناصبهم
والله اقوى منهم
سلالالالالالالالالالالالا لالالالالالالالام

nowhere
09-10-2006, 01:19 AM
انا كلمت الاستاذه نجيه من مركز الاشراف الرئيسي
وقالت احنا راح نرفع مرئياتنا لكن في هذه الاثناء انت طبقي القرار
والموجهه الي تقول ان سادس ما فيه الا abc
الاخت شكلها ما عمرها فتحت الكتاب
لأن سادس مثله مثل اولى متوسط


والي قـــــــــــــــــــــاهر ني
ليه ما نصير مثلنا مثل المواد الثانيه ما احد قال والله هذاولي ابتدائي ومرتاحيين وما راح يطورون
مع انهم بكلوريوس من كليات التربيه

==why me==
09-10-2006, 03:36 AM
اتوقع اذا رفضتي يبلغون مديرتك الرسميه بمنعك عن التوقيع بسجل الحضور بالايام اللي يكونون حددوها لك في مدرسة الندب و كذلك يبلغون المديره الجديده انها ترفع لك غياب و بكذا لو وصلتي 15 يوم متواصل غياب او 35 يوم غير متواصلات يتم فيه إجراء ما ادري وشو بالضبط بس اظنه يطوى قيدك الوظيفي و الله اعلم و انتي تاكدي و خلك على وطيه ثابته . والله يسهل امرك

بتلاء
09-10-2006, 04:30 AM
يانااااااااااااااااااس ابي افهم

الحين حنا مو تعينا رسمي على ملاك المرحلة الابتداااااااائية

وش دخلهم الموجهااات فينا يندبونا لمراحل اخرى

والله يابنات الشرهة مو على الموجهات

لانهن ودهن نروح لثلاث مراحل مدارس متوسط وثانوي وابتدائي بنفس الاسبوع

ويشغلونا بايام الاجازة بس ماهن قادرات

والله الشرهة على الوزير الي دخل هالقرار وقال اول سنة سادس بعدين القرار يطبقرفي خامس ورابع

بس الحين ياوزيرنا مرت ثلاث سنين على معاناتنا ولا حياة لمن تنادي

وانت ماحليت المشكلة

بالعكس عقدوها باجبار المعلمة على التدريس في عدة مراحل

فهذا الندب الظالم اثر على عطاء المعلمة ونفسيتها وكذلك عدم فهم الطالبات المادة في كل المراحل

فكيف تفهم مادة تشرح في ثلاث ايام وكيف تقيم المعلمة طالبات لا تراهن الا يومين او ثلاث في الاسبوع

مانقول الا حسبي الله ونعم الوكيل

مانقول الا حسبي الله ونعم الوكيل

مانقول الا حسبي الله ونعم الوكيل

عاشق الرومانسية
09-10-2006, 06:51 AM
وكليها على الله اختي
طبعا حنا المعلمين وضعنا يختلف لاننا ناخذ حقنا بيدنا
لكن انتم مالكم الا الشكوى على الله

Mayass
09-10-2006, 11:20 PM
طمنونا ايش صار عليكم( اكادنيا - tHE BIG HEART

The big heart
10-10-2006, 01:49 PM
طبعا اختي بهذلوني بهذله اخرتها جت الموجهه وقالت للمديره لاتوقع وراجعت بالاداره وش تتوقعون قال المدير هذا نظام ماشي على الجميع حتى معلمات الابتدائي ألمواد الاخرى بيدرسون في الثانوي والمتوسط (يلعبون على مين مانشوف حنا ) سدوها في وجهي الله يسدها في وجوههم لكن ألي الله المشتكى لا إلي البشر
والموجهات الله لايسامحهم ولا اعمم لكن اللي تعاملت معهم عشان هذا الموضوع يكلمونا بنفس خايسه ولا احنا عارفين هل هذا الموضوع راح يستمر دائما وأذا كان مؤقت إلي متى
ياناس حرام عليكم انتم تتعاملون مع بشر مع نفسيات لكن ماأقول إلا حسبي الله ونعم الوكيل 0كذا مدرسه قريبه منا وتابعه لنفس مكتبنا معلمات الانجليزي ماسكين 16 ومدرسه وحده 0ليكن ادعو الله عز وجل ان يجازي كل من له دور في هذا القرار سواء معلمه او مشرفه او مدير وان يريهم مايكرهون والله انهم مسؤولين امام الله بظلمهم هذا مثل ماحنا مسؤولين امام الله عن الطالبات ونحرص ان كل طالبه تاخذ حقها من غير نقصان 0 من يقرأ جدول التوزيع ويرى ال40 معلمه المشمولين في التوزيع يعرف ان في الامر ظلم اين بقية المعلمات ؟
لماذا لم يعطوا مدارس اخرى لماذا في التوزيع نفسه معلمات 12حصه ومعلمات عشرين

حسبي الله ونعم الوكيل اتمنى من اللي يستطيع إيصال شكوانا للوزاره ان يوصله وله دعوه في ظهر الغيب لم يعد في يدنا اي حيله

أكادنيا
10-10-2006, 07:57 PM
حسبي الله و نعم الوكيل


لما شافتني رافضة و مصرة على الرفض طلبت من زميلتي الثانية تروح وشكل زميلتي ما صدقت المهم مايزيد نصابها وافقت وتدبست أنا و زميلتي الثانية بنصف فصولها



حسبي الله و نعم الوكيل

ادعو الله عز وجل ان يجازي كل من له دور في هذا القرار سواء معلمه او مشرفه او مدير وان يريهم مايكرهون والله انهم مسؤولين امام الله بظلمهم هذا

والموجهات الله لايسامحهم جميعا يكلمونا بنفس خايسه ولا احنا عارفين هل هذا الموضوع راح يستمر دائما وأذا كان مؤقت إلي متى

نبراس
11-10-2006, 12:05 AM
السلام عليكم ................... ما اقول الا حسبي الله ونعم الوكيل ....اخواتي خلونا نصير يد وحده ونرفض الندب وعلى فكره فيه احد تبع مكتب الوسط؟

amal_emn
11-10-2006, 12:51 AM
أنا لي نفس معاناتكم ثلاث سنين وكل ترم في مدرسه
والحين طالعين لنا في سالفة الربط على كلام الموجهه ان معلمات المتوسط والثانوي صاروا يقدمون نقل على المراحل الابتدائية يحسبونا مرتاحين جعله كفوهم هالابتدائي
من يوم جينا فيه مالقينا الراحه
لاوهالموجهات ماسكين علينا كلمة( أنتم غير متعاونات) يعني كل هذا وآخرتها نصير غير متعاونات
يجون يجربون الشحططه كل صبحيه لا وياليت فيه زيادة راتب علشان النقل لا والف لا
وفي الاخير الراتب مساوي للثانيات المرتاحات بدون ندب ولا رفعة ضغط

The big heart
11-10-2006, 12:49 PM
تدرون وش قررت اسوي قررت ارجع متوسط والله انه اريح مدرسه وحده وعشرين ولا مدرستين ومديرتين وش ذا الغثاء اجل اللي عنده حرمتين مو مرتاح والله مافي الابتدائي شي حلو إلا فرحة هالصغيرات بالإنجليزي وحماسهم إذا شفتي هالصغيرات يتفاعلون معك وشفتي كيف الدنيا ماتسعهم يوم تجيبين هديه ولا حلاوة تشجعينهم تنسين كل هموم الدنيا 0غير كذا والله مافيه ولا شي يشجع بالابتدائي حتى الخروج زينا زي المتوسط

ام بسمه
11-10-2006, 07:47 PM
السلام عليكم
ممكن ترفعين شكوى و تظلم لمكتب الوزير
في موقع الوزاره يوجد مراسلة للوزير او النائب

http://www.moe.gov.sa/openshare/moe/index.htm

وصدقيني بتلقين اذن سامعه لك
الوزير هذا غير
جزاه الله خير
وحده اعرفها ارسلت له شكوى و كم يوم وموضوعها متعدل
يعني لو لك حق بتاخذينه, ولو الحاصل لك نظامي الشكوى لله

nowhere
12-10-2006, 01:39 PM
تدرون وش قررت اسوي قررت ارجع متوسط والله انه اريح مدرسه وحده وعشرين ولا مدرستين ومديرتين وش ذا الغثاء اجل اللي عنده حرمتين مو مرتاح والله مافي الابتدائي شي حلو إلا فرحة هالصغيرات بالإنجليزي وحماسهم إذا شفتي هالصغيرات يتفاعلون معك وشفتي كيف الدنيا ماتسعهم يوم تجيبين هديه ولا حلاوة تشجعينهم تنسين كل هموم الدنيا 0غير كذا والله مافيه ولا شي يشجع بالابتدائي حتى الخروج زينا زي المتوسط


لوانه على كذا كان ما أحد غلب
بس المرمطه فينا فينا سواء ثانوي او متوسط

لولوه
12-10-2006, 03:41 PM
السلام عليكم ورحمة الله وبركاته
ودي باحد من مكة يرد على تساؤلي
هل ممكن الندب من مندوبية الى مندوبية اخرى بعيدة عنها تماما؟؟؟؟؟؟؟؟؟؟؟؟؟؟؟؟
تقبلوا خالص تحياتي
أخوتكم

البارون
14-10-2006, 12:46 AM
بسم الله الرحمن الرحيم


ياخوان هذا سؤال يحير الكثيرين من الاخوان والاخوات معلمي اللغة الانجليزية وخاصة المعينيين الجدد او الذين يجهلون بالتكميل وحدوده

حدود التكميل ( هذا كلام مدير مركز اشراف ورجل ذو باع طويل في الاشراف ولادارة )
25 كلم ازفلت
15 كلم وعر يعني بعيد وماهو ممهد
20 صحراء يكون ممهد

وهذي اجابت الخبير ( مدير مركز اشراف )



طيب اجبرت على التكميل في حدود 50 كلم ( هنا الاجبار يعني صدور خطاب من مركز الاشراف التابع له انت باكمالك في هذة المدرسة ) هنا تتخذ الخطوة التالية

تظلم لمدير التعليم في المنطقة تطلب فيه براتب عن تكميلك في المدرسة الثانية او رفع التكميل عنك واذا لم ينفع مدير التعليم ارفع تظلم لديوان الخدمة المدني حتي يدفع لك راتب بدل المسافة حيث ان المسافات اعلاه هي الحدود المسموح بها في التكميل

( للامانة انا خطبت هذا الشخص بالجوال وشرح لي المكتوب اعلاة وقال بان اي شيء يتعدى الحدود المذكورة يكون اما من جهل من مدير المدرسة ومركز الاشراف او مؤمراة لسد النقص فاحبيت انبهكم مع اني في قرية واكمل في قرية تبعد عنها بحوالي 20 كلم )

وبالنسبة الى كلام الموجهه او المشرفة فاذا ماكان مدعوم بخطاب يجبرك على التكميل من مركز الاشراف وادارة التعليم فلا يهمك ومن ابسط حقوقك ان ترفضي

اما اذا كان الموجه او المشرف جايب خطاب بتكميلك فتلك بلوى لا يمكن تفاديها فعند صدور الخطاب ترسل نسخة الى مدرستك ونسخة للمدرسة التي تكملين فيها ويوضع لكي تقريبا يومين او يوم حسب التنسيق مع مديرة المدرسة فاذا لم تحضري سجلتكي غياب وبعد اسبوعين ترفع لتوجيه والارشاد وتاتي لجنة من المتابعة للتحقيق ويمكن يخصم عليكي كل هالفترة ويمكن توبخين بخطاب ويمكن لاسمح الله يصدرون قرار بالفصل اذا استمر الغياب لاسبوعين متكررة فارجوا منكي الحذر حتى لايصير مالاقد تحمد عقباه

وفيه خطط للي يد الموجهة بس هذي محتاجة قوة قلب ومديرة تدش في الحديد ماتخاف اذا بغيتي وبعد سماح المشرفين سننشر الموضوع

احلام2007
15-10-2006, 02:49 AM
و الله معكم حق والمصيبه عندما تقوم المدرسه بتدريس ثالث ثانوي وتجبر عاى النزول من ثالث لسادس وها الموجهات اهم شي انك تمشي المنهج وباي شكل ما نقول غير حسبي الله و نعم الوكيل

Jolly
24-10-2006, 06:55 AM
شر البليه مايضحك

اجل انا في خلال سنتين ونص درست في 6 مدارس !!

شكلي بدخل كتاب جينيس للارقام القياسيه خخخ

مااقول الا للله لا يوفقهم ولا يوفق من دلني ع هالقسم االي ماحصلت منه الا الشحططه!!

نهله الصاعدي
25-10-2006, 10:50 AM
بسم الله الرحمن الرحيم


ياخوان هذا سؤال يحير الكثيرين من الاخوان والاخوات معلمي اللغة الانجليزية وخاصة المعينيين الجدد او الذين يجهلون بالتكميل وحدوده

حدود التكميل ( هذا كلام مدير مركز اشراف ورجل ذو باع طويل في الاشراف ولادارة )
25 كلم ازفلت
15 كلم وعر يعني بعيد وماهو ممهد
20 صحراء يكون ممهد

وهذي اجابت الخبير ( مدير مركز اشراف )



طيب اجبرت على التكميل في حدود 50 كلم ( هنا الاجبار يعني صدور خطاب من مركز الاشراف التابع له انت باكمالك في هذة المدرسة ) هنا تتخذ الخطوة التالية

تظلم لمدير التعليم في المنطقة تطلب فيه براتب عن تكميلك في المدرسة الثانية او رفع التكميل عنك واذا لم ينفع مدير التعليم ارفع تظلم لديوان الخدمة المدني حتي يدفع لك راتب بدل المسافة حيث ان المسافات اعلاه هي الحدود المسموح بها في التكميل

( للامانة انا خطبت هذا الشخص بالجوال وشرح لي المكتوب اعلاة وقال بان اي شيء يتعدى الحدود المذكورة يكون اما من جهل من مدير المدرسة ومركز الاشراف او مؤمراة لسد النقص فاحبيت انبهكم مع اني في قرية واكمل في قرية تبعد عنها بحوالي 20 كلم )

وبالنسبة الى كلام الموجهه او المشرفة فاذا ماكان مدعوم بخطاب يجبرك على التكميل من مركز الاشراف وادارة التعليم فلا يهمك ومن ابسط حقوقك ان ترفضي

اما اذا كان الموجه او المشرف جايب خطاب بتكميلك فتلك بلوى لا يمكن تفاديها فعند صدور الخطاب ترسل نسخة الى مدرستك ونسخة للمدرسة التي تكملين فيها ويوضع لكي تقريبا يومين او يوم حسب التنسيق مع مديرة المدرسة فاذا لم تحضري سجلتكي غياب وبعد اسبوعين ترفع لتوجيه والارشاد وتاتي لجنة من المتابعة للتحقيق ويمكن يخصم عليكي كل هالفترة ويمكن توبخين بخطاب ويمكن لاسمح الله يصدرون قرار بالفصل اذا استمر الغياب لاسبوعين متكررة فارجوا منكي الحذر حتى لايصير مالاقد تحمد عقباه

وفيه خطط للي يد الموجهة بس هذي محتاجة قوة قلب ومديرة تدش في الحديد ماتخاف اذا بغيتي وبعد سماح المشرفين سننشر الموضوع-

















الله يعطيك العافيه ع التوضيح وياليت تساعد اخواتنا وتوضح لهم اكثر



ومشــــــــــــــــــــــ ـــــــكور مقدما

البارون
25-10-2006, 08:01 PM
-

















الله يعطيك العافيه ع التوضيح وياليت تساعد اخواتنا وتوضح لهم اكثر



ومشــــــــــــــــــــــ ـــــــكور مقدما



طيب وش الحل في التكميل

1_ انو مديرة المدرسة ترفض الاستغناء عنكي وتعطيكي نصاب زي 21 ساعه ( وطنية وفنية ) زيادة وتقول للموجهه اما جيبوا لي مدرسه زياده ولا انا عندي عجز تكملة مدرسة الانجليزي ويكون الجدول حقك مزبط على 21 ويعلق في غرفة الوكيلة او المديرة وبكذا تحملي غثا فنية ووطنية ولا تخصص في مدرسة ( ترى انا مجرب التكميل لمدة 4 سنوات والله انه يغث )

نهله الصاعدي
25-10-2006, 11:41 PM
طيب وش الحل في التكميل

1_ انو مديرة المدرسة ترفض الاستغناء عنكي وتعطيكي نصاب زي 21 ساعه ( وطنية وفنية ) زيادة وتقول للموجهه اما جيبوا لي مدرسه زياده ولا انا عندي عجز تكملة مدرسة الانجليزي ويكون الجدول حقك مزبط على 21 ويعلق في غرفة الوكيلة او المديرة وبكذا تحملي غثا فنية ووطنية ولا تخصص في مدرسة ( ترى انا مجرب التكميل لمدة 4 سنوات والله انه يغث )










الله يعطيك العافيه مره ثانيه وصدقت فيما قلت



وممكن شغله ثانيه وهي انو تمسك نشـــــــــــــــــــــــ ــاط وتكون رائدته



او ارشــــــــــــــــــــــ ــــاد وبكذا ولا يمكن احد يقرب صوبها لا بندب ولا بمواد ثانيه



واخيـــــــــــــــــــــ ـرا اخواتي اسأل اللــــــــــــــــــــه ان يصبركن ويقوي



شوكتكن ضد من يطهــــــــــــــــــــــ ـــدون راحتكن

13&mjoody
27-10-2006, 05:12 PM
السلام عليكم
انا كنت عقد على مدرسه ما فتحت راسمي ألا لترم الثاني وعلى كذا راحت اربع مدارس 3ثانوي 1ابتدائي وطلعت موجه اللغه بندب جديد اسمه تخفيف على 3معلمات في مدرسه مديرتها لسانها طويل المهم بعد الهم رفضت التعاقد على السنه الجديده من الى شفت كراهة اللغه والتدريس والحصه الاخيره

13&mjoody
27-10-2006, 05:19 PM
سؤال ممكن تردون على ضروري جدآ المعلمه معينه جديد في منطقة غير تقول الموجه ان أخرى معلمه تباشر اول معلمه تندب صح وألا لا

kunu
27-10-2006, 06:44 PM
بسم الله الرحمن الرحيم


ياخوان هذا سؤال يحير الكثيرين من الاخوان والاخوات معلمي اللغة الانجليزية وخاصة المعينيين الجدد او الذين يجهلون بالتكميل وحدوده

حدود التكميل ( هذا كلام مدير مركز اشراف ورجل ذو باع طويل في الاشراف ولادارة )
25 كلم ازفلت
15 كلم وعر يعني بعيد وماهو ممهد
20 صحراء يكون ممهد

وهذي اجابت الخبير ( مدير مركز اشراف )



طيب اجبرت على التكميل في حدود 50 كلم ( هنا الاجبار يعني صدور خطاب من مركز الاشراف التابع له انت باكمالك في هذة المدرسة ) هنا تتخذ الخطوة التالية

تظلم لمدير التعليم في المنطقة تطلب فيه براتب عن تكميلك في المدرسة الثانية او رفع التكميل عنك واذا لم ينفع مدير التعليم ارفع تظلم لديوان الخدمة المدني حتي يدفع لك راتب بدل المسافة حيث ان المسافات اعلاه هي الحدود المسموح بها في التكميل

( للامانة انا خطبت هذا الشخص بالجوال وشرح لي المكتوب اعلاة وقال بان اي شيء يتعدى الحدود المذكورة يكون اما من جهل من مدير المدرسة ومركز الاشراف او مؤمراة لسد النقص فاحبيت انبهكم مع اني في قرية واكمل في قرية تبعد عنها بحوالي 20 كلم )

وبالنسبة الى كلام الموجهه او المشرفة فاذا ماكان مدعوم بخطاب يجبرك على التكميل من مركز الاشراف وادارة التعليم فلا يهمك ومن ابسط حقوقك ان ترفضي

اما اذا كان الموجه او المشرف جايب خطاب بتكميلك فتلك بلوى لا يمكن تفاديها فعند صدور الخطاب ترسل نسخة الى مدرستك ونسخة للمدرسة التي تكملين فيها ويوضع لكي تقريبا يومين او يوم حسب التنسيق مع مديرة المدرسة فاذا لم تحضري سجلتكي غياب وبعد اسبوعين ترفع لتوجيه والارشاد وتاتي لجنة من المتابعة للتحقيق ويمكن يخصم عليكي كل هالفترة ويمكن توبخين بخطاب ويمكن لاسمح الله يصدرون قرار بالفصل اذا استمر الغياب لاسبوعين متكررة فارجوا منكي الحذر حتى لايصير مالاقد تحمد عقباه

وفيه خطط للي يد الموجهة بس هذي محتاجة قوة قلب ومديرة تدش في الحديد ماتخاف اذا بغيتي وبعد سماح المشرفين سننشر الموضوع



كلامك صحيح ميه بالميه ( وياخوان ترا بدل الراتب اذا نقل المعلم اكثر من 50 كيلو مو من وزارتنا الموقؤ هذا من ديوان الخدمه المدنيه حق من حقوق اي موظف بالدوله )

اما بالنسبه للانتداب
اذا كان الانتداب لمصلحتك ( يعني مدرسه اقرب او النصاب يقل )
واااااااااااااافق ولاتقول لا احد يرفض النعمه بيده

اما اذا كان مو من مصلحتك ( عاد انت وراسك )
ارفض ارفض ارفض ارفض
وانت واااااااااااااااثق
حتي لو يجي الوزير او مدير التعليم ارفض وقول له اشتكيني للشرطه

ببساطه:::::::::::: انت ايش ذنبك يامعلم الانجليزي انهم يمرمطوك بين ثلاث او اربع مدارس
فكو الوظايف عينو الناس اللي جالسه ببيوتها



اما حكاية تمنع من التوقيع (حررررررررررررررررررام عليك والله حرام )
من المفروض اول ماتمنعك من التوقيع تكتبي خطاب موجه الي ادارة المدرسه واطلبي فيه توضيح اسباب منع توقيعك )
طبعا المديره راح تنطق بسة لغات و ترفض ( احد يجني علي نفسه )

سوي خطاب ثاني موجه لادارة التعليم ( واكتبي بالخطاب انه تم تسليم المديره منه ) وطالبي بتشكيل لجنة تحقيق للنظر بالموضوع ( طبعا ااكد لك مارح تصل لها المواصيل الانك ببساطه انت ربحت المعركه من اولها )

طبعا اذا رفض تشكيل لجنة تحقيق بالموضوع
علي طوووووووووووووووووووووول اتصلي علي واحد بالوازره بالرياض ( شؤون موظفين معلمين حارس سكرتير الي يجي )
وارسلي خطاب التظلم بالفاكس لهم ( ولا تشيلي هم لان وزارتنا ماهي فالحه الا بالشكواي ضد المعلمين واداراتهم )








اما اذا مرررررررررررررره الشباب مانصفوك ( طبعا نعتبر انك مغلوب علي امرك والاداره عندها واسطه خمس نجوم )


الله الله انقزي نقز علي ديوووووووووووان المظالم
وابو متعب بنفسه يربيهم لك

زعلانه مره
30-10-2006, 02:02 AM
انا بالمنطقة الشرقيه جاني ندب الى متوسط وثانوي ولما رفضت كلمني المندوب وقالي ان الندب اجباري

والا بيرفع فيني خطاب وبعدها اتعرض لعقوبه تاديبيه

طبعا رضخت للامر غصب ونصابي الحين بين مدرسة ابتدائي والمدرسه الثانيه تقريبا 30 حصه وش رايكم هع هع

زعلانه مره
30-10-2006, 02:08 AM
صح مجودي وهذا كان بلاي انا

الجعفرية
09-11-2006, 05:47 PM
الســــلام عليكـم ورحمة الله وبركاته
من وجهة نظري انك تروحي وتعتبر نقطه بصالحك وهالمره الدور عليك اما المره الجايه على زميلاتك ولعلمك اذا رفضتي راح المشرفه تندبك لهجر وانتي بغينى عن هالموضووع وافقي وماراح يضرك شي الا في حاله انك تقوولي انو وولي امري مو موافق بهالحاله ماتقدر تندبك مهما صار او كان لان هالمواضيع لازم بموافقة ولي الامر انا مثلك صار لي هالموضوع مدرسه بالثانويه وانتدبت ادرس متوسط ورفضت ورحت لمديرة الاشراف التربوي وقلت لها ولي امري مو موافق وتفهمت الموضوع وماراحت لكن بهدها المشرفه صارت تتلكك لي وتتصيد علي الاشياء الصغيره قبل الكبيره ............ لكن نصيحه روحي واكسبي المشرفه لصالحك وهي قالت الصدق انو اذا اي وحده ترفض تروح بكيفها للانتداب بعدها يكون الموضوع اجباري مو بيدها ........... وانتمنى لك الخير ووووووشكـــــــــــرا,,,,,



تــــــــــــــاج الووووووووورد الجعفــــــريه ,,,,,,,,,,,, الشمال

Toti
23-11-2006, 08:56 PM
الحل الوحل
انهم يدخلون الانجليزي من رابع أفضل للطالبات وللمعلمات .... كل معلمة تكون في ابتدائية واحده فقط

أو
انهم يثبتون كل معلمه في ابتدائية واحده فقط وتكمل نصابها من المواد الأخرى ...................


على فكرة سمعتوا نظام تعليمي عربي مثلنا المعلم فيه يطلع من مدرسة لمدرسة كأنه بياع فول ؟؟؟؟؟؟!!

السراب الابيض
24-11-2006, 03:19 PM
:84: :وبعدين وش الحل كل وحده شكت وين الحل الرفض على حد علمي لا يغني من جوع تعتبرين غائبه الي ان يصل غيابك ثلاثون يوم في السنه بدون عذر او خمسه عشر يوم متصله بدون عذر ثم تفصلين من الخدمه 240:
وبعــــــــــــــــــــــ ــــــــــدين ايــــــــــــــــــــــن الحــــــــــــــــــــــ ـــــــــــــــــل