ارجو دخول الجميع والتعليق على الموضوع.........ز

[جاني_خبر]

أخواني واخواتي في هذا المنتدى الرائع.كل عام وانتم بالف خير........أنا معلمه ادرس الصف الاول متوسط.وبعض المرات يكون فيه اهمال من جانب الطالبات في حل الواجبات المتعلقه بالماده قررت اعاقبهم انهم ينسخون الحروف وكل مره ازيد عدد مرات النسخ فهل هذه الطريقه غلط ولا لا؟؟؟؟؟كمان فيه أستفسار عندنا المشرفه حقت الماده كل شوي طالعه لنا بطلبات حتى لما تبي ورقه اتصلت علينا وقالت سطري الورقه بالكمبيوتر وارسليها لي على مكتب الاشراف.وطلبت من زميلتي أنها تسوي حصه نموذجيه غصب وسوت تعميم بذلك على كل المدارس بدون ما تعلمها يعني غصب .وكل ما حضرت لي درس قالت سوي كذا وكذا يعني همها صار اكثر من هم الطالبات.وكل شوي تجيب لي موضوع اسحبه لها من النت وارسله لها على مكتب الاشراف...وطلبت مني اعمل لها حلقه تنشيطيه الترم الثاني على مستوى المنطقه غصب دون ما تراعي ظروفي.والله يا اخواني أني اتعب تعب في المدرسه ما تتخيلونه :اجيب في الحصه صور وبطاقات ووسائل والبنات مستواهم لا باس فيه بس انا مرتاحه لاني اعطي كل اللي اقدر عليه والكل يشهد لي بذلك.بس ارشدوني هل أنا مكلفه بالحصص النموذجيه والحلقات التنشيطيه ؟؟؟؟؟؟؟لانها تحطنا قدام الامر الواقع غصب علينا؟؟؟؟؟؟؟تكفون ردوا ياأهل الخبره في هذي الامور.واسفه على الاطاله بس ضغطي بينفجر من المشرفات وهذرتهم اللي ما لها داعي............................:neutral:

[@ومضة@]

حياك ِأخيتي

أما عن العقاب الذي تتبعينه إذا كنت أن الطالبة بعدها تتعظ بهذا الشي استمري بهذا الأسلوب

لكن فيه طالبات لا ينفع هذا الأسلوب معهم فعليك بما ترينه أجدى ( تنقيص درجات / كتابة تعهد / اخبار ولي الأمر .........الخ )

أما بالنسبة للدروس النموذجية فهي في الأول والأخير

لصالح الموجهة ولك الحق في رفضها إن لم تريدي عملها

(ولا يكلف الله نفسا إلا وسعها )

ودمت بود

أرجو اني أفدتك

[جاني_خبر]

أختي ................الله يجزيك الف الف الف خير ويبارك لك على هالشهر الفضيل واسفه على الازعاج.....

[Reena]

جاني _ خبر

حياك الله

الحقيقة كأنك تتكلمين عن موجهاتنا الفريدات

عادي هن يأمرن و حنا ننفذ اللي نقدر عليه

و كل اللي تقوليه صاير عندنا و ياليت عاجبهن

و بالنسبة للحلقة التنشيطية هالمرة خذوا موضوع الدرجات و توزيعها و ناقشوه
ناقشو فيه طريقة التوزيع و طريقة عمل الاختبار و توزيع الدرجات على كل سؤال

و بالنسبة للطالبات طريقة التشجيع بانواعها هي اللي تمشي معاهم

و تحية حلوة مثل اسمك

[ابواصيل]

نفس العقاب انا استخدمه مع طلابي

اما الموضوع الآخر ما عندي خبر

[فصوولي]

أنا يقهرني فيكم شي واحد بس !

ما تعرفون من هو المشرف ؟؟ والمشرفه ؟؟

كابوس شيطان ؟؟

يا بنت الحلال اذا انتي مرتاحه بمدرستك اللي تدرسين فيها ولا تطمعين في نقل قولي لها وبالفم المليان ضفي وجهك !

المشرف تراه مدرس بالاصل وكان زميل

الله يتوب علينا كان واحد من العيال معنا مدرس وكنت اروح اتتن انا وهو برى المدرسه عند السياره ويوم صار مشرف زارنا بالمدرسه وتكلم عن الظاهره هذي جيته وقلت له يا ابو الشباب نسينا ما كلينا ؟؟ قام يضحك قال شسوي العمل يتطلب قلت له طيب هالنقطه بالذات ذي سجلها علي وعناد فيك ما رح اغيرها ضحك ومن بعدها ما جاب طاريها !

والله العلم والخبر كله بيد المدير والدرجه والتقييم بيد المدير لا يهموووووونكم المشرفين

[dodemargo]

أخيتـــــــــــــــــــــ ــــــــي
عقابك رائع وبالعكس هو في مصلحة الطالبه مو ضدهـــــــــــــا

والمشرفـــــــــــــه ما لك إلا إنك تقولي حاضر وطيب في وجهها عشان ما تأكلك
وبعـــــدين سوي ما بدالك
وصح لسانك فصولي هي من تحسب نفسها في يوم كانت معلمه زيها زينا
والحين صارت تتشرط ؟؟
بالنسبه لــــــــــي مشرفتي زي العســـــــــــل الله لا يغيرها علينا رائعه وتقدر أي مجهود بسيط أبذله من أجل الإرتقاء بطالباتي للأفضل

الله يوفق الجمــــــــــــــــــيع