شوفو الكلام اللي مايدخل العقل

[aminah]

السلام عليكم ورحمة الله وبركاتة

أنا عضوة جديدة وابي أخذ رأيكم في شي غريب صار لي
أنا أدرس المرحلة الثانوية ونصابي 20حصة
اللي صار إن مشرفة المادة جتنا المدرسة تبلغنا إنهم جايبين مدرسة إبتدائي تاخذ من حصصي ثمان حصص
وأنا صار نصابي 12وإنهم نادبيني ندب جزئي لمدرسة إبتدائية عشان أكمل نصابي هناك!!!!!!!!!!!
يعني نظام قص ولزق...ولما إعترضت قالو هذا مو ندب هذا قرار جديد إسمة الربط:marsa178:
شي عجييييييييييييييييييييييب ...
إش رايكم ياجماعة ف هالكلام اللي مايدخل العقل خصوصا إن الحصص صارت مضغوطة بالنسبه لي ولطالباتي...لأن دوامي صار بمدرستي بس 3أيام والباقي أروح الإبتدائي...بس أنا ما وافقت وما رح أروح
لأنه مثل ماقلت لكم شي غير منطقي بالمرة...
أنتظر أرائكم
السلالالالالالالالالالالا لام

[English Lover]

انا سبق وانتدبت لابتدائية

بس مامر علي ولا سمعت مثل هالحاله

بس يمكن يكون خير لكِ اختي

يصير الثمان الحصص اللى اخذوها منك بدل تدريسها في ثانوي تدرسينها ابتدائي ...منهج سهل وطلاب اسهل

والله يوفقكِ

[chick]

اكيد لاتوافقي

وصدقيني هم اكيد راح يكتشفوا خطأهم ...........يعني اكيد في احد فيهم صاحي.

[aminah]

كلامك صحيح English Lover
بس ما أحب أسوي شي مو مقتنعة فيه أحب أنفذ وأسوي شغلي وأنا مقتنعه ومرتاحة
وبعدين الطالبات صاروا يتأففون من حصتين إنجليزي باليوم الواحد ويقولون اشلون ناخذ دروس إسبوع كامل في يومين!!!!!!!!!!
وفعلا معاهم حق...بس ما أقول إلا حسبي الله ونعم الوكيل

أسعدني مرورك العذب

[Good night]

والله عليهم ذكااااء موب صاحي

ليش تعقيد المسائل كان خلوك بمدرستك أفضل ولاجابوا معلمة ثانية

المسألة فيها لبس يبيلها تفسير .. أنا من رأيي ترفضين وقبل كل شي

إستخيري .. والله يعينك عالفوضى

[Reena]

بلا نظام جديد بلا خرابيط

خليهم يجيبوا لك اثبات انه نظام

و بعدين سوي اللي تبي

ما في اجبار على الندب و خصوصا اذا كان جزئي

[sweet pie]

السلام عليكم إخواني وأخواتي أعضاء هذا المنتدى الرائع .....بمناسبة الحديث عن الندب أحب أسال إذا فيه أحد يقدر يفيدني من ذوي الخبرة هل الندب الجزئي إجباري ولا من حق المعلمة ترفض ؟ و إيش ممكن تكون العواقب اللي تترتب على الرفض ؟ بليز ساعدوني مشرفتي مصممة تندبني وتقول الندب إجباري وأنا مصممة على الرفض ولي أسبابي لكن مو راضية تقتنع ........بلييييييز لو فيه مشرف تربوي أو مشرفة هنا لا تبخلون علي بالنصيحة:neutral:

[فصوولي]

كلام الجميع على متمه ولكن معليش أنا عندي مداخله بسيطه :-

الأقدميه لمن في المدرسه ؟؟ لك والا لزميلاتك ؟ ( أقصد من اللي كان الأول )
بالنسبه للمفاضله في في الثلاث سنوات اللي فاتو من كان اسوء درجه فيكم ؟؟ << مع العلم انك تقولين انك جديده

الشي الثالث لا يمكنك الرفض اذا صرت جديده على المدرسه وما فيه أقدم منك لأن المدرسه الأبتدائيه بحاجه ومن الصعب يجيبون معلمه جديده
ولكن اللي رح يصير رح يضغطون زميلاتك بنصاب 24 حصه وانتي 20 ولكن يكون عندك تكميل في مدرسه ثانيه

الموقف هذا حاصل عندنا في المدرسه وراح ضحيتها المدرس الجديد اللي توه جاينا وعشان تكونين بس في الصوره لا يمكنك الرفض الا في حالات
1- أنك تكونين أقدم مدرسه انقليزي في المدرسه
2- أن تقديرك في السنوات الاخيره الثلاث أفضل من باقي المدرسات
هنا يكون المفاضله والتكميل اجباري والا ترى الامور بتتعقد معاك
شكلك تقولين اني معهم ؟؟ او متمسك برأيهم لا والله بالعكس قمة التخلف اجده في هذه الانظمه واللي حطها
مع العلم الكلام هذا اللي قلته من واقع تجربه

الله يوفقك

[@ومضة@]

أختي أمينه

نظام الربط جاري عندنا وجا فيه تعميم من وزارة التربيه والتعليم بس لمدارس معينة من المنطقة

وعلى فكره موجهتي لا زالت تحاول إنها تطلعني لابتدائي وانا على ملاك متوسط وعندي منهجين

والربط يعني بلغتهم ملاك ثاني مثل معلمات الإبتدائي اللي حطوهم على أكثر من مدرسه

فلك الحريه في الرفض وبالنسبة لي حتى الآن ما طلعت رافضه

لأن اللي معاي عندها عذر مرضي يمنعها الخروج

وأنا لو طلعت وطاوعتهم راح يكون مؤبد مو زي الإنتداب

لأن المدرسه الثانيه ما عندهم معلمة أصلا

فالله يعطينا القوة ونواجهم بالرفض لأن هذا هو الحل الوحيد

تمسكي بقرارك ولا يقدرون بإذن الله يجبرونك

من توكل على الله كفاه

[@ومضة@]

عزيزتي سويت باي

أنا عن نفسي

ضليعة في عالم الإنتداب

من توظفت

وأنا على ندب جزئي مره في الترم الأول ومرة الترم الثاني

وكل سنه مدرسه شكل

حاولت مره ارفض جابو لي نص التعميم الخاص بالندب

والحين نازل تعميم جديد للندب

تلغى جميع مزايا الندب من خروج بدري أو حضور متأخر

يعني زيك زي الأساسيه في المدرسة إلا في حالة كانت المديرة متعاونة معك .

أما إذا رفضتِ الإتتداب راح يقولون لك تمنعين من التوقيع

ومن ثم إذا أصريتي يقولون ترفع ورقة لفت نظر بشأنك

وآخرها تحقيق <<<<<<<< وفي هذي يثبت مدى إصرارك على رأيك


على فكرة الموجهات يبحثن دائما عن من تقول نعم لهن

حتى لو كانت قد انهت إنتدابها من أسبوع

فهي على الفكره الأولى


والله يعينك أخيتي

[حمامة]

لا .. من باب الأدب والذوق ...


لا من باب العناد والتمسك بالرأي ..


يعني إيش بيفصلونك ؟؟

ما يفصل إلا الوزير ... وفي بعض الحالات ...



خليك منهم ...




داخله بقوه بالعناد

[روزا]

نفس شي صار معي بس انا نزلوا من عندي 2م وادرس ابتدائي علي اساس مع سادس علي العموم احنا لازم نطالب ان يحسبوا لنا هذا الندب مومعقولمدرستين وب4800انقول الحمدالله بس مومعقول بعد ندب ونحسب علي اي غلط نغلطه واحنا رسمي وبعد ندرس مادة واحدة يعني مااحنا تخصص عربي كذا فرع يعني لازم نكمل 24حصة هذا منهجنا وهذي حصصننا

[aminah]

أنا مديرتي متعاونه معي...قالت للمساعدة امنع من التوقع بس عادي يوم جيت خلوني اوقع واداوم عادي ومطنشه مكتب الإشراف...والحين أنتضر نتيجة الشكوى اللي قدمتها لإدارة التعليم....
وعلى سيرة لفت النظر فيه عندنا معلمة رفضت الندب وحققو معاها وعطوها لفت نظر...
وماضرها شي...ولفت النظر لاجاب ولا ودى!
وانتهى الموضوع وصاروا يفكرون مية مرة قبل لايفكرون ينتدبونها......
يعني اللي تقول لا...وتكون عند كلمتها يحسبون لها الف حساااااااااااااب

[atheer1234]

أنا معلمة ابتدائي ندبوني اجباري لثانوية و صار نصابي أكثر من بعض زميلاتي المستقرات في المدرسة

[aminah]

الله يعينكم يامدرسات الإبتدائي...الكل حاسدكم على راحتكم اللي ماتهنيتوي فيها...
لكن إنشاء الله يدخل منهج الإنجليزي من رابع إبتدائي وترتاحون من هالندب اللي مسمينه من باب التمويه ربط

[Marshmallows]

مرحبا اختي..عادي ...عااااااااااااادي.....يسوون اعظم..ياما شفنا ومر علينا اشد من كذا..يحوسنا ويخربطون نظامنا وجداولنا كل هذا عشان مايوظفون متعاقدات....طيب اللي بيجيبونها بدالك ليش مايندبونها هي للابتدائي...؟؟ يعني ليش الحوسه هذي؟ اقترحي على مشرفتك هالاقتراح..ولو مانفع..روحي صدقيني بيخف عليك الضغط شوي لان سادس سهل وممتع ...غيري جو..غيري عتبه :) وعلى البنات وانهم متضايقين صدقيني هم ااااااااااااااااااااااااا اااااااااخر شي يهمهم مصلحة البنات والا مستواهم الدراسي ..اهم شي عندهم يضغطون المعلمة الين تكمل نصابها ويوفرون عليهم توظيف متعاقدات .... والبنات مو مهم.......

[Marshmallows]

مرحبا اختي..عادي ...عااااااااااااادي.....يسوون اعظم..ياما شفنا ومر علينا اشد من كذا..يحوسنا ويخربطون نظامنا وجداولنا كل هذا عشان مايوظفون متعاقدات....طيب اللي بيجيبونها بدالك ليش مايندبونها هي للابتدائي...؟؟ يعني ليش الحوسه هذي؟ اقترحي على مشرفتك هالاقتراح..ولو مانفع..روحي صدقيني بيخف عليك الضغط شوي لان سادس سهل وممتع ...غيري جو..غيري عتبه :) وعلى البنات وانهم متضايقين صدقيني هم ااااااااااااااااااااااااا اااااااااخر شي يهمهم مصلحة البنات والا مستواهم الدراسي ..اهم شي عندهم يضغطون المعلمة الين تكمل نصابها ويوفرون عليهم توظيف متعاقدات .... والبنات مو مهم.......