المساعد الشخصي الرقمي

مشاهدة النسخة كاملة : انتهى عقدك تداومين ؟؟؟!!



الريشة الذهبية
05-03-2005, 08:27 PM
السلام عليكم ورحمة الله وبركاته

سمعت بل قرأت أن بعض الأخوات المتعاقدات لم تستلم أي راتب حتى الآن!!!
بل أن البعض انتهى عقدها وهي مازالت تحفظ الجميل للوزارة المصونة.

أخيتي وحبيبتي المتعاقدة هل تعتقدين أن الوزارة ستحفظ لك حقك؟؟
أنا لا أتكلم من فراغ بل الكثير من الأخوات اللاتي انتهت عقودهن في الأعوام السابقة باشرن العمل حتى آخر الأيام على الرغم من انتهاء مدة العقد ولم تكافأ أو تشكر لها جهودها

يعني بالعربي أفهموها انتهى عقدك لا تداومين
هو فيه أحد يبي يتحرك في الوزارة وعنده معلمات يشتغلون بالمجان
أبداً مستحيل



تقبلوا خالص التحايا

أختكم التائهه الحائره المقهوره
مطالبة بحقوقها

مها
05-03-2005, 08:29 PM
ياريشتي ياحبيبتي انا عقدي منتهي قبل اسبوعين بنتظر بكرا ان نزل راتب محرم ولا يخلون وضيفتهم لهم00

الشكوى لله وبس

warm heart
05-03-2005, 10:02 PM
أنا بكرة ينتهي عقدي
وما عندي نية اداوم لين يجي شيئ رسمي
والله يفرجها على الجميع

berry
05-03-2005, 11:07 PM
:confused: ياجماعه أنا عقدي ينتهي بعد ثلاث شهور
يعني أحط الأسئله وأقلب وجهي
اللي عاز علي طالباتي ما اريد أحد يصحح لهم غيري وش رايكم :confused:

فلان الفلاني
06-03-2005, 05:17 AM
من المسؤول عن ما يحدث ؟؟

ديوان الخدمة ام وزارة التربية ... 70 مليار وش بيسوون فيها ؟

من نسأل عند انتهاء العقود ؟

mona22
06-03-2005, 12:03 PM
ياجماعة انا عقدي انتهى اليوم25 / 1 / 1426هـ لا وشوفو قلة الحياء نزلولي راتب 25 يوم يعني ( 2916.66 ) واخصمو حق خمسة ايام
يعني ياجماعةالمفروض احنا ما نداوم من بكرة لين نشوف وش بيصير لنا .

زهرة وفى
06-03-2005, 05:23 PM
معقووووووووووووووووله ياجماعه كذا يصير

مها
06-03-2005, 05:51 PM
ههههههههههههههه شر البيلة !!!

الله كريم يابنااااااااااااااااااااا اات الله كريييييييم

فلان الفلاني
06-03-2005, 07:39 PM
mona 22

قوية والله .......... يعني لا تداومين

جوانه
06-03-2005, 07:59 PM
يااخواتي أنا لم أستلم راتبي حتى الأن

الريشة الذهبية
06-03-2005, 11:06 PM
ههههههههههههههههههههههههه ههههههههههههههههههههه أي والله شر البلية مايضحك
أجل ( 2916.66 ) يامنى

أنا قايلة افهموها يعني ضفوا

وتلوموني يوم أقول لا تجددون
أنا فاهمتهم زييييين والمؤمن لايلدغ مع جحر مرتين

أنا أقول لكم من الآن كلام واسمعوني زين وطيعوني لو المرة هذي وراح يطلع لكم حقكم بإذن الله

المطلوب من كل وحده انتهى عقدها أن تستمتع بإجازة سعيدة
ولا تتفوه بأي كلمة لأي مسئول سواء كان صغير أو كبير
لا تقولون انتهت عقودنا أو تراجعونهم أو تترجونهم خلوهم على غفلتهم
حتى المديرة لا تدري إلا إذا لبستي عبايتك وسلمتي عليها عشان ماتزعجك بالاشغال اللي مالها داعي

المهم لا تكلمون أحد ولا تقولون نجدد أو ثبتونا أو من هالكلام
اسكتوا عنهم مثل ما اسكتوا عنا وخلونا نموت قهر

هم إذا حسوا بالنقص من ذاك الوقت بيتحركون ويدورون على أرقام تليفوناتنا مو إذا عطيناهم أوراق رموها في الزبالة وقالوا ماوصلنا شيء
بصراحة التسيب والتلاعب بالعقول وخصوصاً على النسوان بلغ مستوى لايطاااااااااق إطلاقاً

صرنا أطفال
نبي نثبتكم.. لا لا اصبروا شوي .. هااااااه انتم هنا رفعنا ملفاتكم .. هااه انتم تسمعون.. لا لا اصبروا شوي .. الموظف اللي شايل ملفاتكم
يبي قهوه اصبروا شهرين.. هااااه تسمعون.. الموظف اللي يبي يثبتكم رفع القلم .. لالا هو الحين مرهق ويبي يرتاح شوي وهالسالفة تتردد كل يوم من قبل نوقع العقود والعقود انتهت واحنا ماشفنا شي


وياقلبي ياجوانه حتىىىىى الآن ما استلمتي شي
أجل ليش تدوامين مين يثبت لك حقكك
راجعيهم 100% بيقولون ملفك مو موجود واسمك غير مدرج ومن اللي قالك داومي ومن هالكلام
عاد طلعي حقك
الله كريم

هلا
07-03-2005, 12:02 AM
اقووووووووول مالنا اي صفه رسميه بمجرد انتهاء العقد
الرواتب مااخذنها واحنا بينا شي رسمي كيف لاصار مافيه عقود
انا اول ماراح اداوم حتى يجي شي رسمي
قال نداوم بدون عقود قال :cool:

Excellent
07-03-2005, 07:34 PM
:mad: لاااااااااااااااااااااااا ا للدوام بعد إنتهاء العقد!!!!!!!!!!! :mad:

ريموووو
08-03-2005, 02:53 AM
ههههههههههههههههههههههههه هه والله حسبينها با الهلله يعني يقال الحين مالها شي عندهم ههههههههههههههه أحسبوها معاي ........ الراتب 3500 ÷ 30 = 116,66 زين كذا لا صار الشهر كامل (( هذا في حال أستلمت الراتب)) زين الآن 116,66 × 25 = 2916,66 يعني صدق وأمانة وعدل ومخافة من الله بعد كذا مافيه............. ههههههههههههههههههه

aaa111
08-03-2005, 06:09 PM
ههههههههههههه


0يازينك ياريمووووو



شوفو بنات أنا بأجيب لكم الخبر اليقين يوم السبت


لان هناك اجتماع طارئ لمعلمات الانجلش بمنطقتنا


ووحدة من الموجهات قالت انه هالاجتماع بهدف التثبيت



أنا رايحة السبت






وباقولكم كل شي باذن الله اول مااوصل






ربي يوفق الجميع

درة المشـــاعر
08-03-2005, 06:22 PM
مـــــــــــــرحباااااااا ااااا


أنا برضه من من رأيكم المفروض اللي انتهى عقدها مااااتداوم الا بورق رسمي

لأنه ما أحد راح يصرف لها راتب للأيـــــام الزيــــــــــــــاده

وصـــــــــارت لوحده من صاحباتي الله يعينها ويعيننا جميعا داااومت السنه اللي فاتت زياده
عن العقد تقريبا شهرين وقالوا لها اعتبريها صدقه!!!!!!
مين اللي راح يدفعلها فلوووس السائق على الرغم من انها كانت تقطع مسافه 300 ك
وهل راح يعتبرها السائق صدقه بعد؟؟!!
فنصيحه اللي ينتهي عقدها لااااااااااا تداوم ولا يوم وأنا معاكم


تحيـــــاتي,,,,
أختكم درة المشاعر

aaa111
08-03-2005, 06:28 PM
نصيحة لا يادرة المشاعر


اصبري خلونا نصبر والله انها احسن من جلسة البيت



من ترك شيئا لله عوضه الله بخير منه





اسألو ربي العوض



والله لايسامحهم اذا ضحكو علينا

aaa111
08-03-2005, 06:31 PM
والله اني احترت مرة اقول بأداوم ومرة لا




ابوية يقول لي






لااااااااااااا







وحتى المدرسات بالمدرسة يقولو طنشيهم





افففففففففففف

Rose
08-03-2005, 08:33 PM
ياحبايبي انا قلت لمديرتي اذا انتهى عقدي ما بداوم قالت لي

((عقدك بيتجدد تلقائي من الادارة وقالت انت مو اول وحده ينتهي عقدها في نصف الترم كذا حالة مرت علي وتجدد عقدها تلقائيا العام السابق من بند محو الامية 107 ابو راتب 2500))

المهم الله اعلم ايش نسوي لو جددوا كملنا مو عشانهم عشان شهادة الخبرة لأنه يقولون ما يعطونا شهادة الخبره الا بعد 9 شهور تدريس يعني ترمين دراسيين

واذا كان بيعطونا شهادة خبره بمجرد عمل 6 شهور نقول

لا لا للتجديد

amr2004
09-03-2005, 12:23 AM
فعلا ياخواتي
انا مدرسة انجليزي على البند في محافظة المجمعه
وخصمو علي 500 ريال وكل المعلمات اللي معي خصمو عليهن
فقط ادارة تعليم المجمعه علماً بأنني لم أتغيب أبداً .

حسبي الله عليهم من وزاره .

amr2004
09-03-2005, 01:08 PM
والله العظيم بابنات اليوم اطلعت على على القرار الذي يقضي بأن تكمل عقود مدرسات الانجليزي الى نهاية الفصل الدراسي الثاني . وهذا صادر من مدير عام الشوؤن الادارية والمالية.
وياليت عندي سكنر كان اضفته لكم


بنات من اليوم مافيه دوام اذا مارسمونا
وعدونا بالترسيم وفي الاخير تمديد والله قهرررررررررررر

حسبنا الله ونعم الوكيل عليهم.

&&lovely girl&&
09-03-2005, 03:24 PM
طيب يابنات انا عقدي يبي ينتهي ب 4/2و الى الحين ماعطونا خبرو وش رايكم ؟؟وش اسوي؟؟ انا مقتنعه انه بانتهاء عقدي خلاص مالي وجود رسمي بالمدرسه؟؟لكن اخاف يفهمونه شي ثاني؟؟اني مستهتره؟؟او اني موقفه المناهج عليهم؟؟

وش رايكم يابنات وش تشيرون علي؟؟

اختكم &&lovely girl&&

Rose
10-03-2005, 01:21 AM
اذا فيه تمديد لازم نمدد بعقد جديد بشرط في النهاية يعطونا شهادة خبره غير كذا لا..

الريشة الذهبية
10-03-2005, 01:33 PM
الله كريم الله كريم

Excellent
11-03-2005, 11:57 PM
فعلا شكلهم ناوين يكملون الدعوى بالعقود .....!!!!!
لأن الموجهة قالت لنا داوموا على نفس العقد لحد ما يجي شي رسمي ..!!!!!!