صفة قبيحة تكثر بين المدرسين

[English Lover]

الحـــــســـــد

كل ماانتقل من مدرسة الى مدرسة او يجي بمدرستنا مدرسين جدد

انصدم دايما بوجود نسبة منهم حسووووود

المشكلة انها غالبا نسبة تصل احيانا الى الربع او اكثر

الحسد صفة منتشرة بين البشر عامة

لكن

ان تجد شخص متعلم

وعاش الحياة وجربها بكل اشكالها

مرة سكن في عزبة

ومرة للمدرسة تردد مية كيلو والا ميتين كيلو

ومرة يداوم بقرية باقصى الشمال وينقل الى اقصى الجنوب

او بقرية على الساحل الشرقي وينقل الى الساحل الغربي

ومرة ساكن فوق راس جبل ومرة في السهول والوديان

يعني بصراحة


كل العجب والغرابة ان تقابل هذا الشخص بعد مروره بكل هالتجارب وتجده:

يحسد زميل له على جدول الحصص

والا يحسده على عذره المرضي اللى يسمح له بالخروج المبكر

والا يحسده عشان عنده 24 حصة وماعنده ريادة فصل

وبنفس الوقت ماوده بالريادة ولا الــ 24 حصة

واذا شاف شخص مهمل وماجاب دفتر التحضير قال انا مثله ماني جايبه الين المدير يخليه يحضر الدفتر وقتها انا احضره

واذا المدير رخص لزميل له بالخروج تجده يركض وراه ويقول للمدير : وانا ليش ماني زيه والا بس ناس وناس لا

الغريب ان هالنوعيه اذا عيبت عليه حركات الحسد تلقاه يتبجح معك ويعتبرك ضعيف ومايمكن تاخذ حقك الا بهالطريقة

اعوذ بالله ضاقت علي الدنيا ماألقى الا خويي اتعقبه في كل شئ يسويه واردد : حتى انا ابي كذا وكذا

بالله وش رايكم ؟؟؟

[Reckless]

حاصل والله وحصلتلي مع مدرس من نفس تخصصي ومع تخصصات ثانية بس المدير الفاهم يعرف كيقية التعامل مع هذه الأمور.

[واسع العينين]

ماذكرت تجده في اغلب المدارس وهناااااا يبين المدير الذي له شخصيته بالادارة ويعرف كيف يتعامل مع هذه الامور وحسمهااااااا

[English Lover]

Reckless

واسع العينين


يعطيكم العافيه على تفاعلكم ومشاركتكم

[DR AHLAIN]

أخوي الحســد ماهو عند المعلمين وبس بل في كل الوظائف

أنا أقول هذا الكلام كوني جربت العمل في أكثر من مكان


وهذي طبيعة البشر لابد منها مع إضافة الغيبة الي اكلت حسنات المسلمين ولحوم البشر

إلا من رحم ربي


والله يبعدنا واياكم عن هذه العادة القبيحة ويجعلنا متحابين في ما بيننا نحب لغيرنا مانحب لأنفسنا.




انجلش لوفر

أشكرك استاذي على الطرح

وبارك الله فيك

تمنياتي لك بالتوفيق

[English Lover]

اخوي الغالي اهلين

ماقلنا شئ الحسد موجود بين الموظفين بشكل عام

بس حنا مدرسين ونتكلم عن انفسنا

وممكن نعرف من نقاشنا والمشاركات شئ عن المسببات ونتفاداها

وماتدري لو الله ينبه من كلامنا شخص فيه خير بس اللى حوله اقنعوه باللغط


والمفروض مني ذكر الجانب الافضل المقابل لهالتصرفات

بس المغرب يبي يذن الان وابروح افطر وبعدها يكون خير

[DR AHLAIN]

كـــلامك سليم نبي حلول لأن المعلم جالس جالس بغرفــة المعلمين

من رأيي ان الإجتماعات بين المعلمين (الخارجية) وابسطها قهوة في البيت يجمع فيها الزملاء

مع بعض التقديم راح يكون لها اثر في انفس الأخرين تقوي العلاقة الأخوية وتزيد أواصل المحبه

بينهم, كذلك أنا القي اللوم على من عنده علم ويكتمه وأخص بذلك معلمين الدين

فهؤلاء الاشخاص تخصصوا في أمور الدين وسير الرسول فلو استقطعوا لو دقيقة

للتذكير لكان لها وقع في قلوب المعلمين بالإضافه لبقية المعلمين من ذوي التخصصات الأخرى.




هذا مالدي أستاذي

وننتظر الآراء التي قد تساحد في تلاشي هذه الظاهرة

شكراً لك مرةً أخرى وأعتذر عن الإطالــــــة

[English Lover]

من رأيي ان الإجتماعات بين المعلمين (الخارجية) وابسطها قهوة في البيت يجمع فيها الزملاء

مع بعض التقديم راح يكون لها اثر في انفس الأخرين تقوي العلاقة الأخوية وتزيد أواصل المحبه

هذا والله الصح بعينه

لان الحسود وضعيف النفس مايحب الاجتماعات ويجيه مثل النفرة منها

لو تساله ليش يافلان ماتشترك معنا في طلعة بكرة والا بزيارة فلان في بيته يقولك: انا احب ادخل المدرسة اعطي درسي واطلع وماحب الجمعات اللى يجي منها مشاكل ومناوشات <<<< ياعيني عليه حبيب

والا ممكن يقول : مصاريف وحنا يادوب نصرف على عيالنا ومديونين وحالتنا حالة <<< يكره ان يصرف من وقته او من ماله شئ فيه الفه وخير

والتجمعات والزيارات مثل ماذكرت اخوي اهلين لها خير وفايدة ماتحصى اقلها مايكون الزملاء في المدرسة الوحده مثل الالآت يدخلون للعمل ويخرجون والرابط بينهم هو العمل فقط وخالية من مشاعر الاخوة والالفة والصحبة الطيبة

[Romanciah]

اخوي انجلش لوفر معااااك كل الحق يااااااهوه الحسد منتشر بكثره
إذا طلعوا بعض المعلمات بدري لانهم من مناطق بعيدة قالوا ليش ؟؟؟؟؟؟ظ طيب احمدوا ربكم انتوا عند بيوتكم اقلها تطلعون من الحصة السابعة و توصلواللبيت ما وصلوا فاعلى ايش حاسدينهم ..

وموقف حصل معي انا و زميله لي بما اننا اكبر نصاب بالمدرسة فقترحنا على المديرة تشيلنا من ريادة الفصول و مو مشكلة الجماعات و قلنا لها إذا بغيتي إي مساعدة لرائدة النشاط فالاحتفالات مستعدين بس فكينا من الأذاعة و الريادة قالت اشوف إن شاء الله تعرفوا ايش قالوا احمدوا ربكم طيب بعد انتوا احمدوا ربكم و لاتحسدون غيركم ووووو تسببوا علينا و حسدونا ..........

الرازق في السماء والحاسد بالأرض حسبنا الله و نعم الوكيل............


أأأأألف شكر اخوي على طرح هالموضوع و آسفة على الأطالة بس و الله منقهرة.......

ووجزززززاك الله كل خيرررررررررر..........

[Good night]

والله صادق وعند المعلمات خصوصا

[الهمة العالية]

الله يعطيك العافيه اخوي
واذا قلت لك ان الحسد حتى لو مو من نفس المدرسة؟؟تصدق!!
انا في مدرسه ونصابي قليل ولا انتداب ولا شي
ومع ذلك محسودة من المدرسة اللي بجنب مدرستنا...؟؟!!
الله يكفينا شر الحسد والحاسدين وصدق من قال:لولا الحسد مامات احد........

[dandoon101]

ابو خالد

اوووووووووه

هي حاجه جديده والا غريبه

هذي بعيد عنك خصله تربت في قلوب بني أدم منذ الولاده ومايقدروا يسيبوها

مو بس المدرسين والا الموظفين والا عامة الناس


حتى الطفل إذا شاف لعبه والا اي حاجه في يد طفل تاني بيقول ليه انا ماعندي ( ويضربو بعين علين يجيب خبر الحاجه اللي في يده ):77:








وبعدين تعال


































































مالقيت حاجه وجات في بالك الا هذي:124:

[فصوولي]

كلامك على متمه يا دندون وانقليش لوفر


أنت تناولت قضيخ ونسيت بعد قضيه مهمه ألا وهي


فلان قال فيك وفلان سوى تسذا وفلان قال <<<<<<< اعوذ بالله تقل عجز متجمعات على كراث وشاهي وانواع الغيبه والنميمه

كلامك صحيح يا دندون في كل محل بس الاغلبيه في المدرسين

[English Lover]

اخوي انجلش لوفر معااااك كل الحق يااااااهوه الحسد منتشر بكثره
إذا طلعوا بعض المعلمات بدري لانهم من مناطق بعيدة قالوا ليش ؟؟؟؟؟؟ظ طيب احمدوا ربكم انتوا عند بيوتكم اقلها تطلعون من الحصة السابعة و توصلواللبيت ما وصلوا فاعلى ايش حاسدينهم ..

وموقف حصل معي انا و زميله لي بما اننا اكبر نصاب بالمدرسة فقترحنا على المديرة تشيلنا من ريادة الفصول و مو مشكلة الجماعات و قلنا لها إذا بغيتي إي مساعدة لرائدة النشاط فالاحتفالات مستعدين بس فكينا من الأذاعة و الريادة قالت اشوف إن شاء الله تعرفوا ايش قالوا احمدوا ربكم طيب بعد انتوا احمدوا ربكم و لاتحسدون غيركم ووووو تسببوا علينا و حسدونا ..........

الرازق في السماء والحاسد بالأرض حسبنا الله و نعم الوكيل............


أأأأألف شكر اخوي على طرح هالموضوع و آسفة على الأطالة بس و الله منقهرة.......

ووجزززززاك الله كل خيرررررررررر..........


الله يكون بعونكِ رومانسية


مايعاني من الحسد كثر اللى بالقرى ..وضع مجهد وتردد وبالاخير يحسدونهم معلمين ومعلمات القرية

الشكر لكِ على مشاركتكِ الغالية

[English Lover]

GoodNight

الهمة العالية

كلامكِ قودنايت كان دليله رد الهمة العاليه

الدليل على ان الحسد اكثر عند المعلمات : ان يجيك الحسد من مدرسة ثانيه غير اللى تلقينه من مدرستكِ

وانا اشهد بان المعلمات الحسد عندهم اضعاف مضاعفة من المعلمين

الرجال بعضهم فيه حسد بس ممكن يخاف من التعليقات او يستحي من بعضهم

الله يعينكن يالمعلمات

[English Lover]

ابو ريان

هي حاجة جديدة وغريبة اذا كانت من معلم متعلم ورجل مفترض يكون كبير عقل وسن

والله اني اكره الحسود واكرة اجلس معه وارد عليه اذا شفته يتكلم بالحسد

ياخي الحسود شخص غير راضي بماقسمه الله بين عباده

خذ عندك مثل يدل على انتشار الحسد بكثرة :

المدير عندنا من كثرة تفشي الحسد اصبح ينظر للجميع على انهم حسوديين

مرة اخرت التحضير ناداني وقال :

يااستاد انت واستاد فلان ماجبتوا التحضير وابي ارفع فيكم وزميلك بلغته وشددت عليه و...و...

وقام يتكلم عن وش يبي يسوي مع زميلي

بصراحة انقهرت لانه يظن اني ابي اقول وفلان ليش ماتسوي معه كذا والا كذا

قلت له : لو سمحت يابو فلان انا جالس اتكلم معك عن نفسي ماعلي من اللى تسويه بالثانيين


وعدتها عليه :: ماعلي باللي تسويه بالثانيين والتحضير ابشر به والتاخير اللى حصل لاني انشغلت وحصل خير .

المقصود ياابوريان ان الحسد كاثر واقل مانتمناه انه يخف شوي

ولا تواخذني على الاطالة

[English Lover]

اخوي فيصل

انا في رايي ان الحسد موضوع يستاهل نتكلم عنه

واذا في رايك ان الغيبة موضوع اهم اكتب موضوع عنها والدنيا سعه والمواضيع كثيرة

والله يقويك

[Prime Rose]

الحسد شيء ف النفس الانسانية وموجود بكل مكان..








وما أتوقع علاجه بالسهل ابدا...





يمكن يجي مع النقد لتصرفات اناس اخرين واللي الحسد سمة مميزة لهم!







سأظل متابعه

[English Lover]

برايم

الموضوع يستحق النقاش للفايدة

وياهلابك متابعه

[Scream of Pain]

فعلا أخوي دائما الاحظ الحسد وخاصه في الجداول لكن هدا الله الجميع

[T.Sultan]

englishlover

اولا شي : انا عتبان عليك كل العتب .......... ما صرت تشارك في مواضيعي و لا باركت لي بالاشراف و لا تسال و لا و لا .... لا يكون زعلان علي و انا ما ادري ترى كله و الا زعلك و ان كنت زعلتك من بدري انا ااااسف و اقدم اعتذاري و تاكد انه بدون قصد بس يا ليت تقولي عشان اتجنب الخطاء مرة ثانية ...





اخي العزيز , تبغى نصيحتي ..... تبغى تعيش مرتاح البال ..... طنش هذي النوعية من البشر و لا تعطيها وجه ... انصحها مرة وحدة و اتركها لان صدقني ما تقدر تغير طبع لان الطبع يغلب على التطبع ....... حبيبي والله لا يجيك الهم و السكر اذا تلتفت لمثل هذي الامور لانها بكثرة ... ما لك الا الدعاء له عسى الله يهديه ......... بس اخوي العزيز بعض الاحيان يكون في مدراء ظالمين .... يعني مثلا انا من الناس اللي زميلي من نفس التخصص انظلم .... هو اخذ 24 حصة و انا اخذت 12 و السبب مشكلة بينه و بين المدير ... العدل انه يقسمها بيننا بالتقاسم .. والله ان عن نفسي كنت بتقاسمها معاه لكن المشكلة انه المدير كان يحقد علي ... باختصار مو شرط اذا واحد اشتكى يعني حاسد و على فكرة انا ما اشتكي و لا اقول فلان ليه و فلان ليه كل اللي اسويه اني احتسب الاجر عند الله .... لكن الحق حق مو كل من طالب بحقه حاسد ... اشكرك حبيبي على طرح الموضوع و هذي وجهة نظري اتمنى تتقبلها .. تحياتي

[English Lover]

Scream of Pain

الله يسمع منك وتقل هالاشياء

[English Lover]

اخوي سلطان

يعلم الله اني مستحي منك وماعاش من يزعل عليك

بس تدري مااقدر اقول غير اني مقصر وابشر برضاك وتستاهل كل خير



طنش هذي النوعية من البشر و لا تعطيها وجه

شرهتك على اللى يعطيهم وجه والا يتشقق على اصلاحهم وصلاحهم بيد رب العالمين



صدقني ما تقدر تغير طبع لان الطبع يغلب على التطبع

اصلا هذا الموضوع نتكلم فيه على انها ظاهرة وماهوب شرط نغير طباعهم اقل شي يحذر اناس من تاثيرهم وتوضيح ان هذا الاسلوب ماله سنع وهنا نكون طلعنا بفائدة


باختصار مو شرط اذا واحد اشتكى يعني حاسد

الحاسد دايما يطلب شئ ليس له او من حق الاخرين ومافيه شك ان المتشكي صاحب الحق او المظلوم وضعه مختلف


وياهلابك يالغالي وشرفت الموضوع بطلتك ومشاركتك

[smasm]

أخوي الحســد ماهو عند المعلمين وبس ... عند كل الناس

[English Lover]

صحيح اخوي سامي

بس حنا مدرسين ونتحدث عن حالنا

[THE DARK MAN]

كلامك صحيح

وواقعي

انجلش لفر

بس وش تسوي اذا الواحد

تفكيره محدود وعقله صغير

هالعينه اشبههم بالبزران اللي ندرسهم

اذا كان عندي حصه ثالثه اطلع المتفاعلين في الحصصه

قبل بدايه الفسحه بـ 5 دقايق كنوع من التحفيز

ثم يجونك الراقدين طول الحصه ويقولون ليش تطلع فلان وعلان

واحنا لاااااااااااااااااا

يعين الله

والله يرزق الواحد على قد نيته


مشكور اخوي

[English Lover]

ياهلا بك اخوي دارك مان
اوافقك في ماقلته
يعطيك العافيه وتسلم