المساعد الشخصي الرقمي

مشاهدة النسخة كاملة : تحديت المشرفة .............وتوهقت تكفون ساعدوني



أريج33
18-10-2006, 10:42 PM
وعدت المشرفة بأن تكون حصصي أروع حصص تشوفها وانا مدرسة لغة انجليزية للمرحلة المتوسطة فتكفون ساعدوني في الحصول على طرق تدريس ووسائل تعليمية أقدر استخدمها اثناء الدرس وحتى التطبيق ودي اعرف وش الأساليب الحلوة اللي ممكن استفيد منها من ألعاب وغيرها.....................تكفون ساعدوني والله عن جد متوهقة ومو عارفة وش اسوي ....................ويبشر كل من يساعدني بالدعاء الخالص من قلبي:sad:

young lady
18-10-2006, 11:26 PM
بسيطه حبيبتي أنتي شوفي درسك و شو و شوفي المنتدى

الخاص بالمرحله أبحثي عن كل شي خاص عن درسك و إذا بغيتي شي

أطلبي من الأعضاء و اللي يقدر صدقيني ما راح يقصر هلا بك أختي........

Prime Rose
19-10-2006, 02:41 AM
صح كلامك ينق ليدي




وهنا الابداع كله



بس ابحثي

Aseel
19-10-2006, 08:05 PM
قولي لنا على الدرس اللي تبي تسوين عليه العرض

وان شاء الله نفيدك

T.Sultan
19-10-2006, 09:33 PM
مشكورة يا اسيل على محاولة مساعدة الاخت ... اريج اعطي اسيل الشي اللي راح تدريسيه و شوفي الابدداع انا راح اضمن لك ان المشرفة راح تعرض عليكي الاشراف و كله بسبب افكار اسيل اذا اتبعتيها بالحرف الواحد...

rosi
19-10-2006, 11:15 PM
جزاكم الله خير على هذا الموقع الرائع وانا كمان طلبت مني المشرفة تحضير درس بطريقة لعب الادوار

أريج33
20-10-2006, 04:37 AM
يعطيك العافية يا أسيل على مساعدتك لي .......بس مشكلتي ان مشرفتي ماتعطيني خبر عن مجيئها فهي تجي فجأة وهذا اللي موترني اكثر لاني اخاف اني ماكون مستعدة في ذلك اليوم ...........وبكذا فانا لازم اكون مستعدة في كل درس ..............يعني يلزمني كل يوم افكار وابداع متجدد

رغد111
20-10-2006, 07:52 AM
اريج انتي ابدعي بدروسك سواء كانت المشرفه موجوده او لا لانك اذاحطيتيها ببالك راح تتورينن زياده
ليش ماتعرضين دروسك على البوربوينت صدقيني طريقه تشد البنات مره
لاني مجربتها ومع انهم ثالث ثانوي الاانهم الحمدلله يجذبهم العرض
تحياتي
][®][^][®][رغد][®][^][®][

Aseel
20-10-2006, 07:47 PM
مشكورة يا اسيل على محاولة مساعدة الاخت ... اريج اعطي اسيل الشي اللي راح تدريسيه و شوفي الابدداع انا راح اضمن لك ان المشرفة راح تعرض عليكي الاشراف و كله بسبب افكار اسيل اذا اتبعتيها بالحرف الواحد...

شنو هذا استاذ سلطان .........ياويلك مني
هذا مو مدح ولا إطراء ... هاي توريطة هههههههههه لا عاد تعيدها هههههه .. عز الله انك ورطتني

أخاف أريج تصدق بس ... ماعليك منه تراه يبالغ و لأن ما عندي لا إبداع ولا شي

بالعكس أخاف انك تتكفخين من قبل المشرفة لو قلت لك عالأفكار

عالعموم اختي .. راح أقولك بعض الأشياء اللي يمكن تفيدك
بس عاد أنا أدرس متوسط ... وأول بالذات فأفكاري تتناسب معاهم
ابدأي الدرس معهم بشي يشدهم ... راجعي معهم مفردات الدرس اللي فات عن طريق الألعاب

ممكن تسوي معهم لعبة hang man or the memory game
أو ممكن تعطينهم كلمة .. تكتبينها عالسبورة وتطلبين منهم يطلعون منها كلمات جديدة
مثلا:
ًWrite the word supermarket on the board and ask the girls to give as many words as they can from the word supermarket
راح يطلعون لك بكلمات كثيرة جدا ... والله أنا تفاجأت بطالباتي
من الكلمات اللي راح تطلع :
Super
Market
Mark
Up
Make
Tea
وكلمات كثيرة كثيرة
هذا طبعا كله مقدمة ... وانت اختاري شي واحد عشان الوقت طبعا
دروسك بشكل عام ... بدعي فيها ... دخلي فيها ألعاب وحركة ... خلي الطالبات يتحركون عشان يتفاعلون
راح أعطيك مثال ... لو كانت فقرتك مفردات أو قاعدة
لو مفردات .. اكتبي الكلمات على بطاقات واكتبي معنى كل كلمة على بطاقة منفصلة ... لوكنت تدرسين أول أو سادس ارسمي رسم يوضح معنى الكلمة أفضل

بعدين وزعي البطاقات عالطالبات واطلبي منهم انهم يقوموا يتحركون بالصف وكل وحدة تدور على المعنى أو الكلمة أ الصورة اللي تناسب بطاقتها
تراهم مرة بينبسطون على هالحركة لأنك خليتيهم يتحركوا بالصف ويبحثوا
ونفس الفكرة تقدرين تطبقينها حتى لو كنت تدرسينهم قاعدة

والله في بالي أشياء كثيرة .. بس صعب اني أكتبها كلها
لو في شي معين أو فقرة تحبين تستفسرين عنها أو ... أنا جاهزة

والله يوفقك يارب

أريج33
22-10-2006, 06:07 AM
الله الله على هالأفكار يا أسيل.....والله صدق T.Sultan لما قال أنك مبدعة ومن جد راح تساعديني وعلى يدينك ان شاء الله راح اكون مشرفة.......بس( فضلا وليس امراً) ياليت تعطيني كل يوم على الأقل فكرة لاني عن جد والله محتاجة لمثل افكارك لان متوسط يحبون الأمور اللي تنشطهم طوال الحصة.........واذا ماعندك مانع يكون بينا وسيلة اتصال بالطريقة اللي تبينها.............ودي عن جد المشرفة تنعجب بحصتي ولا بعد حتى المديرة.........عموما يعطيك العافية مرة ثانية والله راح ادعيلك من كل قلبي.

Aseel
22-10-2006, 05:43 PM
اشدعوة أريج لا أفكار ولا شي ... مشكورة ياقلبي كلى كلامك الحلو

وان شاء الله نشوفك مشرفة .. بس ذاك الوقت أبيك تصيرين مشرفة علي وتعطيني كل شي Outstandig

بدت المصلحة من الان هههههههه

شوفي أريج ... صدقيني ماراح أقصر معاك ... بس ياليت تحددين لي شي أو موضوع أو فقرة ودك تسوين عليها نشاط عشان أعرف بالضبط شنو أكتب عنا

وان شاء الله أقدر أفيدك .... واستاذ سلطان بعد ياويله لو ما أبدى بأفكاره هههههه


وبالنسبة لوسيلة التواصل ممكن تكون المنتدى نفسه ..

الله يوفقك ياأريج

أريج33
25-10-2006, 12:58 AM
مشكورة أخت أسيل والله ماقصرت معي ........طيب متى ممكن اني استخدم الألعاب التعليمية في بداية الحصة اثناء المراجعة او في التطبيق........في حالة لو كان درسي عن وقت الساعة كيف ممكن استخدمها في هالحالة .........او في حالة لو كان درسي قواعد وش اللي يناسب استخدامه خصوصا منهج ثالث جامد ودسم والبنات جدا مستصعبينه فودي احليه .......ولكِ مني جزيل الشكر على كل حال.

كايد الحليسي
25-10-2006, 08:47 AM
أهم شي
لاتحضر حصص فى ثالث متوسط و؟أللة يعينكم

Aseel
25-10-2006, 05:46 PM
هلا أريج

بالنسبة للالعاب ... عادي تقدرين تستخدميها في المراجعة وفي التطبيق بعد ... يعني بعد ماتشرحين الفقرة تلعبي معاهم العاب ترسخ الفكرة في بالهم أكثر
الدرس اللي فيه الوقت .. طبعا بتشرحينه وبتكون معاك ساعة ... أنا أفضل انها نكون مجسمة .. يعني من صنعك

ممكن تعطينها بعدين البنات هم يحركون الساعة ويسألون بعض عن الوقت

ممكن توزعي عليهم تلعبي معاهم هنا لعبة الذاكرة

هاي أول شي يبيلك Pocket chart يبيعونها جاهزة وإذا مالقيتيها ممكن تعمليها على لوحة فلين بنفسك

تحطين فيها بطاقات مرقمين ومن داخل تكوني كاتبة فيهم الوقت كتابة .. والبطاقات الأخرى تكوني راسمة فيها الساعة اللي توضح الوقت

طبعا البنت تقوم تختار رقمين وتفتح البطاقات ... لو ماتطابقوا ترجع تقلبهم وهكذا طبعا اللعبة تعتمد عالذاكرة وبتلاقي

البنات بيحفظون الأرقام ... أتمنى فكرة اللعبة وضحت عندك

شي ثاني ممكن نفس البطاقات هاي توزعيه عالبنات وتخليهم يتحركون وكل وحدة تدور عالبنت اللي عندها البطاقة المناسبة

نصيحتي لك بثالث متوسط ... اعتمدي معاهم على طول التعلم التعاوني Cooperative Learning

انا العام الماضي درست ثالث .. أكثر شيء استفادوا هو لما خليتهم مجموعات تعاونية ... وحتى المشرفة

حضرت لي درس بثالث وشافتهم كيف يشتغلوا مع بعض بشكل تعاوني ... انبهرت فيهم

أحيانا الطالبات نفسهم أقدر على توصيل المعلومة لبعضهم من المدرسة نفسها

أهم شي لما توزعين المجموعات .. تراعين المستويات .. لازم كل مجموعة يكون فيها الممتاز والجيد والوسط والمبتدئ عشان الكل يستفيد

وخلي كل مجموعة تختار لها اسم وطبعا في rules تتطبق في العمل التعاوني

أحس حالي طولت بالكلام ... شوفي إذا انت ماخدة كورس Cooperative Learning بيكون كل شي واضح عندك

لو مو ماخذته .. قولي لي وأشرح لك فيه أكثر

نصيحة أخوية : لا تقولين صعب أسوي معاهم هالشي أو مافي وقت ... كل شي في بدايته يمكن يكون صعب شوي وبس يتعودوا عليه راح تشوفين كيف يكون سهل

والمجموعات اللي قلت لك عنها يمكن تكون بأول حصتين تاخذ وقت على مايستوعبوا المطلوب منهم وتنفيذه بس بعدين بتشوفينهم بنفسهم جاهزين بمجموعاتهم ومهيأين

J.J
25-10-2006, 11:24 PM
مرحبا عزيزتي ... بصراحه انا كنت ناويه اساعدك بس لما شفت أفكار أسيل خجلت ... قلت يا بنت انتي اش راح تجين جنبها؟ وفكرت اسحب عليك ....ههههه ....مشاء الله عليها مبدعه بمعنى الكلمه... الله يحفظها انشالله ... عالعموم ياحلوه ... انتي حددي درسك وابشري باوراق العمل وعروض البوربوينت اللي عندي ... واذا كان درسك ماسويت له عرض العام الماضي... من عيوني الثنتين اصلح لك واحد ... انا درّست المتوسطة من أولى لثالث العام مع إنه اول سنه لي لكن ربك يسرها لذلك لا تشيلين هم المشرفه ... ما توقع بتكون اشد من مشرفتي ... عالعموم انتي حددي درسك ومالك إلا اللي يرضيك انشالله .... بس دعواتك لنا تراني مبتلشه بدروس نموذجية لكن هالسنه مع الثانوي... تحياتي عزيزتي والله يوفقك ....


بماأنك يا ست أسيل ياحلوه يا أمــــوره...(وحده تتمصلح) تعرضين خدماتك .. فضــــــــلاً لاأمــــــــــراً ...ممكن تشرحين لي cooperative learning معليش وحده خريجة اداب ولا اخذت كورسات تربويه.... إذا مافيها اي احراج او ازعاج طبعا... وإذا بيشغلك الموضوع خلاص بلاش منه.....وفي كل الأحوال جزاكِ الله عنا جميعا ألف خير ويعطيك العافيه ....

أريج33
26-10-2006, 03:19 AM
أخت اسيل وانتي عن جد أختي ولو في لقب افضل منه صدقيني ماراح يغلى عليك .........ياليت عن جد تشرحين فكرةcooperative learning لاني ماخذت فيه كورس حتى الدورات اللي تقدمهه ادارة التعليم مانعرف عنها شي الا اذا انتهت مدرستنا تبي المعلمة تطور نفسها وهم بس عليهم يتفرجون ويحكمون.........بالنسبة لفكرة المجموعات والله اني من العام افكر فيها بس مو عارفة كيف انفذها وفكرت انه بالأضافة لتقسيم المجموعات وتسميتها اجعل لكل مجموعة رئيسة مسئولة عن تنظيمها وجمع الكتب والدفاتر وكل سؤال تجاوب عليه المجموعة لها نقطة والطالبة الأكثر مشاركة في نفس المجموعة بعد لها نقاط فبتكون المكافأة لها وللمجموعتها لو كانت المجموعة الفائزة ......وبكذا تتحمس كل طالبة بالمشاركة......ها وش رايك ....بس مو عارفة كيف انفذها.وكيف ممكن تكون شكل هالنقاط ..هل اطلب من كل مجموعة تقوم بعمل جدول لجمع النقاط واطلب منهم ان تكون شكل النقاط نجوم مثلا .........بس المشكلة مين اللي راح يضع نقطة لكل اجابة صحيحة .هل اطلب من الرئيسة هي اللي تقوم بكذا بس اخاف انها تنشغل.....طيب في نفس الوقت متى يكون تطبيق هالمجموعات هل طول الحصة او في فقرة معينة.....مادري والله اختى اسيل تراني عندي افكار لاباس بها بس مااطبقها لاني دايم اكون حيرانه في تنفيذها مثل هالفكرة ......حتى عروض البوربوينت واوراق العمل كيف ممكن استخدمها وطبعا هي تحتاج لبروجيكتر وهو مومتوفر في مدرستنا .....مادري اذا في وسيلة ثانية لعرض الشرائح........وارجوك اختي اسيل لاتتركيني خليك دايم معي لاني والله محتاجة لتوجهاتك ....وانا عالفكرة مشواري في التدريس بس سنة وهذه الثانية علشان كذا احس اني شبه تايهة لان العام ماحد كان يوجهني من زميلاتي المدرسات كانت كل وحدة تبي تكون هي المميزة فنويت هالسنة اني اثبت انا بعد تميزي وابين لهم اني مو محتاجة لهم.....وطبعا هالتميز ان شاء راح احصل عليه بوقفاتك معي وافكارك وبالأصح توجيهاتك..........يعطيك الف الف الف عافية

أريج33
26-10-2006, 03:40 AM
مشكورة اخت J.j وجزاك الله خيرا ولا تحرميني من مساعدتك لي او تبخلين بها عني لاني عن جد احتاج لكل شي واخت اسيل والله ماقصرت معي وانا عارفة اني تعبتها معي .......بس والله مالي احد غيركم من بعد الله خاصة في مجال التعليم ....علشان كذا انا طالبة المساعدة من كل احد ,,,,واتمنى ماحد يبخل علي باقل فكرة ........ولك دعواتي من قلبي انتي واخت اسيل والله مارح انسه وقفاتها معي.......

Aseel
26-10-2006, 07:44 PM
J.J

اشدعوة هالكلام ياعمري .. انا متأكدة ان عندك أفكار مذهلة ... عاد لا تتغلين علينا وقولي لنا عليها ... خلنا نستفيد منك ياقمر

وتراني على فكرة حالي حالكم صار لي سنتين بس من خضت هالمجال ...

وعلى كورس Cooperative learning ابشروا راح أقولكم عنه بس ياليت تعطوني وقت شوية ... عشان أقدر ألخص فيه أهم النقاط ... على فكرة هذا الكورس أنا ماخذته تبع الحكومة

حضرته بشكل خاص لمدة شهر كامل ... وأما مشرفاتنا اختصروه في 5 أيام بس ماحضرته معاهم لأني أخذته قبل .. وراح أعطيكم اسم الكتاب اللي عطونا إياه بالكورس

أريج ... تسلمي لي على كلامك الحلو ... عن جد أسعدني وتكفيني منك دعوة حلوة ... تدعين لي أحقق الأمنية اللي في بالي

ولي معاك رجعة حبيبتي

Aseel
27-10-2006, 04:59 PM
Cooperative Learning

تقسمين الصف إلى مجموعات مع مراعاة المستويات المختلفة للطالبات .. كل مجموعة تختار لها اسم وتكون في ضوابط ورولز تحكم المجموعات ... وتفهميهم ان كل طالبة في المجموعة مسئولة عن الثانية يعني مو انا فهمت خلاص ماعلي من الباقي

لا تفهميهم ان التقييم راح يكون على شغل المجموعة ككل مش كفرد ... يعني لو زميلتي مش فاهمة أفهمها وأتأكد ان

المعلومة وصلت ووضحت عندها ... لأنك لما راح تختارين أحد يجاوب من المجموعة راح يكون اختيارك عشوائي

وإذا البنت ماعرفت .. المجموعة كلها تخسر ... بهالطريقة تتأكذي انهم يشرحون ويتعاونون مع بعض

بالنسبة للنقاط المكتسبة أو الدرجات ... لازم انت تعملي لك تشارت او بوستر تحطين فيه أسماء المجموعات

وتكتبين فيه القوانين ... ويكون التعزيز انك كل لما تشوفي هالمجموعة التزمت بشي من هالأشياء تحطي لهم ستار جنب الشي اللي أتقنوه

قولي لهم إني ابي أشوفكم تتشاورون وتتناقشون ... أبي أحس إن في صداقة بينكم

طبعا ممكن كمان .. ان في نهايةالعمل لو في وقت ... ان كل مجموعة يكتبوا الشي اللي ساعدهم في إنجاز عملهم

ويشاركونه مع بقية المجموعات

أو العكس انهم يكتبون الشي اللي أخرهم عن انجاز عملهم ... ويكتبون كيف ممكن يتفادوه المرة القادمة

شي ثاني مرة حلو ويعزز عندهم روح المحبة .. ان كل طالبة بالمجموعة تكتب لزميلتها شي حلو ... تقولها

كيف ان دورها بالمجموعة ساعدهم في انجاز العمل

متى تطبقين المجموعات التعاونية ؟

انت توزعين المجموعات وتفهمينهم انهم يظلوا على هذا التوزيع بحصتك على طول .. يعني قبل لا تدخلين الصف يكونوا هم جاهزين بمجموعاتهم

تقدرين تنفذينها بأي شي ... مثل حل تمرين بالكتاب ... كتابة موضوع ... حتى القراءة بحيث انهم بتدربون عالقراءة

بس هذا كله بعد ماتشرحين لهم كل شي ... عشان يكون الأمر واضح لهم

طبعا انت دورك بيكون انك تلاحظينهم ... وتفهمينهم انك موجودة لمساعدتهم .. وتدخلي لما يتطلب الموقف تدخلك

Aseel
27-10-2006, 05:03 PM
للمعلومة ... أنا خريجة آداب يعني مش تربوية .... حالي حالكم بالضبط هههههههه

J.J
27-10-2006, 08:35 PM
الغاليه أسيل

عزيزتي والله الكلمات كلها لو اجتمعت ماوفتك حقك ....
رعاك الله وحماك .... ورزقك الخير حيثما كنتِ ... وجعل النجاح حليفك دائما وأبدا ....
الله يسعدك على مساعدتك لنا .....

وانا أقول ليش حبيتك >>>>>> أتاريكي آداب حالك حالي ... يالله كويس هذا اول شي مشترك بيننا ههههههه
الله يعطيكي على قد نيتك ويشرح صدرك آمين يا رب العالمين
ودمتي لي ولكل من يحبك ....

Aseel
27-10-2006, 09:44 PM
J.j

محلاك ومحلى ردودك

تسلمي لي يالغالية على هالكلمات الحلوة اللي طالعة منك عسل

Aseel
27-10-2006, 09:50 PM
J.j

محلاك ومحلى ردودك

تسلمي لي يالغالية على هالكلمات الحلوة اللي طالعة منك عسل

مها11
27-10-2006, 10:18 PM
أسيل

أريج33

J.j

الف شكر ... وأتمنى لكم التوفيق

Aseel
28-10-2006, 01:10 AM
مها تسلمين يالغالية

والله يوفقك

وتسلمين عالمرور يالغلا

أريج33
30-10-2006, 03:16 AM
مشكووووووووووووووووووورة أخت اسيل .........بس ممكن طلب اخير ........ودي فضلا ولي امرا تكتبين لي قوانين العمل التعاوني لاني سالت عنه والكل عطاني شي مختلف ..... عاد انا قلت مافيه الا حبيبتي اسيل هي اللي راح توضح لي اكثر .......وفي نفس الوقت حابة اسأل البنات ماراح يملون لو كان كل حصة نفس الطريقة او انتي شفتيها عادي.......وهل المطلوب فيه بالنهاية نكتب السلبيات والأيجابيات......

Aseel
30-10-2006, 04:51 PM
Areej

Regarding the rules, you choose the ones that suit your class



Here are some of the rules I use

I speak in English

I cooperate with my friends

I make sure that every one is on task

I finish work on time

I raise my hand if I need help

And as I told you .. I keep a chart with the names of the groups . I don't just reward them for finishing their work.. but for for following the rules , also

I consider it the best way ever. Believe me, they never get bored with it.. They try their best to get more points and to be the best

They enjoy it

Regarding your last question, I rarely do it because of the lack of time

But I discuss it with them as a whole class

Wish you the best

By the way , the name of the book is


COOPERATION IN THE CLASSROOM

أريج33
01-11-2006, 04:44 AM
اخت اسيل لازم يكون في قوانين اتبعها .........لاني والله موعارفة كيف ممكن اطبقها ......يعني في كل حصة يطبق هدف معين او ان هالأهداف تكون مع بعض في كل حصة .......البعض قالي في كل حصة حددي هدف والمجموعة اللي تحقق الهدف هي اللي تحصل على النقطة........مادري والله انا احس انه ممتع بس خايفة ان المشرفة تحضر لي وتنقدني اني ماطبقته على اصوله...ساعديني تكفين .انا الحين قسمت البنات في مجموعات وكل مجموعة فيها اختلاف المستويات....وطلبت منهم تسمية كل مجموعة والرئيسة تتغير في كل مرة وبينت واجبات الرئيسة والأعضاء كيف بيكون تقريبا وضحت لهم جزء منه وبعدين مادري والله كيف اكمل.

Aseel
04-11-2006, 02:09 PM
أريج ... آسفة كثير على تأخري بالرد ... توني الان شفت الموضوع

آسفة عن جد


شوفي أريج أنا شرحت لك إياها وعطيتك القوانين اللي أستخدمها بصفي


الباقي ياأريج يكون عليك ... يعني الان يجي دورك انت بصفك .. حطي لك قوانين اللي تناسب صفك

اشرحي لهم الشي المطلوب بوضوح وهم يشتغلون عليه ...

الله يخليك بس موجهاتنا ... أشك إن عندهم خلفية كافية عن التعلم التعاوني

أنا أقول لك أخذت الدورة بشهر كامل لمدة 6 ساعات تقريبا يوميا ... وهم اختصروها بخمس أيام

أريج أهم شي تكوني واثقة من نفسك وطالباتك راح يتعودون على هالطريقة وراح يحبونها بعد



بالتوفيق ياأريج

أريج33
05-11-2006, 03:17 AM
أخت اسيل أمانة لا تتركيني ........ابي اعرف كيف ممكن او ماهي الخطوات السليمة اللي تتبعينها في تعليم فقرة القراءة في المرحلة المتوسطة وكذلك المحادثة خصوصا ان اغلب الدروس تأتي المحادثة اولا ثم القاعدة واحيانا العكس........وياليت تردين علي بسرعة لان عندي درس قراءة وودي اطبق طريقة جديدة وممتعة ................وشكرا

Aseel
05-11-2006, 01:03 PM
أوكي لفقرة القراءة صراحة ماعندي فيها إبداع .. أنا أقرألهم بالأول .. وأشرح لهم ... وبعدين يقرأو معاي والكلمة الطويلة أو الصعبة أجزأها لهم .. بعدها أخليهم يتدربوا عالقراءة بمجموعاتهم وأكتب لهم كم سؤال عالسبورة عن القطعة يجاوبوه في المجموعة نفسها يعني تكون قراءة + فهم

Reading + Comprehension

أما المحادثات .. الهدف منها أخليهم يكونوا محادثة جديدة على نفس النمط اللي عندهم بالكتاب بتغيير بعض الكلمات

Wish u the best

أريج33
06-11-2006, 01:59 AM
مشكووووووووووووووووورة وجزاك الله الف خير

Aseel
06-11-2006, 05:31 AM
ولو ياأريج


العفو


الله يوفقك ويسهل لك