سؤال عن التعبير ..

[فجر]

السلام عليكم ورحمة الله :36_16_2:

انا معلمة جديده على ثالث ثانوي اول مره امسكه كنت ادرس ثاني ثانوي ومتوسط وابتدائي بس بسأل سؤال مهم

الحين التعبير نكتب مع بعض تعبير عام عن الموضوع

او بس نكتفي بالمواضيع اللي بكتاب الرايتنق ..

ولكم شكري مقدما :36_4_12:

[s h e]

اهلين فجر
شووفي اختي

أنا بعد مدرسه جديدة لثالث ثانوي

في البدااايه فكرت بتعاابير الريتنق لكن وجدتها صعبه نوعا ما ،،،،،
الى اني توصلت لفكرة افضل واسهل وطبعا بمساعده هذا المنتدى الرائع

وهو في كل موضوع اكتب لهم اسئله حوالي 6 اسئله يعني 6 اجوبه
ومن خلال هذه الاجابات راح يتكون لهم تعبير عباره عن ست جمل ،،،،،،،،، يعتمد في المذاكره
وسويت فكرة الاخت
Q.cat
كتابه خمسه افكار رئيسيه مع الكلمات المسااااعده ووجدت نتيجه رائعه
موضوعها موجود على الرابط هذا

هنـــــــــــااااااا (http://www.saudienglish.net/vb/showthread.php?t=16329)

[فجر]

هلا وغلا ومشكوره يالغاليه ..

فعلا فكرتك رااائعه ..

الله لايحرمك الجنه ويجزاك خير ..

[Prime Rose]

s h e

الف شكر على سرعة تجاويك..




وبالنسبة لي فانا اطلب منهن تلخيص لاهم الافكار الواردة في الدرس الرابع..

اما تعابير الرايتنق فناخذها كتطبيق على مهازة الكتابة فقط..





ومثل ماقالت s h e والطريقة اللي شرحتها لك فعلا رائعه..




وبالتوفيق

[فجر]

هلا وغلا برايم روز

انا فعلا احس ان الموضوع العام افضل من كتاب الرايتنق ..

ان شاء الله بنهج على نهجكم والله ييسر لهم دربهم ..

الله يجزاااك خير وماقصرتي

[Prime Rose]

فجر




الله يوفقك..




وكل ما أشكل عليك شيء بثالث..اسألي وحنا هنا موجودين..




دمتي معطاءه..


:)




ووبس

[غلا الشرقيه]

هلا والله اختي

أنا في ثالث ثانوي وبقولك كيف استاذتنا تسوي لنا التعبير


وهي انها تاخذ اجوبه الاسئله العامه اللي عندنا وتسوي لهم براغراف مايقل عن 6 اسطر


وانشالله تستفيدين

[NINA-NINA]

عندي سؤال للحلوين ............. لو التزمت فقط بتعابير الكتاب ......... فهل اعتبر مخالفة للتعاميم

[oO Laila Oo]

الطالبات غالبا يحفظون التعابير وتاخذ منهم جهد ووقت طويل ممكن يستعينو فيه بمراجعة الاهم


والمعلم كذلك ياخذ جهد ووقت طويل وتطلع عينه في تصحيح سؤال التعبير وقراءة خطوطهم وفك طلاسمها


وفيه طريقه من فتره ليست طويلة اتبعها بسؤال التعبير في الفصل الاول بما انه بكون انا المصححة مش الوزارة


والطريقة مقتبسة من كراسة الكتابة بعطيكم مثال


في الوحدة الخامسة يوجد ثلاث تعابير عن ثلاث كواكب مختلفة والمقطع المختار لتصحيح الاخطاء هو تعبير عن كوكب مارس


والتعبير المراد ادراجه في الاختبار عن كوكب الارض والطريقة تكون بإدراج جدول يقتصر على العناوين الجانبية ومعلومات الارض فقط


والتعبير ينكتب كامل مع ترك فراغات تملأ بمعلومات تؤخذ من الجدول وتتقسم الدرجات بما يناسب الفراغات


وهنا تستغل الطالبة تفكيرها ومعلوماتها وممكن يدخل فيها القرامر عشان تختار المعلومة المناسبة لملأ الفراغ

وماننسى حكاية الشكل الخارجي انه مناسب يكون تعبير من حيث العنوان و المسافات وعلامات الترقيم ... الخ وتخصيص علامات لها


هالطريقة مريحة جدا وسهلة من ناحية التصحيح وتوفير الجهد على المعلم والطالب

وممكن طريقة ثانية وهي كتابة تعبير مارس كامل مع مراعاة تصحيح الاخطاء

ويطلب من الطالب الاستعانة به لكتابة تعبير اخر عن الارض ويكون الجدول محتوي على معلومات مارس والارض معا

واتحفونا بمقترحاتكم للاستفادة اكثر من التعبير وحتى يكون عملي ومقبول ومو متعب لكلا الطرفين المعلم والمتعلم ..

[فجر]

اهلين اختي برايم ..

اشكرك من قلبي على تفاعلك معي ووقوفك بجانبي والله ماقصرتي

ويعلم الله اني فرحت بكلماتك هذه ..

جزاك الله خير وكثر الله من امثالك ..


دمت بود

اختك

فجر

[فجر]

هلا وغلا اختي غلا الشرقيه ..

تسلمين على تجاوبك وفعلا كلها بتكون بنفس الاسلوب والطريقه ..

ان شاء الله نطبقها ..

لاعدمناك

[فجر]

هلا اختي نينا ..

مااعتقد انك بتكونين مخالفه للتعاميم ..

وممكن الاخوات اللي عندهم خبره اكثر مني يجاوبونك افضل ..

لكِ شكري

[فجر]

هلا وغلا اختي العزيزه ليلى ..

فعلا طريقة الفراغات عمليه ورح تكون سهله للطالبات بس مااظن الموجهات بيوافقون عليها ..

اتوقع انهم يفضلون ان الطالبه تكتب موضوع متكامل ..

والطريقه اللي تكلموا عنها اخواتي في ردودهن طريقه سهله وراائعه تدور حول المعلومات اللي نرددها طول الوحده وهي الاسئلة المهمه وتكون منها موضوع سهل وواضح ..

لك تحياتي ..

دمتي بخير

[المتعلق بخشبة]

بصراحة متابع معاكم بس ودنا احد الاساتذة يعطينا فكرة وش افضل التعابير ولو بكتابة مختصرة
حتي يتمكن الطالب من الاستفادة ..
اتمني الرد من الاساتذة