المساعد الشخصي الرقمي

مشاهدة النسخة كاملة : ليتني ياصاحبي ماعرفتك


English Lover
08-01-2007, 12:20 AM
ممكن تصاحب انسان


واذا اصبح كثير مال ودراهم يتغير عليك


ممكن تعاشر شخص


ويحوز على منصب مهم ومركز عالي و يتغير عليك


اما انك تزامل صديق


وتعيش معه ايام جميله وليالي و لا احلى


وتاخذ منه خوة وصحبة


وماتلقى منه الا كل شئ زين


ويتغير بعد كذا


وتقل شوفته


وماعاد يرد عليك مثل اول


تغير وجهه اذا لقيته


تغيرت نبرت صوته اذا كلمته


وهو لا يزال ماديا مثل اول مازادت دراهم


ولا يزال وظيفيا نفس عمله اللى تعرفه


بس شئ واحد تغير


انه نقل عن المدرسه اللى كنت معه فيها


شخصيا لقيت هالنوعيه



و ضربت براسي مثل المطاريق ... :


وش كانت الايام اللى امضيناها سوى في نظره ؟؟؟؟؟



وش كان يفكر ايام كنت انا واياه نسافر سوا ؟؟؟



وش نظرته لي طول الفترة الماضيه ؟؟؟


وش الاعتقاد اللى يمشى عليه في حياته ؟؟؟


معقول انه كان يعتبرني مرحله من حياته


معقول كان يعتبرني شخص مجبر على صحبته في فترة معينه


معقول يعتقد ان كل وقت له اصحابه


( النقطه الاخيرة سمعتها من واحد ايام الدراسه بالجامعه

قال : خوياي بالجامعه مجرد اتخرج اسحب عليهم

قلت : ليه والناس مصالح بنظرك ؟

قال : لا بس كل مرحلة لها اصحاب ..زملاء الجامعه غير زملاء العمل !!!..



وش رايكم بهالنوعيه ؟؟؟
dandoon101
08-01-2007, 12:26 AM
اااااااااااه

يابو خالد

لو كنت اشم قفا يدي

كان من اساسه ماتشرفت بمعرفة الأنسان اللي بهاالشاكله دي


يسلمك ربي على طرحك يابو خالد
English Lover
08-01-2007, 12:42 AM
تسلم ابو ريان على تـفاعلك السريع مع الموضوع


الله يعافيك ماتقصر يالغالي
Maximus
08-01-2007, 02:41 AM
لا جديد يالغالي

صحبة زملاء العمل مجرد زمالة فقط

يعني بمجرد انك تنقل الي مدرسة او منطقة اخرى

ابدأ صفحة جديدة

لان رقم جوالك بدأ تدريجيا ينمسح من جوالاتهم !!!

وكثير احيان تتصل عليهم بعد فترة غياب مايعرفونك لان رقمك مو مخزن!

زمالة عمل فقط لاغير !

ولا تعطي الموضوع اكبر من حجمه هذي سنة الحياة

اسأل نفسك وين زملاء الابتدائية ؟ زملاء المتوسطة ؟ زملاء الثانوية ؟ زملاء الجامعة !!

عيال الحارة ؟ اصدقاء الطفولة !

خلاص انتهت الحفلة ...

( من واقع تجربة )

واهديك هذي الكلمات لرئيس وزراء بريطانيا الراحل ونستون تشرشل :

ليس هناك اصدقاء يدومون

ولا اعداء يدومون

انما المصالح هي التي تدوم

[align=left]ونستون تشرشل

واسمع اغنية : عيال حارتنا - علي ين محمد
ورد علي بعد ماتسمعها !!!

اخوك
Maximus

[/center]
Romanciah
08-01-2007, 04:31 AM
ولا يزال وظيفيا نفس عمله اللى تعرفه


بس شئ واحد تغير


انه نقل عن المدرسه اللى كنت معه فيها


شخصيا لقيت هالنوعيه



و ضربت براسي مثل المطاريق ... :


وش كانت الايام اللى امضيناها سوى في نظره ؟؟؟؟؟



وش كان يفكر ايام كنت انا واياه نسافر سوا ؟؟؟



وش نظرته لي طول الفترة الماضيه ؟؟؟


وش الاعتقاد اللى يمشى عليه في حياته ؟؟؟


معقول انه كان يعتبرني مرحله من حياته


معقول كان يعتبرني شخص مجبر على صحبته في فترة معينه


معقول يعتقد ان كل وقت له اصحابه


(




آآآآآآآآآه ابووووو خالد

جبتهااااا على الجررررح

بس انا اللي نقلت تخيل قطعه تااااامة

و لما جتني ظروف تحتم انها تدق تسأل الغريبات عني دقووا و اهي لا مع انها كانت تعرف تخيل و قبلها بس بشهر داقه علي و ماخذه مني سي دي محمله انا عليه كل التحاضير و المراجعات و الأسئلة يعني صداقة مصلحة في مصلحة فقط بس للآسف ما كتشفت إلا متأخررررررررررررراً ...........

أكثر شيء يقهررررررررر لما تكتشف ان عمرك ضااااع مع نااااس ما يستحقوووون .....


يسلمك ررررررررربي انجلش لوفر...

مع انك اعدت للذاكرة اناس لا يستحقوووون...

دمت بوووووود و سلااااااااااااااام بعيداً عن المصلحجيين....

ليتنـــــــــــــــــــــ ي يااااااااااصاحبتي ما عررررفتكِ
الهمة العالية
08-01-2007, 03:51 PM
وش نقول بس!!
يالله دنيا مااحنا ماخذين منها شي
بس من يفهم....
يسلموو انجلش لفر...
joooory6
08-01-2007, 04:05 PM
جزلك الله خير
English Lover
09-01-2007, 10:22 PM
Maximus



فيه فرق بين قلة الاتصالات والانشغال و بين من لا يريد منك تواصل لانه يظن ان صار له اصحاب وعلاقة مع ناس جدد


بعدين الشخص اذا انشغل مايلام

لكن مهوب يقطع مرة واذا حبيت تسأل عنه تصير شخص مزعج ولا يرد عليك كانك تشحده يعطيك وجه


واستشهادك بكلام شخص سياسي ماينفع بريال

لان السياسه نفاق وكمسلمين اكبر من تضرر منها


واذا اعتقادك كذا انت واللى يريحك

لكني ولله الحمد لي اصحاب تعودت معهم على الصحبه اللى على اصولها

وهناك اصحاب وجوده بحياتي يسوى عندي كثير وكنه اخوي



واسمع اغنية : عيال حارتنا - علي ين محمد
ورد علي بعد ماتسمعها !!!


الله يصحلك بس

ماني سامعها وماراح تنفعني


واشكرك على مرورك



رومانسيه


الله يكون بالعون


وهم بالنهايه راح يجدون انفسهم لحالهم ومايضرون الا انفسهم

الآف التشكرات على مروركِ الغالي


الهمه العاليه


صدقتي

الله يسلمكِ وماتقصرين


joooory6

ويجزاك بالخير


مشكور
شمعة غلاي
09-01-2007, 10:50 PM
مساء الخير

ياكثر الي يتغيرون يانجلش اذا اقاربك يتغيرون عليك وش ترجى من الغريب؟؟؟

بالنسبه لي الصديق الي يحبك لذاتك بدون مجامله او مصالح ووقف معك بالمره والحلوه هو الي يستمر

معاك وبس هذا من وجهه نظري وقد جربت نفسك مواقف كثيررره وحسيت ان بعض الناس يصادقونك لمصلحه او مجامله او يقطعون فيك لغيره منك

والله يعيننا على مواقف زي كذا .. جبتها على الجرح وكانك مادريت :(
English Lover
09-01-2007, 10:58 PM
شمعة غلاي

صدقتي ومعك حق


ومشكوره حيل على تواجدكِ الرائع
Prime Rose
09-01-2007, 11:10 PM
لاتندم على شيء عشته...





كل شيء مرّ بك لابد استفدت منه...
















ووبس
نهله الصاعدي
09-01-2007, 11:36 PM
واللـــــــــــــــــــــ ه ياانقلش من عافنـــــــــــــــــــــ ـــــا عفنـــــــــــــــــــاه


حتى ولو كــــــــــــــــــــــــ ــــــــــان غالي


وبصراحه وجود مثل هالنوعيه بحياة اي شخص هي اكبر صدمه


وان صـــــــــــــــــــــــا ر وحدث مثل هالشي والله لا عليه ندم


ولا حســـــــــــــــــــــــ ـــافه الا اللــــــــــــــــــــــ ـــه يستر عليه


ووالله لا قلبي راح يفقده دامه فضل القطاعــــــــــــــــــه



وعدم الســـــــــــــــــــؤال والحفاظ على المعزه والعيش والملح



هذولا الناس ماتستحق الاهتمام وهذي الحياة تعلمنا وتورينا



البدع من الناس وعلى كثر ما قابلت فبه ناس ماتثمن



وفيه بعد الناس الي ماتسوى
enigma
10-01-2007, 01:24 AM
English Lover

لا تشكيلي ابكيلك

ياما شفنا من هذي النوعية كثير..

بس و الله فترة و تنمحي معزتهم من قلوبنا لأنهم فعلآ ما كانوا يستاهلوا صداقتنا..

اهم شي اننا نفضل زي ما احنا بقلوبنا الصافية تجاه الكل حتى لو كنا حاسين انو علاقتهم بينا سببها في الأساس المصلحة او المنفعة..

الله لا يوجع لك قلب..
English Lover
10-01-2007, 04:37 PM
برايم


تدرين ..... ماعليه ندم ان شاء الله


وياهلا بك و اسعدني مروركِ من هنا


نهله


صادقه والله


ويالله يحيكِ اختي


انيقما


لا تشكيلي ابكيلك

والله مايحتاج انيقما ادري

وان شاء الله ماتشوفين حسرة

والله يكون بعون الجميع شاكر اهتمامكِ
Maximus
11-01-2007, 04:19 AM
وش كان يفكر ايام كنت انا واياه نسافر سوا ؟؟؟




واستشهادك بكلام شخص سياسي ماينفع بريال


واذا اعتقادك كذا انت واللى يريحك




الله يصحلك بس







تكفى ياحافظ القرآن ومفتي عام الديار

ليه وش شايفني قدامك ؟

ياخي تأدب في الحوار شوي وغير هالاسلوب الجاف

الان عرفت ليش صاحبك pull on you

ودعوة الله يصلحك ادعها لنفسك ! ماتقولها لي !

عموما ... اول عيد واخر عيد بمواضيعك !

Maximus
PATCHI
12-01-2007, 04:13 AM
رددتها من حوالي شهرين
تعرف.........من أيام المدرسة وهادي حال بعض البنات
نكون صحبة عمر في سنة من السنوات
وبس ننجح وننتقل للصف التالي..........تلاقي الناس غير الناس
بس ولله الحمد والشكر.........زوالله يديمها نعمة علي
من يوم ما رافقت صاحبتي من المتوسطة, وللآن ما أحتجت حتى أغيب يومين عشان تدور علي
اللهم أحفظها بحفظك.
أما سالفة الذكر
فكانت صاحبة مصلحة.........ولما ما لقتها..........ودعتنا.
طيب خاطرك
وأكيد لك من الطيب اللي ما تلاقي مثلة , نصيب بأذن الله.


رغاية؟؟؟؟؟؟؟؟؟؟


أعرف
English Lover
13-01-2007, 02:04 AM
Maximus



ودعوة الله يصلحك ادعها لنفسك ! ماتقولها لي !

هاللحين ادعيلك بخير وماتبي هالدعوة

وش تبي دعوة شر !!!

الله يصلحك بس



عموما ... اول عيد واخر عيد بمواضيعك !

بدري وانت توك جديد

و ماشدك للتسجيل غير موضوعي مايصير


تدري لا تكثر منها ثم ينعرف دربك
English Lover
13-01-2007, 02:06 AM
باتشي


ابدا كلامك جميل ويستاهل


الف شكر وتقدير ويعطيكِ العافيه
الوتر الحزين
13-01-2007, 08:09 PM
اخوي الناس معادن
والمثل يقول :ان خليت بليت
Abo Lama
16-01-2007, 05:55 AM
انجلش لفر










النوعيه هذي هي اللي تخسر بخسارتها ناس شرواك

فماتستحق الزعل عليها..:)


دمت قريب
English Lover
16-01-2007, 10:06 PM
الوتر الحزين

وانت صادق

تسلم على مرورك


ابو لمى

الله يعلي مقدارك يابو لمى


الله لايجيب الزعل يالغالي


عشت والله لايحرمنا تواجدك

ودمت قريب وبخير وعافيه
زهور
18-01-2007, 01:53 AM
اخ العزيز موضوعك اثار شجوني..
والغريبه ردود الأعضاء وكأن ماحدث لك شيء عادي ومنتشر ,, بالعكس نادر من الناس ماينسى صحبه زي هذي بسهوله ممكن بالتدريج مع تقدم الانسان لكن فجأه ينسحب لأ ؟؟ الشاذ هو تصرفه الغريب وخاصه كما قلت انت انه مافيه اي مصلحه بينكم؟؟
انا المعلمات اللي درست معهم في القرى البعيده وركبنا سوى في سيارة وحده وقطعنا طريق طويل مازلنا محتفظين بتلك الصداقه؟؟ لو رساله سنويه بالجوال ؟؟لانه فيه ذكريات حلوه جمعتنا ,
بس سبحان الله اللي يعيش ياما راح يشوف,,, بس من خلال صدامتي الكثيره مع الصديقات اشوف احلى شيء السطحيه معهم لانه لازم يكون لي اصدقاء ,, وأحاول عدم تعميق العلاقه لانه راح ازعل واتضايق لو ماعاملوني بالمثل ؟؟
شكرا لك اخي الكريم.
without name
18-01-2007, 02:33 AM
اهلين اخوي انجلش لوفر
يسلمو على الموضوع اللي يقلب المواجع بس كذا الناس
حابه تقرا هاذي الاسطر
لاني عايشتها بنفسي
((احساس بشع..
ان تهبهم كل مساحات الثقه البيضاء وتمنحهم كل الاراضي الخضراءالتي بداخلك وتضع باقاتك الحمراء عند بابهم وتسهر لتقرأ اخبارهم فوق جبين القمر ثم تكتشف انهم وضعوا اسمك في قائمه
الأغبيــــــــاء بلا حـــدود .....))

ومع كذا ماراح اندم وماراح اوقف في بحثي عن الصديق لان الدنيا لسا بخير
English Lover
18-01-2007, 03:04 PM
زهور


ارتحت كثير لردك الجميل

لكِ الشكر من الاعماق


without name

هلا بك اخوي


ومثل ماقلت الدنيا بخير


والاصدقاء الاصيلين موجودين ولله الحمد

بس للاسف صداقة العمل قلما يجي منها صداقه على الاصول


الف شكر وتحيه على مرورك الرائع