يبه شلونك [الأرشيف] - سعودي انجلش

مشاهدة النسخة كاملة : يبه شلونك

صاحبة المعالي

01-03-2007, 02:00 AM

مرررررااااااااااااااااااح ب للجميع
قرأت هذي القصيدة لشاعر والله ما أعرف مين لكن اقسم بالله بانها عبرت عما في داخلي من حزن وشوق لوالديالذي توفي بعد معاناة مع المرض لم تمهله طويلا رحمه الله وغفر له وإليكم القصيدة(منقول)
يبـه شلـونك

يبه شلونك...ملل هالــكــون من دونك ..

يبه شلونك ؟؟وتمضي رحلة الدنيا..

بليا طلة عيونك..؟؟!!

يبه شلونك ؟؟وشلون المرض وياك ؟؟

بعد ماهدك بدنياك..عساها تغمض جفونك ؟؟

تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟

.. يبه امي تخيلك دوم...تغني لك مع القمرا..

يبه واللي خذاك بيوم....خذا بنيتك بكرا..

خذا.. وياماخذا.. وياما..خذا ناس يحبونك

يبه حنا صرنا كبار..توفقنا وتخرجنا..

يبه ماعاد فيه صغار..يموج بهالزمن كل شي..

وحنا ماتموجنا..على ذاك العهد نسري..

نبيع العمر والدنيا..ولا تخلف بنا ظنونك

يبه شلونك ؟؟تبي تدري عن اخباري ؟؟

عن افكاري وتذكاري ؟؟

اشيلك داخلي جمره ..وبعيون الحزن عبره..تغرقني .. وتحرقني..

اشوفك نجمة تجبر..مراعيها .. يراعيها..

واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى !!

يبه تذكر زمان مر؟؟
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يابيي..
ملــــــــــــــل هالكون من دونك
يبه وينك ؟؟ .... ولهت لنظره من عينك ....
يبه وينك ؟؟
اشوفه طوّل غيابك !! ... و من ودّاك .... ما جابك !!
قالوا ما يدوم الزين !! ... و انا عندي امل للحين ..
و لكني اعرفك وين !!
يبه وينك ؟؟
عسى الداعي يبه بس خير ؟!!
عساك بخير .... مداين تكرم لعينك ...
بس ارجوك علمني ...
علمني .. يبه وينك ؟؟
سألت امي عن رجوعك ... ولا كني اعرفك وين !!
و قالت .. ما يدوم الزين !! ... و انا .. عندي امل للحين ..
في رجوعك !! .... يبه بس تكفى علمني ....
متى رجوعك ؟؟ .... يبه بس تكفى علمني .
وش احلى من طلوع اثنين ؟؟
طلوع الشمس .... و طلوعك
يبه وينك ؟؟
سألت امي ...... غيابك طال ؟؟
ولا كنّي اعرفك وين !!
و قالت مثل ما قالت .. حسافه ...
ما يدوم الزين ... مع كل هذا صدقني .. انا عندي امل للحين !!
سؤالي عنك يالوالد .. صار كما الموال
و اشوفه طال ... والله طال ..
حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه ..
يبه ..
ارجوك علمني ...
تشوف اللي انا اشوفه ؟؟
انا اشوفك نهار و ليل ...
في وسط المجلس تصلي .. و تدعي الرب ييسر لي ..
يبه ..
ما عاد بي من حيل .. وين الحيل ؟؟
و انا اشوفك نهار و ليل .. مع اني ادري ما ترجع !!
غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !!
يبه .... وينك ؟؟
و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك ..
و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !!
يبه.. كل جرح في الدنيا .. مصيره بالدوا يلتم ... و لكن البلا من جرح ..
نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!!
ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما
تـلتم ..
بس عندي امل للحين !! ... و لا كنّي اعرفك وين !!

يبه .. ذكراك تفرحني ....
في نفس الوقت تجرحني !! ... لا من جبت في طاريك ... دموعي غصب تفضحني ....

يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ هـالناس .. كل ٍ كان في بيتك ضيف ..
الا يا حيف .... الا يا حيف ..
زمن قاسي .. زمن قاسي ...
اخذ مني بلا رحمه ... اخذ مني اعز ناسي !!
و خلاّ لي سهر هالليل .. في عيني ضيف .. الا يا حيف !!

يبه وينك ؟؟
تعال و شوف ...
كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..

يبه وينك ؟؟
تعال و شوف .. صحيح الدنيا ما ترحم ..
تجرعنا التعب انواع ... و لكن الأمل ما ضاع ..
و انا عندي امل للحين !! ... و لا كني اعرفك وين !!

يبه تذكر شطانـتـنا ؟؟
انا و اخواني و اخواتي ... معانا عيال حارتنا ..
نلعب في زوايا البيت .. يبه ... والله انا حنيت ..
لذاك الوقت في وجودك ... الا يا ريت ... الا يا ريت ...

ترجع .. يا يبه حنيت ..
حسافه الدنيا ما ترحم ...
خذت منا سعادتنا ... خذتك بعيد .. و خلتنا !!!

يبه امي تذّكرنا ... بأيامك قبل ما تروح ... تناديها.. يا روح الروح ..
تغازلها و تنظر لك .. مثل طفله ... ملامحها عشق مفضوح ...

في ذاك الوقت .. كنا صغار ...
معَ هذا ... كنا نغار ..
عليها .. او بعد منها ... كنا نغار
نحبك يا يبه ... ارجع .. مثل شمس الفجر .. اطلع
حزينه الشمس في غيابك .. و نفس الحزن في احبابك .. واخاف الشمس من حزني ..
تغيب و ما بعد تطلع !! .. يبه ارجع !! ... اذا لي خاطر فـ قلبك ..
تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..

لكن قلّت الحيله ... و يمكن مـ البطا ضاعت ..
و قلنا يوم !!

يبه سامحني بترخّص ... قبل ينشف حبر الأقلام .. كلامي بعده ما خلّص ..
و لكن موعد الأحلام .. حان ..
ولازم اوفي له.. بعد ما ضاعت الحيله .. اشوفك والوعد باكر !!
اذا فكّر يجي باكر ..!! .. و برجع اسألك وينك !!

بس لازم تجاوبني .. ترى عندي امل للحين !! .. و لا كني اعرفك وين ..!!

يبه شلونك ؟

ملل هالكون من دونك
يبه شلونك ؟
وتمضي رحلة الدنيا ... بليا طلة عيونك
لاجل هذا ... وكل هذا ... اقول اليوم يابـيـي

ملل هالكون من دونك !!!!

شمعة غلاي

01-03-2007, 02:14 AM

نحبك يا يبه ... ارجع .. مثل شمس الفجر .. اطلع
حزينه الشمس في غيابك .. و نفس الحزن في احبابك .. واخاف الشمس من حزني ..
تغيب و ما بعد تطلع !! .. يبه ارجع !! ... اذا لي خاطر فـ قلبك ..
تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..

من جد قصيده محزنه الله يرحمك يايبه...

واسمح لي نقلتها هنا ليقرأها الجميع ,, الف شكر

صاحبة المعالي

01-03-2007, 02:17 AM

تسلمييييييييييييين ياشمعة وخوذي راحتك>>>>>>>>>>>>>>>> عليمية

المحيط الهادي

01-03-2007, 02:19 AM

الله يرحمهم جميعا ويرحم جميع موتانا وموت الموت المسلمين

مشكووووووووره أختي على هالنقل بصراحة محزن جدا

ودمتي ودام الجميع بحفظ الله ورعايته

صهيل الأصايل

01-03-2007, 02:20 AM

قصيدة محزنه

و كل ما اسمعها كأني اسمعها لاول مرة

يارب ترحم ابي الذي تركنا من بدري و ترحم من اخذ مكانه ثم غادرنا و قد ترك بصمة لا تنمحي في حياتنا(( رحمك الله يا خالي يا ابي))

شمس لا تغيب

01-03-2007, 02:24 AM

رحم الله والدك واسكنه فسيح جناته
والهمك الصبر والسلوان

صاحبة المعالي

01-03-2007, 02:25 AM

المحيط الهادي و صهيل الاصايل و شمس لا تغيب اشكركم من كل قلبي

Romanciah

01-03-2007, 02:51 AM

صاحبة المعااالي,,,

رحـــــــم الله و الدك و غفر له و جميع موتا المسلمين,,,,,

و الهمكم الله الصبررررررررر,,,,,,,,,

قصيدة جداً مؤثررررة,,,,,

الحبيب الحبيب

01-03-2007, 03:24 AM

صاااااااااااااااااااااااا ااااااااااااااااااااااااا اااااااحبة المعااااااااااااااااااااا اااااااااالي.....بكيتيييييي� �ييييييييييييني...؟؟.....الله يرحمنا ويرحم والدينا ويجزااهم عنا كل الجزاااااء....

English Lover

01-03-2007, 03:39 AM

صاحبة المعالي

رحم الله والدكِ وغفر له واسكنه الفردوس الاعلى

وجميع موتا المسلمين ....آمين

يعطيكِ العافيه لمشاركتكِ الجميله

الفتون

01-03-2007, 06:13 AM

كلمات معبرة..
وقصيدة رائعة..صدرت من وجدان مكلوم..
صاحبة المعالي..أبحرت بنا إلى شاطيء الجمال..وذكريات الماضي..
أبي ..فقدك زلزل عرش الأمان لدي لك مني دعوة من قلب محب بأن يجعل قبرك روضة من رياض الجنة..
صاحبة المعالي..
رحم الله والدك رحمة واسعة وجميع أموات المسلمين..

صاحبة المعالي

01-03-2007, 06:37 PM

رومانسية،الحبيب الحبيب،English lover ،الفتون
اشكركم على مشاركتي موضوعي والله لا يحرمني منكم

ام بسمه

01-03-2007, 09:03 PM

روعه جزاك الله خير

وتوجد القصيدة بالصوت و جدا رائعه

الله يشفي والدي ويرده من رحلته العلاجيه بالسلامه ويعافيه وكل مرضى المسلمين

والله يرحم والدك وجميع موتى المسلمين

ام بسمه

01-03-2007, 09:16 PM

وجدت رابط الفلاش لهذه القصيدة
http://www.geocities.com/bader2h/yobbah.swf

حمامة

02-03-2007, 12:53 AM

صاحبة المعالي ..

الله يسعدك ..

والله إنها فعلاً قصيدة محزنة ..

ام بسمة ..

كنت ناوية أطلبها بالصوت ..

الله يعطيك العافية ..

صاحبة المعالي

02-03-2007, 02:02 AM

ام بسمة اشكرك من كل قلبي على المرور واعلامي باالفلاش الخاص بهذه القصيدة من زماااااااااااااااان ادور عليه (الله لا يحرمني منك)
حمامه اشكرك على المرور

Samaya

04-03-2007, 12:54 AM

يبه وينك ؟؟
تعال و شوف .. صحيح الدنيا ما ترحم ..
تجرعنا التعب انواع ... و لكن الأمل ما ضاع ..
و انا عندي امل للحين !! ... و لا كني اعرفك وين !!

فتحتي علي مواجع يااصاحبة المعالي

اللهم رد الينا والدنا ردا" جميلا واهده سواء السبيل

ياصاحبة المعالي....

جمع الله بينك وبين والدك في جنات تجري من تحتها الانهار

صاحبة المعالي

05-03-2007, 01:50 AM

Samaya
الله لا يجيب الالم ويخلي لكم والدكم ويسخره لكم
تحياتي لك

أمير الحرف

05-03-2007, 02:02 AM

الأخت / صاحبة المعالي

http://islamroses.com/zeenah_images/w6w_2005100123480072ea9d3f.gif

والشكر موصول للأخت / ام بسمة

http://islamroses.com/zeenah_images/slemat.gif

نهله الصاعدي

05-03-2007, 02:59 AM

الله يعطيــــــــــــــــك العافيه ويبارك فيــــــــــــــــك

ولكن عن جـــــــــــــــد محزن وموجع ويأثر بالنفس

ويارب اسألك ان ترحم والدهــــــــــــــــــــ ا وجميع اموات

المسلميــــــــــــن

صاحبة المعالي

05-03-2007, 03:30 AM

امير الحرف، نهلة الصاعدي
اشكركم على المرور

ميس

05-03-2007, 04:22 AM

سامحكما الله

صاحبة المعالي

وام بسمة

لقد نكأتما جراحاً في جوانحي وافضتما دموعي

اللهم اغفر لوالديّ ووالدكِ واباء المسلمين وأمهاتهم

واجعل قبورهم رياضٌ من رياض الجنة وجميع موتى المسلمين ..

اللهم اجمعنا بهم في الفردوس الاعلى

مع النبيين والصديقين والشهداء وحسن اولئك رفيقا ..

width=400 height=350

Try To Reach

05-03-2007, 04:38 AM

قصيدة حزينة ,,

هذا النوع من القصائد اكثر دفئاً للنفس ,,

مشكورة اختي : صاحبة النعالي ,,

وحياكِ الله ,,

Abo Lama

05-03-2007, 04:43 AM

صاحبة المعالي

ام بسمة

يعطيكم العافيه

وربي مايحرمنا من مشاركاتكم

ارق التحايا

Mooni

05-03-2007, 04:47 AM

صاحبة المعالي

ابداع متناهي في الاختيار .... صراحة انا اول ما سمعتها بكيت ... و لازلت لما اسمعها ابكي ..
لانها فعلا نابعة من احساس برغم بساطة تعابيرها..لكنها تدخل القلب على طول و تلامس الوجدان...

الله يرحم موتانا و موتا المسلمين..
و ادخلهم الجنان ...

اللهم احسن خواتيمنا ...ياااااااااااااااارب العالمين

صاحبة المعالي

06-03-2007, 12:29 AM

ميس،تراي تو ريتش،ابو لما و موني تسلمون لي يالغالين والله يرحم اموات السلمين

the master

06-03-2007, 04:21 AM

والله دمعت عيني

الله يحفظك صاحبة المعالي

والله يرحم كل عزيز على قلوبنا ...وموتا المسلمين والمؤمنين