سؤال عن الصوتيات

[soce]

السلام عليكم ورحمة الله وبركاته

اولا احب اشكر كل اعضاء منتدى سعودي انقلش على جهودهم وكثير استفدت من المنتدى هذا

ثانيا لدي سؤال يتعلق بخصوص مادة الصوتيات الماده هاذي ماعرفت كيف استفيد منها وانا ادرس كتاب brtter english pronunciation ابي اعرف مالفائده مثلا عندي حفظي للرموز الصوتيه تبع الاحرف

ثاني حاجه والاهم يوم الاحد علي امتحان صوتيات وهو اعاده لان دراجتنا زفت في الامتحان الاول فقررت هي تعيد الامتحان واسئلة الامتحان راح تكون بس عن الترانسكبشن ماراح تجي اسئله ثانيه وانا اللي محوسني ابي اعرف اذا في عندكم قواعد معينه اتبعها عشان يكون عندي الترانسكبشن صح وخاصة في vowels يعني مثلا الحين الرمز &هو يرمز على ماعتقد لحرفa يعني انا اقول مثلا هل قاعدة الحرف هذا تجي مع الكلمات اللي مكونه من 3 احرف مثل c&t اتمنى فهمتو طلبي:neutral:

ومشكورين جميعا

[ابوعزيز]

وعليكم السلام ورحمة الله ..

بالنسبة للفايدة من الـ transcription غالباً تستفيد/ين منها اذا صادفت كلمة جديدة (عشان تعرف/ين طريقة نطقها النطق الصحيح ) غالبا القواميس تحتوي على transcription للكلمة حتى تعطيك النطق الصحيح للكلمة ..

أما القواعد ما أقدر أساعدك فيها تعتمد على دقة السمع يعني لازم تثبت/ين الصوت بالضبط وحاول/ـي تحفظ/ين على كل صوت كلمة (مثال) وقيس/ـي عليه ..

والله يوفقك ..

[Try To Reach]

ابوعزيز ,,

رحم الله والديك ,,

كفيت ووفيت !

ومرحبـــاً بالجميــــع ,,

[soce]

يعطيك العافيه ابو عزيز على جوابك انا الصراحه ماكان يجي في بالي انو على شان اعرف الترنسكيبشن لازم احفظ الاصوات والحين من نصيحتك فهمت السالفه صح

جزاك الله الف خير

واختي تراي تو ريش جزاك الله خير على مرورك زي ماقلتي الاخ ابو عزيز كفى ووفى

شكراا للجميع

[دايخه بدرسي]

الصوتيات وماأدراك مالصوتيات بصراحه كنت مستغربه وش هالماده هاذي ولا تعالي وشوفيني لا جاء الاختباااار أنا بالغرفه واللي بالصاله ضحك وقمة القهر طالعه عندهم خير وش فيكم قالوا شكلك يضحك
تدرين ليش لان اسمع آياااا ايااا أوااا طبعا ضحكت لان الشكل فعلا يضحك بالغرفه ولا عندك أحد وترددين أحرف كأنك بحوش غنم :marsa184: ههههه أمزح بس والله ماعرفت قيمة الصوتيات الا لما صرت في ثالث يكفي انك توقفين قدام طالبات تدرسينهم وهم خلقه مايعترفون ببنات الكليه:marsa152: ولكن اذا كنتي متمكنه من النطق المدرسه اللي بتقيمك بتنبهر منك والامتيااااااز بجيبك:36_1_13: :36_1_13:
وفقتي وشدي حيلك الصوتيات بصراااحه بدونه ماينفع الواحد يقرأ انجليزي

[Lass]

:

Bertter English Pronunciation

الكتــاب هذا رووووعــة ومفيــد جدااا

بصراحـة انـا كنت مثلك مو فاهمة المادة .. لكن طلعت سهلة مررره

أنتي حاولي تقرين كل كلمــة أكثر من مرررة عشان يسهل عليك نطقها .. هذي احلى طريقـة

وحـاولي تاخذين على كـل صوت مثـال .. وبعدين طبقي هالصوت على كل الكلمات

واللـــه يوفقـك يارب

[soce]

يعطيكم العافيه على ردودكم والله استفدت من تجاربكم

[the master]

هذا الماده انا اعشقها بصراحه بعد ما درستها تحسن نطقي للكلمات كثير

وافضل مكان ممكن تتعلمين منه هو القاموس الانجليزي \انجليزي


Phonology is the study of how sounds are organized and used in natural languages.

[لمـيــــس]

وانا كمان نفس الشي كنت دايمن مااشوفلها اي اهميه واحسها تافهه ..بس الان عرفت وثانكس ليكم على جهودكم المميزه

[TenglishT]

الترنسكريبشين مفيدا جدا وافضل من الالات الناطقه في تعلم لفظ الكلمه الجديده