بسرعه بوربوينت لايفوتكم!!!!

[Prime Rose]

مرحبا..


يضيق خاطري كل ما اشوف هالعنوان!! وبودي اسألكم.. كيف تستفيدون من عروض البوربوينت في صفوفكم؟!! هل معناة هذا أنه مدارسكم على قدر من التطور لدرجه انه فيها مصادر تعلم؟؟ او انه لكل واحد منك غرفته وبالتالي فهي معده ومهيأه لهذه العروض؟ أم انه لديكم في صفوفكم بورجكتور :confused: ؟؟ولا تستخدمون غرفة الحاسب في العرض؟ ( اللي حتى في مدرستي صار له سنه عطلان وما احد تفرغ يصلحه!!)



ياجماعه والله ودي اعرف.. هل معناته انه بس مدرستي اللي متأخره بين كل مدارسكم؟ولا وش القصه بالضبط؟


في حصه ماضية اخذت الاب توب وجربت استخدمه.. كان عدد الفصل كبير جدا.. فاضطريت اقسمهم لمجموعات.. بختصار ماعاد دريت مني في يده!!! وقررت ما اجيبه ابداً وش ماصار!!!

انا واثقه انه من افضل الوسائل التعليميه ومحد فينا ينكر كيف انه يشد الطالبات ويرسخ المعلومه في أذهانهن..وعشان كذا بليز فهموني كيف تستخدمونه؟


بانتظار ردودكم..


ووووبس

[Marshmallows]

والله يابرايم روز الحال من بعضه....انا عن نفسي تعجبني هالتقنيه وودي استخدمها بس مافي امكانيات بالمدرسة ولا عدد الطالبات يسمح يعني فوق ال 40 طالبة بالفصل هذولي شلون اوريهم؟؟؟؟؟ يالله الله يعين:)

[نظر عيني]

السلام عليكم ورحمة الله وبركاته
انا كنت استخدم معمل الحاسب في المدرسة ثم اشتريت بروجكتور والحمد لله كل شيء ماشي زين الا مكان العرض يعني وكلي الله مالي مكان محدد
انت تقدرين تستخدمين معمل الحاسب اذا عندكم او تستخدمين التلفزيون اللي في المدرسة (كذا سمعت) يعني يكون بين ال Tv و اللاب توب وصلة فقط ...
والله يعين الجميع

[laila]

الله يعين

نفس المشكله عندي ...

[بنت حواء]

هلافيك prime rose

بالنسبه لي والحمدلله يوجد في مدرستنا غرفة مصادر التعلم.. ;)

والتي يوجد بها بروجكتور وجهاز حاسب..لكن احنا نحضر اجهزتنا الشخصية معنا ..

والغرفة معده لجميع المواد من انجليزي وجغرافيا وتاريخ ...الخ

وطبعا تستخدم الغرفة ايضا لتفعيل حصص الاحتياط....

.بس بيني وبينك معلمات الانجليزي ماقصروا مغعلينها للآخر.. :D

[Prime Rose]

معلمة انجليزي
نظر عيني
ليلى
شاكرة لك مروركم..


بنت حواء
انتي بس علميني وين مدرستك وانا اقدم نقل على طوووووووووووووووووووول!!

[أبلة الإنجليزي]

يابعد طوايفي يا prime rose
المسألة مش محتاجة طلب نقل
محتاجة (لاب توب + بروجكتور) وبس
آه .. وتوصيلة لين عند فيش أبو 220
واعرضي في الفصل واشرحي .. حتى لو كان عدد البنات 99 مش 40
ماتشوفينهم (المشرفات) يعرضون علينا شروحاتهم في الاجتماعات واحنا عددنا بالمئات؟؟؟؟

[Prime Rose]

ماتشوفينهم (المشرفات) يعرضون علينا شروحاتهم في الاجتماعات واحنا عددنا بالمئات؟؟؟؟


اقول لك شي..


بالنسبه لمشرفتنا حنا.. صار لي ثلاث سنوات من تعينت..وماصار واجتمعنا الا الترم الماضي.. وكل الاجتماع كانت تحكي فيه عربي× عربي ..ولا كلمه انجلش..وعليه ماله داعي ابدا بروجكتور او لاب توب.. يكفي وجودها!!!!!!




وووبس

[أبلة الإنجليزي]

واااااااااااااااااااااااا ااااااااااااااااااااااااا ااو ياحياتي
إنت في أي منطقة؟؟؟؟؟؟؟؟؟؟؟؟؟؟؟؟؟؟؟؟
في الربع الخالي؟

[أبلة الإنجليزي]

أجل أنا في نعمة
أقول يا rose
أنا معلمة وحيدة في المدرسة
وحالياً (أسوي نفسي تعبانة) علشان ينتدبوالي واحدة تساعدني
تعالي عندي

[Prime Rose]

تم..تم.. تم..

[مها]

هههههه ياحليلكم يا أبلات قلبتوها مناحة00

أنا عن نفسي هذي هي معاناتي ولو أقول لكم شي تضحكون بعد 00 تصدقون كل ماشفت احد منزل عرض رحت أحمله !!

مره استأجرت بروجكتر لمدة أسبوع والله ماأدري وش أعرض و وش أخلي000

خلوها على الله بس00 اذا صرت وزير التعليم بصرف لكل معلمة انجليزي بروجكتر خاص محد يلمسه00

بعدين أي نشتري صراحة مستحيل اشتري بروجكتر قيمته 20 الف او 15 من وين لي انا ؟؟

[Prime Rose]

هلا فيك مهــا ..

وحنا وش ورانا غير بس ننوح وعسى أحد يسمع لنا!!!

على فكره مها.. أكاد اجزم انه مانزل هنا عرض بوربوينت ماحملته وأطلعت عليه!! حتى لما يكون خاص بمنهج غير منهجي!!! الحاله هذي تزيد طردياً مع زيادة الاكتئاب عندي( لأني ابدأ أدور عن شي يضيق خاطري) فأدخل وأشوف غيري المتطورين..فأتحطم ثم أطلع من المنتدى!!!



تصدقنّ .. لاحظت شي.. ماحد اشتكى أو علق هنا غيرنا يالمعلمات!!!!


ولا معلم مّر من عندنا وحكى عن معاناته؟؟ هل معناة هذا انه المعاناه بس عندنا يالمعلمات؟؟

[ابله منى]

بالنسبة لي اجيب اللاب توب للفصول اللي اعدادها 18 و نازل ..
و الفصل اللي يوصل لثلاثين .. يدي لازم اكمدها يوم كامل من كثر ماشلت و رفعت اللاب توب ..
للاسف انا اروح لثلاث مدارس .. امنيتي اشتري بروجكتر .. بس خلوني اثبت في مدرسة لحالي و يصير لي مكتب .. انا حتى طاولة زي حق الطالبات ماعندي .. افرش دفاتري في غرفة زميلة من الاداريات :)

[queen]

موضوعكم رائع
هذي مشكله كل المدارس في المملكه تقريبا يعني الناس يتطورون الا ...........
بالنسبه لمدرستنا مافيها اشرطه ام ثلاثه ريال عشان يكون فيها بروجكتر

[Good night]

هههههههههههههههههههه صادقه ياخت queen

جات المديرة تسالنا وش تبون من الوسائل قلنا لها جيبوا جهاز عرض للدروس عشان عروض

البوربوينت وكتبت طلب لإدارة التعليم 000000 هي جادة بس يحليلها ماتدري انه يكلف

وعلى قولتك الشريط ابو ريالين مدري ثلاثة مو موجود000

اقول خلوها على الله 000وش رايكم نتقاط ونفتح مدرسة خاصة للعرووووووووووض 00


ردوا لي خبر عشان اجهز المبنى000(فاعل خير)

[Future Teacher]

انتم بتتكلموا عن ايش بالضبط
يعني ايش بروجيكتور و لاب توب و مصادر تعلم
شوي شوي وتقولوا اوفر هيد بروجيكتور!!!!!!!!


بس امزح ............
انا نفس الكلام ........ ومعمل الحاسب 24 ساعة يسوون له صيانة.... يعني
الحال من بعضه

[مها]

المدرسين ياحبيبتي يطلبون الي يبونه بانفسهم مافي مدرسة اولاد مافيها بروجكتر ان ماكان 2 او حتى 3 تدرين ليه ؟؟

لأن الدولة صرفت ملايين على التعليم وماقصرت لكن مايوصلنا منها الا ملاليم00

وحسبي الله ونعم الوكيل

يعني الرجال يروح الواحد منهم بشحمه ولحمه لادارات التعليم ومايطلع الا وحاجته بيده لكن احنا مستضعفات الوحده مامعها غير هاللسان بالتليفون00

[Prime Rose]

ابله منى..

القضية مو قضية استقرار لانه انا من ثلاث سنوات وانا بهالمدرسه..ونفس وضعك.. اذا جيت اصحح دفاتر الطالبات تقولين كأني في الحراج.. ناثرتها حولي واحرج عليها:
(هذي لثالث.. ياختي خربطتي دفاتري.. شيلي رجلك يامال .............!!)
بداية السنه جبنا مكاتب للغرفه ( على حسابنا طبعاً) لكن لأن الغرفه صغيره جدا وعددنا كبير اكتفينا بثلاث مكاتب( قطه بيننا نتناوب على قرّها) وطاولة اجتماعات وبس


queen
والله انبسطت شوي!!! حسيت اني متطورة نوعاً ما !!! على الأقل عندي الأشرطه بس كلها الترم الاول :D

Good night
سلمي على مديرتك!! :p

Future Teacher
شكلك تقربين لي.. لاتكونين نويرة؟ ( معلمة الانجلش اللي معاي) ;)


مها
ترى ماينصحون بطولة اللسان.. لانه بس حلقك بيعورك.. بس ;)

[أبلة الإنجليزي]

ياترى مين مصيبته أعظم؟؟؟؟؟؟؟؟؟؟؟؟
من 23 سنة وأنا أستخدم overhead projector وعاصرته في جميع مراحل تطوره من الشفافيات الـ roll اللي كنا نكتب عليها بالـ markers
إلى الشفافيات الملونة اللى أصور عليها صفحات الكتاب درس درس
مع استخدام الفانوس السحري اللي أعرض عليه بسرعة الشئ اللي مالحقت أصوره
إلى أن فرجها الله من عنده واشتريت لاب توب أبو عشرة آلاف ومعاه بروجكتور أبو خمسة وستائر للفصول اللي تصقعها الشمس (على حسابي)
واليوم (حضرة الست الناظرة) طلبت من كل واحدة فينا (500) ريال علشان تشتري بروجكتور للمدرسة يخدم الحفلات والمناسبات والدروس النموذجية (لأن فيه عالم ماأدري ويش أسميهم) ما يستخدمون البروجكتور إلا في الدروس النموذجية) ((مساكين))
واللي ماتدفع الله يعينها على ..................................
طيب أنا ويش ذنبي وأنا عندي كل هذي الرصة من الأجهزة اللي مااشتريتها إلا علشان الدروس؟؟؟؟؟؟؟؟
ياعالم ياهوه ......... أفيدوني: أدفع واشتري دماغي والا أطنش وأسوي نفسي بلهاء؟
في شرع مين هذا؟
كل يوم ادفعوا .. للخالة .. للبواب .. للبنت اللي تشتغل على الكمبيوتر .. لتزيين المدرسة .. للحفلات .. لفلانة ولدت .. لعلانة استقالت .. لسيراميك غرفة المعلمات .. لتايد غسيل الحمامات .. لـ .............. ولـ ..................
ياناس فين الرقابة عن هذا كله؟؟؟؟؟؟؟؟؟؟؟؟؟؟؟؟
لاتقولوا اشتكوا !!!!!!!!!
مجرد التأخير في الدفع يتمسح في أبونا البلاط .. ما بالك إذا مادفعنا؟؟؟؟؟؟؟؟
واللي يقول اشتكي .. يدلنا نشتكي لمين وكيف واحنا جاهزين.

[Prime Rose]

بس كلمه...

إذا رسمي اسفهي !!!



لانه مو معقول نكد على المدارس .. صارت تو متش السالفه..

ووبس

[amal14]

جزاكم الله خيرا:clapping:

[amal14]

شكراً لك اخي الكريم

[@Malak@]

http://www.wesaalup.com/wesaal1/wesaal_64310821.gif


بالنسبة لمدرستنا متطوره وفيها كل شي

بروجكتور وشاشات عرض

والي تبونه موجود

بس اكثر شي يستخدمونه لحفالات والمناسبات
ومعلمات الانكليزي كمان
اذكر انا العام سويت عرض نشاط للانكليزي
انشالله انزله لكم بس هو لفصل الدراسي الثاني
والمعلمه عرضته للطالبات
انا الحين في الصف الثالث ثانوي
والعام سويته لاختي>>>>> من حبي للنكليزي
واصلا المفروض الحكومه توفر للمدارس
لان احنا الحين في عصر التطور

[English_Girl]

http://img214.imageshack.us/img214/2927/e1pp7yy2fg41qd7.gif

[bigevil]

معليش انا بدخل فى الخط شوي ..... مع انكم مدرسات وانا مالى شغل في سواليفكم ...بس استفزني الموضوع شوي

بس مو معقول اللى تقولونه ......كلكم ما عندكم غرفه مصادر .. انا ادرس فى ثلاث مدارس ... طبعا وحده منها مدرسه ارامكو بس المدارس الثانيه مدارس حكوميه .. وحده فيها غرفه مصادر على مستوى عالي .. والثانيه مافيها .. ومدرسه ارامكو ما راح اجيب سيرتها طبعا لان هذا شي ما يوصف ..:smile (91):

المهم ... مديرنا جزاه الله خير اشترى 20 جهاز بروجكتر ... ووزعها علينا ولا تاخذ الاخمس دقايق تركيبها فى الحصه ونبدا الدرس ... او نشوف اى فصل فاضي واجيب الاب توب والبروجكتر .. واى مدرس عنده حصه انجليزي يجيب طلابه ..
نفسي اعرف ايرادات المقاصف وين تروح .. ليش ما تطلبون بروجكتر واحد قيمته ما تجي 3000 ريال ويوضع فى غرفه وحده مع جهاز كمبيوتر عادي .. ويستخدمونه المعلمات على حسب الماده واحتياجها ..

بس الشاهد فى الموضوع .. واللى لفت انتباهي .... انا ادرس فى ابتدائيه وعندنا حاجات مو عندكم بالمرحله الثانويه .. انا توقعت ان فى المرحله الثانويه راح يكون هناك معمل لغه انجليزيه او على الاقل يكون هناك غرفه خاصه لمعلمي الانجليزي ... مو معقول اللى تقولونه ... يعني مافى ولا حتى بروجكتر ... حطمتوني .. كنت بطلب ثانويه .. الحين لا خلني بالابتدائيه ابرك ......

او انتم يالحريم تقلبون الموضوع مناحه وزايدينه شوي .. او انكم فى قرى بعيده عن المدن. هههههههههههه ما ادري عنكم :smile (58):

اسمحولنا .. خشينا فى الموضوع عرض ...... ما عاد اعيدها :smile (78):

[فتنة الروح]

هههههههههههههههههههههههه
برضو احنا كمان مدرستنا مافيها مصادر


ياريت لو يحطو لها سقف اول
وبعدين يشترو البروجكتور



bigevil
ضحكتني
احنا نقلب الموضوع مناحة

الا شايلين على روسنا هموم الدنيا
بس خلي الواحد ساكت

[شهاب السعودية]

فعلا معاكم حق سستخدام البروجكتر شئ رائع وفعال انا عني اشتريته علا حسابي واحتسبت الاجر عند الله واستغليته لعرض الفلاشات الدينية الوعظية....................

[juri2005]

thanks too much

[sarah000]

احنا ما عندنا غرفة مصادر على قولتكم..أو معمل لغة..لكن في المدرسة عندنا 3 أجهزة بروجكتر.. واحد للحاسب/والبقية للفصول..
البروجكتر موجود عند الوكيلة..ومعلق عندها جدول حجز جهاز العرض.. كل معلمة تكتب اسمها واليوم والتاريخ والحصة اللي تبغاها..وسلامتكم..

ومين قال إن البروجكتر بـ 15 ألف؟ اللي بجرير سعرهم مايتجاوز 3 آلاف..
والتركيب مره سهل..ومايحتاجله شيييء.. بخمس دقايق يتركب.. بس جيبي لابتوبك معاكي..

[سفيرة الاحزان]

أنا في مدرستي غرفة مصادر تعلم ولكن الجميع يتخانق عليها وأنا ولله الحمد جميع دروسي بوربوينت

اضطررت ان اشتري بروجكتر وسماعات وطبعا عندي لاب توب فاخذه كل فصل في الاول كان صعب لكن الان

من كل فصل اخترت طالبتان وقبل الحصه يأتونني لحمل الاجهزه وفي نهاية الفصل الدراسي ان شاء الله سوف اعطيهن

هدايا .

[أماسي]

أنا موجود بالمدرسة بروجكتر

بس ماا استعمله لاني لازم اخذه من المديرة و ارجعه

ريحت نفسي وشفت لي فصل فاااضي وبديت اعرض على التلفزيون

حتى الصوت مرة واااضح

و طريقة جديدة تجذب االطالبات

[sunlight44]

ياهلا في برايم وموضوعها الحلو كلكم ادخلو وخلونا نتناقش


احنا عندنا بروجكت ونعرض بس صراحه صراحه له مزايا ومساوئ فأنت افرحي يابرايم تراه له مساوئ خخخ


ومن مساوئه ان البنات يملون العرض لأنه صار روتين ودايم نعرض فقالو ياأبلا مانبغى عرض انواع الكسحات مادرو اننا تعبانين عليه الشاهد ان العرض دايم ملل بالنسبه للطالبات ....


وتعالو انتم ياللي تعرضون ممكن تقولون كيف طريقة الشرح ؟؟؟هل يعني تعرض وتشرح بنفس الوقت هل تستخدم السبوره ؟؟هل تعرض وبعد انتهاء العرض تشرح الدرس ام العكس تشرح ثم تعرض دلوني كيف؟؟ نبغى الطريقه الله يرحم والديكم



ويا أختي الغاليه برايم انصحك لارزقك الله فلوس خخخ اشتري بروجكت خاص لك واعرضي لأن لو اشتريتو انت والمعلمات وتدافعتو فيه للمدرسه ماراح تستفيدي كل المعلمات ودهم يعرضون ثم يصير تضارب بالحصص ومنه .........الخ لا تخلي أحد يتمنن عليك ريحي راسك واشتري وانبسطي مثل العالم اما عني فأتمنى احد يدخل ويقول طريقته في العرض وشكرا


ايه نسيت أقولك الموجهات دايم لما يسون دوره لنا يعرضون وبس يعني بس تقرا بدون شرح ثاني حاجه يتكلمون اربك اربك عرررربي وسؤالي ياموجهات ليش لما تحضرون لنا تنقدون على شرحنا اذا تكلمنا عربيي بالله وانتم بالأصل تشرحو دوراتكم بالعربي؟

[هناء]

احنا عندنا معمل بالاسم فقط وغير مجهز ابدا

وما عندنا غرفة مصادر

وعندنا جهاز بروجيكتر واحد نعرض عليه دروسنا

[Prime Rose]

سبحان الله..


كيف ممكن يتغير حال الانسان من سنة إلى سنة ثانية!



لما كتبت الموضوع هذا..كنت في غاية الاحبااااااااااااااط..


بس بعده بفترة تعدل الحال وتطورت مدرستي..


صار عندنا مصادر تعلم..


وأكثر من بروجتكور في المدرسة.. ونستخدمها بشكل ميسر جدا..


بس مثل ماقالوا الأخوات.. اكتشتفت ان البروجكتور له عيوبه.. ومساوئه..


ومن أهمها ملل الطالبات من كثرة تشغيله..







فإنشاء الله ربي يعدّل أحوال مدرستكم ..مثل ماتعدلت مدرستي..


:)









موفقين

[همس الغروب]

والله صادقين
انا نفسي اسوي عرض بروجكتر لاني مليت من الطريقه التقليديه (استخدام flash cardsوreal objectصراحه نفسي ان كل مدرسه خاصه تفتح غرفه للمصادر لانها اصبحت ضروووره

[the tulip]

كل يغني على ليلاه والوضع في مدرستي ...!! نقول الحمد لله بكل الأحوال لا تشكو تراني راح أبكي وخلو الطابق مستوور......

[SOUL INNOCENCE]

جزاك الله خير

[أروى]

ياعمري
انا عانيت زيك 5 سنين
بس الحمدلله الحين نقلت لمدرسة كبيره وجديده ولقيتلي غرفة
واخذت بروجكتور المدرسة واللاب تبعي

تقدرين ترفعين طلب مباشر لادارة التعليم وتستلميه بنفسك بدل ماتستني

خلي المديرة تختملك على الطلب وروحي بنفسك استلميه من ادارة التعليم

والعرض يكون بداخل فصلك ومو لازم شاشة عرض اكتفي بالسبورة وجلدي الشبابيك
الله يوفقك

[a=m]

انا جربت الدروس لحد العام بدون بروجكتور وهالسنه بالجهاز..

فرق السماء عن الارض اول شي لي انا ارتحت من كثر الفرفره بين البنات وكثره تصوير اوراق الوركشييت والعفش اللي كنت اشيله معي لو فيه ريل اوبجكت
الحين شنطه بجهاز لابتوب بيبي وبروجكتور خاص من جرير (3000) وفايل بالاوراق + 5 دقايق تركيب ( الوقت اللي نفتش فيه الواجبات ونحلها )
وخلاص ابدأ درسك واحلى منه ما فيه ..

يعني اشتري دماغك وراحتك وطلعي ابداعك..

[shahooda]

والله حالة بس احس اي معلم او معلمة انقلش لازم بروجكتر احس مريح ويفهمو الطالبات بسرعة بس مدرسة للحين مافي بروجتكر الله يعينكم :(

[نوافي]

انا اشترتلي بروجكتر خاص فيني

تعبت وانا اصور فلش كارد من الطابعة ووسائل مكبرة ووسائل حقيقية في يدي

تقولين عفش داخلة فيه الفصل!!! من جد تعب

ورحت أخذت بروجكتر بالتقسيط ومااحد يلمسة غيري واستفدت منه كثيرررر بالذات في البيت في الاعياد والحفلات مثل التخرج مررررررة روعة

[alieng]

شكراً لك على هذه الكلمات الرائعة