لكل معلم/معلمة انجليزي ممكن مساعدة ؟؟

[ويلاف]

السلام عليكم....
انا معلمة جديدة و تعينت على المرحلة المتوسطة وماسكه الثلاث المراحل و عندي كم سوال واتمنى منكم الاجابة
س1 :- ايش الافضل التحضير الجاهز ام عملة بنفسي ؟؟ وايش افضل تحضير جاهز ؟؟
س2 :- في بعض المكتبات دفاتر جاهزه للغة الانجليزية موجود فيها الكلمات الجديدة و القواعد والتطبيق و الواجب هل تنصحوني فيها او لا ؟واذا كان نعم ايش افضل مكتبة اجد عندها ؟؟
وياليت كل واحد منكم يوضح لنا ساسية مع الطلاب ؟وكيف طريقته في الامتحانات هل هي دورية كل يوم او كل اسبوع ؟ وكيف يمتحنهم في الكلمات الجديدة لاني اذكر استاتذي في المتوسط كل يوم تمتحنا في الاملاء هل هذا الطريقة حلوة او لا ,,,,, ولكم مني دعوة صادقة لكل اللي بساعدني
ودمتم لنا سالمين

[مرقة كااافيااار]

الف مبروك التعيين الله يعطيك خيره ويكفيك شره

أولا زمان اول تحول = الاختبارات الاساسيه فقط هي الي انتي مطالبه فيها

الكوزس الي تسوينها على كل وحده هذا افضل شي

واريحلك وللطالبات انو كل نهية وحده تسوين كل التمرينات والاسسئله بورقتين ثلاث

وتعطينها الطالبات يحلون مع بعض وتعطينهم الحل الصحيح النهائي على السبوره يكتبونه ويذاكرون منه لاختباراتهم

بعد كذا التحضير بما انو انتي جديده لازم تعتمدين على نفسك بالاول

خذي تحاضير ثانيه تساعدك وركبي معلومات على تحاضير جاهزه

ممكن الي عندك يكون افضل المهم خلك مجتهده وبترتاحين بالاخر

وبالنسبه للي تلقين بالمكتبات كله شغل مصاريه اي كلام وتجاري

افضل شي يساعدك سلسة كتب استخدمتها اول تعييني وكانت اكثر من رائعه

حسافه اني عطيتها ولا كان اعطيتك معلومات الكتاب كامله

اسمه ideal teacher تلاقينه بمكتبة العبيكان

لكل فصل كتاب او اثنين وجدا رائع وواضح

يارب اكون افدتك

مابي الا دعواتك لي ولاختي الله يكفينا شر الطريق

انا 600 كيلو

اختي 300 :( الله يعين

[ويلاف]

الف شكر اختي مرقة كااافياار
هل الكتاب اللي قلتي عنه خاص للمرحله المتوسطة و مرتبط به ؟؟
والله يجزاك الف خير على الرد و يسهل دربك
وعلى فكرة انا 600 رايح جاي

[رفيع]

السلام عليكم

مبارك عليك التعيين :rose4:

بصراحة انا كنت اكتب تحضيري بنفسي والأن احضر بالكمبيوتر نفس التحاضير الجاهزة بس في نقطة مهمة بالنسبة للتحضير
لازم تكتبين الاهداف بشكل صحيح وكامل مثل مهو عندك بالتعميم
لازم تراعين المرحلة اللي درسينها ومستوى طالباتك ----والغرض اللي تبين توصليله يعني انا اركز على القراة والكتابة الهجاء اكثر شيء بما اني ادرس متوسط وخصوصا القراءة
كمان في المناطق النائية تلاقين التعليم مو ذااك الزود يعني يالله عربي يمشي معاهم فلازم يكون في أهداف مشوقة وتسلية للطالبات..........لان التوجية لو جاك وحضرت لك حصة بتركز على تطبيقك للأهداف بالشكل الكامل ومميز ومثل ماقال اخوي مرقة كاافياار"خذي تحاضير ثانيه تساعدك وركبي معلومات على تحاضير جاهزه" كملي من عندك باللي يناسبك
بالنسبة للامتحانات خليها نهاية كل وحدة كويز قصير أو مراجعة من عدة اوراق وكل درس لازم وراه تطبيق واضح الاخوة والاخوات في المنتدى ما قصروا
الأملاء اذا صار يومي طالباتك بيزهقن وماعاد يذاكرن لذلك انصحك تختارين لك الكلمات المهمة من كل وحدة بعد ماتخلصين أي وحدة وتقسمينها على يومين مراجعة في بداية الدرس تمليهم الكلمات وبكذا تغطين الوحدة كاملة
وطريقة مرقة كاافياار كمان وايد حلوة وتفيدك ......بالنهاية أنتي من خلال ممارستك وتعليمك فصل بعد فصل بتعرفين شنو يناسب طالباتك خصوصي في الهجر

افضل التمنيات للجميع في العام الجديد

[ويلاف]

الف شكر اخوي على الرد ..الذي له عظيم الاثر في النفس ..جزاك الله الف خير ...:196:

[^ رونق ^]

بالنسبة للتحضيرات الموجودهـ في المكتبة فما أنصحك بها لأنها شغل تجاري بحت و مضمونها فاشل ..
أرى انك تحضرين بنفسك و تعتمدين على كتاب المعلمة في استخراج الأهداف ..
و بالنسبة للامتحان بعد كل درس ( امتحان الاملاء ) فهو ممتااااز جدا أنا أستخدم هالطريقه مع طالباتي و أثبتت نجاحها .. صحيح بيكون فيه شوي تعب عليك بس ما يخالف كله يهون لأجل أداء رسالتك بكل أمانه .. و بعد الامتحان لازم تجمعين دفاتر الطالبات و تصححينها و تخلين كل بنت تعيد كتابة أي كلمة تخطئ فيها ثلاث مرات عشان ترسخ في ذهنها :(
بالتوفيق ..
و لا تنسيني من صالح دعاءك .. :62:

[F-A-H-D]

ألف مبروك أختي

اختي استخدمي مثل هذه الاوراق لمساعدتك في التحضير يدوياً او آلياً عبر الحاسب الآلي....
بما انك جديدة







لكن سؤال هل نزلت التعيينات؟؟ ومتى نشرت؟؟

[ويلاف]

اشكرك على الرد ((زوجي غلااااي ))و جزاك الله الف خير على الرد
اخوي فهد انا متعينه من اول العام النصف الثاني بس مادرست كلة اجازات استثنائيه والسنه اول مرره لي ادرس ومشكور على الرد

[تشوكلت]

من رايي
تحظير جاهز..
لانه اللتحظير الكتابي مامنه فايده الا تضييع وقتك!!

بدل ماتجلسي ساعه او اكثر ( بما انك 3 مناهج ) تصيغي الاهداف وتدوري على هدف مناسب
!!!
استفيدي من هالوقت بالتحظير الذهني...كل درس من كل فصل محتاج وقت مو قصير على ماتجهزي فلاش كاردز + وورك شيت + افكار للدرس


من اجل الا ترهقي نفسك بشئ ( مامنه فايده )...اعتمدي الجاهز من النت..
وسواء كتبتي التحظير بنفسك او لا ..ماراح تنفذينه حرفيا..


وعندي لك نصيحه..اذا بتكتبي تحظير...جهزي حق اسبوع...كل جمعه امسكي خمس دروس واكتبيها ..
بتوفري وقت كبير على مر الاسبوع

[شمريه نمبر ون]

أقول TAKE IT EASY
تراك مكبرة السالفة صدق أول سنة تحسين انك ضايعة بس بتتعودين بعدين
حضري عادي على كيفك بس افهمي الطريقة أول واكيد المشرفة بتجيك وتقول لك هذا غلط وهذا ما يصلح عااااااااااادي جدا لا تزعلين
وبالنسبة للطلاب نصيــــــــــــــــــــــ حة أول شي لا تعطينهم وجه بالمرة وخليك رزة دايما بعدين ممكن إذا كانو مؤدبين تاخذين وتعطين معهم بس بحدود وبكذا بترتاحين من مونتهم الزايدة وحتى في المناوبة يصيرون يعملون لك حساب

[مرقة كااافيااار]

الف شكر اختي مرقة كااافياار
هل الكتاب اللي قلتي عنه خاص للمرحله المتوسطة و مرتبط به ؟؟
والله يجزاك الف خير على الرد و يسهل دربك
وعلى فكرة انا 600 رايح جاي

انا اسفه ويلاف تأخرت بالرد عليك

خيتو الكتب متخصصه بالمناهج حقتنا

وتلقين لكل مرحله كتاب او اكثر

ولكل ترم برضو

كتاب رائع جدا للمعلمه المبتدئه يساعدك على الشرح والاسئله

الله يعين على الطريق .... الله يستر علينا....