خايف من ثالث متوسط .....

[نت زعيم]

يا أعضاء المنتدى نقلت لمدرسة جديدة

و لسؤ الحظ فيها مدرس توه متعين

و مدرس قديم

طبعا

الجديد اخذ اول متوسط

والقديم صارة بيني و بينة مشادة بكلام

وأخذ ثاني متوسط غصب و تلفظ علي

وأنا ابي ثاني

والان مجبور على تدريس ثالث

تكفون دلوني على الطريق الصحيح

لاني تعبان و متخوف من ثالث و طلبها


حسبيا الله و نعم الوكيل

[ام نون]

لا ياخوي لاتخاف اخواني واخواتي في سعودي انجلش ماقصروا ....افتح على منتدى ثالث وراح تلقى اشياء رائعه ....مع الاستعانه بكتاب المعلم....اعقلها وتوكل....

[بحيرة الأمل]

نفس المشكلة عندي ياخوي نت الزعيم
المشكلة ان المنهج مررررررررررة صعب للمستوى الطلاب والطالبات
الله يعنا ويوفقنا للبذل المزيد من الجهد للعملية التربوية

[ريــ الغلا ــم]

والله انا نفس حالتك

اجبرت على ثالث والسبب ان المعلمه جديده ولها ثلاث سنوات في التدريس ولاعندها خبره

طبعا هذا كلام المديره يعني اذا انا ادرس من خمس سنوات خلاص اصير ابو العريف والا بيدي المعجزات

والا هي شهادتها ماتحسب والى متى ماعندها خبره

يعني الواحد مايتخرج ويدخل مجال العمل الا وهو قدها وعنده ثقه في نفسه

اخوي المفروض في مثل وضعي ووضعك يكون المدير او المديره فيهم عدل ويسوون قرعه بين الاطراف كلها ويرضى الجميع .... بس من نشكي له هالظلم

وعموما اخوي ترى منهج ثالث بالنسبه لي اسهل بكثييييييييير من ثاني وطلاب ثالث اكثر تقبل واتزان للماده

وصدقني لي قاعده في الحياه تقووول وعسى ان تكرهوا شيئا وهو خير لكم احتسب الأجر عند الله


واذا قدرت تتفاهم مع المدير او المشرف وتاخذ حقك بالطرق المشروعه

وتقبل صادق دعواتي لك بالتوفيق

[the master]

تلفظ عليك!!!!!!!!

وش لون يتلفظ عليك؟

اولا ......ثالث متوسط ماهي صعبه لهذي الدرجه

لكن لو ان مكانك وتلفظ علي احد والله لارمي الجدول بوجيههم واقول ما اخذ الجدول لو توصلون السماء وخلي الموجه يجي

الاقدم في التدريس راح ياخذ ثالث غصب,,وانا اخوك ما ياخذها الا القوي وهذا الي تلفظ حرام فيه لقب معلم , وانا اقول وقف كل واحد عند حده ولا ترضى بالاهانه ...ولا احد يقدر يسوي لك شي

وانا اقترح بعد ما يجي الموجه تقدم شكوى بانه تلفظ عليك عشان يوقف عند حده لانه راح يتمادى بعد كذا.

[ريــ الغلا ــم]

فعلا كلام اخوي ذا ماستر صح

لوتتقدم بشكوى ترد فيها اعتبارك يكون افضل عشان تثبت الواقعه بعد

ولاتسكت عن حقك واخذه بالطرق اللي توقف هاالأشكال عند حدها

[Samaya]

ليييييش الخوف اخوي؟؟؟؟!!!

انا مريت بنفس الحاله

فلك تتخيل العام الماضي

طالبه تو خريجه

وجاء لي عقد سنه ( بند محو الاميه )

واعطوني.............. ( احسب معاي)

منهج ثالث ثانوي بقسميه

.... ثاني ثانوي بقسميه

و.....ثالث متوسط

طيب المدرسه فيه معلمه مترسمه لها ثلااااااااااااااث سنوات؟؟؟ ليش يعطوني انا ثااالث ثانوي

والله من جد تعبت واحتجيت لكن بحكم ان المعلمه القديمه حااااامل

فلازم تكون عندي مشاعر انسانيه و اراعي مشاعرها وظروفها الصحيه وامسك عنها ثالث ثانوي

طيب انا ايش دخلني؟؟؟!! تاخذ اجازه

ويجيبوا هالمدرسات اللي معبيات البيوت ومو لاقين وظايف ولووو استثناء

ويوم احتجيت قالوا لي

( حب لاخيك ماتحب لنفسك ) .....؟؟!!
..............
...................
.........................

ومسكتهم ليما طلعتهم للمرحله اللي بعدها

بس الحمدلله ربي ماخلق نفس وضيعها.........

(((( اللهم لك الحمد والشكر بما يليق بوجهك الكريم وعظيم سلطانك)))))

وكان الله بعونك اخوي....

[Lancaster]

مافيه داعي للخوف اخوي

الوحدة الاولى هي الغثيثة والثانية اقل شوي والباقي حلوووووو

وانت شوف مستوى طلابك اذا هم يتفاعلون معك اعطيهم اللي تقدر عليه
واذا هم يدربون الروووس لا تتكلف وتضيع جهدك
اعطيهم اللي تحس انهم يستوعبونه

والسلام

[Try To Reach]

اخوي
الله يهديك

ليش تهاوشت مع المدرس القديم انت كذا تخسر الطرف الأقوى في المعادلة
المفروض انك تزبط علاقتك مع القديم
لكن اقلك شي سالفة انه تلفظ عليك ذي تحتاج للأستفسار من المدير وشلون ترد عليها
وحاول تزن على هذي الهرجة كثيرررررررررر وبعدين لمن تتأزم المسألة ويكون هذا المدرس على وشك ان يحاسب
سوي كريم وقله مسامحك يمكن تكسب شي من قلبه ويكفيك شره

وبخصوص منهج ثالث
لا شك اخوي في هذا المنهج مافيه من التعقيد لكن ما يهمك الدنيا ما حتنتهي
انت وسع صدرك وحضر الدروس وقفل كل المداخل والأسئلة تبع الطلاب
واخلص الشرح

وبالله التوفيق

انا عن نفسي درست ثالث ومعاك ان المنهج ثقيل لكن اقول لك شي
لا تركز كثير على التعابير المطروحة في كل مكان
خذ واحد منها وخلي الباقي واجب والله يعينك

كل المنى

[روزا]

هو بصراحة نوع ما صعب انا ادرسة 3متوسط مع ذلك احس فيها نوع من الصعوبة خاصة القاعدات بس حسب الطلاب انا سنتين ادرسها واحس فيها صعوبة لان طالبات مايسعدوني عندهم لانجليزي صعب بس الحين كاني اشوي هضمتها يمكن بعد البنات ساعدون شوي للعلم انا قدمت مساعد علشان ماادرسها وانتظر الموافقة
بس هذا المنتدي راح يفيدك كثير واعتمد علي الوسائلة التعليمة لانها مهم بهذا الصف الله يعينك علي الطباعة والحبر الملون
(اهم شي بمنهج 3م هو الفلاش كارد تساعدك مرة ) وبالتوفيق ان شاء الله

[بنت الانجليزي]

السلام عليكم-اللة يعينك حتى أنا ادرس 3متوسط لكن Saudienglishساعدني مرررررررررررررة_وبالتوفيق: marsa14:

[ميس]

وفوا وكفوا الأخوة والأخوات
الله يفرج لهم كل كربه
ويجزاهم خير

وماعليك الا التوكل على الله
والعمل بجد
واعتبرها نقطه لصالحك
المنهج الجديد
ملئ بالتجارب..وراح تتعلم منه كثير..بإذن الله

الله يوفقك ويسهل أمرك
ويسدد خطاك

[وحيد وحزين]

بصراحة منهج الثالث متوسط مررررررره معقد ويحتاااااج انك تقرا مره واثنين وثلاث حتى تشرح وانت مطمئن( توكل على الله)
بالنسبة لبعض القواعد اللي فيها - غالبا تكون 3 قواعد في صفحة واحد - وانت بامكانك تشرح كل قاعد بحصة ولا تستعجل على حسب الخطة الدراسية - وشد حيلك نبي طلابك يكونوا عباقررررررره والى الامام

[ريماس الحلوه]

ياليل ما أطولك

الله من المعاناه المستعصية والعامة على الجميع

وإذا المدرسة ما فيها إلا مدرسة وحدة وغصب عن إلي خلفوها بتمسك المتوسط كله

وسادس لا وراح ينتدبوني ويشرشحوني

الله يعينا بس أهم شي الأمانه

وإلا على توصيل المعلومة إحنا بنوصلها بس البلاء في الي يتثاوبون

وراى الطاولات سوى وصلتها وإلا لا ما يمك أحد

والبلاشة الكبرى إذا قريتك كلها بدوان أه والله أول ما درستهم أنهم فاطسين من الضحك

والحين والله أحس مالي شده على تريقتهم وإستخفافهم بالمادة

وثالث والله إني إلى الأن حايسة في الدرس الأول

الحبايب الأسبوع الأول غايببين لأن مندوبيتنا الموقرة ما جابت لنا معلمات

مجمع إبتدائي ومتوسط ما فيه إلا المديرة ومعلمتين رسميات والباقي تعاقد

والأسبوع الثاني غابوا نصه بحجة صايمين ومكيفات المدرسة ثلاث أرباعها خربانه

ومين إلي بيروح فيها (((((((

ما أقول رددوا وراى

يــــــــــــــــــــــا ليـــــــــــــــل مــــــــــــــا أطــــــــــــولك