مشكلتي تعدت حدود قدراتي..!!

[jewel2020]

السلام عليكم..

اشكر كل من دخل فيه فضول يعرف السالفه وعنده نيه يساعدني..

لآن مشكلتي حايستني,,

وقلت يمكن الاقي حل عندكم وانتم ماتقصرون إذا عرضتها عليكم..صح

ياخواني واخواتي.. المعلمات..

كما هو الحال..انا معلمه جديده..مالي بالتدريس خبره غير الي طبقناه بالمدارس..

وكنا وقتها مدلعين..فصل واحد وكثير بعد ..المهم توظفت وصرت معلمه في مدرسه اهليه..!!

و الإبتدائي كله إنجليش..!!

المشكله مو بعدد الحصص و الفصول لأ,,!!

المشكله انه عندي طالبات في مراحل العليا وإنجليزيتهم ضعيفه جداً وبنفس الفصل عندي طالبات إنجليزيتهم قويه ,,,!!

يعني عندي تفاوت وااااااااااااضح في المستويات في نفس الفصل ..ولازم ابداء بتأسيس الطالبات من اول وجديد ..مع وجود طالبات متاسسات..!!

الطالبات المتاسسات بدائوا يشعرون بالملل..والغير متاسسات..ماحس انهم قاعدين يحرزوا اي تقدم ملحوظ..!!!

وماعندي احد يساعدني لا موجهه أسألها..وكل شي فوق راسي,,,,((حتى روضه ادرسهم))!!

اللي عنده اي خبره اي طريقه للتاسيس بسررررررررررررررررررررررر ررعه يساعدني,,

ولا بصير بنهاية السنه مثل هذا:124:

فكرت اعمل حصص تقويه مادري تنفع..!!وقاعده اعطيهم حصص اضافيه بعد..هل هذا كليه يساعد..

بعد خطوات التاسيس بليييييييييز ابيها ..اكيد بتساعدني...

وشكركم لمروركم..وجزاكم كل خير على الموقع المتميز..

[nowhere]

حاولي تعطبهم مواقع او كتب او سيديات يدرسوهافي البيت وانت ترلجعين لهم
واذا ماحبوا فاانت سويت الي عليك

[jewel2020]

فكره حلوه بجربها..لأني اعطيهم هوم وركز..كثييييييير ونسخ كثيرررررررر..عشان احاول اخليهم يتطوروا بأسرع وقت ممكن..لكن عندي سؤال..

لما أئاسس ابداء بالاحرف ثم الارقام..صح؟؟!

[Stream]

سوي مجموعات وكل مجموعه فيها طالبه متوفقه وتكون رئيسه المجموعه

غير كذا خصصي حصه بالاسبوع للتركيز على مناطق الضعف عند الطالبات


هاه وش رايك

[الهمة العالية]

الله يعينك يارب...
دام نيتك طيبه ابشري بالخير...والمتابعه منك اكيد لها نتايجها...
مع ان الصغار شوي يبي لهم تعب وصبر..ربي يوفقك

[امير القلوب]

Well, your problem seems to be a very huge one actually because even in all the language institutes here and abroad students should have what we call the LEVEL TEST in order to be able to categorize students according to their levels.Well, the solution is clear!!! You should ask your school principal to devide the classes according to the levels you have e.g. the excellent students in a class, the good ones in another class and the weak ones together. In this way you'll be able to focus on them the right way and choose the right excersises accordingly. I hope that i've helped you the way it should be and if you need any more comments from me please contact me soon

[ام بسمه]

السلام عليكم
اعجبتني فكرة امير القلوب مررره ولكن حسب نظام المدرسة يعني ممكن يوافقون على تنفيذها وممكن لا

اذا لم تتمكني ممكن تختارين كتب مستواها اعلى وتطلبين منهم احضارها وتشغليهم فيها اول الحصة على بال ما تشرحي للبنات الي مستواهم ضعيف
بعد كذا اعطي البنات الي مستواهم ضعيف تمارين يحلوها والتفتي للقسم الثاني
يعني تقسمي الفصل قسمين وتشتغي مع قسم والقسم الثاني مشغول بشي ثاني مو جالس طفشان وهكذا

[jewel2020]

افكاركم جدا رائعه ..

وفكرت في بعضها لكن تطبيقها مثل ماقالت اختنا بعض المدارس ماتوافق عليها..

وفكرة انزل مستواهم صعبه شوي.

اما فكرة المجموعات واخلي في كل مجموعه واحده ممتازه مستحيله لأن بعض الفصول مافيها غير 3 طالبات وبعضها طالبتين..!!!!!

غير كذا ممكن تطبق في فصول اخرى..

اما موضوع اقسم الفصل فكره جيده..واحتمال اطبقها..لكن هنا توجد مشكله راح يصير عندي طالبات متقدمات بالمنهج وطالبات متأخرات..في نفس الفصل...!!!الموضوع معقد جداً و الوقت ضيق..

ياليت احد يعطيني طرق لتأسيس الإنجلش بوقت قصير..او طرق سهله لتاسيس الإنجليش..

وكوون ممنووووونه..

اشكر كل من مر..ورد علي..وكل من قراء موضوعي وشال همي..وكل من دعا لي..

الله يوفق الجميع لما يحب ويرضى..

[روعة العمر]

ممكن تعبي اسلوب الكويزات اليومي

تكون قصيرهـ جدا لكن شامله بقدر الامكان

ويوم تصححيها شوفي درجات الطالبات اللي باقي ضعيعات

وحاولي تركزي عليهم اكثر في مرحلة استرجاع المعلومات والتأسيس

اللي انتي تتبعية

[روعة العمر]

او اقترح ان تتبعي اسلوب المجموعات والذكاءات الثمانية او العصف الذهني


واتبعي وسائل حديثة كعروض البوبوينت او الفلاش

من اجل جذب انتباهـ الطالبات

وامتاعهم بالدروس ومحاولة ربط كل ماتقدمية بالواقع الملموس وخصوصا مع الاطفال

حاولي توضيح المعلومه لهم بشكل مبسط

تحياتي

[jewel2020]

روعة العمر,,

اشكر لك حلولك..

وبالواقع اشتريت سي دي..لتعليم الأطفال الإنجليزيه..

وبعمل لهم حصص تقويه..في غرف الحاسب الألي..وكذلك معمل الصوتيات..

يعني حاليا بيكون تركيزي على حصص التقويه والكويزات.بجربها الإسبوع الجاي..وبإذن الله تنجح..

عملت لهم دفترين واحد للحصه والثاني للإملاء..وهذاي كوزات بالحصص غير التقويه..اتمنى هذا ينجح بجد...

دعواتكم لي...مشكووووووووره انتظر افكار جديده..

[Reena]

الله يعينك

التدريس بمدارس خاصة شي مختلف

ممكن تساعدك الطالبات المتفوقات باي طريقة مناسبة للفصل بشكل مجموعات

[jewel2020]

reenaتصدقي فكره صار لي من امس افكر فيها..

استغل المتفوقات واخليهن يساعدني وبنفس الوقت يحسن بإنجاز قاعدين ينجزوا شي..!!

فكره حلوه بإذن الله بطبقها ......بس كيف؟؟!!