المساعد الشخصي الرقمي

مشاهدة النسخة كاملة : ابي حل جذري لمشكلتي....


ام خماس
22-09-2007, 12:57 AM
:icon1366: السلام عليكم ورحمة الله وبركاته

عندي مشكلة وابي احد يحلها لي ....

نقلت مدرسة جديدة في قريه ولما دخلت على ثالث ثانوي لقيت ان البنات مايعرفون اي شي بالانجليزي حتى ابسط الكلمات وبصراحه حسيت ان مافيه امل ان البنات يفهمون علي فصرت اشرح بالعربي وياليته نافع ..
قلتلهم الكلمات الجديده اكتبوها بنوته واكتبو معانيها بالعربي واحفظوها بس ماحفظوها ...
اشرح بالفصل احس ان صوتي يرجع لي بدون اي فايده...
مع العلم ان عدد الطالبات 8 فقط....
وش الحل بنظركم......!:23_11_62[1]:
Reena
22-09-2007, 01:23 AM
هالبنات بحاجة الى دافعية

يعني حافز للتعلم

و الله يعينك على ما بلاك

نمي عندهم الدافعية بمساعدة المرشدة

و الله انها مهمة صعبة لكن الله يقويك
ام خماس
22-09-2007, 01:33 AM
الله يجزاك خير
لكن المرشدة دايم غايبه....
والله يعيــــــــــــــــــــــ ــــــــــــــن....
ميلاد فرحه
22-09-2007, 05:40 AM
الله يعينك

....
شمس و قمر
29-09-2007, 12:56 AM
انا كان اول تعييني في قريه مثل حالاتك


و لا و متأخرين في المنهج و الفصل الدراسي الثاني يعني ثانويه عامه


الحمد لله ما واجهت اي صعوبه


ركزت على المنهج المقرر و صرت اشرح بالعربي
و اعتمدت على الملخصات المترجمه و اللي سويتها بنفسي بناء على اسئلة الثانويه العامه للسنوات السابقه
و بكل صراحه و بدون مبالغه البنات تحسن مستواهم مره مع ان اغلبهم كانوا راسبين الترم الاول
و لكن الحمد لله نتائجهم الترم الثاني جت مشرفه عن الاول بكثير

و الحمد لله جاء نقلي و سط مدينتي بعد 4 شهور من تعييني
جمون
29-09-2007, 01:09 AM
نفس مشكلتي

لكن أنا عالمتوسط

الضمائر الي في البتدائي مايعرفونها!!

أنا الحين متأخره بالمنهج لأني لازم أعيد

وأزيد الين يفهمون !!

واساس المشكلة معلمتهم السابقة( الله يسامحها)

كانت دايما اجازات مرضية..

لكن اهم شي ماتعدين وحده الا وهم تمام فيها

لأنهم لو مافهموا راح ترجع عليك!





الله يعين
ليــنا
29-09-2007, 09:06 PM
لا... انتي حالتك احسن مني و خاصة في عدد الطالبات..
انا عندي طالبتين فقط لا غير..
احيانا: اخذ كرسي و اجلس جنبهم و اشرح لهم بالعربـــــــــــــــــــ ي..
ايش اسوي؟؟؟؟؟؟؟؟؟؟؟
زهرة وفى
29-09-2007, 09:19 PM
مااقوووووووووول

الا كان الله في عونك

عندك الدورات اللي اقاموها مجموعه من المعلمين حاولي تطلعي بنتيجة

والله يوفقك
Sweet Kudi
30-09-2007, 03:48 PM
ياحليلكم .:crieng:.أنا من يوم تخرجت وأنا ناسية شي اسمه انقليش ..اذا بتكلم انقليش يبغى وقت أطول..وتعرفون حنايامدرسات الإنجليش نتسابق مع الوقت علشان نخلص المنهج في وقته ونراجع..بعدين من واقع تجربة بنات المناطق النائية المستوى ضعيف جداجداجدا..واذابتحاولين تطورينه ماتلقين أي تجاوب ..وليش يتجاوبون كل الدعوى ترفيع والبنت ناجحة وهذا أهم شي عندهم..لا وأزيدك من الشعر بيت أشرح عربي ولايفهمون وتمارين كتاب التمارين فوق مستواهم وماتخدم الدرس أحلها أنالوحدي وهن ينقشن..
كوثر عبدالله
30-09-2007, 09:54 PM
حالي حالكم لا بل كل المعلمات كذا
love you
01-10-2007, 06:29 PM
حالنا يرثى له نحن المعلمين و المعلمات
ام خماس
02-10-2007, 02:04 AM
انا لله وانا اليه راجعوووووووووووووووون والله كلن عنده مشكله الله يعين الجميع

والله بناتي سويت معهم حركه شرحت قاعده وبعدين قلت تأكدو هي صح ولا غلط من الكتاب .. ردو وقالو صح

بعدين قلت غلط ورحت وشرحتها غلط وقلت هاه الحين صح ... قالو ايه صح

رجعت وقلت بس هذي غلط الاولى هي الصح ولا وش رايكم ... قالو ايه صح

والله لو اشرحلهم طريقة السمبوسه غير يقولن هذي قاعده صحيحه

وربي البنات مايدرن وش السالفه مع اني اشرح بالعربي وش حاااااااال لو اشرح بالانجليزي

ودي اشرح بالانجليزي بس مافيه اي تجاوب لو اشرح فيه

الف شكر لكم على المرور وعلى الاقتراحات واعذروني كنت مشغوله شوي اليومين اللى فاتن
ربيعتكم ام خماااااااااااااااااااس
Stream
03-10-2007, 02:06 AM
مثل ما انتي عارفه

المكافأت من جوائز عينية ومعنوية

وخلي في بالك ان الطالبات قدراتهم العقلية ليست واحدة يكفي بأن تتميز عندك واحدة او اثنتان
والباقي يكون عندهم الحد الادنى من متطلبات المرحلة