معاناتي .. معلمة بديلة ( أرجو التفاعل )

[cuuute]

أنا معلمة بديلة بدأت معاناتي مع بداية الفصل الأول حيث تم توجيهي الى مدرسة متوسطة وعندما ذهبت للمدرسة أبلغتني المشرفة بأن المدرسة اكتفوا حيث تم تغطية النقص بربط مع مدرسات ابتدائي فقالت سوف يتم ندبي لمتوسطة أخرى ولكن المدرسة الثانية أيضا اكتفوا فتعاونت مع مشرفة أخرى وتم توجيهي الى ثانوية مع ربط ابتدائي ( مع احتياج الثانوي لمعلمة بدون ندب جزئي ) وأخبرتني المشرفة بأن نصابي سيكون 16 حصة فقط ( 12 ثانوي + 4 ابتدائي ) وعندما ذهبت للابتدائي وجدت 4 فصول سادس يعني 8 حصص !! فبالتالي سيكون نصابي ( 20 ) !!!!
سؤالي هل يحق للمشرفة ان تفرض علي 20 حصة مع اني ندب ؟؟ أرجوم ارشدوني والا حلال على الرسميات حرام علينا مع اني عارفة ان لي مثل للرسمية من حقوق وعلي ما عليها من واجبات ... لمن اتوجه للشكوى بعد الله ؟!!
( لااله الا انت سبحانك اني كنت من الظالمين )
( ربي اشرح لي صدري ويسر لي أمري )

[جنان الآخرة]

الله يساعدج حبيبتي ياااااااااااااااااااااارب دايما اذا كنتي اول سنة توظيف عادة يستغلونج انا نفس الشي 21 حصة والراتب يفشل وااااااااااااااايد بس احس انه لي خيرة فيه الله يعينج ويساعدج

[um-lama]

cuuute
الله يكون بعونك اختي لكن اللي اعرفه ان المنتدبه ما يكون نصابها اكثر من 12 حصه يعني نصف نصاب المعلمه المستقرة بالله كم راح تعطين من حصة فاليوم ؟؟ انتِ من جدك ناسية انك مدرسة لغة انجليزية يعني مو حي الله مادة بمعنى ان الطالبة تعتمد عليك فا بالله كيف بيكون عندك قدرة تعطين هالكم من الحصص وانتي واصلة حدك من التعب كيف بتوصلين المعلومه وتشرحين وارجع واقول الطالبات يعتمدون عليك كليا لان الاغلبية ماعندهم مصدر ثاني لتعلم اللغة الانجليزية الا المعلمه والكثير مايلاقي حد يشجعه على انه يدرس او يجتهد ويعتمد على نفسه قتلاقينهم غالبية الطالبات على الله ثم على المعلمه

حبيبتي ارفضي ولك حق ترفضين وبنت ابوها اللي تعارض ولا تقول انتي تعاقد وعلى فكره ترى يخوفونكم بهالكلمه وربي ماعندهم ماعند جدتي خصوصا اذا صرتي على حق خلي عندك شخصية وتكلمي وقولي لو علي ماهمني بس همي الطالبات راح ينهضمون ماراح اعطي بنفس الكفائة ونفس الطاقة حرام ينظلمون وانظلم معاهم انا بعد خافو الله وخليك على موقفك ..
معليش كنت طايرة بالعجه توي انتبه انك بديله حبيبتي اذا بديله تشيلين اللي كانت تشيله المعلمة اللي انتي بديله لها واتحدى اذا كانت تشيل هالكم من الحصص هم بس حيلهم عالضعوف امثالكم عالعموم اختي لو كنت بديله تاخذين نفس المنهج ونفس الحصص فقط لا غير ان شاء الله ثمان حصص ماتاخذين غيرها ماعليك منهم ...