اين يكمن الخلل,,,نقاش

[sunrise2007]

السلام عليكم الأعضاء الكرام
والله أني حزينة جدا ومصدومة
سأكتب لكم ما بخاطري ولكن اتمنى الرد علي بكل ما هو مفيد وافيدوني من تجاربكم
أنا معلمة جديدة وأدرس متوسطة وخريجة من الجامعة بمقدار جيد جدا وفاهمة الانجليزي كويس وأحبه واحب أبدع فيه وغير كذا أحب التدريس جدا وكان هو حلمي من يوم و أنا صغيرة
بس الآن أنا مصدومة من تصرف الطالبات حيث أن مجموعة من الطالبات أشتكوني للأدارة بأنهم ما يفهمون
صراحة صدمت ولا أدري هم صادقين مع ظني أنهم يكذبون وينتقمون خصوصا أني أشتكيهم للأدارة
وغير كذا أنا أشرح كويس والبنات مثل ما اشوف يفهمون ويشاركون معاي كويس والتطبيق يحلونه .......وأنا أتعب كثير واجتهد موب عشان رضا الأدارة بل علشان رضا رب العالمين وغير كذا التدريس امانة
ومن يوم ما بديت ما أحد شكرني على جهدي ولا مدحوني كله نقد في نقد
صراحة ما أدري أيش السبب
مع أني كويسة والبنات يفهمون علي بس ما ادري ليش لما سألتهم الأدارة قالو لا ما نفهم
ما أدري هو العيب فيني ولا في البنات ولا في حظي ولا أيش القصة؟
أيش نصائحكم لي يا جماعة كيف أثبت تعبي وشغلي
مع أني فوق كذا كثير أتكلم عربي والبنات في منهم فاهمين ومشاركين
بس الأسبوع الي فات جاءت المساعدة وتقول البنات ما يفهمون عليك شوفي ين العيب؟؟؟؟؟؟؟؟ظ
ما أدري أيش أقول؟ بس أرجو الرد علي

لاحول ولا قوة الا بالله وحسبي الله ونعم الوكيل

[Marshmallows]

مرحبا اختي..احيانا بعض البنات يسوون هالحركات نكايه في المعلمه او يكونون ضعيفين في الدراسه وينسبون تقصيرهم للمعلمه...لاتشيلين هم ولاتحطين في بالك اغلب المعلمات يواجهون هالشي من البنات المهملات او الشماغبات ..اهم شي بما انك واثقه من نفسك استمري وثابري ولاتنتظرين شكر ولا حمد من احد...اهم شي رضاك على نفسك واحتساب الاجر
ودمت لنا لاعدمناك

[sunrise2007]

شكرا لك وجزاك الله كل خير
لكن للأسف الي اشتكو البنات المستواهم زين وشاطرين على حد قول المرشدة
أرجو المزيد من الردود
اللهم صلي على نبينا محمد

[Rj-330]

السلام عليكم ورحمة الله وبركاته

اختي لازم يكون عندك ثقه بنفسك وبعملك وبمجهودك انتي سوي اللي يمليه عليك ضميرك ولا عليك بالباقي
يمكن طريقتك واسلوبك جديده على الطالبات وهذا شي طبيعي اغلب الطالبات يحسون ان الانجليزي بالنسبه لهم شبح ولو تغيرت عليهم المعلمه صارت المصيبه الكبرى
واذا سالتيهم جاوبوا معاك بالحصه واذا صار من بكرا صاروا مو فاهمين
انا من وجهه نظري حاولي انتي تتناقشين مع الطالبات وتتكلمين معاهم وتاخذين اسباب المشكله منهم بدون اي تدخلات من اي طرف وان شاء الله راح توصلين لحل بس اهم شي لا تحبطين نفسك وخليك واثقه من قدراتك و من شرحك والله يوفقك للي فيه خير لك

[مجازف2006]

اجتهد موب عشان رضا الأدارة بل علشان رضا رب العالمين وغير كذا التدريس امانة


اختي
أحب أن أوضح لك نقطة قد تغيب عن نظر الكثيرين
دائماً مايعاني المعلم الجديد من بعض المشاكل التي قد تواجهه في بداية حياته العملية
سواء كانت من الطلاب أو من الإدارة
وحسب ماذكرتيه في موضوعك ، فإن السبب وراء ماذكرتيه هو محاولة جس نبضك من قبل الطالبات ،خصوصاً انك واثقة من عطائك وتدريسك ..

لاتجعلي أبسط المشاكل تسيطر على تفكيرك

وحاولي أن تستدعي أحد معلمات اللغة الانجليزية الأكثر منك خبرة لحضور إحدى حصصك ، والتركيز على السلبيات إن وجدت ..

هذا ماأردت التعليق عليه ، لأني قد مررت بهكذا مشكلة ولكن من فضل ربي قد تجاوزتها :62:

[USA Test]

أنا أبشرك جتني ام طالبة ( غير سعودية ) والصراحة بنتها ممتازة ماشاء الله فمدحت البنت ووصلتها للسماء

قالت لي : ايوه بس يعني لازم البنات يزيدوا لغتهم شويه ؟!

قصدها انك ماتفهمينهم ولا تزيدين ذخيرتهم اللغوية !!!

مابقى الا الامهات ( الغير سعوديات ) يجون يتحكمون فينا وطرق تدريسنا !!!

الحمدلله دام الواحد واثق من عطائه ...و متأكد من هذا الشئ بحلول البنات في الاختبارات و متابعة كتبهم و اوراق العمل ...خلاص

واللي يمشي عدل يحتار عدوه فيه


الله يوفق الجميع

[the_striker]

يابنت الحلال تعوذي من ابليس ولاتشيلين هم .....هذي حركات معروفة من الطالبات يسوونها لعدة اسباب ...اما انهم يبغون درجات عالية وانتي معطيتهم حقهم بالملي متر ...والا عشان انك زي ماقلت شكيتيهم للادارة ....لكن لايهمونك ...انتي اشرحي بالي يرضي ضميرك ..وحاولي تبسطي المنهج قدر الامكان ....واستخدمي المتاح من الوسائل ولاتلقي بال للمشتيكات ...يعني لاتركزين عليهن ...خليهن زي ماهن ...هن يبين تركيز منك عليهن ولفت لنظرك لهن ....وايضا حاولي التنويع في طريقة الشرح وبسطي الاختبارات قدر الامكان ,,,

وفي النهاية لايهمك شيء ...خلي امورك كاملة ....تحضير وشرح وكل شيء ....حتى اذا جاك احد مايكون له مدخل عليك ولو قدر شعرة ....وصدقيني اني حاس في معاناتك ...لكن زي ماقلت ....سوي الي يرضي ربك ...ولاعليك من احد ,,

تقبلي تحياتي ,,,

[MissEmmy]

أتوقع..والعلم عند الله..
إن طالباتك متعلقين بمعلمتهم القديمة-أنتي خابرة حركات الإعجاب عند المراهقات- ويبغونها ترجع تدرّسهم, فـ الحجة الوحيدة اللي لقوها عليك (مانفهم منها)!!!
أنا السنة اللي فاتت كانت السنة الأولى لي بالمدرسة..صحيح البنات ما اعترضو, بس إذا دخلت ألاقيهم كاتبين اسم المعلمة الثانية على السبورة, والشاطرات أول اسبوع مكتفين يدينهم وما يشاركون..وكنت أشرح, وأنوّع بوسائلي, فـ لا شعوريا انشدوا للمادة وصاروا يشاركون محبة..
وهالسنة تعالي شوفيهم يلاحقوني يبوني أدرسّهم!
يعني وسعي صدرك وطنشييييييييييهم!

[sunrise2007]

جزاك الله خير أختي على ردك والله يوفقك ويوفقنا يارب

مابقى الا الامهات ( الغير سعوديات ) يجون يتحكمون فينا وطرق تدريسنا !!!
المهم أختي سواء سعوديات ولا غير سعوديات كلهم يعاملون كأن نشتغل عندهم
والله أنا جتنا أم سعودية تصارخ واتعلي صوتها كأني أشتغل في بيتها وتقول أن غلطت على بنتها ولما ناديت بنتها قدامها قالت ما أدري نسيت........... وأنا طبعا ما أغلطت . طبعا الأم أنكسفت و ما أتكلمت
المهم ما هي بالجنسيات يا أختي أنما بالأخلاق

والله يعينا على مهنتنا ويهدي الطالبات
وصلي وسلم وبارك على نبينا محمد

[sunrise2007]

أنا أبشرك جتني ام طالبة ( غير سعودية ) والصراحة بنتها ممتازة ماشاء الله فمدحت البنت ووصلتها للسماء

قالت لي : ايوه بس يعني لازم البنات يزيدوا لغتهم شويه ؟!

قصدها انك ماتفهمينهم ولا تزيدين ذخيرتهم اللغوية !!!

مابقى الا الامهات ( الغير سعوديات ) يجون يتحكمون فينا وطرق تدريسنا !!!

الحمدلله دام الواحد واثق من عطائه ...و متأكد من هذا الشئ بحلول البنات في الاختبارات و متابعة كتبهم و اوراق العمل ...خلاص

واللي يمشي عدل يحتار عدوه فيه


الله يوفق الجميع
جزاك الله خير أختي على ردك والله يوفقك ويوفقنا يارب

مابقى الا الامهات ( الغير سعوديات ) يجون يتحكمون فينا وطرق تدريسنا !!!
المهم أختي سواء سعوديات ولا غير سعوديات كلهم يعاملون كأن نشتغل عندهم
والله أنا جتنا أم سعودية تصارخ واتعلي صوتها كأني أشتغل في بيتها وتقول أن غلطت على بنتها ولما ناديت بنتها قدامها قالت ما أدري نسيت........... وأنا طبعا ما أغلطت . طبعا الأم أنكسفت و ما أتكلمت
المهم ما هي بالجنسيات يا أختي أنما بالأخلاق

والله يعينا على مهنتنا ويهدي الطالبات
وصلي وسلم وبارك على نبينا محمد