وزارة التحطيم وليس التعليم

[sweet pie]

سلام حار اهديه الى اعضاء وزوار هذا المنتدى الاكثر من رائع :Admirer:هذه اول مشاركة لي و اتمنى ان لا تبخلو علي بالتعليق ..حقيقة يا اخوان كثيرا ما ياخذني العجب من حال وزارة التعليم وسياستها التعليمية الفاشلة وقراراتها الغير مدروسة والتي تفاجئنا بها بين الحين والاخر ..واتساءل بحرقة ألا يوجد بيننا من هو اهل للمسؤلية ليتولى امر هذه الوزارة ويصلح من حال التعليم في بلادنا ؟ والله انني لأشفق على الطلاب كما أشفق على نفسي وأمثالي ممن ابتلاهم الله بمهنة التعليم التي قضت على روح الحياة والتفاؤل وحب العمل في ظل هكذا وزارة .يا احبتي انا وصلت لدرجة خطيرة من الطفش وخاصة بعد المفاجئة السعيدة التي زفتها لنا وزارتنا الموقرة وهي تقليص اجازة المعلم الى 35 يوم .لماذ ؟ مالفائدة التي تعود على العلم والتعليم من هذا القرار ؟ و اسئلة كثيرة لا اجد لها رد سوى ان المسؤلين في التعليم يرغبون في تحطيم المعلم والمعلمة ويتبعون سياسة التطفيش من سلك التعليم ولكن الى اين نتجه ياحسرة ؟

[مــلك الحرف]

هذا مصداقا لقول الرسول صلى الله عليه وسلم::

روي الخاري رحمه الله تعالي عن ابي هريره رضي الله عنه انه قال : قال رسول الله صلي الله عليه وسلم
<< اذا ضيعت الأمانه فانتظر الساعه << قال كيف اضاعتها يا رسول الله ؟ قال :: >>اذا اسند الأمر الي غير اهله فانتظر الساعه <<ان لهذا الحديث سببا في قوله وهو ان اعرابيا قال لرسول الله صلي الله عاليه وسلم : متي الساعه ؟ فأجابه صلي الله عليه وسلم بقوله >> اذا ضيعت الأمانه فانتظر الساعه فقال الأعرابي : كيف اضاعتها يا رسول الله ؟ فقال : اذا اسند الأمر الي غير أهله فانتظر الساعه <<

[Mr.X]

ما أضيف شي على كلام اخوي الحربي


Mr.X

[ام خلودي 88]

السلام عليكم ورحمة الله وبركاته مساء الخير على جميع أعضاء المنتدى الرئع بالنسبة للموضوع والله يا أخي انك صادق في كل كلمة تقولها لكن نقول حسبي الله ونعم الوكيل فيهم والشكوى لغير الله مذلة. والله ان الواحد منا طفش من التدريس و من التعاميم التي تصدر منهم او من الادارات الفرعية التي في المدن او من المشرفات و من المديرات الي كل واحدة منهم تصدر نشرة داخلية او تعميم من عندها .لكن لو فيهم خير يصدرون تعميم بالتقاعد المبكر للمعلمات( عن 15 سنة خدمة) وذلك لظروف المرأة المختلفة او تحسين مستوى المعلمات ماهو بس المعلمين (الاتي كن على البند 105 ) وتعيين الخريجيين الي في البيوت.و شكراً

[Stream]

زي ما قلت

وزارة التحطيم


يعطيك العافية على هالاهتمام

[انا وبس]

بسم الله الرحمن الرحيم
السلام عليكم ورحمة الله وبركاته
صح لسانك واذا هم يبفون يطفشونا خلهم فعلا يطبقون التقاعد 15 وبيشوفون ويش نسوي
لكن ما نقول الا كقول رسولنا صلى الله عليه وسلم (اللهم من ولي من امر امتي شيئا فرفق بهم
فارفق به ومن ولي من امر امتي شيئا فشق عليهم فا شقق عليه )

[شكسبير زماني]

مفروض يغيرونها من مسمى وزاره الى نادي
نادي التربية والتعلم يكون احسن ومحد يشره عليهم . من جد نادي كل واحد يلعب على كيفه:7_5_138[1]:

[zinnia]

فعلا وارة التحطيم

انا هذي السنه نفسيتي مو معقولة 00 من جد تعبانه من حكاية الشحططة في المدارس ماني قادرة اتقبل الوضع ماني قاااااااااادرة طفشت طفشت ما ابغى اروح للمدرسة خلاص :crieng:


غيابي كثر بعد ما كنت ما اغيب الا وين ووين 00 حماسي كله راح والله
احس فيا غضب على اي شي متعلق بالمدرسة


يارب يا كريم انك تفرج همنا 000 وتجبر كسرنا
انا بس اشوف نفسيات المعلمات والمعلمين كيف سارت واقول هذولا ما يحسون ولا ما يدرون يعني
الا يدرون وطز فينا
حسبي الله عليهم واحد واحد
واللي قاعدين يحطون التعاميم اكيد لهم بنات 000 يتمرمطون زينا ان شاء الله
ولا احد يقوللي (( حرام عليكي وما لهم ذنب )) حتى احنا مالنا ذنب

[راجيه رحمة ربها]

حسبنا الله ونعم الوكيل
وزارة التربية والتعذيب

[ضحى]

اي والله اننا سرنا زي فئران التجارب
كل سنه نظام جديد

[بياض الكلمة]

الاخت الكريمه زينا
كان الله في عونك اينما كنتي واينما حللتي واعانك الله على حمل رسالة التربيه والتعليم
ثقي بان جهدك وصبرك لن يضيع عن ربنا الكريم
ثقي بانك تحملين رسالة الانبياء والرسل
ثقي بانك تقدمين للمجتمع اغلى مايمكن يقدمه الانسان وهو الابداع والتفوق من خلال طالباتك
ثقي مهما كانت المعوقات والصعوبات التى نواجهها فاننا ماجوررين باذن الله تعالى
ثقي باننا نعمل من اجل مجتمعنا لا من اجل مدير او مديرة مدرسه مهما اختلفنا معهم
ثقي بانك تحملين ارقى معاني الانسانيه والصدق والصبر والاحتساب فلا تجعلى كل معوق يقابلك يحطم قدراتك

دمتى بالف خير

[mystery]

مالنا الا الصبر واحتساب الاجر عند الله

[رغد السعووودية]

بصراحه كلامك درر ذالوزارة معقدتنا بكل قراراتها اضطراري و قللوه وكمان الفوكيشن راح يقللوها لا والتعاميم والنقل والتدريس في ذالقرى والهباب المهبب كله لكن مانقول الا الله يعين عليهم,,,,, تهي تهيشكراً لك اخي الكريم

[tt2005tt]

اخواني المعلمين واخواتي المعلمات تدرووووووووون ليش الوزارة تتمادى في ظلمها وتخلفها؟؟؟؟؟؟؟؟؟؟؟حنا نستاهل لاننا مانطقنا ولا تكلمنا ليش حاطين جمعية حقوق الانسان ؟ ليش مانطالب بحقوقنا مثلنا مثل الاطباء والعسكر يعطوننا بدل سكن وبدل علاج ومدارس مخصصه لابناء المعلمين والمعلمات مثلنا مثلهم ...............مين اللي علم الطبيب؟ والضابط؟ والوزير والقاضي ؟؟؟؟؟مهو حنا معشر المعلمين والمعلمات حنا الركيزة الاولى في المجتمع وحنا الجذور لكل نجاح ليش مايعزوننا ويرزونا ؟ليش التطفيش يمارسونه علينا بانواع واشكال مختلفه وكل سنه يبدعون تعميم غيررر شكل ؟مهنة التعليم مهنة الشرفاء المظلومين محد قد قال عطو المعلمين والمعلممات ولا قد انذكرنا في مجلس شورى او في تعديلات وزاريه سنعه ....حتى حنا المعلمات يقولون لا تعاد تجيبون اطفال اللي تجيب اطفال مالها الا 40 يوم وبعدها ترجع للكرف والكد وطفلها ماله حق عليها اهم شي تنفذ طلبات الوزارة من انشطه لا صفيه وشعارات و24 حصه ومناوبه وترجع لبيتها قرب العصر مهلوكه ويكون فيه تقصير في المنزل يؤثر على اطفالها وزوجها والله كثرة المشاكل الزوجيه والطلاق والعنوسه بسبب قرارات الورازة المتعسفه وين ميثاق مهنة التعليم اللي يتشدقون فيه؟
وين الرفق والمرونة اللي كل يوم يطالبونا فيها وهم ابعد مايكون عنها؟ طيب حنا رفقنا بالطالبات طيب المعلمات مين يرفق فيهم ؟ مين يطبطب علينا ويقول لكم الشكر وتستحقون مكافأت ؟ مانبي زيادة بس يعطونا حقنا اللي هو المستوى الخامس ؟ ليش التطور والاصلاح طال كل شي الا التعليم والمعلمات ؟ طبعا المعلمين وضعهم اهون من وضع المعلمات في امور كثيرة لكن مانقول غيرررر حسبنا الله فيكم ياوزارة الهم وينك ياحقوق الانسان ؟المعلمون والمعلمات ذنبهم في ارقابكم .مافي ولا تعميم صدر من صالح المعلم او يرفع من معنوياته كلش ضده بالله بأي نفسية يشرح ولا يعطي وهو فاقد العطاء لا ويقولون كرموا الطلاب المتفوقين وشجعوهم ولا تضربونهم طيب وحنا المعلمين والمعلمات مين يكرمنا ويشجعنا ؟ مين يفهمنا ولا يسألنا وش نحتاج ووش فاقدين ؟ وين الانسانية والرحمة في اهم قطاع في البلد التعليم هو واجهتنا واذا اختل اختلت جميع الموازين والوزارة تقول لكم يتبع ...يعني لسع ماشفتو شي !!!!!!!!!!

[tt2005tt]

ابكي على ماجرالي ياهلي ...............................قلبي انا من الوزاره مبتلي ..........ولا حصل من يحل المهزله مع وزارة الهم انا لي مسأله