طلاب سادس موضوع نقاش

[ساري الليل]

:mad:

السلام عليكم ورحمة الله


ابي اتكلم في موضوع شوي حساس واعرف البعض راح يزعل بس لازم اقول اللي في خاطري


صراحة انا اشكر الجميع على المجهود اللي يسوية في مجال الاختبارات سواء النصفية او النهائية


بس تفاجاءت كثير من بعض الاخوان والاخوات من شي واحد واستغربة

بشدة وهو تصعيب الاختبار للصف السادس وثلاث ورقات واختبار نموذجي ولازم يكون فيه كل شي


طيب ليش نغفل عن نقطة مهمة جدا ان الطالب او الطالبة في الصف السادس يعني فريش

طازة توه داخل على المادة ليش ما نحاول قدر الامكان نبسط الاختبار الى اكبر حد ممكن

وزي ما قال احد الاخوان الوضع 18 درجة مو مستاهلة كل هالزحمة اللي نشوفها

ولا تنسى انك تدرس اطفال فلابد الاخذ بهذة النقطة جيدا والا راح يجي جيل يكره المادة يكفي طلاب المتوسطة والثانوي

والله بعضهم وصل عندة الاحباط درجة عالية على قول احد الطلاب عندي تشرح او لا خلاص كرهت المادة !!!!

ليش ؟؟؟

تعقيد شي سهل وتافه زي مقرر الصف السادس بأسئلة طويلة وشاقة قد لاتنفع الطالب الا بالارتباك والتشتت الواضح داخل القاعة

ليش ما نخلي الطالب او الطالبة يقول احلى وقت درست فيه المادة كان صف سادس

ياليت

اتمنى ما احد يزعل من كلامي بس حبيت اوضح اللي في نفسي


وسلامتكم

[ام دانا]

شكراً لك اخي الكريم على هذا المقال
كل ما اتمناة لك ولامثالك التوفيق ممن لا يضع الاسئلة لتعجيز وانما للتاكد من تثبت معلومة او احقية الطالب في اجتياز الاختبار

عندي راي مقتنعة فية تمام الاقتناع وهي ان اللغة الانجليزيه لا تستحق ان تكون عقبة في سبيل اكمال الطالب دراستة
بل هي متعة في الاستماع لكلمات جديدة لنبره ونغمة في الكلام مختلفة عن بقية الحصص هي حصة لتعلم عن طريق اللهو واللعب وانكتة والمفاجأه في تقديم معلومة
اللغة الانجليزية كانت لهوا عند طالباتي لا غضب فيها لان الطالبة احبت المادة فهي تتعلم وتهتم ولا تقصر فلا احتاج ان اغضب
هي الحصة التي يتفجر فيها لدى الطالب الابداع فغاية المتعة ان يعجب بك الطالب ويتخذك نجمه يرغب ان يمسكها ويصل اليها يوما من الايام
حزينة بالفعل فزهراتي ان لها ان تقطف وان تنطلق نحو عالم اخر وان يربي بناتي يدا غير يدي وصوتا غير صوتي كل ماتمناه ان يجدن الرعاية التي تجعل منهن غراسا سعيدة باللغة غير تعيسة او مستاءة

[ساري الليل]

اختي ام دانا


اشكر حضورك وتواجدك وكلامك النير المفيد


اللي خلاني اكتب هالموضوع وجود طالب عندي راسب في الاول متوسط

ثلاث سنوات وكل سنة الانجليزي هي السبب ونفس المدرس على مدى ثلاث سنوات


ولكن لما درسته انا وجدت طالب عكس ما كنت اتوقع مع بداية العام الدراسي وقولهم انه تعبان ويكفيني شرفا ان درجاته با متياز عندي

يكفيني شكر ولي امره لي

واشكرك بس لاتخلون المادة طريق عثرة في وجه احد


تحياتي لكم

[سعودي انجلش]

أخي العزيز الف شكر لك على حرصك الجميل والرائع على مستوى طلابك وعلى المستوى العام للمادة

اتفق معاك فيما قلت في اغلب النقاط يعني بعض من نماذج الأسئلة انا اعتبرها صعبة للطالب المبتدئ
لكن هناك اسئلة سهلة ونموذجية مثل اختر ووصل الكلمة الى الصورة وبعض خيارات للحرف الناقص والكتابه

المشكلة يا اخي العزيز ان الوزارة والمشرفين هم من يقرر على اختباراتنا وليس الطالب الوحيد هو المستهدف

انا اعرف ان الغاية من الأختبارات هي قياس مستوى تحصيل الطالب في المادة وليس ان يمدح المشرف او المدير اسئلتك لكن بعض الأخوة والأخوات لديهم من المشرفين من يطالب بنماذج معينة في الأختبارات
ولقد اطلعت على نموذج اختبار لأحد المعلمين تصور واضع قطعة فهم للطالب في الصف السادس وهي ليست من ضمن التعميم وعندما سألته عن السبب قال المشرف طالب مني كذا يعني الوضع متأزم من جميع النواحي
والله يعين الجميع

[ساري الليل]

سعودي انجلش

يكفيني شرف وجودك في متصفحي


والله شرف لي كبير بوجودكم

اوكي ما اختلف معاك بس اتمنى الحرص على ابنائنا وتحبيببهم في المادة



وراح اعرض قريبا بعض الاعمال لطلابي في المادة بالذات صف سادس

ومعلومة ابي اقولها للجميع انه طالب سادس يستوعب في اول عشرين دقيقة من


الحصة فقط والباقي ما يقدر يستوعب فيه شي


وانا مع مبدا الحوار مع المشرفين طلب مني قطعة اتناقش معاه ليش اسوي قطعة


ويش الهدف من القطعة فيها فايدة مرجوة ؟؟


ام ارباك للطلاب حوار خفيف مع المشرف يوضح له النقطة


والحمدلله حنا في وطن الحوار والحرية

وانا متاكد ان المدرس اللي تتكلم عنه يا عزيزي قال طيب ابشر من دون النظر لمصلحة الطالب

والمشرف كلامه ليس وحي منزل

عادي اعجبني اسويه ما اعجبني نتناقش واحاول اوصل فكرتي له بكل ود وعفوية صادقة

واخيرا وليس اخرا


كم يشرفني وجودك وحضورك والله يكفيني شرفا ردك على موضوعي

واتمنى اقرا راي الكثير من الاخوان والاخوات يا ريت تحياتي لكم


اقدمها بكل الحب والود

[new teacher]

يعطيك العافية اخوي ساري الليل على طرح هذا الموضوع
وانا اقف معاك في هذه النقطة بحيث ان الطالب راح يكره شيء اسمه انجليزي بعدين
وراح يقول هذي اولها اللي يستر من اللي جاي
وبعض المدرسين بعد يهدد الطلاب ويقول لهم ترى هذا اسهل شيء في الانجليزي
وراح تشوفون الصعب بعدين.
يا اخوان ليش كل هذا الترهيب جربوا اسلوب الترغيب !
بعدين شنوا المطلوب من طالب في صف سادس؟!
1- كتابة مقالة؟!
2- قراءة جريدة او نشرة أخبار؟!
3- التحدث في مجلس الأمن؟!
ليش هذه المبالغة , على حتى لوكانت الاسئلة سهلة يكفي انها كثيرة وثلاث صفحات
راح يخاف منها الطالب ويتلخبط بعدين.

هذا كل اللي عندي وسامحونا على التعبير

اخوكم new teacher

[ابله منى]

كل شخص يعرف مستوى طلابه .. بالنسبة لي .. كان امتحاني سهل للغاية .. لدرجة ان طالباتي كلهم اخذوا الدرجة النهائية .. و لله الحمد ..
ثم المهم ليس عدد الصفحات .. صرتوا زي الطالبات .. اذا قلت لهم الامتحان ثلاث صفحات ارتاعوا !! و بعدين .. وش المشكلة اذا كانت ثلاث صفحات بطريقة منظمة و فقرات واضحة .. و الافضل لكل معلم و معلمة اختيار المهم و اللي بيستفيد منه الطالب في المادة .. مو يختار اشياء تافهة بحجة تغطية المنهج كله ! :)

[أم فتون]

فعلاُ 3 صفحات كثيرة جداّ لاختبار طالبة في الصف السادس
هم صغارر اول ماراح يشافوا عدد الصفحات راح تطير المعلومات
صفحتين تكفي وتكون الاسئلة شاملة وسهلة
ماله داعي التفلسف والتعقيد على أطفال توهم أول سنة يأخذون انكليزي
دعوهم يحبون اللغة ويسعون لتعلمها لا الى النفور منها

[Z eN aD]

صراحة هذا الموضوع واقعي ومهم.......... أنا منزل نموذج لاختباري وصراحة لاحظت على كثير من التعليقات إنهم يقولون اختبار سهل وبسيط, فهمت ان الربع كلهم ناوين بالتعقيد والصعوبة على طلابهم المساكين!!!!!!


أما مسألة المشرف فانا مبين له إن لي اسلوب وطريقة خااااصة أهم شي النتيجة النهائية أن الطالب اللي هو هدف العملية التعليمية إنه يكون في الوضع المطلوب.......


اند يور سلامة....

[Excellent]

أنا أتفق مع أبله منى.. لأن الإختبار فعلا بالكم لا بالكيف!! أنا ممكن أعطيهم و رقة و حده لكن أرص الأسئلة فيها رص و أصعبها..!! و ممكن أعطيهم ثلاث أوراق لكن من أفضل الأوراق من حيث التنظيم و ترتيب الأسئلة !! و أقدر أقولهم قبل علشان مايرتبكون إذا شافوها أنها 3 أوراق بس سهلة و واضحة !!يعنى القضية مو قضية 3 أورق!!!!!!!!؟؟؟؟؟؟؟؟
والإختبار المفروض يكون مناسب لمستوى التلاميذ.. يعني كل معلمه أو معلم يبحث عما يناسب تلاميذه!!
فقد يكون ما تراه طالباتك صعب ممكن يكون عند طالبات أخريات سهل...!! و العكس صحيح!!
وأكيد المعلمة الذكية هي اللي تقدر تقيس قدرات طالباتها قبل الإختبار بحل بعض التمارين المشابهة لأسئلة الإختبار حتى تتأكد من مستواهم قبل دخول الإختبار!!!
و بسسسسسسسس!!

[فكري]

تحيه
بأختصار اود القول على ان ليست جميع الأسئلة المطروحة بالصعوبه أو عدد الصفحات التي ذكرت كما أنه يمكنك التغلب على ذلك بوضع ورقة عمل شاملة لتعريف الطالب وعدم مفاجئته وتعويده على ذلك
http://www.saudienglish.net/vb/showthread.php?t=3136

[ساري الليل]

new teacher


حياك اخوي كلامك صحيح


والمادة جديدة على الطلاب تحتاج منا اسلوب واضح ومنطقي في توصيلها

وتسلم على كلامك الحلو والمنطقي والنقاط اللي ذكرتها مهمة جدا



وتحياتي لك

[ساري الليل]

ابله منى

اختي انا مو اهاجمك او كاتب الموضوع علشان اسالتك انتي لا والله الموضوع عام


ختى انا يمكن اكتب اسالة اقول عنها سهلة بس هي صعبة في نظر الطلاب

والكمال لله وحده وبعدين الحمدلله النتيجة اللي في بالك صارت وطالبتك اخذوا درجات طيبة

وامتياز حلو الله يعطيك العافية والله يكثر من امثالك


واتمنى لجميع طالباتك التوفيق والنجاح مستقبلا والله يحفظهم لاهليهم ويحفظك لهم



تحياتي وشاكر وجودك يا ستاذتنا الفاضلة في متصفحي المتواضع

[ساري الليل]

ام فتون معاك حق


لازم نراعي اننا امام اطفال يا جماعة انتم تتعاملون مع اطفال


الطفل يبي له اسلوب في التعليم يختلف


عن طالب المتوسط و الثانوي


وبعدين لة احد يشوف المنهج زين للصف السادس راح يلاحظ انه مسهل للطلاب مرة


وصفحتين حلوة انا اختباري صفحتين او نقدر نقول بالضبط صفحة ونص


ومو لازم كل سطر في الكتاب نحط له سؤال اقدر اركز على اشياء معينة واضعها في

اختباري

وابد المح للطلاب عليها في المراجعة وانتهى كلمة


اختبار شامل وكامل


اموت واعرف معناها يعني لازم احرث الكتاب من اوله لاخره واسوي اسئلة بهالطريقة


اتوقع لا


وسلامتكم


اشكر اختي ام فتون على هالرد الاكثر من رائع والله يحفظ لك فتون

[ساري الليل]

اخوي

زيناد اتمنى اني كتبت اسمك صح


كلامك حلو وخفيف ونظيف


بس مو كلهم لا البعض كتب اسئلة وعلى حسن نية في باله انها سهلة


ويمكن ما راجع الاسئلة حقته زين وشاف وقلب فيها بس نزلها هنا وخلاص


من باب انه يشارك او اي سبب كان جزاهم الله خير على تعبهم


وانا من اكثر الناس اللي استفدت من الاعمال المطروحة في هذا المنتدى الرائع


ونشكر جميع الاخوان بدون استثناء


والله يسلمك على ردك الواقعي والصريح


تحياتي لك

[ساري الليل]

اكسلنت والاستاذ فكري


الفكرة واحدة


وحلوة جدا الفكرة وهذا اللي نبيه ان الطالب ما يدخل الاختبار


وبعدين تلقى المدرسة مقلوبة عليك تعال اقرا للصف كذا يا ستاذ اذا خلصت الصف الفلاني يبونك


اتضايق من هالحركة جدا ما ادري ويش سالفة الطلاب


اذكر مرة قلت للطلاب قبل كم سنة اخر اسبوعين جيبوا معكم دفتر صغير او مذكرة فاضية


راح نكتب كلام مهم في المراجعة والله كتبت الاسئلة بالاجوبة حقتها الاسئلة حقت الاختبار النهائي


قلت اكيد الان ما احد راح يلخبط او بالمسطلح التربوي يخبص


لكني تفاجاءت بطلاب خبصوا الاختبار خبص


تعتبت من التصحيح ذيك السنة


والى الان الموضوع محيرني لاني اسبوعين اشرح ويحلون معاي وفاهمين


بس تفاجاءت فيهم في الاختبار النهائي


ويش سر ارباكهم الله واعلم


طيب اقول لكم على موقف اخر يبين ان بعض مدرسين الانجليزي

ما تدري ويش اللي براسه

مرة طلاب يختبرون اختبار نهائي انجليزي وفيه اسئلة كثير الطلاب مو عارفينها


وطلبوا من المدرس اللي يراقب عليهم ان المدرس يجي اتصل علية جوال قال ماني فاضي اجيلهم


وبعدين المراقب رغم انه مو مدرس انجليزي بس يجيد الانجليزية اتصل جوال وطلب من مدرس انه يأذن له بقراة الاسئلة


ولكن مدرس المادة رفض وقال لا لاتقرا لهم الاسئلة وانتهى الاختبار والطلبة حايسين


في الاختبار والدرجات طايحة


ويش سر رفض المدرس انه يقرا الاسئلة او يخلي احد يقراها


هذا من اسرار القرن الواحد والعشرين


تحياتي لكم

واسف اذا طولت عليكم

[أبوسطام]

اخي الحبيب وجهة نظر طيبة مباركة جدا ...

انا اخبرك السبب من وجهي نظري الخاصة ....


انها مشكلة معقدة حيث ان هذا يعود لتجاهل المعلم والطالب وهم صاحبا الشأن فلايكون المنهج قائم على احتياجهما او آراءهما بل على مزاج الاشراف التربوي وتطوير المناهج فيأتي بعض المعلمين المتحمسين هداهم الله فيقوموا بالتعامل مع المنهج كأنه نص مقدس لايمكن تجاهل اي حرف منه ولا يمكن ترك اي موضوع وعلى الطالب ان يدرسه كاملا وينجح وإلا فالطالب هو الكسلان وهو المهمل والمعلم هو المقصر و المسيئ لطلابه ....


ياجماعه ان تدريس كامل المنهج لايعني نجاح المعلم وهذا مانعاني منه الان فلدينا طلاب يحفظون كالبقر ولايفهمون كالأوادم فهم لايستطيعون التحدث بجملة واحدة ولكن يكتبون جملا لإن تم تدريسهم نصوص تحفظ وليس لغة يتكلمون بها ...

[أبوسطام]

اخي الحبيب ساري نحن في وزارة ليس لديها نظام تعليمي ولامناهج صالحة لطلابها بل مناهج مستوردة لاتمت لنا بصلة لاثقافة ولامستوى ولاحاجة .... هذه هي الحقيقة المرة التي الكل يتجاهلها ويتهرب منها ويداعب نفسه بالصورة الوردية ان القافلة تسير وكل شي على مايرام ...

[بعيد الهقاوي]

السلام عليكم ورحمة الله وبركاته
يا اخ ساري الليل اتفق معك في موضوعك جملة وتفصيلا واختلف معك في نفس الوقت
اما من ناحية التسهيل الماده وتوضيح انها في متناول الطالب لتغير فكرة ان الانجليز صعب فهذا واجب ولا يجوز تسهيل الماده حتى اذا بتها مما يؤدي الى اهمال الطلاب
يعني خير الامور الوسط

لكن دايم ابداء بالشده والجديه ثم ابدء بالنزول تدريجيا الى مستوى طلابك

[قلبي565]

أنا من رأيي اتقان طلاب الصف السادس الأحرف والأرقام بصورة صحيحه 100% تكفي..

[Great man]

بالفعل أرى بعض المعلمين و المعلمات يرٌهب تلاميذة
بالأسئلة مما يدعهم يأخذون إنطباع سيئ عنها و هم بالسنة الأولى

خير الأمور الوسط

بالنسبة لي فأنا أعطي الشرح حقة و الأسئلة بييس اوف كيك ..

[يحي دلاك]

أنا رفضت ان انتقل الى الدرس الدرس الثاني واصريت ان طلاب الصف السادس لابد ان يحفظوا الحروف عن ظهر قلب وعدا الترم الأول الأول وطلابي مية مية وجاك الترم الثاني وكنك يابو زيد ماغزيت ابي اعرف المشكلة في ام في الطالب ام في الأهل ام في المنهج