شوفوا الأمانة وين صارت ؟؟ مديرة مدرسة تريد ان تغشش الطالبات بالامتحان

[شوهيدا_الحتسي]

:124:اعطوني تفسير لتصرف هالمديرة الله يهديها ...هي وطالبات مدرستها من قبيلة واحدة وفي بينهم قرابات وأول ماجيتهم ندبي كان متأخر وكنت أخذ احتياط واشرح لهم عساس الحق بالمنهج وثاني يوم تمسكني وتحقق بالواجب حقي قصدي التحضير هههه .. ليش عطيتيهم اكثر من درسين قلت ندبي متأخر وهم متأخرين وبلحقهم خطة المنهج قالت لا اكثر من درس باليوم مافية قلت اوكي .. وقالت ترا انا اعرف وش يصير انا ساكنة بنفس الحي واسمع الي يدور بين حريم الحي من كلام " طيب انا وش دخلني كل هالتهديد عشاني بلحقهم مع المنهج " جاريتها لأني ندبي ترم ورايحة واببغى اخلي ذكرى طيبه لي .. قلت ماااااااشي .. وهدأت فترة وقبل اختبار اعمال السنة قلت للبنات " اختبااااااااركم صعب جدا وذاكروا زين لاترسبون طبعا اخوفهم عشان يذاااااااكرون لأنهم مستهترين كثييييير مو بالانجلش بس بل بكل المواد وياما كتبوهم تعهدات :124:

وبعد الاختبار فرحوا كثير وشكروني ليش ؟ لأنه سهل وانا فعلا سهلتة لأن مستواهم وسط ولأني خوفتهم فذاكروا كويس وجابوا نتيجة حلوة والحمدلله ..
الحين قبل الاختبار قلت لهم نفس الكلام " الأختبار صعب جدا لأني اتعب معاكم وابغى احلل تعبي " تخويف هه عشان يذاكرون وياعيني هم يصدقون على طول :124::74:

المهم يبدو انهم موصلين هالكلام للمديرة ومصدقة هالكلام ..ليش توقعت كذا ؟؟؟
لأنها مجننتني توقعني على اجتماعات للأختبارات طبعا ماحظرتها لكن وقعت لأنها روتينية .. لكن وين المشكلة .. قالت اعرضي على زميلتك الاختبار عشان تراجع لهم !!!!!!!!!!!!!!قلت : وش دخل الاختبار بالمراجعه !!!!!!!! اصلا انا مراجعه لهم كم مرة ومااعطيتهم اخر درس عشان اضمن مايغيبون قبل المراجعه .. قالت لا .. لازم تشوفه ولا كيف تراجع .. قلت اكتب اسمها معي على الاختبار اذا تبغينها تطلع عليه .. قالت : لا .. اسمك بس !!!!!!!!!!
قلت اجل : لا هذي امااااااااااااااااااااانة ومستحيل زميلتي تشوف الاختبار واذا على المراحعه اسوي مراجعه ثانية لهم قالت اوكي قلت اوكي .. شوي الا وهي جايبة ورقة تعهد مكتوب فيها اتعهد انني اكملت المنهج وراجعت وووو............. وفي حال وجود اي خلل فإنه يحقق للمديرة اتخاذ اي اجراء بحقي!!!!!!!!!!!!!
طبعا مااااااااااوقعت عليها لأنها اول مرة تمر علي :marsa178::neutral:

ليش ؟؟ وانا وش سويت غلط ؟؟؟ هذي أخرت الأمانة والأخلاص .. وش ناوية علية وكيف احمي نفسي منهااااااااا؟؟؟؟؟؟؟؟؟

ليش ياوزارتنا مايكون لنا حقوق تحمينا من جور وتخلف بعض المدراء تكالبت علينا الوزارة والطلاب والمدراء ....

طيب والله لو اني حاطة رجل على رجل ومرتاحة ماكان صار لي الي صار انا ماادري وش سويت من غلط عشان كل هذا يصير ؟!!!:sad:

ممكن احد يفسر لي وش سر هالي يصير ؟

كل هذا عشان كلمة " ذاكروا زين الامتحان صعب " طيب عادي لازم المعلم يشد عالطالب عشان يذاكر وخاصة اذا حس استهتار وهم والله مستهترين شوي ؟؟؟؟؟؟؟؟

[مــلك الحرف]

شوهيدا_الحتسي

مساء الخير

انت غلطــــــــــــــانه .

والغلط هو ::


الأختبار صعب جدا لأني اتعب معاكم وابغى احلل تعبي " تخويف

فتعاميم الوزاره جميعها تمنع تخويف الطالب بأي شكل من الاشكال ..

ثانيا مدام انتي متأخره في المنهج ما له داعي درسين في كل حصه لان الطالبات ما راح يفهمووون شي ..

سوي لهم اختبار في الدروس اللي درسوها كفايه ..


ثالثا ... المديره مصدقه من قبل ادارات التعليم ..

رابعا ::


هي وطالبات مدرستها من قبيلة واحدة وفي بينهم قرابات وأول

يعني جميع الطالبات عندهن واسطات .. وهي وضحت لك هالشي عندما قالت لك انا لي علاقه مع حريم الحي ..

يعني لا تصعبين الاسئله ... اعطيهم درجات عاليه وسوي اللي تقول لك عليه المديره ..


لأنهم مستهترين كثييييير مو بالانجلش بس بل بكل المواد وياما كتبوهم تعهدات

[sokara]

حبيبتي لاتحرقين أعصابك ولاتفكرين فمديرتك الله يستر عليها شبيه مديرتنا

اللي عليك سويه والأمانه انت حتحاسبين عليها مو مديرتك لو فرطتي فيها

بعدينا تعالي انت بتناشدي مين؟! وزاره التهديم في محاولة بناء الطالب او المعلم او حتى مبنى المدرسه

مديرتك لاتشوف منك لحظة ضعف ابدا مهما كبرت الموضوع
المهم اسمعي وطنشي واتقبلي هرجها بإبتسامه وحاضر ولاتنفذي .....>عارفا كيف ههههههههه انا حقولك

تناديك بإدارتها وتنهي وتأمر بإتسامه لابد ان تكون ردودك .....اوك حاضر.... اوك حاضر... عيوني لك
واطلعي من عندها ولاترجعي لها
وسحبيها من يوم ليوم لحد يوم الإختبار
ابدا لاتشدي معاها ولاتناقشيها راح تطفشك بحياتك عشان بنات قريتها

واي معلومه في تهميش المديره السخيفه راسليني عالخاص
معلوماتي مو بلاش عالعام هههههههههههههههههه

عسى ربي ييسر امورك ويحميك منهم

[Mr.X]

الصراحة سالفة على اسمك شوهيدا_الحتسي


مار اح أضيف على كلام أخوي الحربي أو أختي sokara


الله يعين بس


Mr.X

[فـصوولي]

اول شي يعطيك العافيه

الشي الثاني بالنسبه لكم يا المعلمات أو بالاصح الجنس النسائي لا يوجد لكم حق يحميكم

فأنتم محاربون لاني بقول لك ليش لو كان الموضوع هذا عندي وفي مدرستي يا ويل المدير

والا احد يتكلم بعرف شلون اخذ حقي بيدي ولساني

لكن عشانكم ضعيفين والله يحطون سلطتهم عليكم والقصد ماهو تطفيش لكن هذا شي اتضح

وبان ولو انا مكانك وسويت اللي سويتي وربي ان يشكروني ويقولون بارك الله فيك

عموما اختي انتي احتسبي الاجر عند الله وما عليكم من احد

[هنودي]

شو هالحتسي . . بيض الله وجهك

بصراحة من كلامك أشعر أنك مسببة رعب للطالبات والمديرة

لأنهم متعودين على مدرسات يعطون درجات بالكوم . . ويمكن حتى الأسئلة

والمديرة "تحوس" - إن جاز التعبير - تبغى تخوفك وتطوعك لتنفيذ مرادها

تبغين نصيحتي ، استمري على ما أنت عليه ولا تتساهلين في تغشيش الطالبات

ولا توقعي على شيء ما وقعوا عليه المعلمات الباقين

وحاولي أنك تلمحين بالكلام عن خطورة تغشيش الطالبات وتغيير درجاتهم

مع أني أتوقع أنهم بعد ما ينتهي انتدابك بيلعبون في الدرجات

الله يعينك ويعيننا على تأدية هذي الأمانة

[شوهيدا_الحتسي]

جزاكم الله خير على ردودكم
سكرة اختي راسليني وانا اشتري نصايحك :)
فأنا بحاجة لهاااااااااا

[اشواق1]

الله يعينك بصراحه

[nm44]

السلام عليكم ورحمة الله وبركاته


اختي شو هيدا الحتسي بصراحه بصراحه انا معلمه مثلك انتدبت الى المدرسه على اخر التيرم واضطريت اسرع في المنهج معاهم
بصراحه علي رقابه شديده من المديره كمديرتك بالظبط ولكن انا لا الومها في هذا لأن الطالبات كانو متأخرات وتلقوا منهج على السريع السريع
والمديره حرصا منها على مصلحة الطالبات كانت تتابع بعض تحركاتي بما فيها اختباراتي الدرجات وغيره وغيره حتى لا اظلم البنات وانا جايتهم على اخر المنهج و الظلم وارد والله لا يؤاخذنا لانه مافيه وقت لتقييم الطالبات ولا لمعرفتهم ولا لاعطاء الدروس بتشبع لهم وكل هذا كان هم المديرة لذلك هي تتابع وتنبه وتحرص ...........
صحيح عرضك الاسئله لزميلتك في التخصص لايحق ولايصح ولكن يعتبر غلطه يجب اطلاع المديره على سلبياتها ف هي امانه كما ذكرتي .........
تمنياتي لك بالتوفيق و نو مور امسك مناهج متراكمه تسببت لي مشاكل ... وماذا بالنسبه لك؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[شوهيدا_الحتسي]

السلام عليكم ورحمة الله وبركاته
اختي شو هيدا الحتسي بصراحه بصراحه انا معلمه مثلك انتدبت الى المدرسه على اخر التيرم واضطريت اسرع في المنهج معاهم بصراحه علي رقابه شديده من المديره كمديرتك بالظبط ولكن انا لا الومها في هذا لأن الطالبات كانو متأخرات وتلقوا منهج على السريع السريع والمديره حرصا منها على مصلحة الطالبات كانت تتابع بعض تحركاتي بما فيها اختباراتي الدرجات وغيره وغيره حتى لا اظلم البنات وانا جايتهم على اخر المنهج و الظلم وارد والله لا يؤاخذنا لانه مافيه وقت لتقييم الطالبات ولا لمعرفتهم ولا لاعطاء الدروس بتشبع لهم وكل هذا كان هم المديرة لذلك هي تتابع وتنبه وتحرص ........... صحيح عرضك الاسئله لزميلتك في التخصص لايحق ولايصح ولكن يعتبر غلطه يجب اطلاع المديره على سلبياتها ف هي امانه كما ذكرتي ......... تمنياتي لك بالتوفيق و نو مور امسك مناهج متراكمه تسببت لي مشاكل ... وماذا بالنسبه لك؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

بالنسبة للمناهج المتأخرة لو على كيفي اكيد ودي اني أعطيهم من اول السنة واكيد مااحد وده يمسك منهج من بدايتة بعد مرور شهر من الترم .. لكن طالما انه عملي وانتدبت لهم خلاص فمااقدر ارفض عملي لازم أقوم به وفيما يرضي الله يعني نسدد ونقارب والله المستعان......وبالنسبة لتشديدها ماقلت شئ اختي وجاريتها لأني لو مكانها بسوي نفس الشئ والبنات أمانة عندها مثل ماهم امانة عندي لكن فكري فيها شوي ؟؟ كيف نمشي بالمنهج بواقع حصتين في الاسبوع والتأخير شهر وهو الفترة الي انتدبت فيها .. من وين اجيب شهر ثاني قبل الامتحان اشرح فيه هالدروس ..الي مدتها او وقتها شهر .. بصراحة في معلمات يعملون بنصيحة الأخ الحربي يعطون درس كل حصة وحتى لو ماخلصوا المنهج وجاء الأختبار النهائي يختبرونهم بالي اعطوهم من دروس .. لكن انا ماقدر اعمل كذا لأن المنهج مترابط والدروس الي قد تغفل راح نبني عليها معلومات الترم الثاني يعني الفصل الثاني يعتمد عالأول .. وهذا تأسيس فحرام انه المعلم يتجاهل دروس المفترض ان الطالبة تفهمها وتمر عليها هذا ظلم للطالبة واخلال بأمانة العمل

[شوهيدا_الحتسي]

السلام عليكم ورحمة الله وبركاته
صحيح عرضك الاسئله لزميلتك في التخصص لايحق ولايصح ولكن يعتبر غلطه يجب اطلاع المديره على سلبياتها ف هي امانه كما ذكرتي

الله يستر .. اليوم اظطريت اسلم الأسئلة للمعلمة والمديرة واكيد بتطلع عليهم المعلمة .. لأن آلة التصوير ماكانت موجودة لما جيتهم وبتصور المعلمة بدالي ...... لكن سألتها عن طريقة المراجعه .. قلت كيف بتراجعين .. قالت اركز على اسئلة الأمتحان هههههههههه

ولما سلمتها مراجعتهم سألتني هذي المراجعه الي راح يجي منها الأختبار؟؟ هههههههه
" ياعالم وش فيهم الناس على مراجعات الأختبار "
وقلت :لا .. اكيد الأختبار يختلف تمااااااااااما عن المراجعه والمعلومات ماهي وحدة .... والمديرة تطالعني بعيونها تبغى تاكلني من القهر ههههههههههههههههههه
..لكن سلمت الأختبار وبدون تصوير للطالبات وبتصورة المعلمة وبتشوفة والله يستر

[شوهيدا_الحتسي]

نسيت ان أذكر ان الورقة المذكورة التي طلبت مني التوقيع عليها قد جعلت جميع المعلمات يوقعن عليها ومازاد منهن ليس لها مكان للتوقيع في نفس الصفحة وقعن بين السطور وأصبح شكل الورقة غير مرتب وملصق خلفها ورقة أخرى نفس النمط جديدة يبدو انها لي وطلبت مني التوقيع عليها وقعت في نفس الورقة وبين السطور كما فعلت المعلمات فأحمر وجهها وقالت لا ليس في نفس الورقة وأظطربت قليلا .... فإن كانت تبيت نيه اللهم أكفنيها بما شئت .. اما أنا فقد انهيت اعمالي وسلمتها كل شئ التقويم والاختبار والدرجات ثم سلمت عليها وذهبت :77:

[TAHNOON]

بسم الله الرحمن الرحيم
عزيزتي شوهيدا الحتسي
انا نقلت هالسنه لمدرسة ابتدائيه على قولك كل اللي فيها من قبيلة وحدة بس مديرتنا غير ؟؟؟؟؟ قولي كيف ؟؟؟؟؟
تخيلي طول هالترم اجازات مرضي بالهبل والايام اللي تداوم فيها تجلس بس ساعتيين و تطلع و احيانا ما تداوم إلا الساعة عشر !!!!!
و لا تدري عن شي في المدرسة لدرجة إن معلمة رياضيات صفوف أولية اعطتني رياضيات ثالث و مسكت الإدارة الفاضيه و ازيدك من الشعر بيت مافيه موجهة انجليزي يعني لو ما اعطي منهج من الأساس ما أحد يدري عني لكن والله انا نراعي الأمانة اللي بين ايدينا فانظري الى الجانب الحسن في مديرتك و هو حرصها عالبنات و غيره ماعليك منه والله يوفق الجميع .

[شوهيدا_الحتسي]

بسم الله الرحمن الرحيم
عزيزتي شوهيدا الحتسي
انا نقلت هالسنه لمدرسة ابتدائيه على قولك كل اللي فيها من قبيلة وحدة بس مديرتنا غير ؟؟؟؟؟ قولي كيف ؟؟؟؟؟
تخيلي طول هالترم اجازات مرضي بالهبل والايام اللي تداوم فيها تجلس بس ساعتيين و تطلع و احيانا ما تداوم إلا الساعة عشر !!!!!
و لا تدري عن شي في المدرسة لدرجة إن معلمة رياضيات صفوف أولية اعطتني رياضيات ثالث و مسكت الإدارة الفاضيه و ازيدك من الشعر بيت مافيه موجهة انجليزي يعني لو ما اعطي منهج من الأساس ما أحد يدري عني لكن والله انا نراعي الأمانة اللي بين ايدينا فانظري الى الجانب الحسن في مديرتك و هو حرصها عالبنات و غيره ماعليك منه والله يوفق الجميع .

صورة أخرى مشرفة للتعليم عندناااااااااااااااا
أصدقك لأن هناك معلمات انجلش مضيعين البنات غياب ولا مراجعات ولا ورقة عمل وحده ياخذونها البنات

في اي منطقة انتي؟
وليش مافي موجهه انجلش عندك؟!

[شوهيدا_الحتسي]

اااااااااااااااااالله
يعني يابنات سايبين وضايعين او بنات مدلعين تجيهم الأسئلة لحد عندهم
والحالتين من الغش وغش الطالب وغش المعلم لنفسة
والله التعليم عندناااااااا رااااااااااااايح فيها

[دانـا]

شوهيدا الحتسي
تدرين على اي اساس يصير الانتداب في الغالب >>> على اساس الكفؤ ..والاخلاص ...
على قد مافيك اخلاص ... يدرون انك راح تغطي خلل المنهج ... من دون غياب .. من دون اهمال
اما اللي غيرهم لا ..اصلا لو احد انتدبهم رفعوا شكوى >> من الوسطات اللي دمرت العالم
عالشان كذا
مافيه معلمه كفؤ الا تحول اداريه .. او نشاطات وتفريغ من الماده اللي ابدعت فيها .. السبب كثرة الضغط عليها
كل اللي قلت .. من مشرفة انجليزي >> تركت هذا المجال لانه ظلم في ظلم
الله يعين هي امانه ولازم ... نخلي مسؤويتنا ايام وتعدي ..كل الاراء اللي قبلي كويسه..ماشاء الله

اهم شي لاحد يشوف اسئلتك
المشرفه >> قالت لي اشوف اسئلتك ... انت توك جديده قلت لها لا .. انتي شفتي لي اسئله
واشوى اللي ماشافتها .. لاني شفتها وجهت اتهام لمعلمه ان الاسئله متسربه .. لطالبات >> مصيبه من ماامنه ياتى الحذر

[شوهيدا_الحتسي]

أشكرك يادانا على الأطراء والله لايحرمنا الأجر وخاصة أجر مكابد الحياة مع هالنوعية من البشر!.

وبعدين تدرين والله المعلمة أخذت الأسئلة وبتشوفها وبتصورها وبتراجع لهم على أساسها وهالشئ قالته بنفسها لي !
بس ماكان لي خيار .. آلة التصوير ماكانت موجودة وبنفسي شفت مكانها فارغ في الإدارة !
وأشك انها خربانة لأن الوقت هذا وقت تصوير اسئلة وحتى لو معطلة تصلح بأسرع وقت .
وسألت المديرة قلت لها متى حيكون تصوير الأسئلة يوم الأختبار او قبلة : وكانت اجابتها لي :
حسب ظروف المدرسة!

[#الزهراني#]

اعانك الله

[فهد ان انجلش]

وانت وش فيك مكبر الموضوع

لا انت اول ولا اخر واحد مديره او مدرس يطلع على الاسئلة

اهم شي انت اديت الامانة واما قصة تعالي وقعي على اوراق ومدري ايش

فهذا كلام لا يودي ولا يجيب

[قلبي]

بصراحه اختي ما اقول الا الله يعينك

واحب اضيف إنك مو انتي فقط المتعرضه لهالاسلوب السخيف من المديره...

أنا تعرضت لنفس الاسلوب والذنب الوحيد لنا ان أسملءنا منتدبات....

والمشكله حاقدات مره عالمنتدبات ليييش؟ قال لأنهم يخرجون بعد انتهاء الحصه مع ان حضراتهم واصلهم التعميم الوزاري بهالشيء,,,

يالله تعينا عليهم وبس...

[#*بلسم جروح*#]

كان الله بعونك

[u will]

صباح الخير شو هالحتسي.
انا أقول مثل ماقال الاخ فصولي وازيد ان هذي عملية استضعاف وعدم معرفه بالنظام. وشكرا

[msms]

90% من مديراتنا متخلفات خاصة الابتدائي ..

[شوهيدا_الحتسي]

انا كمان حاسة انة استضعاف .. لكن شنقول فوق كل قوي الي اقوى منة .. وحسبنا الله ونعم الوكيل
واحنا يامعلمات الأنجلش بننتدب في كل سنة مرتين وبنقابل من هالأشكال كثيييير ولو بنوقف كل وحده عند حدها يبغالنا كل سنة مشكلتين .. الله يكون في العون .. وبعدين من فينا يالمعلمين والمعلمات يعرف حقوقة؟ هل فية ملف يذكر حقوق المعلم والمعلم بالتعاميم .. وش لة وش علية ؟؟؟؟؟
لأن التعاميم الي في صالح المعلم يخفونها ويغيبونها ورى الشمس والي ضده يلزقونها في جبهته يوقع عليها من صباح الله خير وقبل الحصة الأولى ويبدأ تطبيقها فعليا من تسحب من الطابعة وقبل تمر على المعلمات للتوقيع

[شوهيدا_الحتسي]

مس مس اعجبني توقيعك معبر كثير خاصة لما نعانية يالمعلمات

[The Expert]

يسروا ولا تعسروا .........



مع أني ضد اسلوب المديرة جملةً وتفصيلاً...

الله المستعان .

[DR AHLAIN]

السلام عليكم ورحمة الله،


اختلاف في وجهات النظر بين المعلم والمدير ماهو جديد سواءً في مجال التعليم او في المجالات الاخرى،
اعجبني حماسك لمادتك واخلاصـك في اداء الأمانه الموكله اليك،ولكن كمعلمين نسوي اللي علينا ونتساهل في بعض الأمور يعني الاسئلة تصور وتدخل المضروف سراً ...ولايمنع ان يراجعها احد الزملاء بالنسبه لي تعودت لما اسوي اسئلتي اعرضها على زميلي وهو كذلك يعرضها لي نراجعها من الاخطاء (جل من لايسهو) والأمانه ان شاء الله موجودة ..واللي يبيع امانته يكون حسابه مع الله سبحانه.

عندي وجهة نظر وقــد لمست هذا من واقع تجربة وهي أن المعلم من حبه لمصلحة الطلاب يقول:ذاكرو زين ترى الاختبار صعب مره. والهدف هو تحفيزهم للمذاكرة ،طبعاً هذا الكلام يحفز يمكن ربع الطلاب أو اقل لكن البقيه تصير عندهم ردة فعل عكسية ولا يفتح الكتاب اساساً يقول بنفسه:راح اذاكر واجيب درجه متدنيه فأجيبها من الاخر ولا اذاكر!
أفضل شي لمصحلة الطلاب هو المراجعة الجيده و وضح اسئلة تقيس المستوى التحصيلي بطريقة سلسة وواضحة وصدقيني اذا اجتمع شرح جيد مع اسئلة معقوله ينتج لنا طلاب محبين للمادة وللمعلم والإدارة مايهمها إلا هالشي ...




كذلك المديره هداها الله كـــ مديرة مدرسة وانسانة تربوية تقول:


وقالت ترا انا اعرف وش يصير انا ساكنة بنفس الحي واسمع الي يدور بين حريم الحي من كلام "

ويفترض انها تكون لديها الحكمة الكافية لطرح اي موضوع معك والنقاش بشكل ودي و ايجابي بحيث تقتنع بكلامك أو تقنعك وكلنا غير معصومين عن الخطأ .


كــل اللي اقوله الله يكون بعونك واتمنى لك التوفيق وأنك تفتكين من الندب:)

[ThE oLd KiD]

:


بالنسبة للطلاب كثير تجي أسألة منهم الابتدائي

شلون الامتحان صعب والا سهل ؟؟

أقول لهم بالحرف الواحد ..

سهل إذا ذاكرتم صعب إذا لم تذاكروا ومربيهم على

أن أي مادة سهلة ولو كانت وطنية ممكن تكون

صعبة وأي مادة تظنونها صعبة كالرياضيات

والانجليزي ممكن تكون سهلة إذا اهتميتوا بها ومع ذلك

دايما رغم صعوبة الاسالة نوعا ما عليهم الا ان النتائج ممتازة دائما ولله الحمد ...

أي معلم أو معلمة في ظل تعليمنا الحالي وضغوطه

يصل لخدمة 8-10 سنوات بدون أمراض مزمنة

كالضغط فمن الأجدر إدخاله موسوعة جينيس للارقام

القياسية ..

أطلب منك كما قال الإخوة تحطي في بطنك بطيخ

صيفي وتروقي أختنا العزيزة

وليس معنى ذلك أن تهملي الأمانة الملقاة

على عاتقك .. وإن قدرتي بأقرب فرصة

تشوفي إدارية تريحي دماغك من وجع الراس

[/COLOR]

[TAHNOON]

السلام عليكم ورحمة الله وبركاته
عزيزتي انا في محافظة من محافظات الرياض . و بالنسبة لموضوع الموجهة فالمندوبية بدون موجهة من خمس سنين بعد وفاة الموجهة السابقة . و لقد عرض علي التوجية و رفضت و كرر علي الطلب و أنا الآن في حيرة هل أقبل به أم لا . وش رايكم ؟؟؟؟؟