المساعد الشخصي الرقمي

مشاهدة النسخة كاملة : لمعلمات الانجليزي المثبتات بدل تعيين 12000 ريــــــــال



NINA-NINA
09-06-2005, 01:16 PM
بسم الله الرحمن الرحيم
بعد تثبيتنا نحن معلمات الانجليزي والحمد لله كما ينبغي لجلال وجهه وعظيم سلطانه ...
طالبتنا ادارة التعليم باوراق رسمية واليكم الخطوات
تاخذي من المديرة ورقة توقعها بأنك لم نتقطعي ومازلت على راس العمل ثم تسلميها لادارة التعليم ومعها :
1- ملفين علاقي كل واحد يشمل ( 2صورة من وثيقة التخرج+شهادة حسن السيرة والسلوك + كرت العائلة + طلب تحويل الراتب للبنك الفلاني
2- بعد ماتسلميهم الطلبات يعطيك ورقه ثانية تحتوى على رقمك الوظيفي والمستوى ( الاول .... )توقعها المديرة وتكتب تاريخ مباشرتك وهو حسب قرار مجلس الوزراء 28-3-1426
ملاحظه مهمة جداجدا : تقول الاخبار ان جميع المثبات تم كتابة تاريخ مباشرتهن بهذا التاريخ هل جميع المثبتات تم كتابة تاريخ المباشرة هذا ام بناء على مباشرتك اثناء فترة التعاقد.... الرجاء المشاركة والمناقشة ( لايلعبون بتواريخكم وتضيع سنوات الخبرة والعلاوات عليكن )
3- ترجعيها للادارة ويعطوك ورقه ثانية توقعها المديرة انك لم تتسلمي في حياتك بدل تعيين ( يصل لحوالي 12000 ريــــــــــال ) لاتنسو خلوكم وراهم لايلهفوها عليكم
ملاحظة : بعد المعلمات المثبا ت القديمات وصلهم بدل التعيين بعد سنة من العمل ويعضهم بعد سنتين او ثلاث وبعضهم يسعون خلفا لأن شكلها انلهفت فانتبهوا
بدل التعيين من حقنا خاصة ان معظمنا متغربات وفي قرى بعيدة جدا
............................. خليكم نبيهات وقولوا عن تجاربكم ...........استنى الردود

مها
09-06-2005, 07:34 PM
من زين هالمديره00

الحمدلله والشكر بس00

كل ماقلت لها شي قالت ماوصلني شي رسمي00

يوم اول ماشفت اسمي بموقف الوزارة ارسلت لها ابشرها قالت وين وكيف وشلون ؟؟

ماكلفت نفسها تبارك 00

الله المستعان00 ومشكوره اختي على تنبيهك00بس ماني مستوعبة المبلغ00




اقتراح00
اتمنى انه في كل مدرسه عيادة نفسية لعلاج نفسيات بعض البشر00

نوووف جده
09-06-2005, 10:45 PM
يسلمو نينا على هالموضوع انا ماجاني خبر الا امس بعد الدوام هالمديره الغبره ماقالت لي انا اتوقع انه مديرتي هي نفسها مديرة مها ههههههااااي سبحان الله نفس المواصفات مدري هم يعانون من حاله نفسيه لاسمح الله؟ شفيهم علينا يالله لك الحمد ماتعرف الا توقع وتصور لا وشايفه نفسها بعد . يامها انا قلت لها قريت اسمي بالجريده قالت يمكن بس ماجاني شيء انا الحمدلله بس (خايفه انجلط والسبه المديره الله لايوفقها)
يعطيكي ربي الف عافيه اختي نينا .

NINA-NINA
10-06-2005, 02:42 PM
حبايبي انتم......^___^
والحمد لله انني خدمتكم بالخبر .... وكل اللي اقدر اقوله اننا لازم نكون متعاونات عبر هذا المنتدى ونكتب اي خبر يصير للوحدة حتى لو تافه لأن بعض ادارات التعليم في بعض المناطق نصابين ويخفون اي خبر عننا ...... يعني التعاون هو اللي اللي يساعدنا بعد الله سبحانه وتعالى

مها
10-06-2005, 02:43 PM
نوف00

أقسم لك بالله انه تغيرت شخصيتي وصرت عصبية ومااتحمل شي00

تغيرت فيني اشياء كثيرة 00 والسبة هالمجال الزفت الي يسمونه تعليم00

لا من الزميلات ولا من المديرة00

لكن ماقول غير حسبي الله ونعم الوكيل00 والله يعيننا00

ليتني بجده00

زهور
10-06-2005, 03:26 PM
مرحبا عزيزاتي
حلو والله تبادل الاخبار لنخدم بعضنا بعض
لدي اضافه بخصوص بدل التعيين
حسب خبرتي انه بدل راتب شهر واحد فقط
يعني شوفي كم راتبك ............ راح يجيك زيه دبل مره وحده فقط
ممكن بعد شهر او شهرين اوسته شهور
انا جاني تقريبا بعد سبعه اشهر من وظييفتي
وصدقيني اوضاع الوزارة تحسنت ومافيه شيء اسمه لهف اواختلاس
بس ممكن هم مايتابعون يعني بالعربي مايتصلون يقولوا تعالي خوذي المبلغ انت ابحثي عن حاجتك ..؟؟
انا عن نفسي ما شفت الا الزين من الوزارة كنت في مندوبيه نائيه وبعيده جدا جدا ومع ذلك كان الموظفين حريصين جدا جدا حتى انهم ارسلو شياكتنا مع والد زميلاتي الى المدرسه ؟؟ علشان مانقطع مشوار لهم .
احسنو الظن بس وتوكلو على الله حبيباتي

ندى
10-06-2005, 09:45 PM
بس يا أخواتي ما جاوبتوا على السؤال وش التاريخ اللي نكتبه

ابله منى
10-06-2005, 11:58 PM
بدل التعيين يعني راتب شهر بدون زيادات .. يعني حوالي 4500 فقط :)
اذا فيها 12 االف .. بنحسدكم ترا ههههههههههههه

NINA-NINA
11-06-2005, 05:12 PM
بس يا أخواتي ما جاوبتوا على السؤال وش التاريخ اللي نكتبه
اذا كان قصدك تاريخ المباشرة فهو موحد لجميع المثبتات 28-3-1426

البكيري
18-06-2005, 08:53 PM
السلام عليكم ورحمة الله وبركاته
مشكورين على هذه المعلومات والله يجزاكم خير
بس ياجماعة انا ماسويت ولا طلبوا مني أي شي من اللي ذكرتوه
حتى تاريخ المباشرة طلبوا مني اني اكتبه بتاريخ 1\5\1426
مع اني عارضت ولكن قالوا هذا هو التاريخ.
ايش تنصحوني اسوي؟؟؟؟
والله يجزاكم خير مرة ثانية ومشكورين.

miss. English
19-06-2005, 12:54 PM
موجود بالورقه اللي اعطونا هي ان بدل التعيين هو راتب شهر بس

أم عبدالله
19-06-2005, 08:36 PM
السلام عليكم ورحمة الله وبركاتة
حبيت أسألكم إذا جاءت أي أوراق للمدرسة تدل أن التثبيت وصل لنفس الإدارة لأني اتصلت على شئون الموظفات في الإدارة الي أنا تبعها و قالوا انه ما وصلهم أي شيء و يمكن ان الراتب الجديد يبدأ صرفه من شهر سته. و مشكورة

ابلة نوني
21-06-2005, 08:28 PM
السلام عليكم ورحمة الله وبركاته

انا صار معي نفس الشي ياام عبد الله انا تابعة للمنطقة الشرقية وماوصل لمدرستي تعميم الترسيم ويوم اتصلت الاسبوع الماضي قالت لي وحدة من الاداريات تو التعاميم واصلة ويشتغلون عليها واحتمال الرواتب المعدلة ماتنزل الا بشهر 7 والله اعلم ويوفق الجميع يااارب


لا اله الا انت سبحانك اني كنت من الظالمين

just-a-teacher
25-06-2005, 05:58 PM
ابلة نوني مادري ليه احس اني اعرفك :)

والله انا اشتغل في قرية بعييييييييييييييييييييييي ييييييدة تابعة للشرقية,,,عطلت في 4/5 ولاوصلنا اي تعميم عن اوراق الترسيم............يعني ماوقعت اي شي للحين...وخايفة من هالورطة؟؟؟ في احد غيري؟؟

Aseel
26-06-2005, 02:03 PM
أنا أيضا تابعة للشرقية .. وأجزت بدون ما أوقع أي ورقة لأن ماوصل شيء للمدرسة

zid10
30-06-2005, 02:47 AM
إلى جميع الأخوات بعد التحية والتقدير ..


المعروف من نظام الخدمة المدنية .. هو أن بدل التعيين . هو راتب شهر فقط وهو أساس الراتب بدون بدل النقل ِ


ويسعدني الانظمام إليكم .. بعد ان تم طردي من منتدى الوزارة . وذلك لأني اخبرتهم بخبر الترسيم قبل نزوله بشهر .. ولم يثبت موضوعي .. وبعد ما صدر القرار .. الذي اخبرتهم به سابقا .. اثبتوا موضوعهم والذي كتبه احد المشرفين .. وتم حذف موضوعي ومشاركاتي


فلي مصادري الخاصة في الوزارتين . التربية والتعليم والخدمة المدنية . ويشرفني الانظمام إليكم في هذا الموقع لنفيد ونستفيد ..


وتخصصي فقط في معلمات اللغة الانجليزية آنفات الذكر .

كان الله في عونكم في سلك التربية والتعليم

والسلام
اخوكم .

just-a-teacher
30-06-2005, 03:03 AM
الله يوفقك ...قولنا وش راح يصير لنا؟؟؟ اقصد احنا اللي ماوقعنا خطابات التعيين؟؟ ممكن تتوقفالرواتب؟؟او احتمال ماتتعدل رواتبنا الا بعد مانوقع هالاوراق المشؤومة؟؟

شهلاء
01-07-2005, 04:02 AM
والله انا بعد مثلكم المديرة تقول ماوصلهم خبر الترسيم اصلا تفاجات يوم قلت لها الخير
الله يخلف علينا ماندري وش مصيرنا

Rose
04-07-2005, 10:32 AM
طيب انا ومعلمات المدرسة الرسميات داومنا الى 8-5 وسمحتنا المديرة في الايام الباقية ولكن المصيبة
انها تحسبني متعاقده ورفعت بدوامي الى 8-5 و نزل الراتب عندي للأسف 933.33 بالضبط الى يوم 8-5

سؤالي هل يحسبون الأيام الى 15-5 غياب عندي لأن حضرة المديرة ماهي مصدقة اني ترسمت ؟؟؟

NINA-NINA
09-07-2005, 03:34 AM
شايفين ياجماعة الخير كيف تبادل المعلومات يفيدنا وانا من اول اقول فتجوا عيونكم وخلوكم ورا حقوقكم
والي ماخذة اجازة وما وقعت على اوراقها لاتستغرب ان الراتب يتأخر عنها ونداء للكل راجعوا ادارتكم هذا الشهر للسؤال عن الراتب وغيره

الأمل الحزين
29-07-2005, 04:48 PM
مرحبا
انا نزل راتبي الى 15-5 تقريبا 1700 ( راتب سواق )ههههههههههههه.
لما راجعت الاداره قالو الترسيم من 28-3
والراتب ينزل من 30 -6 بالأضافه لل 15 يوم من شهر 5 وهذا انا انتظر

مها
29-07-2005, 11:37 PM
انا راتبي شهر 5 نزل كاااامل 4000 وشوي يعني مع الزيادة ولله الحمد والمنة00

بس بدل الترسيم يقولون يوم راجعتهم ينزل هالشهر يعني شهر 6

والله كريم والحمد لله على كل حال00

الموضوع قديم مدري شلون رفعتوه انا جيت اركض احسب فيه خبر جديد00

warm heart
05-08-2005, 03:40 AM
احنا في منطقة تبوك وصلتنا اوراق الترسيم على اخر الايام يعني وقت الامتحانات
اما تاريخ المباشره هو اول يوم لي كان 25 /8/1425 من بداية التعاقد على البند
اما راتبي الى الان ماشيئ 3500
وايش حكاية بدل التعيين الي يوصل الى 12000 يعني قصدكم يحسبونه من اول شهر تعاقد

او من بعد التثبيت

مها
05-08-2005, 05:08 AM
ههههههه

بدل التعيين راتب شهر واحد فقط

يعني يصرفون لكم شيك قيمته 4 الاف وشوي00

بسسسس

والحمدلله على النعمه00

قولوا لأم زكي تسلفكم صارفين لها 7 الاف خخخخخخ

Rose
07-08-2005, 09:08 PM
يا اخت warm heart كيف تاريخ مباشرتك من 25 - 8 من وين هالقرار؟؟؟؟؟؟؟

Englover
12-08-2005, 01:39 PM
عزيزتي مها :
انا مثلك تماما أعاني من مجال التعليم معانة شديدة ولكن احتسب الاجر من الله . فتوكلي على الله وطنشي لان فعلا ما فية شي يستاهل نزعل نفسنا علية الدنيا فانية..................

فزاعة1
06-09-2005, 01:58 PM
يا أختي بدل التعين للمثبتات مايوصل ل 12000 لاني انا معلمة متعاقدة ( لغة انجليزية) تم تثبيتي في أخر السنه الماضية وكان بدل التعين عبارة عن راتب شهر واحد فقط لاغير

Rose
06-09-2005, 02:22 PM
اختي فزاعه استلمتي بدل تعيين ولا لا؟؟؟؟؟؟؟؟

عبوره الاموره
06-09-2005, 04:28 PM
انا لسه ما استلمت بدل التعيين يبيله مشوره

نودي
06-09-2005, 10:45 PM
مشكورة اختي بس انا نزل لي 8000 لان رواتبنا 4072
كيف نزلك 12000؟؟؟
وبعدين متى اسوي هالاشياء ؟؟ينفع بكرة؟؟

cuyt
07-09-2005, 12:27 AM
please can you send more information about this , because i work in this contraction for three years now .

cuyt
07-09-2005, 12:42 AM
لقد قرأت ما كتبتيه و لكن هل هذا القرار خاص بمعلمات بدل استثنائي ؟ فقد تم التعاقد معي بنظام بدل استثنائي لمدة عامين أو ما يعرف بنظام الساعات . وإذا لديك أية معلومات حول هذا النظام فأرجو افادتي فأنا أتحرق شوقاً لمعرفة أي شئ عن وضعنا ........

لوله الدلوعه
10-09-2005, 08:20 PM
اهلين ياحلواات انا وصلني بدل تعييين اول الاجازه زياادة رااتب وااحد بس مو12000الله يوفق الجميع..