تكفووووووووووووون فزعتكم ...بقوه خايفه

[تعبت من السهر]

مرحبا

انا طالبه كليه بطبق الاسبوع الجاي وابغى اعرف وش اسوي وش اقول للبنات يعني ابي فزعتكم .
ابي كلمات تساعدني بالشرح وبتسكيت البنات
وكذا


ولكم مني كل الشكر والعرفان

اختكم

[Rj-330]

السلام عليكم ورحمة الله وبركاته

اولا اهلين فيك اختي بالمنتدى وشرفتينا
ثانيا موفقه ان شاءالله بالتطبيق العملي

بالنسبه وش تسوين وش تقولين هذا كله يعتمد عليك انتي وعلى شخصيتك

اهم شي بالموضوع كله الثقه بالنفس والثقه بقدراتك وهذا شي ان شاءالله موجود فيك :)

اما تسكيت البنات ما يحتاج لكثره الكلام علشان يسكتون ممكن بنظره الطالبه تفهم
حاولي بقدر المستطاع تفرضين شخصيتك على الطالبات من اول مره

لا تكونين شديده مره ولا متساهله مره خير الامور الوسط

واذا احتجتي اي شي كل اللي بالمنتدى ما راح يقصرون معاك

عذرا على الاطاله والله يوفقك ان شاءالله

[الاستاذ منصور]

السلام ليكم ورحمة الله و بركاته

اتمنى لك يا اختي التوفيق و بغى اقلك بعض الاشياء الي ممكن تفيدك..

و الخوف هذا شي عادي و كلنا مرينا فيه و إن شاء الله الخوف هذا بينتهي من اول يوم .

فيه نصائع مفيدة جدا بتفيدك إن شاء الله :
1- الاسبوع الاول مهم جدا و اليوم الاول بشكل خاص لانه
يترتب عليه راحتك في الترم كاملا..
2- الثقة بالنفس و مهما كانت المرحلة الي بتدرسينها او نوعية الطالبات الي عندك فأني قادرة على السيطرة عليهم بكل سهوله .

3- الشدة في البداية و خصوصا في الاسبوعين الاولين

4- ليكن سلاحك هو الدرجات

5- اشغلي الطالبات طول وقت الدرس و إلا اشغلوكي هم

6- و هي الشيء الاهم .. اخبري الطالبات بأسلوبك و طريقتك و نضامك في الفصل منذ الحصة الاولى حتى ترتاحي فيما بعد..

في النهاية اتمنى لك و لجميع المطبقين النجاح و التوفيق

[الزهرة الخضراء]

حياكِ الله اختي تعبت من السهر ...
يالله ذكرتيني بأول يوم تطبيق لي ... كانت ايام حلوه ^_^
الارتباك والتوتر قبل اول درس شي عاااادي والجميع يمرون في هالشي ولا تصدقين من تقولك انها ما ارتبكت قبل الدخول لاول درس لها ...
انا بقولك مفاجأة يا تعبت من السهر ... شفتي التوتر اللي انتي حاسه فيه الحين ... بيزول نهائي بعد اول خمس دقايق من الدرس ويمكن اقل وبتجلسين تضحكين على نفسك وعلى القلق اللي ماكان له لزوم ...
وراح اعطيكِ شوية نصايح ... وطبعاً هذي قبل الحصة مباشرة ولازم تكوني حافظة الدرس عن ظهر قلب وممكن تكتب مفاتيح رئيسية للدرس على غلاف كتابك بحال انك خفتي تنسين ...
1- اشربي مويه قبل ماتدخلين مباشرة ... وتنفسي بهدوء واسترخاء لدقيقه دقيقتين ...
2- توكلي على الله وادخلي بمظهر جدي وثقة بالنفس وراسك مرفوع (ترا البنات مايدرون وش جواتك من توتر) ...
3- امسكي كتابك بيدك او امسكي ادينك خلف ظهرك اذا كنتي من الناس اللي ترتعش اديهم ...
4- استخدمي كل جسمك بالشرح ... مو بس تأشرين وتقولين This is ... مثلا لما تقولين لهم Open your books \ Close your books مثليها بإدينك ...
5- ارسمي لهم صور مبسطة على السبورة للكلمات المهمة اللي تحسين انهم ما افهموها ولا معك لها فلاش كاردز ... واسلوب الـ Stick Man جدا مفيد وسهل .. وعندك مثال ...
http://bp2.blogger.com/_eM4IXc5KQkE/Rwp6hr1Q7mI/AAAAAAAAA7o/7zpfCFlmHxs/s320/stick-figures-humor-2.jpg
وبرضوه هنا موضوع لمشرفنا الحربي ممكن يفيدك بعنوان :
10 طرق لكيفيةاستخدام السبورة !!! http://www.saudienglish.net/vb/showthread.php?t=32979&highlight=%DA%C8%C7%D1%C7%CA+%C7%CB%E4%C7%C1+%C7%E 1%CF%D1%D3
6- لاتستخدمين اسلوب الصراخ مع الطالبات ... اذا شفتي ازعاج او تشتت نبهيهم بصوت واثق انهم لازم ينتبهون للدرس ... كلمه ورد غطاها لاتجادلين كثير ... وبرضوه انتبهي لشرحك يمكن اسلوبك خلاهم يتمللون ... خليكي مبدعه اثناء الشرح ولازم يكون صوتك مناسب ...
7- اذا بتستخدمين وسيلة للشرح ... لازم تستخدمينها بفعالية تخدم درسك ... مو تكون الوسيله عبء عليكِ ...
8- قسمي درسك من ناحية الوقت تقسيم مناسب ... انا افضل اقسم وقتي على 40 دقيقة لانه لابد يضيع شوية وقت في انتظار المعلمة اللي قبلي او في تطليع الكتب او غيره ... خلي اقل وقت لشرح الواجب والقسم الاكبر لشرح محتوى الدرس والتمهيد وقته حدديه على حسب الدرس ... بعض الدروس ماتحتاج تمهيد واجد ... وبعضها (مثل اول درس في الوحدة) تحتاج تمهيد اكثر ...
9- نوعي العبارات اللي تستخدمينها اثناء الدرس وبتحصلين في هذا الموضوع لمشرفتنا حمامة (الله يرحمها ويغفرلها) عدد من العبارات المهمةhttp://www.saudienglish.net/vb/showthread.php?t=28066&highlight=%DA%C8%C7%D1%C7%CA+%C7%CB%E4%C7%C1+%C7%E 1%CF%D1%D3
10- واخيراً ... اذا انتهى الدرس وباقي وقت لاتضيعينه بتصحيح ولا سكوت ولا يابنات سولفو بصوت هادي ... لا المفروض ان دقايق الحصة كلها من حق الطالبة تشرحين وتعيدين شرح النقاط المهمة او تحلين جزء بسيط من الواجب كمثال وليس كله ...
اتمنى اني افدتك ... الله يوفقك عزيزتي ...

[ORCHIDA]

زوري منتدى (( دورات اعداد معلمين و معلمات الانجليزي الجدد ))

و راح تلاقين اللي تبغين


بالتوفيق ان شاء الله

[همس المشاعر4]

بارك الله فيك وجزاك الله كل خير

[شدا]

الموضوع بسيط جدا
ترين لا تعطينه اكثر من حجمه تأكدي ان ماعند الطالبات سالفة وانك افضل منهم بكثير اذا استطعتي ان تقنعي نفسك بانك تملكين الكثير فانتي سيدة الصف بلا منازع
فقط سولفي قد ماتقدرين ولا تشدين فيكرهونك المهم عادي وتصرفي بعفوية