ساااااااااااااااااعدوني الله يخليكم محتاجه لكم مررررره

[snowwhite]

السلام عليكم ورحمة الله وبركاته

اعزائي اعضاء منتدي سعودي انجلش .....



ارجوكم ساعدوني لاني محتاره مررررره

لانو حضرت لي الوكيله حصه عند الصف السادس

كان عن يس ونو كوستشينز ....

المهم
اني سويت مقدمه للبنات
سالتهم عن الدرس الماضي

ثم مهدت لهم الدرس
بديت اسال
هل هذه سبوره
هل هذا قلم
ووووو

والبنات يتفاعلون معي
ثم كتبت اسئله على السبوره
والبنات يجاوبون شفهي

ثم

فتحنا الكتاب وقرءت لهم وقرؤ البنات معي ..
ثم جعلت كل طالبه تقرء..
ثم اخذنا نفس الدرس بس بدال يس نو
يعني
هل هذه سبوره؟؟
لا, هذه مسطره

يعنى جنعت درسين بحصه وحده

وباخر الحصه طبقنا الدرسين بطريقه عرض صور و لوحات صغيره تقوم الطالبه بوضع الصوره في مكانها المناسب لها مع السؤال ...

البنات كانو متافعلين معي بشكل ممتاز الا كم طالبه ....

المهم

من بكرا استدعتني الوكيله وكانت غاضبه جداااااااااا

تقول ليه فتحتو الكتب بالحصه
وليه التطبيق كان باخر الحصه
وليه جمعتي درسن بحصه وحده ؟؟؟<<ممكن اتقبل ها الانتقاد
وليه تطلعين وفيه عدد من الطالبات مافهموا ؟؟؟؟؟
وليه ما سويتي قروبات للبنات <<مع انو دايما اسوي بس ماسويتها ها المره !!!
وكانت مرره مستاءه من شرحي ..!!!

انا انصدمت هذي ثالث مره تحضر لي بس ها المره كانتن تنتقد بشكل غير طبيعي

انا انصدمت من انتقدها
لانو موجاهتي دائما يمدحون طريقه شرحي !!! ويرفعون معنوياتي

بصراحه فقدت ثقتي بنفسي

هل انا غلطانه هل انتقداه صحيح وخاصه بشان فتح الكتب ؟؟

انا ادرس بمدرسه اهليه واغلب البنات مستواهم مرره حلو

ساعدوني اللله يخليكم
هل ارجع واناقشها

لاني ما نقشتها يوم تنتقدني من الصدمه اللي انصدمت من انتقدها الشديد لي...
بس هي اصلا زعلانه لان غايبه يومين <<طيب شاسوي ولدي مصخن :smile (97):

اتهمنتني بالاهمال والتقصير
وتوعدتني بتكثيف الحضور للحصص <<حسيت اني بزر:smile (92)::smile (92):


والحين لاتتركوني احتاجكم مرررره ضايقن صدري

[Reena]

اختي سنووايت

لا تزعلين نفسك من نقدهاو تهجمها

((امشي عدل يحتار عدوك فيك))

سوي اللي عليك و اعطي باخلاص

و ارمي بكلامها ورا ظهرك

كأنك ما سمعتي شي

و خليها تحضر و الا ما تحضر لا تسوين شي

و لا تغير من ثقتك بنفسك

و اعتبريها هي الخطأ و انتي الصح

و طريقتك بالشرح رووعة و تقديمك رااائع

و اهتمي بالضعيفات لو بحصة احتياط

و حاولي تحسني من من مستوياتهم مو عشان احد عشان الأجر من الله فقط

و راعي ربك و حده و لا تراعين غيره

و الى الأمام

[دانـا]

snowwhite

زي ماقالت رينا

ماشاء الله
طريقة حلوه ومتسلسه
مافيه الى غلطه وحده انك اعطيتي درسين بحصه
ومنهج سادس سهل وممكن دمج الدروس المتشابهه فيه .. لا تسوي لك فيها قصه
حنا نشرح دروس الثانوي من قطع واشياء مطوله بحصه .. وهم اقل استيعاب من الابتدائي اسم الله عليهم

بس هم يزعلون عشان اشياء تافهه او مواقف شخصيه تلاقينك داقتها بسالفه وانتي مب داريه ... فصارت تدقق لك
و اتوقع انها مب سعوديه


كل اللي عليك تسوينه المرات الجايه
تحيرينها على قول رينا لاتمسك ولا غلطه من ناحية الحضور والخروج بالوقت
اما الاهتمام بالطالبات ومستواهم فهذا هو الشي الجيد اللي ان شاء الله اجرك عظيم في المثابره عليه

بالنسبه لفتح الكتاب
لازم يفتح الكتاب مع الطالبات لقراءة الدرس في النهايه


وفقك الله و سدد خطاك لما يحب ويرضى

[مـسـكـ]

كان ودي تسألينها سؤال واحد

إنتي عارفه أصلا وش معنى yes أو No

والله إذا الوكيله عندها خلفيه تامه بالمادة فما أعتقد إنها كانت راح تمطرك بهذا النقد كله

لكن هذا قصور في فهمها و طريقة عطاء المادة

في مدرستي السابقه تعرضت لنفس الموقف بس بطريقه مضحكة كانت الوكيله إلا تبي توصل لي إن know تنطق بحرف الكي وكيف يا أبله فلانه معلمه بخبرتك تسهى وتنسى < شر البلية ما يضحك
أقسم بالله ابتسمت بكل أدب قلت لها إسلمي أجل كي ؟ إسألي ولدك اللي بثاني متوسط شلون تنطق . ثاني يوم جايتني أوه آسفه أنا خلطت بينها وبين كلمه ثانيه .

إنتي مثل ما تفضلوا الأخوات قبلي سوي اللي عليك و فكري بنفسك إن هذا إبتلاء

وإن إستمرت المهزلة فيما بعد وتكررت عندك مديرة ممكن تلجئي لها وإذا ما نفعتك إطلبي المشورة من مشرفاتك اللي مدحوك .

أما إذا كانت والله وكيلتكم تفهم وتفقه باللغه وتدريسها الشيء الكثير فإنتي ممكن توضحين بكل ذوق إن رأي مشرفاتك غير وإنك بكل الأحوال تراقبين الله في حضورها وغيابها

[snowwhite]

رينا
دانا
ومسك

لله يجزاكم خير جميعا

اليوم سالت مشرفتي


قالت اذا حضرت لك المره الجايه سوي نفس الخطوات واذا ما اعجبها افتحي لها كتاب المعلمه وقولى هذا اللي موجود بالكتاب..

..

الصراحه ارتحت نفسيا
ماقصرتو جزاكم الله خير الجزاء

[najem21]

أستاذتي القديرة snowwhite
الله يعطيك العافية
حسب ما فهمت أنك لم تقصري ولكن السبب قد يكون لأنك ذكرت لهم أنك جعلت الدرسين في درس واحد وأخبرتيهم عن كل شيء وهذا هو خطأك. المفروض أن لا تبيني ذلك لأنها ستسجل ضدك أو أن الطالبات هن الذين أخبرنها
عموماً أنت لم تخطئين والله يعطيك العافية وأي نقد جارح لا تنظرين له بل انظري إلى النقد الهادف والنصيحة

[snowwhite]

الله يجزاكم خير جميعا

ابشركم حليت المشكله

وهو

لما جت الموجهه سالتها عن الانتقادات التى وجهت لي قلت هل ما فعلت غلط اخبرتها بكل شئ
قالت
لا
ماقصرتي

بالعكس انتي متكمنه من الماده وسمارت في تقديم الدرس....

المهم طلبت منها ان تخبر الوكيله ان الاشياء اللي نبهتني عليها من فتح كتاب وخلافه انها اشياء ما تاثر

وخليتهم يتاوجهون !!!!!!!!


هنا الوكيله بلمت ووقفت مشدوهه ...وقالت للموجهه خلاص ابشري

ولما طلعت الموجهه
رحت تفاهمت معاها


قالت انا سكتتها بس
لكن انا ادري بمصلحة البنات واللي اقوله يمشي
مو اول مره احضر للمعلمات


هنا انا ضحكت قلت بنفسي يعنى الموجهه طرطوره ماعمرها حضرت لاحد!!!!وانتي اللي ماتعرفين نجليزي تعرفين ...<<عجيب والله


بصراحه الوكيله افقدتني ثقتي بنفسي من كثر انتقاداتها السلبيه الظالمه الله يسامحها ويهديها