اختصاصيون يطالبون بتأخير الدوام المدرسي الصباحي !!

[مــلك الحرف]

بعد أن أكدت الدراسات أن الطلاب السعوديين الأقل نوما في العالم

اختصاصيون يطالبون بتأخير الدوام المدرسي الصباحي لتأثيره على التحصيل العلمي

الدمام: نورة الهاجري

دعا اختصاصيون إلى تأخير بدء الدوام الصباحي في المدارس إلى ساعة أو ساعة ونصف، وتعويضها بوقت مماثل بعد الظهيرة، استناداً إلى دراسات علمية أعدها مجموعة من الباحثين في كلية الطب بجامعة الملك سعود، وتوصلت إلى أن الطلاب السعوديين هم الأقل نوماً في العالم، بسبب تبكير الدوام الصباحي وممارسة عادة التأخير في النوم ليلاً وتأثير العادة السلبي في التحصيل العلمي. وأظهرت الدراسة أن الأطفال المتفوقين ينامون ما بين 15و 30 دقيقة أكثر ليلياً من غير المتفوقين.
وطالب اختصاصيون تربويون وأطباء بمناقشة الاقتراح وتطبيقه على المدارس الابتدائية كمرحلة أولى

[Mr.X]

هههههههههههههه



الطلاب السعوديين الأقل نوما في العالم


مع احترامي لأبحاثهم اللي ما أدري وش اعتمدوا عليه هذا وهم طلاب طب ونسيوا ان الأنسان أكثر أنتاجية في الساعات الأولى من الصباح


.....فالسبب مو موعد الدوام....لأن اللي أعرفه ان آخرموعد لبداية الدراسة هوالساعة 9 صباحا لبعض الدول ....

أسباب قلة النوم هي :

# انعدام المسؤولية من الكثير من اولياء الأمور و تركه لأولاده وبناته بدون رقيب للساعات الأولى من الصباح .


# الأنظمة التافهة التي وضعته الوزارة للتعامل مع التأخر الصباحي والنوم داخل الفصل


# الأسلوب المتبع للوزارة مع الطلاب وقانون ((( أحضر تنجح ))) ونظام التجاوز الذي بأمكانه أن يوصل الطالب للثالث ثانوي بدون ان يعرف حروف اللغة الانجليزية .....لذلك الطالب اصبحت الدراسة بالنسبة له روتين لا أكثر وفي الأخير يعرف انه راح ينجح

المفروض أن يغير اسم هذه الدراسة الى :


وزارة التربية والتعليم في السعودية الأكثر نوماً في العالم



تسلم لي ابو حرب


Mr.X

[مــلك الحرف]

Mr.X

مشكووووور اخوي

الله يعطيك العافيه

ما قصرت مرووور رائع وتعليق اروع

[معلمه كويتيه]

نام بكير و اصحى بكير ..


دراسه غريبه مع احترامي للي سواها .. :smile (73):

وما تحل المشكله ... لان اللي ينام متاخر واهو ان واه قعده من الصبح .. راح يتأخر اكثر لما يعرف ان الدوام تاخر عشان حضرته يشبع نوم ..

:smile (68):

يقعد الطالب ما عليه شر ان شاء الله من الصبح و خل يرد بيته ينام الظهر مو لازم غدا


شكراً لكم

[الزهرة الخضراء]

دعا اختصاصيون امحق اختصاصيون ... اخاف هذولا من اختصاصيوا النوم على المكاتب ... مساكين يسهرون لوقت متأخر في الاستراحات وودهم لو الدوام يتأخر شوي عشان يشبعون نوم...

وبالنسبة لسالفة
الطلاب السعوديين هم الأقل نوماً في العالم، هذي سلمكم الله اللي يسمونها كذبة أبريل ... والله لو اننا مو خابرين المراهقين عندنا وش كثر ينامون ... على قولت مراهق سعودي ينام كل يوم مايقل عن 13 ساعه ... في يوم نام 15 ساعه لما سألوه قال الصراحه صحيت وحسيت اني تعبان من النوم قلت ارجع انام واريح شوي ...

والله اللي يبي الصحه والبركه يصحى بدري ... واحسن شيء لو انهم يخلون الدوام يبدأ بعد صلاة الفجر بنص ساعه ... يمديه الواحد يصلي ويفطر ويمشي لدوامه مصحصح ... ويرجع بعد صلاة الظهر طوالي ينام ويعين خير ...

انا ماقهرني الا هذا
وأظهرت الدراسة أن الأطفال المتفوقين ينامون ما بين 15و 30 دقيقة أكثر ليلياً من غير المتفوقينأبوك يالدقه ...

مشكور استاذنا الحربي ...

[مــلك الحرف]

معلمه كويتيه


نام بكير و اصحى بكير ..


هههههههههه

هذا ايام زمان ... الان كل شي تغير

نام متاخر وداوم متاخر ..


الف شكر اختي على المرووووور

الله لا يحرمنا منك ..

[مــلك الحرف]

الزهرة الخضراء



على قولت مراهق سعودي ينام كل يوم مايقل عن 13 ساعه ... في يوم نام 15 ساعه لما سألوه قال الصراحه صحيت وحسيت اني تعبان من النوم قلت ارجع انام واريح شوي ...


هههههههههه ,, حلوووووووة ,,

الله يسعد ايامك اختي

مشكوره اختي على المتابعة الدائمة ..

دعواتي لك بالتوفيق والصلاح

دمتي بحفظ الله ..

[Reena]

امحق اختصاصيون

انا ماقهرني الا هذا أبوك يالدقه ...

...

هههههههههههههههههههههه

مجننتهم الدقة

و دراسات و شي

اخاف يطلعون بدراسة تقول ان الطالب لازم يرتاح في هندول في الفصل اسهل لوصول المعلومات و المعلم يهز الهندول = المهد



مشكوووووووور الحربي على نقل الخبر

[Lancaster]

قال النبي صلى الله عليه وسلم: "بورك لأمتي في بكورها"

شكرا لصاحب الموضوع

وشكر خاص لمستر اكس على التعقيب الرااائع:smile (40):

والزهرة الخضراء:smile (33): أجل الدوام بعد صلاة الفجر هاه:smile (54):

اجل والناس اللي تضرب مشاوير متى يمديها تطلع:guy face (55):

انا معاهم فقط في حالة وحده

اذا هم يخلونا نداوم الساعه 8 ونطلع الساعة 11:smile (35)::smile (50):

[إْرٍجـوٍوٍآن]

تـــدرون فيه احصائيه قبل كم شهر يقولون ان الســـعوديه احتـــلت المرتبة الرابعه بين الدول في الدراســه مادري التدريس ....؟؟؟ لو تجون للحقيقه تقولون مو معقول لآآن مستوا الطلاب مادري وشلون مو زين ... بس في الحقيقه .. في النهــايه نسبه النجاح في المدارس ان ما صارت 99% فهي 100% .. فعشان كذا يقولون هذا الكلام .... وذلك بسبب نظام التجاوز والمراجعات وغيره الي تعطى للطلاب ومايحاسبون على الغياب اذا جاب عذر بخط والديه من البيت .. يعني كل هالامور اتشجع اطلاب على الاهمال ... بعدين وقت الحين مو زي وقت زمـان الحين الطلاب والطلابات يسهرون على التلفزيون وما ينامون غير متاخرين واحيانا يجون مواصلين .. يعني نام بكير ذي مهي موجوده زي اول ... فطـــبيعي ان الطالبه ماراح اتركز معك في الحصة لانها مهي شبعانه نووووم ....؟؟؟؟
الحاجة الثانيه ترا فعلا ... لو تتطلعون على المنـــاهج هنا بالسعوديه ؟؟ تراها دسسسسسسمة يعني الطفل الي بلاول ابتدائي يتعب كثيرررررر ومايرفهومنهم كثيرررر مو زي مدارس الثانيه في الدول الثانيه ... زي الانجـــليزي مثلا ؟؟؟ شوفوا وشلون دسم ثاني وثالث متـــوووسط فوق مستوا الطلاب .... وفي النهايه ينجحون الطلاب ولاطالبات وهم ورب البيت بعضهم مايعرفون يفرقون الحروف عن بعضهااا..... نظام الدوله نجح كل شيء لصالح الطلاب بس ياليت نهتم بالنــــوعيه أكثر من الكمية يعني نعطيهم الشي المفيد بدال مانحاول في نهايه الترم يالله اتلحقين على المنهج ندرسهم مو لاجل اللاختبارات بس انهم يتعلمون شيء مفيد في حياتهم ككل ....
مادري فهموتا على ولالا

Thanx

[نوف الشطورة]

يا ريت و الله يأخرون الدوام

و معاه يأخرون الطلعة

مع إن هذا ما بيكون له أي تأثير من قريب أو بعيد على مستوى الطلاب لإنه مو سبب البلادة و لا التناحة اللي فيهم

بس قبل ما يطبقونه يا ريت 1- يسنعوا مدارسهم و قصدي المباني المفتوحة ( علشان شمس الصيف القاتلة )

2- و يسنعوا بعد المكيفات اللى يا تجيب هوا حار أو ما تشتغل أو تطلع دخان لإنها بتحترق :smile (15):

قولوا لي الحمد لله ع السلامة لإن اليوم بالذات كانت المدرسة بتشب بسبب مكيف بس الله سلم:smile (71):

بعد أن أكدت الدراسات أن الطلاب السعوديين الأقل نوما في العالم
قال دراسات قال :smile (98):

[اشواق1]

دعا اختصاصيون إلى تأخير بدء الدوام الصباحي في المدارس

يكفي حديث الرسول عليه الصلاة والسلام( بورك لأمتي في بكورها )

يعطيك العافيه اخوي الحربي

[الامواج]

المشكلة ليست في البداية المبكرة بل في سهر الليالي

[fona_85]

مامنه فايده تأخير الدوام

لو يفيد كان فاد طلاب الجامعات والكليات

مشكور الحربي عالخبر

[Romanciah]

"بـــــــوركِ لإمتي في بكورهــا" نسوا ام غفلوا عن ذلك الحديث!!!


هذا أحنا نترك مادعت إليه السنة و بعد مدة نجد الغرب يكتشفوه , حينها نفيق من سباتنا و نقول دعى إليها الله و حبيبنا المصطفى!!


ثــم ان فعلوا ذلك,, أولئك الذين يؤخرون صلاة الفجر متى ستصبح الصلاة بعد هذا التأخير؟؟!! لا حول ولا قوة إلا بالله....


الحربي,,


سلمت يمينك أخي,,,,,,

[نجلا]

مشكوووووووور الحربي على نقل الخبر

[Miss Dream]

مع من أستـشـهـد بـقـول وبـبـركه دعـــــاء
الهادي الحـبـيـب
عليه وعلى آله وصحابته أكمل الصـلاه وأتم التسـلـيم

هـولـب المـشـكله وبـيـت الـقـصـيـــــد
في السـهـربـــلاطـائـل وبــــلاضـــابـط أورادع أومـانع !

سـلـمت بارك الله فيك
ومشكورين الإخوه على حلوالتفاعل وبديع التعليق
بـارك الله فيكم ولكم

أشــــــكـــــركــم

[قلوب الشهد]

بارك الله فيك
ومثل ما قالو ( حجة الكسلان مسح الصبوره )

قاعدين يدورون لهم حجج تشفع لهم تخبطهم و عشوائيتهم

الله يرحم حال الجميع

[the master]

اهاااااااااااااااااااااااا


هو هذا الي تسعى له وزارتنا الموقرة


مساوات المعلمين بموظفي الدوله الدوام راح يكون الساعة ثمانية والانصراف الساعة اثنين ونصف

والحجه ان الطلاب ما ينامون كفاية... طيب خليهم ينامو بدري... ويعني يا اذكياء اذا اخرنا الدوام الطالب راح يشبع نوم.... والله راح يتأخر ثلاث ساعات في النوم بقولته بدري الدوام الساعة ثمانية

اقول الله يخلف على وزارتنا والتعليم اذا هذي افكار اختصاصيين بالتعليم العالي .. اقول ليه العبيد ما يشور على العنقري يسوي دورات تدريبية لدكاترة الجامعات لتحسين تفكيرهم ودراسة الامور منطقيا


الحربي ... شكرا لك

[ام بسمه]

انا مع الي قالوا نام بكير واصحى بكير

وبعدين ما راح يتغير الوضع حتى لو تأخر الدوام لأنهم راح يطولوا السهر شوي

[زهرة وفى]

من جد اصحاب العقول في نعمه

مشكور اخوي الحربي

[مرقة كااافيااار]

ما ادري مين يربي مين

احنا نربيهم ولا هم يربونا..؟

واذا دلعنا الطالب بنومه للضحى العود هقوتك بيفلح؟؟؟؟؟