عاجل جداا في نظام المدرسي

[نت زعيم]

هل في نظام ينص على انه كل بين حصة 5 دقائق راحه

من الاولى حتى السابعة

لان في مدرسة طبقنها

ارجو منكم المناقشة

[عاشقة المدرسة]

للاسف لا لوانهم يطبقونه لطبقوه في مدرستنا بس لا
مع الشكر

[نسرررررين]

اعتقد انه في مدارس الاولاد فقط مطبق اما مدارس البنات لا

[lavendergm]

مااظن انه مطبق ولا كان دفتر التاخير عن الحصص حق مدرستنا ماامتلى

[Mr.X]

ايه نعم أظن ذلك ..في مدارس البنين موجود هذا النظام



وتطبيقه من عدمه بيد الادارة

[الزهرة الخضراء]

اذكر تم تطبيقة في فترة ماضية في مدرستنا ... بس مع الأيام الغته المديرة ورأت عدم جدواه لعدة اسباب:

1- كثير من المعلمات تستغل هذه الدقائق الخمس لزيادة وقت حصتها وتحرم الطالبات منها.
2- يحصل ازعاج اثناء هذه الخمس دقائق في كل الفصول.
3- تأخر الخروج من المدرسة وذلك بسبب زيادة الدوام ربع ساعة.

[معلمه كويتيه]

لا يا جماعه ..


قولوو كلام غير هذا !!

:smile (24):


من صجكم و لا غشمره !! مافي خمس دقايق بين الحصص عندكم ؟

و مطبق في بعض مدارس البنين فقط !


ايه ده ؟؟ :smile (92): اول مره ادري .. انا كنت متخيله ان هذا شي تلقائي و اساسي في كل المدارس !

عندن بالكويت مطبق و بشكل تلقائي و طبعا بكل المدارس

شلون المعلم او المعلمه ينتقلون من صف للثاني ؟ مو معقول ما يكون بالجدول عند المعلم حصتين ورا بعض !!

و مو معقول ينتقل من صف لصف بدون ما يكون بينهم فاصل ..


اذا الموضوع موضوع فوضى ... ففي مدارسنا يكون مشرف الجناح واقف بالممر يتأكد ان كل الفصول فيها معلميها .. و المعلم اللي ما عنده حصة وراها ينتظر عند الصف الى ان يصل زميله و يستلم منه الصف .. يعني مو مأساه مثل ما انتم مصورين الموضوع !


الزهرة الخضراء

1- كثير من المعلمات تستغل هذه الدقائق الخمس لزيادة وقت حصتها وتحرم الطالبات منها.<<<< تحرم الطالبه من شنو ؟ اهي اعتقد للمعلم علشان يمديه ينتقل من فصل للثاني ..
2- يحصل ازعاج اثناء هذه الخمس دقائق في كل الفصول.<<< سهله .. مشرف الجناح و الالتزام بالقانون و عقاب الفصل المزعج
3- تأخر الخروج من المدرسة وذلك بسبب زيادة الدوام ربع ساعة. <<< ربع ساعه مو دهر ! شدعوه هالحرص على الوقت .. ربع ساعه و لا اني انتاخر على حصتي كل يوم ..





غريب !! يا جماعه للسفر سبع فوايد ؟؟ و لدخول المنتديات الاف الفوايد !

ومنكم نستفيد .. :smile (84):
ينقل عن اذنكم لمنتداي للاطلاع على اوضاع التعليم بالخليج !

[the rock2008]

هذا النظام موجود ومطبق ولكن حسب منسوبي المدرسة فهم لا يركزون عليه ولا يتم ملاحظته

[الزهرة الخضراء]

الزهرة الخضراء

1- كثير من المعلمات تستغل هذه الدقائق الخمس لزيادة وقت حصتها وتحرم الطالبات منها.<<<< تحرم الطالبه من شنو ؟ اهي اعتقد للمعلم علشان يمديه ينتقل من فصل للثاني ..
2- يحصل ازعاج اثناء هذه الخمس دقائق في كل الفصول.<<< سهله .. مشرف الجناح و الالتزام بالقانون و عقاب الفصل المزعج
3- تأخر الخروج من المدرسة وذلك بسبب زيادة الدوام ربع ساعة. <<< ربع ساعه مو دهر ! شدعوه هالحرص على الوقت .. ربع ساعه و لا اني انتاخر على حصتي كل يوم ..


اختي معلمة كويتية ...
انتقالنا من فصل لفصل يستحيل ياخذ خمس دقايق رغم اني في مبنى من دورين ... ومو هذا المهم هنا ... انا رجعت ارد مره ثانية عشان اقولك انه في منطقتي لايوجد شيء اسمه مشرفة جناح ... توجد وكيلة ومساعدة ... وفي مدرستي لا نراهن قرب الفصول الا ماندر ... ولو ماتكون المعلمة عند باب الفصل وقت ماتطلع المعلمة كان تصير المدرسة فوضى ... طبعاً بعض المدارس تطبق هذا النظام ... وهذا راجع للإدارة ... ولا تنسي عزيزتي اننا في دولة ضخمة وعدد المدارس فيها مهول ... وتوجد مدارس نموذجية لديها الاستعداد والقدرة على تطبيق انظمة فعّالة ... لكن ليس جميع المدارس ...
ثم الا تلاحظين انك ضخمتي اهمية هذه الخمس دقائق !!! ^_^

[fofo11]

بالعكس عندي بالمدرسة زميلاتي المعلمات يطبقوه عادي بعد خمس دقائق يدخلوا الحصة بس انا ماطبقته بالرغم من ان حصصي تكون ورا بعض .........
بعد ماتنتهي حصتي اسيبهم يسووون اللي يبغوه بس بدون ازعاج وانا عندهم والطالبات ينبسطوا بكذا.........

[معلمه كويتيه]

عزيزتي يمكن كبرت الموضوع لان ما اتخيل متى اطلع من الصف الاول و اروح اشيل اغراض الصف الثاني ووسائله ... يمكن النظام عندكم غير ولا شنو ؟ يعني انتم اتدرسون اكثر من مرحله و لا لأ ؟؟


لان انا مثلا ادرس هالسنه الصف الثاني و الثالث .. فطبعا لما اطلع من الصف الثاني و بعده على طول الصف الثالث .. لازم اروح لغرفتي و اخذ وسائل الصف الثالث و كتبي .. الخ !
بدون الـ 5 دقايق شلون ؟
والطلبه و الطالبات ... ما يتكسر ظهرهم من القعده على هالكرسي ؟؟ يحتاجون خاصة الصغار للتغيير شوي .. شرب ماي .. الذهاب لدورة المياه !


اما مشرفة الجناح فهي معلمه حالها حال باقي المعلمات يكون نصابها اقل اذا امكن و مهمتها تشرف على الممر و تتأكد ان كل صف وصلت له معلمته ... و تكون بالمقابل معفيه من المناوبة بالفرص و حصص الاحتياط ..



انتم على هذا النظام ما يكون عندكم حصص ورا بعض ؟ ولا شلون ..؟ شرحو لي شوي :)



وسوري اذا فاجأتكم بردة فعلي .. بس صج غريب بالنسبة لي :) ما ينفع عندنا ابدا ..

[teacher_sh]

انا مع الاخت معلمه كويتيه الخمس دقائق ضروريه جداً عشان الواحد ياخذ نفس ويريح ويغير وسائل خصوصاً لو عندك حصه في الدور الثالث وحصه في الارضي وبعدين البنات المساكين اللي مرزوعين على الكراسي فترات طويله والله الرحمه حلوووه وما فيها شي يخلون زمن الحصه 40 دقيقه فيها الخير والبركه .