حقوق المعلمة المنتدبة

[N H T]

السلام عليكم ورحمة الله وبركاتة
ياأهل الخبرة عندي إستفسار عن إنتداب معلمة الإنجليزي ...... ماهي حقوقها وصلاحياتها في مدرستها الأساسية وفي مدرستها المنتدبة ... من حيث عدد الحصص والأنشطة المدرسية والإذاعة وتدريس مواد أخرى ... وجزاكم الله خير ;) ;) ا...ا

[sweet girl]

يليتنا نعرف او احد :mad: يتنزل ويفهمنا وش لي لنا وش لي علينا

[زهرة وفى]

حبيباتي انا تو جديده بس ممكن افيدكم

اذا انت في مدرسه اساسيه وتدرسين بانتداب مدرسه اخرى اسمعي

اكيد الاساسيه لازم تاخذين مثلا ريادة الفصل والنشاط الاذاعي والنشاط المدرسي

وتروحي بس للمدرسه المنتدبه فقط تدرسي وتعطي حصص انجليزيه فقط وغير مكلفه بالاشياء اللي فوووووووق
عدد الحصص يكون على حسب اذا تدرسي ابتدائي فقط حصتين اكيد في المتوسط بتكلفي وتاخذي حصص على حسب الحاجه الفصول

وش تبووون بعد احنا تحت امركم وياهلا بكم اعضا ومعلمات جدد في ممنتداكم[/font]

[سارونه]

وعليكم السلام ورحمة الله

زهرة وفى

ماقصرت اعطت اهم نقطه واهم شي في الانتداب ....

يعني في المدرسه المنتدبه اليها ماعليك الا الشرح انجليش بس

لا مناوبه ولا رياده ولا اي نشاط >> ياكثر المدارس اللي تستغل هالشي ..


عندي نقطه ابي أتأكد منهااا


المعلمه المنتدبه السنه الماضيه لها انتداب السنه الحاليه ولا لا ؟؟

وانا سمعت انه في شي جديد اسمه تكليف مو انتداب ... >>> وش قصته ..؟


وعذراً N H T تدخلت في موضوعك ...

[Saudi]

السلام عليكم

انا اتمنى يكون كلامكم صحيح ولاكن انا حضرت دورة لمعلمي الانجليزي للصف السادس الابتدائى وسمعت المحاضر يقولنا انه المدير عنده الحق يكلفك باي شيء

فاذا تفضلتم نريد القانون الفعلى هل يدعم ان يكلف المعلم المكمل في مدرسة اخرى بنشاط غير الحصص او لا يكلف
وشكرا

[ابله منى]

مرحبا ..
الانتداب يعتمد على المديرة و الموجهة و طريقة تفكيرهم .. مثلاً مديرة تروحي لها تقول لك اجلسي لاخر الدوام زيك زي مدرساتي الثابتات .. و مديرة تحترم نفسها تقول لك الحق بالخروج بعد انتهاء حصصك في حال حضورك للدوام قبل الخط و العكس ..
طبعاً مدرسة الندب مالهم حق يحضرون لك حصص او يكلفونك باي شغل ثاني .. بس حصصك و خلصنا طبعاً بالذمة تشتغلين نفس الشغل بالمدرستين ..
اما مدرستك الاساسية اعتقد المفروض ما تمسكي ريادة فصل لانه يتطلب حضورك اليومي .. يعني يعطونك انشطة لكن انشطة ما تتطلب وجودك اليومي مثل الاذاعة و المناوبة .. و كلها امور سهلة لا تعقدونها .. دائماً تفائلو :)

بخصوص التكليف .. هذا مصطلح جديد اخترعوه لمعلمات الابتدائي نفسه نفس الندب اللهم يقدرون يودونك مدرسة ثالثه ولا تقدري تقولي اني منتدبة ماروح ندبين بنفس الوقت لانه ممنوع .. فقالوا خل نسمية تكليف هههه و هذا هو الامر :)

[الماجد1426]

بصراحه انا مدرس في ثلاث مدارس ومبسووووووووووووووط واخذ راحتي المدرسه الاساسيه ادرس فيها انجليزي ووطنيه ولاعندي لارياده ولاخرابيط واذا عطاني المدير رياده ارفض لانه من حقي مالهم عندي الا اني احضر الحصص واضرب الباب اما المدرستين الباقيه أحضر حصص الانجليزي واضرب الباب وانا بصراحه سالت المشرف قلت هل امسك حصص الانتظار فقال لي المكمل ماياخذ انتظار والمدير يقول لا وانا بصراحه ماصدقت خبر واخذت على كلام المشرف يعني بالعربي من شروط التكميل :

1- اقصى حد 18 حصه
2- لارياده ولانتظار ولا اي نشاط
3 - متى ماخلصت وقع واضرب الباب
4 -واذا الح عليك المدير باي نشاط قول له انا مابي ادرس عندك ابي اشوف مدرسه ثانيه والله غير يحب راسك ويقول خلاص مانبي منك رياده ولانشاط ولايحزنون

[it wasnt me]

كلامك كله يوجع الراس ويا ماجد انت كلامك...مستحيل بانلسبه للمعلمات...الله يديم عليك

انا بقولكم انا وش كنت اسوي العام
اولا ما في ندب اسمه تكملة نصاب يعني انتي ملعمه مثلهم تجلسين لااخر الدوام..وحاولت فيسه ما رضو طبعا على حسب المديره وتفهمها..ومافي احد يفهم

المدرسه الاولى تسوين كل شي ا الريداه لان يشترط وجودك اليوميو انت مو موجدوه
عليك نشاط اذا كان يوم النشاط انت متواجده فيه طبعا

------
اما الدمرسه الثانيه لك تشرحين وحصص احتياط على صف سادس فقط ولو انهم دخلوني غير سادس لكن لا تعليق
مالك نشاط ولا رياده ولا طلعه بدري تنطقين للاخر

طبعا ما تاخذين مواد غير الانجليزي في كلا المدرسيتين

طريقه التقييم كانو كلا المدرسيني يقيموني ويدخلون على وبلاخير قالولي الدميرات احنا اتفقنا ان ترم وحده تعطيك درجتك وترم المديره الثانيه طبعا بدون ما اعرف اي ترم لهذي وذيك..عشان ما كيون في تلاعب

واملوجهه جتني بكلا املدرسيتي وقومتني يعني هم وراك بكل حاله....وقالت لي الموجهه انهم بغيرون المدرسه التابعه لك هذي السنه يعني بتتغير المدراسه التباعه فقط ليست الاساسيه والي غيابها كثير بيتبعونها بمتوسط او ثانوي كنوع من العقاااب ....يالهووووي وانا ام الغياب صراحه لان ادلوام في اكثر من مددرسه لا يشعرك بلانتماء والارتياح وبدل ما تعاني من مدريه واحد يجيك 2 ولا احد يقدر..لكن انا بتصل بموجهتي بكره وبشوف السالفه وربي يسهل ويسخرلنا

[emmei]

مرحبا عزيزتي /

بالنسبه لما تفضلوا به الاخوات فهو صحيح

الا انني ساتحدث من واقع تجربه
انتدبت فيها مرتين من مدرستي الاساسيه الى مدارس اخرى
وطبعا كما هو متعارف عليه – خاصة مع المتعينات حديثا – او حتى من امضين اربع او خمس سنوات في التدريس فانهن ينتدبن الى مدارس – حسب الحاجه التعليميه – وعليك ماعلى المعلمه الاساسيه في المدرسه فتكلفي بالنشاط بالرياده بالاذاعه المدرسيه وما الى ذلك من النتائج وشغلات نهاية العام !

ورغم انني قرأت في خطاب الندب انه لايحق للمدرسه المنتدبه اليها تكليفي بالنشاط وريادة الفصل والمناوبه الا انه تم ذلك وعندما – عصبت واعمل وما اعمل! – قالوا انه هذا النظام الخاص فالندب وحسب الاحتياج فالمدارس فانتي تعملي كل المطلوب منك كمعلمه في المدرسه ........... وسلامتكم !!!!!!

التعليق خاص بي ولا يعني بالضروره ان يحدث معكن وبالمناسبه لم اكن معلمه للصف السادس

لكن ودي

ايمي

[moon499]

http://www5.0zz0.com/2007/12/07/20/61043092.gif http://img214.imageshack.us/img214/2927/e1pp7yy2fg41qd7.gif

[مـلاك]

انا منتدبة لمدرسة وكلهم بنفس المنبى خخخخخ

بس العام كنت منتدبة لمدرسة ثانوي والله ماامسكت لا ريادة ولا نشاط ولا إذاعة وحتى الحضور

على مزااجي متى ماجيت جيت ومتى ماخلصت حصتي طلعت >>>بعد تراي مو مدرسة اساسية والله >>طيب لاتعصبين خخخ

لكن اللحين الوضع مختلفه والله يعين وييسر

[نوارة جدة]

الموضوع يرجع لاهواء المشرفة والمديرة

[redness]

في مدرستي الأساسية يعطوني انتظار فيوصل نصابي في المدرستين 23 !

يحق لي أرفض حصص الانتظار ؟
واذا ايه ياليت فيه تعميم

الف شكر لكم الله يقويكم ويوفقكم -)

[أم فصوولي]

::

الحين سمحوا لمعلمات الثانوي والمتوسط ينقلون لمدارس ابتدائيه يعني تكون على ملاك الابتدائيه ..
بس النظام الجديد يقول انها تمسك كل عمل تكلفها فيه المديره :(
هذا النظام خبرتني فيه الموجهه قبل اقل من شهر , وتقول توه واصل هالتيرم ,,
يعني لما تكوني على ملاك مدرسه ابتدائيه يحق للمديره تمسكك مواد ثانيه مع الرياده والنشاط وكل شي مثل باقي المعلمات
بس لما تكوني منتدبه لمدرسه ثانيه , ما تمسكي شي غير الانجليزي ,,
بس بما ان الانجليزي دخل على رابع وخامس وسادس , فـ اتوقع ما راح يكون فيه ندب إلا في حدود ضيقه جدا
بمعنى ثاني , ماسكين مواد ثانيه غير الانجليزي , ورياده ونشاط , واذاعه ... الخ ,, ماسكين :(


::::

[نجمةوقمرين]

متى نخلص من الانتداب ونرتاح الله كريم

[gul]

جزاك الله كل خير وبارك الله فيك

[umloooly]

السلام عليكم ' انا ناقلة نقل داخلي من متوسط لابتدائي لكن لما جيت للمدرسة اللي نقلت لها تفاجأت ان فيه معلمة انجلش تانية
والموجهة قالت لازم وحدة منكم تندب متوسط وانا ما ابي المتوسط 'ايش رايكم ساعدوني
احس بضيقة صدر حتى المعلمة السابقة متضايقة مني تقول ليه طالبة مدرسة فيها معلمه كأني انا اللي اختار

[TRY]

السلام عليكم ورحمة الله وبركاته
تحياتي للجميع .....

انا مثل المعلمات اللي انتقلوا من مرحله ثانويه اللي ابتدائي وانصدمت بعدم الاحتياج لوجود معلمه قبلي

طلبت مني المديره امسك مواد اخرى لكن ولله الحمد جا الفرج من رب العالمين وتم ندبي ندب كلي لمدرسة اخرى .

المشكله هي كل سنه من مكان لمكان والتحضير والاستعداد ؟؟

هل يعقل ادرس ابتدائي واندب ثانوي فرق كبير بين المرحلتين بجميع النواحي

اتمنى ان يضعوا حل للندب وان لابد منه يكون كلي او نفس المرحله اللي تدرسينها بمدرستك

[okarina]

هل يوجد مديره تستطيع ان تنتدب مدرستين وتقوم فيها بأعمالها الاداريه كامله بكلتا المدرستين؟
وهل يوجد مشرفه تستطيع العمل بمركزين اداريين مثلا مركز شرق ومركز غرب؟؟
والا بس قاعدين يتفلسفون علينا؟؟
انا هدي السنه قررت اركب راسي زي مايقولون ومااروح انتداب
لان كنت اروح برغبتي ورضاي
بس هالسنه بكيفي وماني رايحه ---واشوف ياانا ياهم
كلام فاضي مديرتين زفت ومدرستين ازفت من بعض وطالبات ولااسوأ وقمه في قلة الادب ---وفوق هدا كله نشرح نتعب ومانقصر ونتضارب مع ازواجنا عشان نلحق يوم نداوم هنا ويوم هنا
وقرف هنا وقرف هناك

بس هالمره قررت وقراري اللي رح يمشي
من حقي ارفض الانتداب ومن حقي اروح للوزير واطلع كل الفضايح ونشوف
كفااااايه ظلم وقهرررر

[القثاامي]

الله يكون في العون سبحان الله قسم صعب وتدريسه أصعب

[ghassansm]

تدريس اللغة الإنجليزية لا غير..

ولا يحق لهم المطالبة بأي عمل إضافي لأن خطاب الندب واضح جدا ولا يحتاج أي توضيح..