وش راح تسوون في الحالة هذي

[sea breeze]

السلام عليكم و رحمة الله و بركاته



:smile (97):



إلى مشرفي منتدى الصف الثالث متوسط و الأعضاء الكرام


:smile (87):


راح أذكر لكم مشكلتي و أتمنى تفيدوني بخصوصها و إن شاء الله إنكم قدها و قدود

أنا أدرس الصف الثالث متوسط و الثاني ثانوي و بحكم إني جيت عندهم متأخرة شهر و نصف حاولت أنهي المنهج بسرعة

و ما كان في وقت إني أعطيهم تعبير أو محادثة يعني الحق عليهم مو علي هذا غير إن مستواهم ضعيف جداً جداً

عشان كذا أعطيتهم الأشياء المهمة و السهلة و المشكلة إنهم بالدف فلحوا فيها فما بالكم باللي أصعب منها

و لكن ؟؟ :smile (30): ؟؟ >> طلبت مني الإدارة أسوي سبع نماذج للمرحلة الواحدة و ما أدري ليش كل هذا العدد

لأني أشوف إن ثلاث تكفي و أنتهيت من تصوير الأسئلة و ختمنا عليها لكن راعيت فيها مستوى الطالبات السيء اللي صدمني في البداية

لأن تأسيسهم كان خاطيء و ألغيت التعبير و المحادثة من الأسئلة و حطيت بدلها أسئلة أسهل منها مراعاة لهم

لأني لو أعطيتهم راح يتركونها فاضية لكن زميلتي في نفس المدرسة قالت لي لازم أطبق المحتوى المكون من محادثة

و تعبير ... إلخ في نموذج الأسئلة لأن فيه لجنة من مكتب الإشراف راح تشوف وضع الأسئلة لكن

في نفس الوقت قالت لي معلمة أخرى من مدرسة مختلفة في منطقة بعيدة إنها تحط الأسئلة على كيفها و ما تحط تعبير و محادثة أبداً

و حتى المشرفات ما يجون عندهم يشرفون على أسئلة الإختبار و بصراحة شكيت في مصداقية الموضوع لكن يمكن يحاسبوني

إذا ما أستوفيت توزيع الدرجات >> أخلصي علينا هع :small (42):

و الآن أنا محتارة في وضع الأسئلة لأن توني جديدة و ما عندي خبرة كافية..

أعتذر عن الإطالة و لكن حبيت أشرح لكم الوضع اللي مريت فيه لعلي أجد لديكم الحل.. انصحوني إش أسوي ساعدوني الله يكتب لكم الأجر و يجزيكم خيرا

:guy face (57):

[ليــنا]

لازم تعبير و محادثة...
اما السبع نماذج ليش؟؟؟؟؟؟؟
اللي نعرف انه دور اول و دور ثاني و شامل( كامل المقرر)
وسعي صدرك ماعليك منهم..
و الباقي و الله ما يشوفونها...
ليه الراسبات يختبرون كل يوم وحدة والا ايش....

[أمـ غريب ـري]

هو خمس نماذج دور اول وبديل - دور ثاني وبديل - والشامل بس

اما بالنسبه للمحادثه والتعبير لابد من وضعها اختي

[Adidas]

الله يكون بعونك ...........

[البـارع]

آتي من أمرك ما استطعتي, وما عليكي من أحد ... لو جات لك مسائلة , فببساطة تشرحين لهم ظروف تأخرك عن بداية الفصل ...لأن صعب تعطين الطالبات شي ما ركزوا عليه.

[sea breeze]

لازم تعبير و محادثة...
اما السبع نماذج ليش؟؟؟؟؟؟؟
اللي نعرف انه دور اول و دور ثاني و شامل( كامل المقرر)
وسعي صدرك ماعليك منهم..
و الباقي و الله ما يشوفونها...
ليه الراسبات يختبرون كل يوم وحدة والا ايش....

إيه و الله صادقة أختي لأن سبع نماذج ما أقدر عليها بصراحة

و الله يعينني على الشغل الجامد

مشكورة على إفادتكِ

[sea breeze]

هو خمس نماذج دور اول وبديل - دور ثاني وبديل - والشامل بس

اما بالنسبه للمحادثه والتعبير لابد من وضعها اختي

مشكورة على التوضيح أختي الكريمة و خمس نماذج و تخب عليهم

[sea breeze]

الله يكون بعونك ...........

شكراً على دعوتكِ الطيبة أختي

[sea breeze]

آتي من أمرك ما استطعتي, وما عليكي من أحد ... لو جات لك مسائلة , فببساطة تشرحين لهم ظروف تأخرك عن بداية الفصل ...لأن صعب تعطين الطالبات شي ما ركزوا عليه.

المشكلة إني حطيت الأسئلة و راح أصورها يوم السبت و ما عندي وقت أعدل فيها عشان خاطر الطالبات لأنهم بصراحة ما يستاهلون.. أنا أتعب و هم و لا عندهم

و لكن أمري لله راح أعطيهم تعابير و محادثات عشان يذاكرونها و أفتك

شكراً جزيلاً على المساعدة

[sea breeze]

أسأل الله أن يجزي من ساعدني خيرا و يغفر له

[Marshmallows]

السلام عليكم...
سبع نماذج ليش يالغاليه؟؟؟ النصف الاول حطينا نموذج الدور الاول والدور الثاني
النصف الثاني: الدور الاول والدور الثاني والفصلين.....وش بقى بعد؟؟؟ بس 3 نماذج وانتهينا ليش يطالبونك بسبعه؟؟
بالنسبة للتعبير والمحادثه لازم تمشين عالتعميم اللي فيه توزيع الدرجات والاسئلة لانو في 4 درجات عالتعبير و4 عالمحادثه...تقدرين تسوينها لهم بطريقة سهله ومبسطه وانتي وشطارتك عاد..ودربيهم عليها بالمراجعه..................وبس حبيبتي هونيها وتهون
دمت لنا لاعدمناك

[مطر من ورد]

صحيح التعبير عطيهم أثنين وسهلين وقصار والمحادثه بعد قصيره .. الفراغ يكون كلمه ناقصه بس...
والله يهونها عليك ...
أنا حطيت أختبارين وأحس بموت منها..
بس ما طلبوا منا خمس نماذج ..

[نهاف]

السلام عليكم ورحمة الله وبركاته

أختي الظاهرمن كلامك انك تعملين في مدرسة أهلية والله أعلم
لأن زوجة اخوي صار تدرس في مدرسة اهلية وصار لها نفس كلامك


أما للمدارس الحكومية راس مالها نوذجين إلى ثلاث ...

أما بالنسبة للتعبير والمحادثة ...
يا إنك تحطين تعبير واحد فقط بس يكون سهل وتحددين لهم تعبيرين بس والمحادثة الله يخلف عليها .... ( هذا الحل مناسب علشان كثرة النماذج)

أو إنك تحطين تعبير قصير وسهل و اذا ودك بمحادثة خليهاعلى تمارين القواعد الغير زمنية .. مثل قواعد النقل او قواعد الطلبات وتكون على شكل فقرتين فقط علشان النماذج كثيرة شوية وتخليهنا على المنوال هذا


شكرا
هذي وجهة نظري

[Emmy]

كلامي نفس كلام مطر من ورد عندك اسبوعين وحاولي تلحقين عمرك
أما سااااااااااالفة النماذج فكثري منها 5وخااااااااااابت عليهم وطالباتنا اللي يجيبون العله كل يوم وحن نبكي منهم.....أعاني منهم الله يعين بس ويصبرنا واياااااااااك ياقلبي
اختك:ايمي

[sea breeze]

السلام عليكم...
سبع نماذج ليش يالغاليه؟؟؟ النصف الاول حطينا نموذج الدور الاول والدور الثاني
النصف الثاني: الدور الاول والدور الثاني والفصلين.....وش بقى بعد؟؟؟ بس 3 نماذج وانتهينا ليش يطالبونك بسبعه؟؟
بالنسبة للتعبير والمحادثه لازم تمشين عالتعميم اللي فيه توزيع الدرجات والاسئلة لانو في 4 درجات عالتعبير و4 عالمحادثه...تقدرين تسوينها لهم بطريقة سهله ومبسطه وانتي وشطارتك عاد..ودربيهم عليها بالمراجعه..................وبس حبيبتي هونيها وتهون
دمت لنا لاعدمناك

أنا سويت نموذج واحد و اللي هو الفصل الثاني الدور الأول و أنا الآن بصدد نموذج

الفصل الثاني الدور الثاني و بعدين أسوي للفصلين و إذا ما عجبهم بكيفهم

و بالنسبة اللتعبير و المحادثة أعطيتهم عشان يذاكرون منها و هي مرة قصيرة

و بسيطة و مع ذلك شايفينها صعبة و طويلة.. ما أقول إلا الله يخلف على الأجيال

الجاية وش بيسوون

و الله لا يحرمني من دعمكِ حبيبتي و الله يعيننا على المسئولية و التعب

[sea breeze]

صحيح التعبير عطيهم أثنين وسهلين وقصار والمحادثه بعد قصيره .. الفراغ يكون كلمه ناقصه بس...
والله يهونها عليك ...
أنا حطيت أختبارين وأحس بموت منها..
بس ما طلبوا منا خمس نماذج ..

مشكوووووورة يا الغالية ليتكِ شفتيهم لما شافو التعبيرين و المحادثتين

كأنهم ما درسوا المنهج و قالوا ليش يا أستاذة نبغى تعبير واحد و محادثة وحدة

لكني سحبت عليهم و قلت ذاكروها و لا بأزيدها عليكم.. بصراحة جيل مدلع

[sea breeze]

السلام عليكم ورحمة الله وبركاته

أختي الظاهرمن كلامك انك تعملين في مدرسة أهلية والله أعلم
لأن زوجة اخوي صار تدرس في مدرسة اهلية وصار لها نفس كلامك


أما للمدارس الحكومية راس مالها نوذجين إلى ثلاث ...

أما بالنسبة للتعبير والمحادثة ...
يا إنك تحطين تعبير واحد فقط بس يكون سهل وتحددين لهم تعبيرين بس والمحادثة الله يخلف عليها .... ( هذا الحل مناسب علشان كثرة النماذج)

أو إنك تحطين تعبير قصير وسهل و اذا ودك بمحادثة خليهاعلى تمارين القواعد الغير زمنية .. مثل قواعد النقل او قواعد الطلبات وتكون على شكل فقرتين فقط علشان النماذج كثيرة شوية وتخليهنا على المنوال هذا


شكرا
هذي وجهة نظري

لا أختي أنا أدرس في مدرسة حكومية و منطقة نائية لكن لكل منطقة قراراتها
الغبية و الله يرزقني تعيين أحسن من كذا و مشكورة على وجهة نظركِ
و عملت بكل اللي قلتيه و الله يقدرنا على هذا العمل و المشوار

[sea breeze]

كلامي نفس كلام مطر من ورد عندك اسبوعين وحاولي تلحقين عمرك
أما سااااااااااالفة النماذج فكثري منها 5وخااااااااااابت عليهم وطالباتنا اللي يجيبون العله كل يوم وحن نبكي منهم.....أعاني منهم الله يعين بس ويصبرنا واياااااااااك ياقلبي
اختك:ايمي

صادقة عزيزتي كلامكِ صحيح و الطالبات ما منهم إلا غثا و ليته يبان في عيونهم
الله يصبرنا و يساعدنا و يفرج همنا

[المتسامحه]

صراحة ريحتوني لانه ضايق صدري من مستوى بناتي وكنت احسب انهم الوحيدين وبكل الطرق اجيهم مافي فايده لكن في النهايه يقولون العيب في المعلم وليس الطالب الله يعيننا وبس

[نسرررررين]

الله يعينك ب انا اعرف انها 3 اختبارات وبس

[sea breeze]

المتسامحه

نسرررررين

الموضوع له أقل من سنة ولكن تفاجأت به بسبب الردود ولكن هذا مايمنع من الرد والمشاركة الوجدانية

أسأل الله أن يسهل جميع أمور المعلمين والمعلمات ويكفل لهم حقوقهم

أشكركم أخواتي على التفاعل