هموم معلمه متشرده

[توتوانا]

صباح الخير ياحلوين

بعض الاحيان يختبر القدر قوه تحملنا لصدمات الزمان ومواجعه

حبيت افضفض عن بعض هموم المعلمات وخصوصا معلمات اللغه الانجليزيه

انا بنوته كتب ليه رب العلمين يجي تعيني ف منطقه نائيه وعندهم عجز شديد في

معلمات اللغه الانجليزيه لانو مايتوفر عندهم كليه تدرس هاد التخصص فصارو يجيبو

معلمات من خاج المنطقه المهم كلو بلدنا ولازم نخدم الوطن ونستحمل تصدقو نسيت

عندهم اني انثى المنطقه من اروع مايكون كلاب قرود حمير وحشرات سامه هادا غير الضباب الي يحجب الرؤيه تماما اوقات الشتا ومدرستنا فوق جبل وكل يوم نص ساعه عشان نتسلق جبلنا العزيز ونص ساعه عشان ننزل منه هادا غير المشوار للبيت

ايوه نسي اقلكم ني مطلوب مني تدريس مجمع كاااااااااااااامل من ابتدائي الى ثانوي اكثر من 30 حصه ولا في احد يقدر من الاولى للسابعه واقفه وكمان مو عاجب واخر مصيبه طلعو بيها لازم نبقى بعد 21 سته طيب لو ماعندي رسوب والمعلمات الي معايا ف السكن كلهم نقلو الا توتوانا المنحوسه يعني معقوله اجلس لين 21 سبعه في السكن لوحدي عشان اروح اداوم في مدرسه فاضيه مافيها رسوب والمشكله المعلمات كلهم من نفس لمنطقه يعني يجو يوقعو ويمكن يشربو شاهي وقهوه ويمشو وانا الي ابقى شهر كامل وحدي يعني مافي تقدير للتعب والمسؤليه وظروف الغربه والحل كلو في يد مديرتنا الفاضله الي تحب تطبق النظام ولو على راس الغلابه مثلي

عموما سامحوني عى الاطاله ولو قلت كلام جارح كانت مجرد فضفضه

[the secret]

السلام عليكم ورحمة الله وبركاته

حبيبتي توتوانا


ضاقت فلما استحكمت حلقاتها فرجت وكنت أظنها لاتفرج

همسة في أذنك غاليتي..
لاتقفي مكتوفة الأيدي وتندبي حظك.. فلنرى موضوعك من الجانب المشرق..
*"لقد خلقنا الإنسان في كبد".. سنة الهية نرجو منها مضاعفة الأجر لاسيما وأنك في أشرف مهنةفي الوجود.
*لي صاحبة تقارب ظروفك إلا أنها حولت المحنة لمنحة بل وحملت هم الدعوة وبدأت بتحفيظ الطالبات للقرآن وعمل دروس توعوية وارشادية ولايخفى علينا الجهل الذي يخيم على المناطق النائية .. فالله الله باستغلال الفرص "لأن يهدي بك رجلا خير لك من حمر النعم".
*بإخلاص النية.. بتنظيم الوقت.. بالدعاء.. ستفتح لك أبواب الخير:smile (74):.
*اجعلي لك برنامجا ثقافيا ترفيهيا يرقى بك ويقطع عليك رتابة الأمر.
*ستكون لك تجربة وذكرى من أجمل الذكريااااااااااااااااااا ااااااااااات:smile (98):

[مهــا]

توتو أنتي ..


أسأل الله لك فرجاً عاجلاً ..

وكما قالت أختي سيكريت خذي الجانب المشرق ( وإن كان لايبدو ) لكن أظهريه أنتي واستغليه ..



بطريقة ودية في غرفة المديرة وليس بها إلا أنتي وهي .. كلميها عن معاناتك وبقاءك لوحدك في السكن .. فلعلها تتفهم ظروفك ..

لكن قبل أن تدخلي عليها ( إدعي الله أن يشرح صدرك وييسر لك أمرك )







دعواتي لك ...

[the master]

لا حول ولا قوة الا بالله العلي العظيم

الله يكون بعونك اختي


لكن هناك حل من ثلاثة

1 - راجعي مركز الاشراف واشرحي لهم حالتك وانك راح تكوني لوحدك وهذا صعب على بنت لوحدها في منطقة نائية.

2 - او تعزمين بعض قريباتك لقضاء شهر ولا اروع في المنطقة الي انتي فيها ..

3 - او اجازة مرضية لمدة شهر وداومي اخر يوم عشان تقطعي الاجازة ولا يحرموك من الراتب في الاجازة .

اسئل الله لك التوفيق والنجاح في مسسيرتك التعليمية

[zinnia]

اختي العزيزة توتوانا

والله حزنت وانقهرت عليك
الله يعينك يارب ويسهلك امرك
انا اضم صوتي لصوت الماستر 000 وفي الأول حاولي تكلمين مديرتك لعل الله يلين قلبها
او اختاري احد الحلول اللي ذكرها الماستر

الله يوفقك ويردك لاهلك سالمة

[مليت]

الله يعينك على همك ماجتك الايام بالرااحه

الحزن يسري وسط دمك والناس عايشه ومرتاحه

[مهــا]

ما أتفق ما حل الماستر إللي هو إجازة مرضية ... لإن فيها غش ... ومن ترك شيئاً لله عوضه الله بخير منه ..



وتذكري إن الله هو فارج الهم والكرب ..

[وردة البستان]

السلام عليكم ورحمه الله وبركاته..........
والله ياعزيزتي توتوانا انتي مثل همي وامثالنا كثيييييييير ولكن لاحياة لمن تنادي ولا حد مقدر ظروف المغتربات المفروض فيه بند يسمى مراعاة ظروف المغتربات في مثل هذي الظروف ..........
انا من الشرقيه وادرس انجلش بالمنطقه الجنوبيه والحين ماخذه اجازةة امومه وتكون نهايتها ب 21 سته !!!!! يعني لازم اجي اداوم الى 21 سبعه واقطع التذكره الي ب800 ريال واسلم اجار الشهر للشقه الي بسكن فبها وبترك اطفالي واروح المدرسه عشان اشرب شاي وقهوه وارجع والباقي من اهل المنطقه يجون يوقعون ويطلعوو!!!!!المشكله اني محتاجه راتب الشهر عشان كذا رايحه واقطع اجازتي والله اني متأزمه نفسيا جدا واطفالي يقولون ماما لاتروحين ولكن مالنا الا الدعاااااااء وربي يسهل امورنا :smile (97):

[ازهار الياسمين]

الله يعيناأحنا مدرسات الغة الأنجليزية حتى أنا اعاني ولكن يمكن أفضل من حالك بشويأعاني منالطالبات المشاكسات ومن النصاب وهو 24حصة 20 في المدرسة الأساسية و4 حصص أنتداب مدرسة ثانية في منطقة ثانية وكلتا المدرستين أبعاد من البيت بحوالي100ي كيلو متر وأنا في الأساس بعيدة عن أهلي وزوجي بحوالي750كيلومتر ولا راحم لنا الا رب العباد

[miss_gucci]

الله يكون في عونكم جميعا
ويرجعكم لاهلكم سالمين يارب فانتم كالمجاهدين
والله شي مؤلم
اختلفت الاسباب والمعاناه واحده
لكن ارجع واقول ...ان بعدالعسر يسرا

[نرجسية]

الله يفرج همك ويسهل امرك .. ويكتب لك الخير اينما كان

[مطر من ورد]

من شاف مصيبه غيره هانت عليه مصيبته ...
والله الحال صعب ..على الجميع ...
مالنا إلا الله...

[الواثقة بالله]

والله كذا تتكلمي
ذكرتيني بأيام النمااااص
الله يعينك
انا نقلت منها الحمد لله
بعد 3 سنين غربه

الله يفرج همك

[Try To Reach]

اعانكم الله اختي

ويسر لكم وكفاكم شر المتسلطين من المدراء والمديرات

وحسبكم الله ونعم الوكيل

وكلوا امركم لله اختي واستعيني بالصبر والصلاة

وحاولي تزبطي علاقتك مع المديرة قدر الأمكان واشرحي ظروفك لها وبعد بيتكم عن هذه القرية

وان شاء الله ربنا يشرح صدرها وتسمع كلامك

وربنا معاكِ

تراي

[moonlight2006]

الله يكون في عونك يا أخت توتوانا
أصبري فالصبر مفتاح الفرج
إن من أنقذعمار بن ياسرا من براثن المخزوميين قادر على إنقاذك مما أنت فيه
فقط قولي يارب من قلب صادق

[rosey-girl]

أختي العزيزه..الله ييسرلك أمورك ويسخر لك خلقه ..
وانشاء الله تفرج بعون من العلي القدير..

[غربة احساس]

كنت احسب بس انا للاسف لقيت امثالي كثررر

الله يفرج عليك وعلينا

المفروض انه يتم النظر في وضعنا من قبل الادراه

لكن ما نقول الا حسبي الله و نعم الوكيل


و المشكله لما نغيب يومين يحسدونا عليها المعلمات الا في المنطقة

ما احد يقدر الظروف - والله جبيتها على الجرح خليني سااااكته و راضية

و ادعي ربي ان يفرج على الجميع يااارب

[هند%]

السلام عليكم

عزيزتي اولا لابد ان تصبري وتحمدي الله والجأي الى الله دائما و لعل في غربتك خير وعلى الاقل عندك وظيفة احسن من غيرك وانت اللي وضعتي نفسك بهذا الموقف وضروري تكوني قد اختيارك وعندك قناعة تامة به وابعدي تماما عن سب غيرك اوسب المكان تقربا لله ولا تنسي انه سبب بعد الله في رزقك
ممكن انت طفشانة الان منه بس صدقيني يجي يوم وتعرف قيمته وصدقييني انه ربك حايعوضك اذا صبرتي و لو بعد حين

الله ييسر لك امورك

[ORCHIDA]

الله يفرج همكم و يكتب لكم الاجر انتي و امثالك من المعلمات

[bigevil]

خذي اجازة مرضيه .. تحايلي على النظام .. فى شي اسمه روح القانون استغليه لصالحك ما دامك ما تضرين احد .. مافى رسوب ولا فى مسؤوليه .. كل الموضوع شهر تداومين كذا توقعين وترجعين . خذي اجازة مرضيه وخليك من العبارات الفضفاضه اللى يستخدمونها المشرفين مثل المصلحه العامة .. احسن لك .. اصبري .. صديقتي زي حالتك وبعدين تحسنت بعد 20 سنه ..

كله كلام فاضي ... من له حيله فليحتال ..



خذي اجازة مرضيه لو اسبوع او اسبوعين

خذي النصيحه .. والله لو تموتين فى طلوع الجبل محد سأل عنك لا وزارة ولا طلاب ..

هذا رأيي :smile (87):