تؤسفني مسابقات الانجليزي الغير منصفه!!!

[المها الحلوه]

السلام عليكم
يؤسفني ماحصل في مسابقه اللغه الانجليزيه على مستوى المنطقه الشرقيه للمدارس الخاصه الظلم وسمعه المدرسه كان له دور كبير في انهاء المسابقه بشكل غير لائق ولا يرضى الاطراف وبالاخير كان عذرهم لازم يالمدرسات تحمسون طالباتكم على التشجيع والمنافسه؟؟؟؟
كيف منافسه دام الظلم نشوفه بعيونا على مسرح المسابقه؟!!!
بصراحه انا طالبتي للمره الثانيه توصل للتصفيات النهائيه وبالاخير يصير ظلم وتنزل من على المسرح وعيونها غرقانه بالدموع..
مع اني كنت احمسها واقول انتي الافضل دائما ومع كذا اهديتها هديه بقيمه 600 ريال عشان اجبر بخاطرها !!!!!
اناشد جميع المسؤلات عن مثل هالمسابقات يحطون اولا واخيرا مجهود الطالبه امام اعينهم وليس اسم المدرسه؟؟
تحياتي لكم جميعا.

[English Lover]

وعليكم السلام ورحمة الله وبركاته


هذا موجود في مناطق اخرى ايضا ً ومع البنين


هذي هي المحسوبيات حتى في مسابقات تشجيعية


نسأل الله انها تجتث من مجتمعنا ولا يبقى لها اثر

[المها الحلوه]

شاكره مرورك العطر اخوي
وانشاءالله نرقى لمستوى احسن بعيد عن المجاملات

[Mr.X]

يا ليت يا اختي انك تذكرين التفاصيل


حتى لا يكون هناك لبس او تفسير اخر للموضوع


انت لم تضعين سوى رؤوس اقلام و نريد ان نكون جميعا في الصورة



أما جائزتك للطالبة فهي و الله اكبر من مية جائزة من التعليم


بارك الله فيك وجزاك الله كل خير

[المها الحلوه]

مستر اكس والجميع
شاكره مروركم العطر وراح احكيلكم السالفه ومافيها بس روقوا ووسعوا بالكم لان الهذره طويله..
طالبتي بثالث متوسط وكل سنه (كلها ثلاث سنوات الي شاركت فيها البنت ههههههه) تشارك بالمسابقه ولا تفوز والمره الاخيره قبل هالمسابقه وصلت للتصفيات لكن اخر كلمه كانت بين طالبتي وطالبه ثانيه من مدرسه ثانيه وفازت فيها المدرسه الثانيه بعد ما اشرت المعلمه لطالبتها من ورا الستار بحركات معروفه بينهم لعدد السيلبلز(syllables) بالكلمه؟؟؟(بحسب ماوصلني لاني ماكنت معلمه للطالبه العام الماضي)
هالمره اعطونا لسته اسماء وافعال تقريبا 160 كلمه وحفظتها طالبتي عن ظهر غيب ونتفاجأ بالمسابقه انو بعد التصفيات بقى اربع مدارس عالمسرح تنزل اول طالبه لانها خسرت المسابقه (من مدرسه مشهوره بالشرقيه) ونزلت طالبتي من المسابقه مع العلم ان جميع الطالبات الي عالمسرح اعطوهم كلمات من ضمن اللسته وطالبتي من خارج اللسته وتحديدا من الترم الاول؟؟ جاوبت طالبتي عالكلمه الي من خارج اللسته اول مره والمره الثانيه ماقدرت لانها ارتبكت وخافت دام لان الي معاها كلهم من نفس الورقه؟؟
عموما الامر المستغرب منه ان الطالبه الي خسرت اول مره ونزلوها من المسرح اول وحده من التصفيات كانت هي الفائزه بالمركز الاول؟؟!!! بحككم ان مشرفه اللغه الانجليزيه بمدرستهم كانت امريكيه ولا سكتت ونتفاجأ بالاخير ان الطالبه هي الي فازت بالمركز الاول؟؟
وطبعا بعد اعلان النتائج كثير من المدارس مارضت بهالظلم والكل طلع يقول it was un fair
هذي الحكايه ومافيها...
<<<<تشرب سطل مويه