إ نــقــلااااب للخلف در

[English Lover]

جلست مع زملائي في غرفة المدرسين وكنا نسولف عن فصل ( أ ) وان طلاب هذا الفصل مستواهم الدراسي في تناقص وكيف انهم متفقين دائما مع اي شئ يريحهم من الواجبات ويلحون في التحديد للاختبارات واذا ماجابوا درجة يلحون في اعادته ويتذمرون من طول الشرح او كثرة التمارين وكان من بينهم طالب اسمه سعيدان وهذا طويل وطحش ( طحش بمعنى عريض المنكعين خخخخ ) وهو زعيمهم ومنظم الاحتجاجات ودائم يتحدث عنهم حتى انه مرة قال لهم لازم نسوي انقلاب على المدير والمدرسة ... ضحكنا من هالكلمة شوي واتفقنا على اننا لازم نشد عليهم وان شاء الله يصيرون احسن من الفصول الاخرى .

طلعت من الغرفة وانا ماشي بالسيب فيه عامل نظافة ينظف البلاط بالماء والصابون

ومريت من جنبه ومانتبهت للصابون ...

وتحصل المفاجأة ..

وازلق ....... وشوف الدنيا فوق تحت ( شقلبة ماحصلت في البطولة الاوربية هههههه

طاااااااااااااااااااااااا اااااااااااااااااخ على راسي

وبعدها انقطع البث من العالم اللي حولي وصرت مااسمع غير صوت عصافير ...صوصصصووصوصصو


ثم فتحت عيوني واذا اني في غرفة مظلمة والا هي مستودع المدرسة

استغربت وش جابني هنا ...


وبعدها سمعت صوت صياح وركض برا الغرفة واطالع من الطاقة (الدريشة) واشوف طلاب مجتمعين عند غرفة المدير وبعضهم يقول امسكوه كتفوه ... واشوف المدير بنفسه مكتف ومربط هو ومعه الوكيل ورابطينهم بشمغهم (( افا وش السالفة )) ومن بين الطلاب ...سعيدان ماغيره يمشي بينهم الين جلس بكرسي المدير وضرب بيده على المكتب وقال : ابغا باقي المدرسين يجون كلهم الان .... والطلاب على طول تفرقعوا من عنده وانتشروا في نواحي المدرسة ....وكل شوي وهم شايلين مدرس وماخذينه لغرفة المدير

قلت افا سووها انقلاب مرة وحده

وصار عندي صراع داخلي :

نفسي تقول : هج وانحاش واطلب السلامة

وضميري يقول : افا الى هالدرجة طلعت خواف

نفسي تقول : بلا خواف بلا خرابيط هذي مافيها شجاعة والكثرة تغلب الشجاعة

ضميري يقول : روح مثلك مثل زملائك والموت مع الناس رحمة

نفسي تقول : العمر واحد لا تروح بكرة يقولون الناس راح الله يرحمة ماتهنى بحياته

قطعت الهواش وقلت طاوع النفس هالمرة .... واطلع من المستودع بسرعة واركض ركيض يم باب الخروج ويشوفني واحد منهم طالب صغير ويصيح بااعلى صوته : استاد انقلش لوفر يبي ينحاش الحقوه . طالعت فيه و قلت اوريك بعدين امسك . وربشني هالصغير وارتبكت و غيرت اتجاهي ورحت اتجاه الدرج اللي يودي السطح واطلع معه للسطح وعشرين واحد منهم وراي وفي السطح مالقيت غير خزان الماء وافتح غطى الخزان وطب طشششششش بوسط الخزان واندس فيه واسكره علي . ويجون يدورون مالقوا احد ثم نزلوا وبعد ماتاكدت انهم نزلوا طلعت من الخزان وانا حالتي حاله ومبلل وغرقان وشوي واسمع صوت المكرفون والا هذا صوت سعيدان يقول :

استاذ انقلش لوفر تعال وسلم نفسك احسن ترا مافيه امل تطلع من هنا حنا مسوين انقلاب والمدرسة مقفلة بالكامل

وصوت المدير من وراه : انقلش انقذنا تكفى ..... وسعيدان يقول له اسكت طاااخ

عاد المدير قال تكفى وانا مع تكفى مااقول شئ .... يسمع ان كلمة تكفى تهز الرياجيل ...( وينك يوم طاوعت النفس وانحشت ))

وقررت اني انقذهم ......(( اكيد جايهم سوبرمان بشرشفه الاحمر ههههه ))

وانزل الدرج واروح للمصلى والقى كل الطلاب ومعهم المدير والوكيل والمدرسين مربطين واجري باتجاهم واصيح وخروووا عني تراني قوي ... واطالع فيهم والا نصهم جايين يمي يركضون واوقف واول ماقربوا مني قلت : بـــوووو ...(( قلت يمكن هذي تخوفهم .... وكان هذا اخر سلاح استخدمته خخخخ




وامسكونا وصفونا صف واحد وحطوني عند المدير وطالع في وقال :

هذا اللي يبي ينقذنا وحاطين املنا فيك

قلت : يااخي ترا ماقصرت انا اكثر واحد فيكم طول ماامسكوه ....( ياسلام على القوي وعذره خخخخ


واخذ سعيدان المكرفون وقال :

نصدر الحكم وهو ان كل مدرس تعبنا بالشرح والتمارين والواجبات والاختبارات يحكم عليه انه ياكل كتاب المنهج لمادته صفحه صفحه والحكم بالعفو عن مدرسين البدنية والرسم .....

واول مدرس كان حق الجغرافيا ...... من حسن حظه ان كتاب الجغرافيا صفحاته قليلة

وقعد ياكل الصفحات صفحه صفحه الين خلص وعفوا عنه

وبعده كان مدرس العلوم ..... الله يعينه كتاب كبير بس يمكن الصور تساعده لفتح الشهيه

وبعده الرياضيات ... قلت الله يعينه كتاب كبير والحمد لله اني مافكرت في يوم اتخصص رياضيات هههههه


وبعدها جاء دوري وقلت احس اني احسنهم وكتابنا ماهو كبير بالحيل

وعطوني بدل الكتاب كتابين

وش هذا ...

قالوا :

هذا كتاب الطالب وكتاب التمارين .... (( يا لله كيف ماجاء على بالي كتاب التمارين



على طول اعترضت

وقلت : ليش كتابين كتاب واحد يكفي

قالوا : هذا حظك ان الانجليزي كتابين

قلت : طيب مايصير اقل شئ راعوا ضروفي انا نحيف وبطني صغير حدي الوحده الاولى والثانيه وهو ممتلي

قالوا : خلاص هذا الحكم

قلت : طيب الوحده 12 والوحده 16 مراجعه ممكن تحذفونها

قالوا : لا داخل المنهج قصدنا ضمن الحكم

قلت : طيب بس لا تقولون الغلاف معها

قالوا : اكيد الغلاف وكل شئ

قلت : الله يصبرني طيب ممكن عصير عشان يمشي حلقي بين الوحدة والوحدة

قالوا : خلاص ماهي مشكلة

وانا ابدأ بكتاب التمارين لانه اخف شوي ....

والا ...


تشششششششششش


الماء اللي انرش على وجهي ...

وانتبه واذا هذا مدرس الرياضيات يقول :

الحمد لله على السلامة انت طيب تحس بشئ توك طحت من الصابون واغمى عليك شوي وبغينا نصحيك ماصحيت وراح العامل وجاب ماء ورشيته عليك والحمد لله وعيت انت وشلونك تحس بشئ

قمت وقلت : الحمد لله انا بخير بس ماكان فيه انقلاب وحكم وعلمته بالقصة كامله

قعد يضحك وقال :


تصدق ان كلمة انقلاب فيها شئ من الواقع ...!!


قلت :


أ ... أ ... اعتقد ... تدري ما ادري ... بالضبط ما ادري

[ابواصيل]

ابو خالد

ههههههههههههههههههههههههه هههههههههه


وربي اسلوب ولا اسلوب مسلسلات رمضان اللي بعد المغرب مباشرة

ماشاء الله عليك

وين عبد الخالق الحمود وعامر الغانم عنك<<<<<<<ادري

وربي ضحكت حتى سالت ماي تيرز

كلها كوم وكتاب التمارين كوم

والوحده 12 و16 هههههههههههههههههههه


نسيت اقلك الحمدلله على السلامه يوم انك زحلطت(زحلقت) فارق التوقيت

اشكرك والوقت متأخر وبكره (قصدي اليوم) عندنا تصحيح جماعي لثالث متوسط الله يعين بروح انام

تصبح على خير

[Miss Dream]

الحمدلله عالسلامه
مبدع منتدانا
لابأس طهور إن شاء الله

كثر منها الطيحات
لو الغيبوتات مثمره كذا http://www.crbon.com/uploads/06-2008/4243ba0f44.gif

ألف سلامه عليك من هالسقطه الخطافيه
ومن طلوعك من كابوس الإنقلاب
على خير وسلامه

http://www.crbon.com/uploads/06-2008/55c2a8049b.gif

لا صار إنقلاب حقيقي
أكثر ناس يحذروا ويتبعـوا الإجراءات الأمنيه الوقائيه اللازمـه
هم أساتذه و معلمات الإنجليزي

ترى شعبـيتنا
الشكـوى لله

http://www.crbon.com/uploads/06-2008/a476f48826.gif


مـشـكـور أستـاذنا English Lover
و الله يسلمك وكل الأسـاتـذه من كل شر
يـعطيك ألف عافيه

[مــلك الحرف]

الحمد لله على السلامة ...

بصراحة ذكـــــــــرتني بــــ (( زحلـــــطن ))...


شي جميل وموقف لا ينسى .....


مشكوووووووووور اخوي ... ودير بالك على حالك ..!!

[T.Dai]

انجلش لوفر ..


هههههههههههههههههههههههههههههههههههههههه ..


بصراحه ماكان ودي تفيق كنت مستمتعه بالقصه خخخ <<< أمزح هههههههه ..


بصراحه نايس ستوري ..


بس إنت ألحين فتحت عقول الطلبه على هالحركات ههههه ..


يعني إحتمال يقراها كم طالب من امثال سعيد ومايتردد في تنفيذها ..


وبتشيل ذنب اللي بتطيح على روسهم هالفكره خخخخ ..


وعاد جيل هالايام تتوقع منه أي شي<<< تكفين ياجدتي خخخ ..


الزبده إنك أمتعتني ..


ألف شكر لك استاذي ..

[English Lover]

ابو اصيل





وجعل الضحك دوم مهوب بس اليوم



حنا في مدارسنا مسلسلات لحالها



الله يعافيك

[English Lover]

Miss Dream


الله يسلمكِ ويعافيكِ


اما شعبيتنا حدث ولا حرج




الف شكر

[Mr.X]

ههههههههههه



الله يستر من هالطلاب


اليوم طالب من ثالث ثانوي ......جرحت أحساسه و قلت له: لا تغش


الا والرجال طنش الأختبار وأبو الأختبار وقاعد يناظر بوجهي ...وعيونه فيها رسمة جمجمة


اللين قرب الوقت ينتهي ,,,ثم كمل الحل و سلمني الورقة وهو يطالع فيني ....وأنا أقول في نفسي (( كل ده كان ليه ...لما شفت عينيه ))........زين ما سمعني.....


ابو خالد .....من بكرة حضر عند سعيدان و قل له وش رايك تصير صديقي؟؟

[oJgJI JIjJj]

الله يرج إبليسك انقلش لفر
ضحكتني خاصه لما تزحلطت
ذكرتني بحالي يوم من الايام بس اشوى ماوصلت للارض ساعدني الجدار بعد الله
شكررررررررررا لك اخوي

[المها الحلوه]

ههههههههههههههههههههههههههههه
الحمدلله على سلامتك واشوا ماكان فيه اصابات بس تبي الجد شارك بمسلسلات رمضان وربي تكسب وبعدين بلا اي مبالغه كنت داخله جو حسبالي السالفه صدق بس اشوا انك صحيت بالنهايه وصحيتني هههههه
بديت اخاف من شله نوره والي معاها(مجموعه طالبات) بأول متوسط لايسون فيني مثل ما سوا معك سعيدان وربعه بس ولايهمك بكره بعد الفتره الاولى بحذف لهم نص المنهج وكتاب التمارين كله محذوف هههههه

[postgraduate]

wow it is sooooo wonderful ((English Lover)) I appreciate that thing for you .....You were soo creative and amazing ...I really love it ...Thanks anyway By the way I am one of the admirors of your participations....They are allll lovely thanns again

[English Lover]

الحربي

الله يسلمك


ويعطيك العافيه

[English Lover]

T.Dai


لو ماوعيت كان جنوبي كلها معباه قراطيس ... خخخخخ


الف شكر لتواجدكِ وحياكِ

[English Lover]

Mr.X


الله يرحم الحال


تدري من زمان وهو صديقي ...خخخخ


يعطيك العافيه ابو شهد

[English Lover]

oJgJI JIjJj


ولك كل الشكر لمرورك من هاهنا

[English Lover]

المها الحلوه



بس ولايهمك بكره بعد الفتره الاولى بحذف لهم نص المنهج وكتاب التمارين كله محذوف هههههه


هههههههههههههههههه





الله يعافيكِ


والف شكر لتواجدكِ

[English Lover]

postgraduate


وهذا مما يسعدني اخي


والف شكر لتواجدك هاهنا

[ORCHIDA]

خخخخخخخخ


سلامات .. و تعيش و تاخذ غيرها

[Romanciah]

English Lover


سلاماااااااااااات و سلامة رأسك <<<<< صدقت الحكاية



شكل لك خلفية في عمل الإنقلابات >>>>> اعترف!!!



قاص فكاهي رائع,,,,, يسعدك ربي,,,,


دمت بود و بحفظ من الله أخي.....

[English Lover]

كل الحب


ياما راح ناخذ وناكل غيرها (:


حياكِ

[English Lover]

رومانسية


اذكر اخر انقلاب كان لابوريان على المنتدى .... قديم خخخخخ


كل الشكر ودمتي بحفظ الله

[أميرة بأخلاقها@]

رائعه القصه ومضحكه
الله يسعدك

[dandoon101]

ابو خاااااالد

تعجبني

أنت كدا:smile (61): ميا ميا

وتعيش وتاكل غيرها خخخخخخ



اذكر اخر انقلاب كان لابوريان على المنتدى .... قديم خخخخخ

لسه فاكر كان زمان ههههههههههه

http://www3.0zz0.com/2008/05/22/07/471647378.gif

[English Lover]

اميرة باخلاقها



كل الشكر والتقدير

[English Lover]

ابو ريان



تسلم والله يعافيك


عشنا وشفنا حتى شبعنا .... خخخخخخخخ



حياك الله وشرفت الحته

[روابي ابها]

والله العظيم قصة تجنن وتموت ضحك.الله يعطيك العافيه .
ومن جد والله الطلاب والطالبات صرنا نتوقع منهم أي شي حتى الإنقلابات,اليوم مثلاً في مدرستنا طالبة ثانوية عامه جايبه معاها سكين كانت ناويه على طالبه من ثاني ثانوي بينهم خلافات قديمه والله المدرسة اليوم انها في حالة استنفار شديد يعني يمكن في يوم من الأيام ينقلبون علينا وعلى المديره.

[sea breeze]

:smile (77):


أتخيل تجي طالبة مثل سعيدان هذا و تسوي انقلاب في المدرسة


بس الحكم اللي أصدره يضحك يعني عاد ما فيه حكم غير أكل الكتب وش ذا التعذيب


ههههههه على العموم قصة تفطس من الضحك مثل الي قبلها


شكراً جزيلاً على القصة المسلية كثيراً و ننتظر المزيد من القصص المدرسية طبعاً

[BloumagrieT]

الســـلامـ عليــــكـمـ

English Lover

ماشاء الله

حلم بطل من حكواتي بطل

أضفت نكهة فكاهية على أيام الاختبارات الكئيبة

لازم أقتبس أفضل مقطع

اللي هو هذا


قلت : طيب مايصير اقل شئ راعوا ضروفي انا نحيف وبطني صغير حدي الوحده الاولى والثانيه وهو ممتلي

قالوا : خلاص هذا الحكم

قلت : طيب الوحده 12 والوحده 16 مراجعه ممكن تحذفونها

قالوا : لا داخل المنهج قصدنا ضمن الحكم

قلت : طيب بس لا تقولون الغلاف معها

قالوا : اكيد الغلاف وكل شئ


ألف صحة وهنا على قلبك

لو صار عندي شيء زي كذا راح يأكلوني 4 كتب

في انتظار حلم آخر

في حفظ المولى

.
.
.

^.^

[amazona]

هههههههههههههههههههه
والله جد شكل الطلاب لو جتهم هالفرصة ماوفروها
اسلوووب رايق وممتع

[English Lover]

روابي ابها


sea breeze



SoOoSoOo



amazona



كل الشكر والتقدير لتواجدكم الرائع جميعا