حلو النقل..لكن...

[الغاليه]

السلام عليكم ورحمة الله وبركاته..

توظفت السنه الماضيه في مجمع ثانوي ومتوسط..وكنت ادرس ثالث ثانوي..

والحين نقلوني الى منطقه اقرب من السابقة بنصف المسافه تقريبا..

الصراحه المدرسة الجديدة حلوه وعدد الطالبات قليل جدا..

لكن صرت ادرس ابتدائي..قفزه من ثالث ثانوي لابتدائي...ولو كان انجليزي كان هانت..

لكن ادرس مواد دين؟؟؟...

وين اللي مو لاقيات وظايف؟؟... مااكثر خريجات الدراسات الاسلاميه...

واللي يضحكني اكثر اني كنت ادرس علم اجتماع العام الماضي وماسكه النشاط..والحين دين مع النشاط بعد..

ليش مااشوف مدرسات التخصصات الثانيه يمسكون مواد غير تخصصهم؟؟...ولا كل شي على مدرسات ومدرسين الانجليزي.؟؟..ويبغوننا نبدع...عجيب والله..

[smasm]

مبروك النقل اول شي
المشكله في الابتدائي المدرس او المدرسه كشكول يعني درس اي شي بس كمل نصاب وانتهينا
والله يكون في عونك
والوزاره عندها فكرة المدرس لا يرتاح يعني يحسبون عدد الحصص في المدرسه كم ويوزعونها علي المدرسين والمدرس الزائد طبعا ينقل الي مدرسه اخر وهاكذا

[زهرة وفى]

ياقلبي انتي وانا والله ماسكه يدي على قلبي خايفه يصير لي

بس الله يستر مادري مديرتي الموقره وش راح تصدر قانون

ماقوووووووووووول الا شي فظيع ثانوي بعدها ابتدائي لا وبعد دين الله يعينك بس ماقوووول الا قمة المهزله بنات متخصصات
جالسات بالبيت ينظرون وظيفه وهم يعطونا شي مب تخصصنا

الله يستر والله يعين

[الغاليه]

سماسم معك حق والله..والمشكله الناس حاسدين المدرسين والمدرسات...يحسبوننا مرتاحين واخر الشهر ناخذ راتب..

اختي زهره الله يستر ..ادعي لك من كل قلبي مايصير لك الا كل خير..


ياقلبي خبريني وش يصير معك..

[عنقليزي تيتشر]

سلام عليكم,,,,, غريبة ماوصلكم التعميم الجديد اللي يقول معلمة الانقلش ماتمسك الا منهج واحد بجميع المراحل لكنها تطلع ندب اجباري او انها تمسك النشاط او الارشاد او المكتبة او المصلى أو اي شي بالمدرسة لانه التعميم ذا وصلنا عن طريق الموجهات بالشرقية ,,,,, الا ان كان المناطق الثانية تختلف تعاميمهم,,,!!! مثلا انا السنة اللي فاتت مسكت مع الانقلش المصلى ,, والسنة هذي خلوني مرشدة طلابية ,,, بالله عليكم انا مع الانقلش ويييييين والمصلى والارشاد وين؟؟؟ لكن الحمدلله شي أرحم من شي ,,,, الله يعينكم ..

[الغاليه]

عنقليزي ابشرك..

اعفوني من النشاط ..

لكن..


عطوني المصلى..هههههههههههه

يعني مافيه فكه...

المشكله انا من عنيزه بالقصيم وادرس في قرية تبع المذنب ... وتوجيههم متشدد وهوايتهم تعذيب المعلمات خخخخخخ..

يموتون لو ما وصلت اكبر نصاب ممكن...

حتى التحضير بالكمبيوتر مانعينه..شفتي التخلف؟؟..

بس بتهور واحضر جاهز...الله يستر من الهوشات هههههه

[عنقليزي تيتشر]

والله يالغالية ان توجيهكم قاتل,,, أجل تصدقين حنا موجهاتنا اليوم وصلنا خبر انهم منزلين لنا ملزمة وسي دي بالتحضير العرضي الجديد وماهي نفس طريقتكم اللي هنا ترفعونها,,, لا لا غير تماما ومريحة مرة اغلبها مثلا عند teaching aids حاطين لنا عشر خيارات وحنا نحدد فقد باشارة بسيطة,,,, يعني مانكتب الا بخانة الاهداف او التطبيق ,,,, والله من جد اكتشفت ان حنا بنعيم ,,, والله يعينكم على ماابتلاكم ,,,, ودمتتتتتتتتتم

[zico]

الله يكون في عونك اختي
هذي مشكله لكن وش يقول الي توه متعين (تعاقد) ويدرس اللغه العربيه كامله لفصلين ما عدا القواعد ولا ما يكفيهم بعد معطيني الاجتماعيات لجميع المراحل (رابع وخامس وسادس)
وش اقول اذا هذا اوله (عقد ولعنة جدف ) ما اقول الا الله يستر من تاليه

[الغاليه]

عنقليزي اجل احمدي ربك...

ماشاء الله عليك لاتقولين حسدتك بعد هههههههههه..

اخوي زيكو اولا مبروك التعيين..

ثانيا لو كنت رسمي كان قدرت ترفض وتناقش..لكن مشكله اللي متعاقد يخاف يلغون عقده ويجيبون غيره هههههه..

مااقول الا الله يعينك ويسهل امرك..

[عناااكب]

طيب انا نفس الشئ معينه اول سنه بند محو اميه ومعي
1- انجليش
2-دين رابع
3-اقتصاد جميع المراحل
4 -اجتماعيات جميع المراحل
5-فنيه رابع وخامس وسادس