معلمة في الشرقية تلزم طالباتها بشراء كتاب رغم وجوده في المنهج

[مــلك الحرف]

معلمة في الشرقية تلزم طالباتها بشراء كتاب رغم وجوده في المنهج


استاء أولياء أمور طالبات المدرسة الابتدائية السابعة عشر للبنات بمحافظة الخبر بالمنطقة الشرقية، بعد أن طلبت معلمة اللغة الانجليزية في المدرسة من طالبات الصف السادس، شراء كتاب خاصة باللغة الانجليزية (HAND BOOK) كتاب الخط، حيث حددت لهم المكتبة التي يشترون منها. وأوضحت المعلمة أن الكتاب مدون عليه اسمها (أي اسم المعلمة)، وهددت المعلمة أي طالبة لا تحضر هذا الكتاب بخصم من الدرجات أي درجات المادة ومحاسبتها، رغم أن هذا الكتاب موجود في المنهج، فاستغرب جميع الطالبات من طلب المعلمة، لدرجة أن بعضهن ألغين الكتاب المدرسي الذي يسلم لهن من وزارة التربية والتعليم ورمين به. وذكر بعض أولياء أمور الطالبات أنهم ينوون رفع شكوى جماعية لإدارة التربية والتعليم، حيث إن إدارة المدرسة لم تستجب لهم لأن هذا يعتبر إهدارا للمال ومضيعة له.
من جهة أخرى اكد مدير التربية والتعليم بالمنطقة الشرقية للبنات الدكتور سمير العمران، أن إدارة التعليم لا ترضى بمثل هذه التجاوزات، ولو وصلت شكوى للإدارة بخصوص هذا الموضوع سوف يتحقق من الموضوع ونتخذ الإجراءات اللازمة ضد المخطئ سواء معلمة او مديرة أو غيرهم حسب اللوائح والأنظمة. الجدير بالذكر أن الكتاب الذي طلبت المعلمة من الطالبات شراءه قيمته 8 ريالات وعدد الطالبات في الفصل الواحد أكثر من 20 طالبة وأكثر من فصل.

[miss_east]

اجبارها غلط ... بس بعد كتاب التمارين حق الوزارة عقيم مايخدم مهارة الكتابة في شئ

[Reena]

غفر الله لنا و لها ،،، ما تعرف أولياء الأمور و وزارتهم؟!

عساهم لا يتعلموا خط !!

[مــلك الحرف]

miss_east


Reena

الف شكـــر اخواتي على المرور ..

[أم جودي]

لا يحق لها ذلك أبدا والتعاميم في هذا الشأن صارمة 00
ولكن كتاب النشاط لايفي بالغرض بل حتى لم يأخذوا في الحسبان المساحات الضيقة التي تركوها للإجابات 00
فمعظم التمارين بمساحات ضيقة لا تتسع ولا حتى لنصف الإجابة 00 ولم يتم تدارك الأمر وتصحيح الوضع حتى بعد مرور سنوات على هذا المنهج الذي فيما يبدو أنه أعد على عجالة لسد الحاجة للتغيير لمجرد التغيير 00

[timeout]

السلام عليكم ورحمة الله وبركاته
ولا ارى في طلب المعلمه من ضرر عليها او على الطالبه انا معلمه و احتاج لدعم المنهج بتمارين تسعف ذهن الطالبه بشروحات و تمارين تستقطبها في مساحات الذهن واشجع معلمات اللغه لفوائد يدركها المتخصص و المتمكن و الافضل لك و منك ان تبارك لها هذا الجهد
وهو جهد يبارك و ليس سهلا لكن ما قولك ب معلمات يقلصن المنهج لاوراق معدوده ترسل للمكتبات وتعاني اكثر معلمه مشاركه لها في المرحله و لكن لا حول لها ولا قوه!!!!!!!!!!!!!!!!!!!!!!!!!!!!!!!!!!!!!!!!!! !!

[الجوهـــــره]

خير تفعل شر تلقى ؟!!!!


هذا جزاها اللي بتكثف جهدها مع الطالبات لمصلحتهن ؟!


الله يكون بعونها ..

[حديث الصمت]

الله يعينها ويكون في عونها

فعلا خيرا تعمل شرا تلقى

بصراحه انا سويتها السنه الماضيه ولغيت الدفتر

انبسطوا البنات عليه وحسيت انه كان في نتيجه جدا رائعه

بس كان برضا الجميع

واللي مايبغى صورت له ع حسابي الخاص

الشغله مو اجباري

[صبوحة]

والله جزاها الله خير على الملزمة تبغى تحسن مستويات البنوتات . وبعدين اش يعني 8 ريال !!اذا كان في صالح البنوتات
باين عليها طموحة .....الله يوفقها .....ويبغالها تصور ورقة ورقة حسب الدرس على انها اوراق عمل وماتكلفها شي وتبعد عنها المشاكل.

[نور]

فعلا خير تفعل شر تلقى
اولياء الامور المفروض يفرحون لانها كلفت نفسها بشي مو مطلوب منها عشان ترفع مستويات بناتهم وبعدين ال8 ريال يعتبرونها قيمة شباصه من الشباصات اللي يشترونها لبناتهم والا عشان الطلب جا من معلمة ؟؟؟؟ يا بخت المعلم بالاجر بس
المعلمة رسميا غير مكلفة بدفع اي ريال لوسيلة تعليمية الوزارة مكلفة بتوفير مثل هالوسائل والوزارة بدل ما تشكر المعلمة تحولهاللتحقيق؟؟ طيب من يحقق مع الوزارة ومناهجها العقيمة؟؟؟ ووسائلها اللي من عهد جدي؟؟؟؟


عن نفسي ارفع القبعة لهذه المعلمة

[Romanciah]

صدق من قال: خير تعمل شراً تلقى...

يعني الحين هذا جزاءها تنمي مهارات بناتهم!! وكلها ثمانية ريال بيضيعوا أكثر منها في أدوات بينتهي العام الدراسي بدون الأستفادة منها...

عني بنسخ ملزمة لطالباتي بجميع المرحلة المتوسطة و بنزلها لهم بالمكتبة ومن لا تملك القدرة أتكفل أنا بطبعها لها و موجهتي موافقتني على ماأقوم به...

بس مع وزارتنا المفروض نردد: أبعد عن الشر و غني له...

al harbi

يعطيك العافية أخي...

[علاء]

معليش انا لي رأي آخر ....
انتم دارين ان فيه ناس ما تقدر تدفع مثل هـ المبالغ .....فقر يا عالم.... ما عندهم شي .......الله يرزقنا ويرزقهم

صدقوني يا اخوان كان عندي طلاب وعددهم اربعة ما قدرو يشتروا دفتر بريالين ونص ....حتى صارحني واحد منهم قالي يا استاد ما اقدر اشتري ..انا تضايقت حيل وانقهرت .... اشتريت الدفاتر و وصلتها لهم بطريقة ما تجرح مشاعرهم ..... وهذه قصه حقيقة صارت مع زميل لي قبل ثلاث سنوات .....في احد المدارس بحايل

يقول كنا في فصل الشتاء وبما اني مكلف بجمع الغياب وبعد اسبوعين (( للأسف )) لا حظت غياب منظم لأخوين يتيمين يعني السبت يحضر واحد ويغيب واحد والاحد كذالك والاثنين .....وبعد كل غياب استدعي الطالب الحاضر واسألة وين اخوك وينك امس وش السالفة ...فكان يقول انا تعبان وما قدرت اداوم الا انه في آآخر مرة كانت الاجابة بكاء مرير جدا يقول لدرجة اني كدت ابكي مثلة يا شيخ وش السالفه ماهو راضي يعلمني بشي... ولأنه ماله بيانات التلفون وغيرة قلت الموضوع فيه شي وبعد ما طلعوا الطلاب من المدرسة تبعته من بعيد لين وصل البيت وكان بيته قديم وبعد ما دخل بشوي رحت للبيت وطقيت الباب وطلع لي الطالب وكان متفاجأ من وجودي قلت ممكن اكلم الكبير الي فالبيت قال ما فيه غير امي ..قلت ابغى اكلمها من ورا الباب وبعد ما جت وعرفتها باسمي واني معلم ابناءها وتكلمت معاها وسالتها عن سبب الغياب المنظم قالت يا خوي حنا مالنا احد يساعدنا ولالنا ولي وفقراء وعايشين على الناس ...والعيال ما عندهم الا ثوب شتاء واحد!!!!! فكان يلبسه واحد ويداوم والاخر يغيب ولا لي حيله ولا معي شي اشتريلهم..... يقول والله اني ركبني الهم مشيت من عندهم وانا ابكي واحتقر نفسي والمجتمع ......يقول جمعنا لهم مبلغ وساعدنا هم ...................جزاه الله خير


خلاصة الكلام يجب ان تكون مطالبنا كمعلمين ومعلماتن معقوله وتناسب حال الطلاب المالية.......

[shy-rose]

فعلا ............. صدقت اخي الحاتمي .........


قد تكون المعلمة ارادت خيرا .............. لكن فيه ناس ظروفهم صعبة جدا .............. بشكل لا يتصور


الحمد لله احنا في خير و نعمة ........ و نقدر نوفر لعيالنا هذه الاشياء ............ لكن فيه ناس ما يقدرون ............ و الريال عندهم له قيمة ........


و المعلمة المفروض ما تخليه اجباري ........... و تبحث عن طرق اخرى لتطوير مستوى طالباتها ........


كان الله في عونها على االمشكلة الي وضعت نفسها فيها ..........

[miss. English]

الله يقويها ويكثر من امثالها-وينصرها على اللي يعاديها

[BloumagrieT]

السلامـ عليكمـ

قد تكون نية المعلمة وهدفها تحسين مستوى الطالبات

ولكن المشكلة ان نقطة الوصل غااااائبة بين المنزل والمدرسة

يعني لو ما تعجل اولياء الأمور في الموضوع و اتفاهموا مع المعلمة

وبينولا وجهة نظرهمـ كان أفضل

أما كل ما صار شيء راحوا جري عـ الوزارة وقدموا النية السيئة

ما راح نخلص كذا

سبحان الله

al harbi

مشكووور أخونا الكريمـ

و عوداً حميداً
.
.
.

^.^

[مــلك الحرف]

مشكورين اخواني اخواتي على مرووركم الرائع وتعليقاتكم الاروع ..

ما قصرتم وجزاكم الله خير ..

[timeout]

المناهج الله بالخير ونحاول تعديلها با لعكس لا تحبطو المعلمه تاكدو انه من صالح بناتكم و 8 ريال مابعدت عن قيمة الدفتر و اجمع معاه القلم وفرت عليها كم حبر لان كل شي موجود بس دورها تعبأه بسيطه !!!!!!!!!!!!!!!!!!!!!!!!!!!!!!!!!!!!!!!!ا

[timeout]

مشكورروووووووووووووووووور ون الكل للمشاركة انا اختصرت الامر و صورت لتلميذاتي ويادار مادخلك 8 ريال

[المستقبل الباهر]

حسبي الله ونعم الوكيل