فيما شارف الفصل الدراسي على الانتهاء

[مــلك الحرف]

فيما شارف الفصل الدراسي على الانتهاء

--------------------------------------------------------------------------------

مدرسة بالرياض بلا معلم رياضيات

استغرب عدد من أولياء أمور الطلاب في مدرسة العليا الابتدائية بالرياض عدم وجود مدرس لمادة الرياضيات من بداية الدراسة، حيث قال خالد بن عبدالله الجمهور أحد أولياء الأمور للجزيرة: راجعت المدرسة عدة مرات ولم أجد المدرس مؤكداً بأنه ذهب بعدها لمدير المدرسة، وقال لي: طالبنا مركز الإشراف التربوي بشمال الرياض ولم يتم التجاوب معنا حتى الآن، وقال خالد إن الفصل الدراسي الأول على وشك الانتهاء ولم يدرس أي شي من المادة مما سيؤثر على الطلاب وعلى مستوى المعرفة لديهم لأن الرياضيات من أهم المواد الدراسية.وذكر الجمهور أنه راجع بنفسه مركز الإشراف التربوي ولكنهم لم يتفاعلوا مع القضية بجدية.

[Reena]

ماااااااااهي جديدة عليهم

مدرستي تركت بلا معلمة E

و انتظرتني شهرين

و بشهر كان علي انهاء منهجين 20 حصة

و كنت باقدم اجازة رعاية و انسحب من كل ذاكـ الهم


الحربــــ al-harbi ـــي

http://img214.imageshack.us/img214/2927/e1pp7yy2fg41qd7.gif

[dove]

اي ما صارت جديدة

حتى انا اعرف مدرسة ابتدائية الى الان ما عندهم مدرس جغرافيا وتاريخ والمناهج متوقفه

ما ادري ايش رايح يصير

هل ينترك المنهج ويتلغي ولا ايش



مشكور اخي الحربي

[Mr.X]

ثانوية عندنا في الطائف الى الآن بدون مدرس ,,,,أظن كيمياء

واللي يضحك في السالفة ان الطلاب هم من نشر الخبر في اكثر من موقع وفضحوهم


طفشوا م الفراغ و تقديم السوابع

[مــلك الحرف]

شاكر ومقدر مروووركم وتعليقكم على الموضوع ..

بالنسبة للكيمياء.. المشكــــــــلة ان الوزراة ما تعيين معلمين كـــــــيمياء ...

ما ادري ليه ..

[الزهرة الخضراء]

الله المستعان ... ترا هذا كله راجع لبطء سير المعاملات ... هذا يرفع عجز وهذولا يرفعون احتياج واللي ضايع في النص هم الطلاب ...

الف شكر استاذنا الحربي ...

[جولي]

التعليم أصبح في وضع خطير جدا..

وأصبحنا قاب قوسين أو أدنى من تعليم الغرب

الذي لا يبالي بقيمة التعليم لدرجة أن الطالب ينجح وممنوع الرسوب ( وهذا الحاصل بعد تطبيق نظام المهارات في

جميع المراحل خلال السنوات القادمة )

فالطالب يتخرج من المرحلة الثانوية وهو لا يعرف لا يقرأ ولا يكتب (( لأن ممنوع يرسب ))


وبكذا ما يدخل الجامعة إلا عدد بسيط ويفتكون من الكم الهائل من الخريجين اللي يطلبون وظائف

ووجود مدارس بدون مدرسين الأيام هذي يعتبر عاااااااااااااااااااااااا اااااااااااااادي عندهم أهم شي عندهم

إن الطالب ما يرسب سواء بمعلم أو بدون معلم لأن المعلم الأيام هذي بالنسبة لهم ( غير مهم ) اللهم يعبي شهادات

النجاح..

( عفوا..بس والله إني مقهوووووووووووووووووووووو ورة )

[oJgJI JIjJj]

هذا حال الوزاره
مو فالحه غير في التغريب والبعد <<< هذا إذا عينت معلمين
انا لما تعينت رموني في مدرسه ( مجمع ) فيها معلم انجليزي وبعيده مررررررررررره بس كان تعييني مجرد عناد منهم وتعذيب وإلا بامكان المعلم الموجود يغطي الحصص خاصه لما عرفت اني موجه للصف السادس فقط يعني حصتين
وفي المقابل لما نقلت بعد سنه داخل المدينه اتفاجأ ان زملائي على 24 حصه وناقصهم معلم


الف شكرررررررر اخوي الحربي على المتابعه والنقل

[the master]

يا جماعة الخير كثير من الاوقات احمد ربي اني معلم للغة انجليزية ومالي صلاح بالمواد الثانية .. تخيلوا معلمي اللغة العربية والاسلامية مضغوطين بالحصص على 24 حصة وانا الوحيد الي عندي 12 حصة وطبعا ارسل المدير يطلب ولو معلم واحد يخفف عن المعلمين .. كان رد شئون المعلمين عندكم نصف معلم زيادة(يعني المعلم اصبح عبارة عن 24 حصة تمشي على الارض) وطبعا المقصود انا ..
قال لهم المدير وش جاب الانجليزي للعربي والاسلامية.

ما اقول الا الله يصلح حال التعليم عندنا.


الحربي

يعطيك العافية اخوي

[هناء]

فصل من فصول تخبط الوزارة

[مــلك الحرف]

شاكر ومقدر مروووركم وتعليقاتكم ....

الله يعين الجميع

اسعدني تواجدكم

[BloumagrieT]

السلام عليكم ورحمة الله وبركاته

طيب أقولكمـ على حكاية ثانية

للدلالة على تناقضات التعليمـ عندنا

ليس بالضرورة أن يكون هناكـ بطء معاملات كما أسلفت مشرفتنا السكرة زهرة

قولوا لي ليه؟؟

لأن مرة سار لمعلمات احدى القرى المجاورة لقريتي حادث

في الفجر والله العظيمـ ما دخلنا الحصة الأولى لسى في نفس اليومـ

إلا الموجهات يدوروا انتداب بدل رياضيات وتاريخ !!

لأن المعلمات توفوا الله يرحمهمـ ويغفر لهمـ !!

تخيلوا !!

al harbi

ألف شكر أخونا الفاضل

[مهــا]

الله يعين ..



أختي إطلعت على تعميم يفيد في الحالات القصوى والضرورة جداً ..



وهو أن معلمة الإنجليزي تحمل مناهج التاريخ والجغرافيا في المتوسط والثانوية ...



ما أدري ليه هذا التعميم ..