هل تحتاااااااج إلى صديق ؟؟؟

[بسكوته]

السلام عليكم
في البدايه أحب اشكر الجميع على الجهود الرائعه اللي يبذلونها في الموقع وانشالله يارب تحسب في موازين أعمالهم
راح تستغربون من العنوان ويمكن تتوقعون اني اتكلم بشي بعيد عن الإنجليزي لكن العكس هو الصحيح أنا عندي تعليق بسيط واتمنى يارب تتقبلونه بصدر رحب..
امممممم إي بالنسبه للحاله النفسيه والمشاكل اللي ممكن نتعرض لها بيومنا سواء بالمدرسه أو خارج المدرسه
أتوقع ان حالتنا النفسيه لها اكبر تأثير على عطائنا وجهودنا بالمدرسه صح؟
يعني اللي يكون متأثر بشي معين بالبيت راح يجي المدرسه وهو ضاااايق وراح يصير ذا الشي واضح بشرحه وعلاقته بالطلاب..ممكن نحاول نفصل بين البيت والمدرسه لكن ناادر ماننجح لأننا بشر وأحاسيسنا تتغلب علينا وخاصه حنا يالبنات..تخيلووووو اننا متغربين علشان التدريس تاركين أهالينا وأصدقائنا وجينا هنا لهدف معين واتوقع كثير مثلي تخيلو تاركين كل شي ونجي هنا لا أصدقاء ولا أحد يهتم فينا حالة ملل والنفسيه تعبانه واللي يزيد الوضع سوء جو المدرسه اللي غالبا مشحوووون واشياء كثيره اتوقع لها تأثير كبير على عطائنا ..
اللي ابي اوصله اتمنى اننا هنا بالمنتدى نلاقي الأخ والصديق ونكون أسره وحده..من جد يعني تخيلو الأغلبيه مغتربين ماعندنا الا الدوام والبيت والنت علشان كذا اتمنى نكون عون لبعض سواء بالنسبه للتدريس او حتى خارج التدريس وفي النهايه حنا اخوان بالإسلام يعني اتمنى فعلا ان الدنياااااااااااااا بخير
لأني بجد أعااااااااااااااااااااني الوحده واتمنى الاقي هنا اخواااااااني واخواااتي عون لي
اتمنى مااكون ثقلت عليكم أو ازعجتكم
تقبلو أختكم المغتربه والفقيره الى الله :o

[ابوصالح]

Welcome sister / بسكوته

In this life , every one has his/her own problems and troubles
But the only way to forget them is just to forget them and keep struggling

Forget that you live far away from your family and friends
Just think that we are all one family and we all can help each other

In saudiEnglish fourm

[teacher B]

اختي بسكوته أنا من جد حاسه فيك..وأتوقع من كلامك انك معلمه جديده..أنا مثلك مريت بهالحاله
أول ماتوظفت لكن الحين تعودت عالوضع خلاص....(يعني مو سهل تنتقلين من عالم الصداقة والوناسه
والرواقه كطالبه الى عالم المسؤليه والضغط النفسي والمشاكل كمعلمه).....عموما المسأله كلها تعود..
واذا احتجتي أي شي (وخاصة نفسيا )..بتلقينا كلنا هنا أصدقائك.....
أتمنى لك ( الراحه)..
تحياتي.

[Abo Mohannad]

I want to say "May Allah help you and be with you all the time".
Throw evreything behind your back if you want to live in peace.
Try to make yourself busy by thinking of new ideas like making
an English magazine or what ever else.

[بسكوته]

يسلموووووووووووووووووووو كلكم ويعطيكم العافيه ادري ماتقصرون
وكثر الله خيركم

[ابوعلي]

ايههههههه ..... يابسكوته
ذكرتيني بأول سنه تعين , كنت امر بنفس وضعك تغربت عن أهلي واصدقائي , وفوق هذا كله تركت حياة اللا مسؤليه ودخلت في حياة المسؤليه .
ويوم بعد يوم وسنه بعد سنه تأقلمت على الوضع الي انا فيه واصبح جداً عادي.

الله يصبرك ويرجعك لأهلك سالمه غانمه انشاالله .

نصيحتي لك هي / طنش تعش تفرفش وتنتعش

[ahmad]

السلام عليكم ورحمه الله وبركاته الهــم صلى وسلم على رسول الله وخاتم النبيين محمد عليه الصلات والسلام في البدايه حاب ارحب باخواني واخواتي في الله بصراحه انا حبيت اسلم عليكم واتمنى اني اكون ضيف خفيف على قلوبكم والسلام خير ختام السلام عليكم ورحمه الله وبركاته

[ابوعلي]

مرحبا بيك اخوي احمد , وحياك الله بينا

[Excellent]

يا عمري يا بسكوته.......... :(
من جد حاسة فيك........
أساسا مسؤلية التدريس بحد ذاتها موسهلة !!! كيف و أنتي متغربة!! :( >>>>>>>>>>>(وحده بتصيحك!!!)
بس ولايهمك حاولي تشغلين نفس والنت موجود عندك أحسن من غيرك اللي لانت و لا غيره!!!!!
وأن شاء الله أنتي قدها وقدوووووووود...
ولو إحتجت أي شي أحنا موجودييييييييييين..أنتي آمري بس..
بالتوفيق...
c u late

أختك...Excellent

[بسكوته]

تسلمـــــــــــــــــــــ ـــــــين اختي excellent ويكفيني احساسك الصادق والله
لك عندي بسكوته بس اشوفك :)

[الماسي]

العزيزه بسكوته .................................................. .................................................. .................................................. . تحيه طيبه

ويعطيك العافيه وانا سعيد بصداقتك واخوتك واتمنى ان اكون عونا لك في مسؤوليتك الحاليه .


أخوك الماسي

[بسكوته]

تسلم ياأخوي الماسي والله لا يحرمني منك ولا من كل الأخوه والأخوات اللي من جد ماقصروا معي
ومن جد يكفيني مشاعركم وإحساسكم الطيب معي يضيع كل تعب
حياك أخ وصديق ويعطيك الف عافيه :)

[محمد الثاني]

هلا بك اختي بسكوته

صدقيني دامك في هذا المنتدى لا تشيلي هم الصداقة ابدا

[ابوذياب]

اختي بسكوته انا اتفق مع اخوي ابو علي واقول لك طنش تعش تنتــــــــــــــــــــــ ـــــــــــعـــــــــــــ ــــش

وانا تراني مثلك مستجد ولكنني مطنش وصاير من كثر التطنيش معاد احس الله يعين طلابي

never say u r alone..WHEN..iam still alive

[بسكوته]

من جد يسلموووووو للجميع وكل شخص يكتب لي ولو حرف ماتدرون ايش كثر افرح ونفسيتي تتحسن
الله لايحرمكم الاجر انشالله ويعطيكم الف عافيه :)

[رفيع الشان]

بسكوته الله يعينك
وتسلّي بالبسكويت وغمسيه بالشاي ههههه

وابنصحك خذي دلة القهوة بالعصر وسيّري على جيرانك
وخصوصاً العجايز وسولفي معهم والله ونسة
وتنبسطي

هذا رأيي علّه يفيدك هههههه
أجمل تحية لكي
talal alharbi

[بسكوته]

:) يسلموووووووووو على اقتراحاتك ياطلال عاد تخيل ماأعرف أحد هنا لا عجايز ولا غيره بس اخذ دلتي المدرسه ..

[عنقليزي تيتشر]

أختي وزميلتي بالمهنة القريدة بسكوتة ... أنا مريت باللي انتي مريتي فيه وكانت حالتي اسوا منك لاني كنت مع صديقتي كانت روحنا وحده ولكن بجسمين ,, وتعبت نفسياتنا جميع واكلنا من هم الغربة الكثيييير واستمرينا بالوضع هذا 3 سنوات ولكن للاسف بالسنة الاخيرة كل شي بينا انتهىى,, ولا كان حنا عرفنا بعض بيوم والسبب؟؟ انحراف فظييع بالسلوك بدر منها ,, حالوت اساعدها وانصحها لكن خلاص العناد والمكابر تمكن منها وانتهينا ,,, وعشت غربة اصعب واسوأ من اول ماتعينت ,, ربتي بعيد عنها وغربتي بداخل نفسي اني موقادرة اعيش بدونها ,, والحين نقلت انا وهي والله بنفس السنة وشوقي لها كثيييييير بس سمعة البنت الزم شي لها ولااقدر ارجع العلاقة ,,, مااكذب عليكم اشتااااق لها ولسوالفنا وحركاتنا والواقف اللي مرينا فيها ,, والله والله أكتب الكلام هذا الحين وانا دمعتي على خدي مقهورة على نفسي ومن الدنيا اللي فرقتنا ومن اللي خربها وخلانا نفترق ,,, صدقيني غربتي بعد ماتركتها اسوا اسوا اسوا ,, وتمنيت اني ماعرفت الصداقة بيوم وانحرمت منها لاني تعبت اكثر ,,, لكن الدنيا علمتني ان الصداقة مثل دقات القلب ان راحت ماترجع ولاتقدرين يوم من الايام تكونين صداقة جديدة,,, حاولت كثير بس ماقدرت ,, كنا نعرف بعض انا وهي من ايام متوسط وتخرجنا من الجامعة مع بعض وتعينا جميع يعني عمررررررر وكل كبيرة وصغيرة بحياتي شاركتني فيها ,, شلون بلقى صديقة تعيش معي عمري اللي راح غيرها,, اشتاق لها واحبها واعزها مع ان تصرفاتها ماريحتني بس وش اسوي ,, اللي بينا عمر ,, مافي شي ممكن يمحيه ولايخفيه,, اااااه فتحتي علي مواجع ,, أتمنى اعيش صداقة جديدة لكن كل مااحاول اكون صداقة جديدة مااقدر,, احسها متمكنة مني وكل صديقة جديدة اقارن بين علاقتي معها وبين علاقتي اللي كانت مع الصديقة الوحيدة ,, وبالذات اني كبرت من غير مايكون لي اخت قريبة لعمري ,, سامحوني مادري وش فيني كتبت كلام كثير وازعجتكم بس الله يهديها بسكوتة جات ع الوتر وجرحتني ,,,,, ودمتم ,,,,

[ابوذياب]

يا كثر ما في الدنيا من ماسي

الله يلم الشمل من جديد انا حاس بالمأساه ماعادني بعيد وابكي

[miss. English]

اما اتغرب عشان وظيفه كثري منها..
انا يوم شفت المشوار طال ومسخها قمت اصيح ابغى ارجع :(
اييييييييه ياحزم الظامي...
الله يعينك ويعينا ياقلبووو عزاك ان الوضع ذا باختيارك..
ترى كلنا بالهوى سوى..واختك في الله تطق يوميا ثلاث ساعات لمنطقه كلمة نائيه قليله عليها
وبالاخير ادرس طالبه وحده بسسسسس مدري وش حاجتها للانجليزي
يمكن تكلم معزتها انقلش :(
يعني من جد احس مالي دااااااااعي...ودي اتقاعد.. بس المشكله لي اسبوع بس من داومت :(

[أمير الحرف]

والله يابسكوته موضوعك رائع والاروع المشاركات المؤثرة بالموضوع ولكن الله يعينكم بزمن الغربة لعلها أزمة وتنحل باذن الله واحلى مافي الغربة كما ذكرتي الصداقة فهي التى تنسي الانسان هم الغربه ويجد صديق يبوح له بأسراره الشخصية او غيرها ويكون مستودع فكرى له ومخزون لاينضب من الانسجام .
صحيح البسكويت له دور مع شاهي العصر لكن الاحاسيس وتبادل المشاعر هى الاهم . شكراً لك على هذا الموضوع ولعل الشئ المهم كيف نختار اصدقائنا . بورك فيك ,,

[شوشو]

بسكوتة صديقتي ..

ترانا كلنا مرينا بظروفك ويمكن اكثر ..

بس ماعليك إلا الصبر .. الصبر مفتاح الفرج .. وهذي هي الحياة .. اللي له هدف وطموح .. لازم يتعب .. مافي شئ يجي بالساهل ..

وبعدين انت في بلدك .. يعنى لا تسميها غربة .. كلنا اخوان واخوات في الله ..

انا صبرت 4 سنين والحمد لله دحين بين اهلي .. لكن بالرغم من كدة .. صدقيني مفتقدتهم كلهم .. كل اللي كانوا معايا ..

والأيام والشهور والسنين بتجري بسرعة .. بكرة تشوفي نفسك عند اهلك . ان شاء الله ..

وكلنا معاااك ..

[محمد سالم المطو]

after all I have read Ican`nt say anything but I can say the life still good! Isn`t it?

[ahmed]

السلام عليكم 0
بالنسبة لي شخصيا انا صديق الى كل الاخوة والاخوات في المنتدى الرائع واي شى تحتاجين انا حاضر ارض العراق ترحب بالاشقاء السعوديينونحن جربنا الاخوة السعوديين لو ما السعوديين ما عدنة انترنت لحد الان

[green]

dear bescoota , i wish u have a great relaxtion and breathe deeply the soul of hope of salvation .soon u will be with your family friend . Just keep yourslf busy most of the timeeeeeeeeeeeeeeeeeeeeee
your brother Green !

[نوران]

بسكوته الحبوبه..
آآه..قطعتي قلبي ..
أنا فيني عيب إذا أحد متضايق أو عنده مشكله أعيش نفس جوه على طول اليوم ..اتذكره كل شويه ..واذا شفت نفسي متضايقه ادور السبب اكون قد فكرت في مشكله احد او سمعت خبر مو حلو في التلفزيون.. صفة متعبتني ..اعصابي دائما مشدودة..صداع و قولون وقله اكل..ادعوا لي ابطل تفكير في كل الدنيا..
بسكوته..انا معك قلبا وقالبا واذا بغيتي اي شيء آمري ..
اختك نوران..

[الريشة الذهبية]

الله يعينك ويصبرك
انا متغربة مثلك لكني اتردد
لكن كونك مستقره احسن لك واريح نفسيا
وإن شاء الله تنقلين عند أهلك بأسرع وقت
الله يوفقك

[أروى]

اهئ اهئ اهئ ........ الخ :(

بسكوته انا زيك متغربه ومع هذي الغربه المدرسه بعيده عن البيت يعني سفر ثاني وغربه ثانيه لان اقرب سكن للمدرسه تقريبا 80ك .. اهئ اهئ
يعني مو بس غربه .. لا اجلس على اعصابي الين اوصل المدرسه :(

بس اللي مصبرني ياقلبي .. ان الشي هذا باختياري انا .. واعرف ان بعد التعب راحه .. واعرف اني جالسه ائمن مستقبلي ومستقبل اولادي واساعد زوجي بكره ..

ولا تنسي يابسكوته الزحمه ايام التقديم :p
ياما زاحمنا عشان نوصل للشباك ونسلم استماراتنا هههههههههههههههههههههههه وماوصلنا الا والشعر طاير فوق والشبصات طايحه عالارض ههههههههههههههههههه
وياما تابعنا الجرايد نستنى النتيجه هههههههههههه

والحين طفشنا من الغربه :p
حريم مالنا خاتمه :D

حبيبتي انا حاضره اكون صديقتك واختك وكل شي .. وانا انسانه لو عمري صغير بس مريت بظروووف اكبر بكثير من ظروفكم وانا حاضره لاي استشاره ياعيوني ..


حياتي تسبق تحياتي ..
أروى

[Vixen]

اه يا بسكوته لو سكتي مو احسن هههههههه وربي اقرا موضوعك والردود وببكي بس صدقيني هي مسالة تعود فقط وانظري لمصيبة غيرك تخف مصيبتك والحمد لله عندك نت اهم شي اختك في الله اللي هي انا لا نت ولا تلفون اصلا وعشان ارتاح نفسينا تعاقدت في 7 مناطق نائيه طبعا من فتح تقديم 180 وانا فرفره بذي القرى ابي ارتاح نفسيا لكن اكتشفت ان السالفه تحملي واصبري وحاولي تتعودين على الوضع الجديد فعلا احنا كنا بلامسؤليه واصبحنا نتحمل كل المسؤليه من اول بظهر امي وابي وما ابي والحين لا امي ولا ابوي ولا احد حتى من قبيلتي هههههههههه انا اعتمد على نفسي بكل شي وصدقيني راح تتعودين عليك بالدعاء والله بيكون معاك ان شاء الله.وصدقيني انا اول مره ادخل للمنتدى لكن حسيت اني اعرفه من زمااااااااان يعني ان شاء الله وين ماتروحين بالمنتدى ولا وش ما تقولين بيكون متنفذ وراح تلقين الجميع حولك هذا اللي حسيته منهم الحمد لله واذا تبين شي انا حاضره انتي امري بس :)
تحياتي للجميع