المساعد الشخصي الرقمي

مشاهدة النسخة كاملة : الوزراة حاسدتنا على راتب الشهر اللإضافي !!! للأسف مالنا حظ


ابو رائد
14-10-2005, 05:42 AM
للأسف المعلم ماله أحد يدافع عن حقوقه

المستوى الاول والثاني يعادل المرتبة الخامسة

لكن الوزير الله لا يبارك فيه ولا في راتبه ولا في ماله حرم جميع المعلمين المستحقين من الراتب الاضافي الذي أمر به الملك عبدالله
اذا المعلم في المستوى الاول والثاني لا يستحق الراتب الاضافي من يستحق اذا ؟؟

تقول الوزارة المستحق فقط هم من على بند الاجور من المستخدمين والكتاب والحراس والفراشين فقط !!!!!!!!!!!!!!!!!!!!!!!!!!!!!!!!

الخبر هنا

الحميدي لـ (الرياض): معلمو المستويين الأول والثاني لا يشملهم راتب الشهر الإضافي

http://www.alriyadh.com/2005/10/14/article100624.html




لو فيه جمعية للمعلمين تحميهم من الظلم لصرفت الزيادة وقبلها الراتب في شهر 7

لكن لا نقول الا حسبنا الله ونعم الوكيل
زهرة وفى
14-10-2005, 05:52 AM
يافرحة ماتمت

لاحول ولا قوة الا بالله

الرزق على الله ...لو على الناس كان ماخذنا شي

رزقنا في السما وماوعدنا به رب العزة والجلال

والا راتب اضافي لهم مانبيه حسبي الله وكفى شي يكدر الخاطر لاني بالفعل كنت راح اسوي فيه شي
الله يعين
Out OF ReAched
14-10-2005, 06:16 AM
لو بيدهم منعوا الزياده بعد

حسبي الله ونعم الوكيل
ابو رائد
14-10-2005, 06:20 AM
انا متاكد 100% ان المستوى الاول والثاني يستحق الراتب الاضافي بنص المرسوم الملكي بفقرة ( ومايعادلها ) والثاني يعادل المرتبة الخامسة




هذي عيون الناس

كفانا الله شرها


لكن الله يعوضنا ويعوضكم بخير منه ان شاء الله
ابله منى
14-10-2005, 02:22 PM
الحمدلله على كل حال
على الاقل الضعوف اللي على بند الاجور يجيهم شي .. ازين مايقولون بعد ماله داعي !
معلم الأجيال
14-10-2005, 02:54 PM
حسبي الله اليه المشتكى ونعم الوكيل
smasm
14-10-2005, 02:57 PM
يافرحة ماتمت

لاحول ولا قوة الا بالله ...... حسبي الله ونعم الوكيل

الرازق في السماء والحاسد في الارض

هذا بركات وزيركم الله لا يسلم فيه عرق
واصل
14-10-2005, 03:12 PM
الدرجة الخامسة تبدا من 3190ريال
بينما يبدا المستوى الاول من 3450 ريال
واعتقد ان القرار يقول او ما يعادلها
وانا بصراحة من البداية متوقع ان الراتب الاضافي لا تشملنا
ولكن بعض اصحاب الاشاعات جعلوا البعض ينتظر الراتب الاضافي و يبني عليه امالاً و احلام وردية
تبخرت مع هذا التصريح

نسال الله لوزيرنا التوفيق و السداد و ان يكون باب خير لنا
ونسال الله ان يسخره لينتشلنا من حضيض المستوى الثاني الى مستوياتنا المستحقة في هذا الشهر المبارك
والا يعطينا هالراتب الاضافي احسن له :)
الحمد لله البترول زايد و الاقتصاد في تحسن
شمعة غلاي
14-10-2005, 03:53 PM
يوووه وش الخبر الي يبط الكبد علي هالظهر...
لاحول ولاقوه الا بالله ... قهر وش ذا كل شوي لهم كلام هالوزاره استغفر الله بس
ابن هالأرض
14-10-2005, 05:55 PM
يا عزيزي وزارتنا الله يعيننا عليها بخير

والا يوم جت الزيادة اصرت تبي آليه أما الخصومات فالنظام واضح وصريح
smasm
14-10-2005, 11:12 PM
اخوي كل الوزارات و منها الخطوط السعودية عادلة المرتبة الخامسة الي الدرجة الاخيره في المرتبة لان القرارما حدد الدرجة مجرد تحديد المرتبة وبس يعني اي موظف مو علي مرتبة اعلي من الخامسة وراتبه يعادل رتب موظف علي المرتبة الخامسة الدرجة 15 ((5990 ريال )) يستحق راتب اضافي
ام ماجدولين
14-10-2005, 11:22 PM
ما قصرت اخوي ابو رائد ...كثر من ها الاخبار ,,,,,,,الزينه ...حسبي الله ونعم الوكيل

المنحوس منحوس ....لو علق على بابه فانوس .....

ـــــــــــــــــــــــــ ــــــــــــــــــــــــ العوض على الله ـــــــــــــــــــــــــ ـــــــــــــ
$ يزيد $
15-10-2005, 05:05 PM
حسبي الله ونعم الوكيل حسبي الله ونعم الوكيل حسبي الله ونعم الوكيل
Not Yet !!
15-10-2005, 05:53 PM
الحمد لله على كل حال
mamoza
15-10-2005, 06:20 PM
يا حلويـــــــــــــــــن

وكلوا امركم لله ... هو حده العالم بالاحوال

تدرون ... انا مثلكم انصدمت بالخبر لما قريته بالجريده
و كنت امني نفسي بالراتب الزياده
على العموم .. اختكم ما قصرت بحثت في النت عن تفسير للمشكله
وفجأة لقيت في موقع الساحه السياسيه هذا التعميم العاجل و اتمنى ان يكون صحيح مش فبركه
http://i23.photobucket.com/albums/b386/mamoza/paper.jpg
ابو رائد
15-10-2005, 10:27 PM
ماعتقد انه صحيح هالتعميم

لانه لو كان صحيح كان انتشر بين الناس
الغاليه
16-10-2005, 08:50 PM
صراحة انصدمت.. الراتب اللي بيخلينا ننسى اخلاقياتنا..وإننا في شهر رمضان الكريم..

ونقوم ندعي على غيرنا بكل هالحقد حتى لو كان ظالم..هالراتب مانبيه..مستغنين عنه..

خساره نقول مثل هالكلام عشان مجرد راتب اضافي..

الله يهدينا ويعوضنا باللي احسن منه وافضل.. رحمته وعتقه من النار..
ابو رائد
16-10-2005, 10:00 PM
صراحة انصدمت.. الراتب اللي بيخلينا ننسى اخلاقياتنا..وإننا في شهر رمضان الكريم..

ونقوم ندعي على غيرنا بكل هالحقد حتى لو كان ظالم..هالراتب مانبيه..مستغنين عنه..

خساره نقول مثل هالكلام عشان مجرد راتب اضافي..

الله يهدينا ويعوضنا باللي احسن منه وافضل.. رحمته وعتقه من النار..


اختي قد يكون معك حق

لكن لا تلومي المظلوم

الوزير منذ استلامه للكرسي قام يهدد ويتوعد المعلمين بالفصل والاستبعاد وكان تخبطات الوزارة والتعليم وسوء خلق الطلاب هو بسبب المعلم. هل هذه اخلاقيات وزير ( تربية ) ؟
gold star
17-10-2005, 01:22 AM
ما اقول الا حسبي الله ونعم الوكيل والله عاقدين امال كثيره على ها الراتب لكن الله يقطع رزق اللي قطع رزقنا بس000
teller_of_moon
17-10-2005, 03:06 AM
الله ينتقم منهم



واملنا بالله ثم بالملك عبد الله
teller_of_moon
17-10-2005, 03:26 AM
ربي يحاسبهم انشالله


ياويلهم
الغاليه
17-10-2005, 09:25 AM
ليست أخلاقيات وزير تربيه... لكن خلنا نكون أحسن منه وأخلاقياتنا تعكس صورة التربيه الصحيحه..
داااانه
17-10-2005, 09:39 AM
حسدوا الاعمى على كبر عيونه ) -:
مانقول الا حسبي الله ونعم الوكيل
الله لا يجعل رزقنا بيد الظالم
English Lover
17-10-2005, 03:02 PM
ياأخوان ممكن اذا أحد يعرف صحفي او رئيس تحرير يخليه يكتب عن تظلمنا ومعاناتنا بالصحف يمكن يوصل الصوت لمسؤول يخاف الله ويسوي شي لازم يكون لنا رد فعل لان اللي يسكت يوكل حقه ويقعد يشيل الغبن في قلبه
fbajubair
17-10-2005, 04:37 PM
الدرجة الخامسة تبدا من 3190ريال
بينما يبدا المستوى الاول من 3450 ريال
واعتقد ان القرار يقول او ما يعادلها
وانا بصراحة من البداية متوقع ان الراتب الاضافي لا تشملنا
ولكن بعض اصحاب الاشاعات جعلوا البعض ينتظر الراتب الاضافي و يبني عليه امالاً و احلام وردية
تبخرت مع هذا التصريح

نسال الله لوزيرنا التوفيق و السداد و ان يكون باب خير لنا
ونسال الله ان يسخره لينتشلنا من حضيض المستوى الثاني الى مستوياتنا المستحقة في هذا الشهر المبارك
والا يعطينا هالراتب الاضافي احسن له :)
الحمد لله البترول زايد و الاقتصاد في تحسن

وزير أول ما يجي يعين المعلمين بنظام تعاقد. أول ما تعين يتهدد ويتوعد بفصل أي معلم متساهل أو متلاعب وكأنه داخل حرب مهو وزارة. وزير يجيله واحد يطلب منه نقل خارجي لظروف والدته الصحيه يقول له قدم استقالتك. بالله أش تتوقعون منه. اللي صفقوا له طالعوا لمظهره بس ماطالعوا جوهره

ودمتم معلمين أقصد سالمين,,,,,
clear 2005
17-10-2005, 08:09 PM
السلام عليكم ......
أخوتي بخصوص الراتب الاضافي اناسمعت انه الخبر المنشور في الجريدة غير صحيح لانه المدير الحميدي في اجازه منذ شهر وايضا ان المعلمين على المستوى الاول والثاني مستحقين للراتب الاضافي .....فخلو الامل بالله كبير ولا تستعجلو ومثل ماقالت الاخت الغاليه يجب ان نبتعد عن سوء الاخلاق خاصة في هذا الشهر المبارك.......
اتمنى يسعدكم الخبر
بس اصبروا.........
انا الخبر سمعته ومن اخبرني اكده لي .....
wfaa
17-10-2005, 08:59 PM
السلام عليكم ورحمة الله وبركاته

الحمد لله اذ جا الراتب و الله لا المهم المستويات لازم نطلب فيها حرام والله ..
just-a-teacher
17-10-2005, 09:01 PM
احد يفهمني انا على المستوى الاول الدرجة الرابعه...يشملني الراتب الزيادة ولا لأ؟؟؟

احد يرد علي...ولايصدمني...والله صدمه اذا ماينزل هالراتب؟؟؟

انتظر الرد ...
Good night
18-10-2005, 06:53 AM
نعم يشملك .. إذا كان فيه راتب بالاساس
just-a-teacher
18-10-2005, 07:28 PM
انا كلمت جريدة عكاظ وقالوا لي ان الخبر رسمي ان المدرسين بالمستوى الاول والثاني راح يستلمون دبل الرواتب....وانتم الله يخليكم مسووين زحمة والشارع فاضي...وعندي تعليق بسيط على رد الاخت الغالية..مثاليتك تتعدى الواقع..
غروب العمر
18-10-2005, 08:23 PM
التعميم المرفق في مشاركة الأخ mamoza غير صحيح ... مفبرك للأسف ..
المعلم والمعلمة شماعة لأخطاء المجتمع ...
mamoza
19-10-2005, 08:31 AM
اخواني و اخواتي

اعتذر عن ارفاق التعميم لم يكن لي علم بانه مفبرك
ما كنت اظن ان فيه من يجرأ على اصدار تعاميم رسميه مفبركه
العذر و السموحه منكم