معلمات المدينه خاصة تكفون ساعدوني والمعلمات عامة

[بنت المدينه ...]

كيفكم يالغاليات


انا اول مرة اطلبكم بغيت منكم خدمه تكفوووووووووووووووووون



انا اذرس بالجامعه وهذي اخر ترم والترم هذا راح يكون تربية عمليه


فابغى منكم طلب


تدلوني على احسن المدارس بالمدينه وهل الافضل للتدريب الثانوي ام المتوسط من حيت الطالبات والمديرة والمعلمات خاصة تخصص الانجليزي


وكمان ابيكم تعطوني نصائح تفيدني بهالموضوع


وكيف اتعامل مع الطالبات والجميع


سالتكم بالله لاتردوني باي شي يفيدني سواء بالتدريس او التعامل



ربي يسهل امور من يجاوبني ويريحني



تكفون ارفعوا الموضوع ربي يرفع قدركم

[Child's teardrop]

شوفي يا اختي احس مافي فرق بالنسبة لطالبة التربية العملي بين المراحل انا خرجت متوسط وثانوي وكلها الحمد للة توفقت فيها خرجت المتوسطة الخامسة عشر في الحرة الغربية وايش اقلقك رحت وجيت ما شفت المديرة اهم شئ علاقتك مع المديرة والمدرسات انك تلتزمين بالزي تلتزمين بمواعيد الحصص حاولي ماتتغيبين دخول حصص الانتظار من غير تذمر
علاقتك مع الطالبات تكون مبنية على الاحترام لا تعطي البنات مجال انهم ياخذو ويعطو معك في الكلام عشان يحترموك حاولي تكوني وسط بين الشدة و اللين كمان خرجت ثانوي الثانوية الاولى مديرتهم شديدة صراحة وهذا راح يخدمك عشان ينظبط الطالبات وان شاء الله تكون المشرفة عندكم فاطمة شربة انسانة جدا محترمة ونموذج مثالي لممعلمة المحترمة واذا احتجتي شئ اسالي

[shy-rose]

اهلين و سهلين ببنات المدينة :smile (35):

أنا قرأت هالموضوع في منتدى ثاني إذا ما خاب ظني صح و لا لأ ؟؟؟؟؟؟؟؟:smile (83):

شوفي يا قمر المتوسط أحلى لإن الطالبات اصغر و لسه فيهم براءة مو زي الثانوي لكن مناهجهم شويه يبغالها معلمة متمرسة خاصة ثالث متوسط .... لكن حاولي إذا مسكتي متوسط تأخذي أولى متوسط مررررررررررررررررره منهجهم كيوت و يجنن و فيه مجال للابداع و حاولي قدر المستطاع تتجنبي منهج ثالث ....

الثانوي مناهجهم لسه القديمة يعني حلوة و سهلة لكن المشكلة في الطالبات :smile (32): طبعا مو كل الطالبات لكن الاغلب ...... و انتي توك جديده يعني صعب عليك شوية التعامل معاهم خاصة لو كانوا........ :smile (88):

يا قمر أنا نزلت متوسط في مدرسة اسمها الثانية و الاربعون في حي العصبة .... أول مره رحت المدرسة اتحطمت بصراحة لان شكلها يسد النفس :smile (30): لكن الحمد لله طالباتها كانوا مررررررره مؤدبات و معلمات الانجلش كمان .... لكن المديرة نص و نص

ادري اني طولتها و هي قصيرة لكن زي ما قالت لك yellow face خليكي ملتزمة بحصصك و لبسك و محد له كلمة عليكي

بالتوفيق يا قمر

[dreamy rose]

و أنا كمان أأيد المتوسط لأنهم لسه صغار سهل تتعاملي معاهم و حاولي قد ما تقدري تاخدي منهج أولى متوسط لأن الإبداع فيه أكثر ...... أنا نزلت في متوسطة في حي السحمان نسيت اسمها صراحة يمكن الـــ 17 ماني متأكدة بس كانت مديرتها طيبة

و بالتوفيق إن شاء الله


تقبلي تحيات أختك ,,,,,,,, dreamy rose

[BloumagrieT]

السلام عليكم ورحمة الله وبركاته

حياها الله أختنا السكرة

بنت المدينة ...

الله يكتب التوفيق إن شاء الله

لكن بالنسبة للمراحل الأفضل تبدئي متوسط طبعاً

عموماً الجامعة أول شيء ينزلوهمـ متوسط وإذا في فائض أعتقد ينزلوهمـ ثانوي

على أيامي كان كذا الأولوية للامتياز ومن ثمـ البقية في حكاية الرغبات

أنا نزلت تربية عملي في المتوسطة الأولى وكانت حلوة

يمكن لأني مع صاحباتي لكن حالياً ما أنصحكـ فيها

جربي المتوسطة الـ 51 في الخالدية المعلمات اللي فيها حلوين

والمديرة كمان ومستوى البنات كمان طيب ومعقول

كمان المتوسطة الـ 53 خلف مفروشات العامر سمعت انها طيبة

هذا اللي عندي الآن يا قمر والله يكتب لكـ التوفيق

[مهــا]

يلوفيس

شاي روز


سوسو

دريمي روز


الله يسعدكم يارب


..

[بنت المدينه ...]

صراحه الله يسعدكم ريحتوني

http://www5.0zz0.com/2007/12/07/20/61043092.gif