مشكلتي آخذ وقت لما أتكلم إنجلش شو الحل؟

[روحي وحيده]

السلام عليكم
سعدت كثيرآ بإنضمامي لكم
بهذا المنتدى الرائع
وحبيت أسدح مشكلتي في
ذا
أنا قسم أدب إنجليزي
مستوى ثاني ولله الحمد
عندي لغه لكن أحيانآ آخذ وقت
لما أجي أتكلم
يعني أفكر قبل ما أتكلم ..
وهالحركه تمنعني أحيانآ إني
أشارك مع الأستاذه بالمحاضره
أتمنى تعطوني نصايحكم القيمه
وتفيدوني جزاكم الله خير

[فـيصـل]

حياك ربي وحنا سعدين بتواجدك معنا


بخصوص موضوعك فاللي يظهر لي انك ما تمارسي
بعض المهارات على سبيل المثال ::الاستماع::


واللي يظهر انك ما شاء الله تقرأي بشكل جميل ولذا لغتك في الكتابه
ممتازه



شوفي وانا اخوك الحقيقه مشكله التردد في التحدث امام الاستاذ
والسبب هو صعوبه الرد بشكل سريع
واجهتني شخصياً وكانت تعيقني عندما كنت في المستوى الثاني
تقريبا....



المسأله سهله...كل اللي عليك...هو


وخصوصا انك طالبة انقلش



* تسمعي + تسمعي+ تسمعي+ ((كل يوم اقل شيء ساعه))
والمجال مفتوح لك في أنك تسمعي اللي تحبي بس بشرط
يكون المتحدث "متحدث باللغه" يعني لغتة الام انقلش



* ثانياً انك تحاولي واثناء الاستماع تعديدي بعض الجمل...
على سبيل المثال في اثناء الحديث قال واحد من المتحديثن
Where you've been last night
بمجرد ما تسمعيها حاولي انك تكرريها بنفس النطق
استمري على هذي الطريقه مع الكلمات ايضا...يعني يقول كلمه معينه
عيدها بعد ما يقولها وحاولى تنطقيها مثل ما ينقطها


((هذي الطريقه تخلي عندك جرأه وتطور اللكنه بشكل رهيب))



* ثالثا وهي المرحله تقريبا الاخيره ,,,انك توقفي قدام المرايه وتجلسي تطرحي اسئله وتجاوبي لمدة ربع ساعه يوميا....طبعا بيجيك كلام ويقول اكيد صار فيها شيء
بس ما عليك استمري على هذي الطريقه ...وراح تتطور لغتك بشكل ما تتصوريه





هذي بعض النقاط قلتها لك
واهم شيء يكون عندك اراده وحب للتعلم
وصدقيني راح تتطورين وتصيري بروفشنال في فتره وجيزه



الله يسعدك اي سؤال انا حاضر

[روحي وحيده]

مشكور يا أخوي
الله يعطيك ألف عافيه
نصايحك مهمه جدآ
المشكله في بعض الأستاذات
هداهم الله يضحكون على
أخطاء الطالبات وهو مافيه
أحد منا مايغلط
أنا أتابع برامج بالإنجليزي
لكن مو مره أفادتني
ممكن تنصنحي شنو أسمع
‏<‏ قنوات أو أو أشياء أسمع لها ؟

[فـيصـل]

اوك بصلي بس وبرجع اكمل لك

[فـيصـل]

اوك ...
اول شيء المدرس او الاستاذ اللي يضحك والطلاب جالسين يتعلموا
اعتبره معلم ناقص ((المعلم ماشاف نفسه يوم كان يتعلم))

وعلشان كذا انصحك انك ترسلون لها بطريقه غير مباشر
وتقولوا لها ان الاسلوب هذا مو اسلوب معلمه
وتقولون لها ان الطريقه الهذي راح تكره البنات في الانقلش......الخ
بس بأسلوب طبعا



بخصوص موضوع الاستماع...

والله زي ما قلت لك اللي تحبيه حاولي انك تسمعي له...


طيب وش رايك في الاخبار....اذا انك تحبيها

انصحك بالمواقع التاليه
BBC
CNN
VOA


واذا مثلا تحبي انك تسمعي قصه واحد يسرد لك قصه مثلا

اكتبي في قوقل

" Audio stories"


او Audio novels




اذا مثلا جانب تعليمي

فيه مواقع كثيره تقدر تحملي المقاطع اللي فيها على صيغة
Mp3

وتحطينا في جوالك وتجلسي تسمعيها


وهذي المواقع تلقينها في الموضوع المثبت في هذا القسم

"فهرسة المنتدى".....المواضيع المميزه....::متجدد::
نفس العنوان ادخلي عليه وشفي المواقع التعليميه الصوتيه
طبعا مو كل المواضيع صوتيه بس فيه مواضيع ادخلي عليهم..وشفي اللي يناسبك

واذا مثلا ماا اعجبك شيء منها قول لي وانا ادور لك غيرهم

[الأمل القريب]

سبحان الله نفس المشكله اللي أعاني منها
جزاك الله الجنه أستاذ فيصل على النصائح القيمه
أعتذر على المقاطعه ..

[فـيصـل]

سبحان الله نفس المشكله اللي أعاني منها
جزاك الله الجنه أستاذ فيصل على النصائح القيمه
أعتذر على المقاطعه ..



حياك الله

الأمل القريب

لا مقاطعه ولا شيء الله يسعدك
بالعكس المنتدى منتداكم

واذا كنتي تعاني من نفس المشكله
فاتبعي نفس النصائح وان شاء الله تزول
مع مرور الوقت
وبعد شهرين راح تحسي بفرق
منذ بدئك في ممارسة ماذكرته


حياكم الله جميع
واي سؤال استفسار انا حاضر للجميع

[فاتح القدس]

شكرا فيصل وش خليت


ربي يجزاك الجنة

[روحي وحيده]

يعطيك ألف عافيه
بجد أفدتنا
وإن شاء الله بطبق
نصايحك القيمه
تسلم ..

[shory]

8
8
8

السلام عليكمـ...

شكرا للاستاذ فيصل ..حقيقي نصائح مهمه ورائعه استفدنا منها كثير...

انا من المتابعين يوميا لمواضيع سعودي انقلش بشكل عام ..وبصمتـ..

تقريبا انا اعاني من نفس المشكله الي هي speaking ..اقرا واتابع اترجم لكن

مهارتي في التحدث بطيئه ...صحيح استفدت من السنة التحضيريه كنا ندرس

جميع المواد بالانقلش ..لكن اعتقد ان مهارت التحدث اصعب مهارة ..خصوصا اذا

ماكان عندك في محيطك احد قادر ع الحديث معك بنفس اللغه...



واحب ابشركمـ..تخصصت تربية خاصه _اضطرابات سلوكيه وتوحد

SHORY

[نوافي]

يعطيك الف عافية استاذ فيصل

نصائح ممتازة

وفقك الله لما يحبة ويرضى
http://img412.imageshack.us/img412/4952/16mr1it31mj2bq4cj4.gif

[ساعة صفا]

I thank you very much فـيصـل So supportive tips
and I advise every one including my self
to do what they say
to improve our skill of speaking

[سمـ الاحساس ـو]

I think

you need to practice the language

too much

( speaking )

Good luck

[براءـهـ طفلـهـ]

فيصل


http://img74.imageshack.us/img74/3114/sdsdsd0yu.gif

[M.o_o.N]

فيصل

ربي ينور دروبك و يبارك في جهودك
الله يجمعك بأحبابك و يحفظك لحبايبك
بالفعل نصائح ذهبية أخوي ماقصرت كفيت و وفيت
الله يرضى عليك
شكرا جزيلا

[حتى آهاتي ماتت]

بالتووووووووووفيق ..!

[sanurita]

حاسة فيك أختي مريت بنفس البروبلم وللحين شوي اعاني منها
بس ماقصر فيصل ربي يعافيه قالك المطلووب وزود ‏..
بس بقولك السر اللي اتبعته وماتقولين لأحد هههههه ‏..
انا كل مايطري على بالي اخترع محادثه بين شخصين عن اي شي قصه فيلم موقف وت ايفر
واقعد اركب عليهم جمل واحاول انطقها زي ماسمعها بالأفلام ‏..‏ على فكرة الأفلام مرررره عطتني خلفيه ‏
عن كثير مصطلحاات وكلمات ماكنت اعرفها ‏..
طبعا كل هذا في أجوائي الخاصه بعيد عن الفاملي ‏....‏

أتمنى لك التوفيق ‏..

[ACME]

جميل هذا الحوار

كل الشكر يافيصل

[tuto]

يعطيك العافية فيصل
بجد نصائح رائعه
استفدت كثير منها

[لغة العيون]

http://img216.imageshack.us/img216/8275/goodtopicnw7.gif

[ثابته على قيمي]

مشكور يا أخ فيصل
كلام رائع يحكي واقع مجرب

[روحي وحيده]

sanurita
تسلمي وطريقتك حلوه

[أبو عمرو]

شكرا على السؤال وشكرا على النصيحة

بارك الله فيكم

[saroooooonah]

ياقلبي عليك انتي نفس حالتي ونفس مستواي


مصيبتي اذا جيت اتكلم اللي يشوفني يقول ماعمرها قرات حرف انجليزي << ماتعرف تبالغ ههع


بس عندي لك طريقه والله عن نفسي بدات اتحسن معها وتشجعني اروح اتعلم مفردات اكثر
ادري انها طريقه غريبه شوي بس حلووه

الطريقه هي : ( طبعا سارقتها من احد الاعضاء بمنتدى جامعتي ربي يجزاه الجنه)

جيبي مسجله صغيره او جيبي جوالك وافتحي التسجيل

واقعدي اقرقي وسولفي على نفسك قولي اي شي
انا اذا كنت بلحالي اقول اي شي صار لي واتكلم عنه
زي المذكره بس صوت .. هع

او جيبي اخوانك الصغار واقرقي على روسهم حتى لو مايفهمون تفلسفي عليهم وسجلي المقطع
كل يوم لمده 3 او 4 دقايق

صدقيني بتتجرأين أكثر وبتحاولين تبحثين عن مفردات اكثر


والله يوفقك وويوفق الجميع يااااااااااارب

تقبلي مروري واضافتي

[روحي وحيده]

مشكوره حبيبتي سارونه
ماعندي أخوان صغار
هع أنا آخر العنقود
‏<‏ قصة حياتها
يارب توفقنا يارب
ونصير نتكلم مثل
النيتف سبيكرز